لم يسبق له الزواج عمره 40 سنة. هل يخوف

[عسل سل]

عادي احس ومناسب لج

 

[دلوعة أبوهآ]

العمر مايعني الفساد !!
ماتدرون عن ظروفه وحالته والمانع من زواجه طول هالفتره

السؤال والاستخاره افضل حل ..

 

[مدّهره !]

تتأكد من سبب تأخر زواجه ومو شرط شيء شين !!!

إذاا إقتنعت بالأسبااب تستخير وربي يوفقهاا ..~

أعرف وحده تزوجت واحد حول هالعُمر ولما سألتهاا هالعمر وماتزوج ؟؟؟

قالت لي إي قضى عمره يدرس برى وبعدين دوامه إنتدابات كل شوي منطقه ...~

والحمددد لله مبسووطه معااه وحياتهااا حلوه ^^

 

[امـ خــزامـى]

الله يوفقها تستخير وتسأل عنه

 

[اميره1980]

اعرف واحد تزوج فوق 40 سنة لان مو كويتي و لمن خذا الجنسية تزوج بعدها
كل انسان و ظروفه انتو سألو احسن من التخمين و القال و القيل و موفقين يا رب

 

[i'm so happy]

مافيها شي وبالعكس عمره حلو وزين 40 ناضج وعاقل وفاهم الحياه زين تسأل عنه مافيها شي
واهي بالثلاثينات تفكر زين وتقرر وربي يوفقها يمكن كانت عنده ضروف سبحان الله او شي امنعته على الزواج
والحين الله كتب وقرر يتزوج

 

[حبيبي مالكني]

مافيها شي عادي يمكن يكون نفسه يمكن كانت عنده ظروف
المهم تسال عنه اذا كانت اخلاقه زينة بس خلاص تتوكل على الله
اهي بعد مب صغيرة عمرها في الثلاثين
الله يوفقها ويستر عليها

 

[مرتبة]

رفع
رفع
رفع

 

[الاحساس]

سألوا عنه

 

[manoooram]

خليسألون عنه أهلها ويشوفون شنو وضعه
واذا فيه خير ربي يكتب لها

 

[ميـريام]

الله اكبر عليكم

عشان عمره 40 فاسد!
صلوا عالنبي شباب اعمارهم 18 يخربطون ومتزوجين يخونون على افا من يشيل
الحين يت على هالفقير المسكين ؟
خافوا الله شووي

صاحبة الموضوع حطي ببالج ان تأخره بزواجه مو معناته مخربط مثل مافي متزوجين بالعشرينات وبالثلاثينات عنده 20 بنت يكلمها غير زوجته هم شي متزوجين محترمين هم في عزابيه محترمين

سئلوا عنه هني مربط الفرس

 

[مريااانه 4]

اي والله يخخخوف

بس خليها تستخيير و تسال عنه وتششوف

 

[كنوستي]

لا حبيبتي مو شرط اعرف واحد ماتزوج الا فوق الاربعين لما توفى ابوه لان كان خايف يتزوج ويلهى عن ابوه فماتزوج الا لما توفى ابوه وهم اعرف واحد ماتزوج للحين لانه مشغول بتجارته من كثر الشغل ساعات ينام بمحلاته واهو انسان جداً محترم وهم اعرف واحد تزوج متأخر لان كان يحقق طموحاته صار دكتور وبعدين تزوج يعني كلش مو شرط انه تم عزوبي فترة طويلة يعني فاسد ممكن تلقين بو 20 سنة لاعب بالدنيا لعب فخل تسأل عنه عدل وتستخير والله يوفقها وتقبلي مروري

 

[WAAAW]

لاااااااااااااااازم يسالون عنه عدل .......... ليش ليلحين مو متزوج ؟؟؟؟؟؟؟؟؟؟؟؟؟

 

[المزيــونه]

مو شرط حبيبتي

هذا نصيبه يتزوج بهالعمر

خليها تصلي صلاة استخاره وبس

 

[جوك احلى جو]

لو خليت خربت مانقدر نظلمه كلن له اسبابه الحل تسالوووووووووووووووون عنه واذا كان في خير وريال صالح ياربي يكتبه له واذا كان شين ربي يعوضها باللي يسعدها ان شاءالله

 

[مرتبة]

رفع
رفع
رفع

 

[رنيم الروح]

حبيبتي مو كل من تاخر بالزواج كان السبب فساد او مرض واكبر مثال واحد من اعمامي ماتزوج الا لما وصل عمر40 والسبب انه كان يبي وحده يرتاح لها نفسيا ويحس في تقارب بالتفكير

 

[!! دلوعته !!]

اااااااااااااب

 

[تبيني آرضى عليك]

يسالون عنه
وخليها تستخير
الله ييسر لها اللي فيه الخير