لم يسبق له الزواج عمره 40 سنة. هل يخوف

[مرتبة]

السلام
رفيجتي متقدم لها خطيب عمره 40 سنة وهي بالثلاثينات بس هي متخوفه
من انه الى الان لم يتزوج هل معناته شيء
هل الرجل الي طول بالعزوبيه معناتها شيء فاسد
ياليت تطرحون قصصكم عن النموذج هذا
واشلون يكون تفكير الزوج المتزوج على كبر ى

 

[بكيزة هانم]

upup

 

[مرتبة]

Up
Up
Up

 

[ام جي جي الحلوه]

اب
اب
اب

 

[حبيبه العلي]

ماحبيت اطلع بدون رد

تحاول تعرف السبب وبعدها تحدد ممكن يكون مريض او غير مقتدر او يربي اخوانه الخ الاسباب

واذا على الفساد حتى المتزوج يقدر يفسد مو شرط العزابي

ولازم تستخير مو انها وصلت الثلاثين تتنازل

الله يوفقها حاولت اعصر مخي بقصه لكن مايحضرني شي

 

[ناتشوو]

خل تسأل عن وضعه حاليا
والزواج دايما مقلق
حتى لو المعرس عمره عشرين
وممكن بو20 يكون شبع فساد وخربطة
اهم شي يسألون عنه عدل
حاليا
بدوامه وربعه وجماعته
عن اخلاقه واستقامته
وبيعرفون ليش تأخر
الله يقدر لها الخيرة

 

[Um Tuki]

شلي يخوف
خل تسأل عنه
وايد ناس يفضلون يتزوجون على كبر يقولج بستانس بالاول بعدين اتزوج
يكون ركد و عقل
و في ناس تكون شايلة من بالها انهم يتزوجون عقب يقررون يتزوجون
الريال ما يعيبه شي عمره ٤٠ او ٦٠

 

[خلطات المذهله]

لازم يسالون عدل مهما كان هذا زواج صعب الطلاق عقب

 

[الأميرة جوري]

لااااازم تسال عنه بس العمر مناسبين لبعض

 

[mischocolat]

لازم يسئلون عنه عدل بالاول واذا الريال ما عليه كلام باخلاقه تتوكل على الله شو يعني 40 يمكن يكون اعقل بوايد من ابو 25
المسأله ما تنقاس بالعمر للريال

 

[((غلاي))]

ليش الخوف
وايد تزوجو بهالعمر
مو معناته شي
وخليسالون عنه
الله يوفقهم

 

[om deaj]

خل يسالون عدل وتاخذ وقتها بالملجة وتاجل فكرة الانجاب ليما يبين طبعه بالعشرة على الاقل سنة

 

[M!SS.LOBY]

الله يرزقها بالزوج الصالح
لا حبيبتي الموضوع حيل صعب متقدم لها عمره40 سنه ولم يسبق له الزواج أكيد فيه بلا دربالكم من هالاشكال هذي المعقدين المريضيين خلو الاهل يسألون والاخوان وسالو وين دوامه وسألو جيرانهم وعائيلته لا تظلمون البنت وتعطونها واحد ما تعرفونه ولا تخدعكم التصنع بالدين والكلام الحلو نصيحه

 

[Perfume]

احسن شي يسألون عنه
زوج حماة اختي كان بالاربعين لما خطبها
بس كان عنده مشاكل مادية والحمد لله طلع خوش ريال

 

[Arooj_r]

لامااعتقد يكون فاسد
ممكن سبب التاخير مسوليه او يكون حاله او شغله اخده من الحياه او كان يكمل دراسته

بس يسالون عنه احسن عشان يرتاح قلبها​

 

[shabh]

بقولك شغله اخوي

اربعيني وماتزوج بس وربي يشهد ماعنده خرابيط
ولاشي ومصلي وخايف ربه سبحان الله ربي ماكتب له للأن
الله يفرحنا فيه

​

 

[ضــمــاد]

عمي عمره بالخمسينات وللحين ماتزوج


حياته كلها بحر × بحر توه من جم سنه خف شوي عن البحر



فمو ضروري يكون فاسد لانه وصل لـ هالعمر وماتزوج



في ناس بذات اللي متولعين و عشاق ( البحر / البر / القنص )



حياتهم كلها تروح على هالأمور .. أعرف واحد وصل 36 وماتزوج حياته كلها فالبر



يرجع من الدوام يلحس لقمته يصلي العصر فالمسيد ويطير عالبر .. وبالليل يرجع يوميا ً



يطق مشوار من بيتهم لي البر .. ولما تزوج زوجته تقولي ماأشووووفه يجابل خرفانه أكثر من بيته لووول



فـ أنتي خليها تسأل .. هل اهو راعي بحر ؟ أو بر ؟ او قنص



ولو كان منهم هل عندها استعداد تتحمل وتصبر ؟ لانه مو بسهوله يتركون هالاشياء




وعسى الله يوفقها

 

[مرتبة]

شكراا لكم

 

[حصة2010]

كل شى قسمة ونصيب

 

[PuPa^^SWeeT]

تجتهد و تسال و تستخير