للعنزيات وكل من تعرف لروب البيتي

[ديرتي الغاليه]

وشنو استخداماتج غير علي العيش

 

[أم حيدر]

تبين طريقة لبن روعه

روب بالخلاط على حسب تبينه خفيف او ثقيل وتحطين عليه قوطي صغير صودا ولمندوزي وملح وماي ونعناع يابس ضربي بالخلاط وعيشي حياتج

 

[GAP^^الكبيرة]

^^^^^^^^^^^

اشلون تسوينه لبنه او لبن؟؟؟؟؟؟؟؟

وشنو استخداماتج غير علي العيش

حبيبتي انا كتبت لج طريقه اللبن..

تقدرين تحطينه بطاسه عوده وتغرفين منها عادي او توزعينها بطاسات صغيره وهم تاخذين منها عادي
يعني حسب الوصفه جم كوب غرفي منه عادي وخلطيه مع النشا والماي وحطيه على النار ( او اذا كنتي تستخدمين بيض )

وبالنسبه حق اللبن انا اخلطه بالخلاط مع ماي و ثلج وملح و نعناع يصير منعش

وام حيدر ما قصرت

قوطي صغير صودا ولمندوزي

بس عندي سؤال... تقصدين الكلب صودا العادي؟... وشنو لمندوزي؟؟

بالنسبه للبنه انا ذاكره طريقتها بالموضوع وجربيها ترا وايد سهله ولذيذه خاصه مع الزيت الزيتون

http://www.q8yat.net/showthread.php?t=132099

بالنسبه حق استخدماتي ... بكل شي احطه مع التتبيل او مع البرياني او اقدمه على السفره مع خيار وثوم او اسوي رايتا

 

[غنوة ستايل]

اذكر الوالده الله رحمها تسوي الروب بالحليب النيدو و شويه روب جمعية
بس كان حاااامض ورووووعه
بس شلوووون ما ادري

 

[ديرتي الغاليه]

بعد قلبي يا gap>>ما قصرتي وذكرتيني بالبرياني يعطيج العافيه

 

[ابلة رسم كتكوته]

اول انا عبالي الروب اختراع
وانجاز
بس طلع حده هييييييين
مكتوبه طريقته على قوطي حليب التموين
يهبل جربته

 

[ام الملقوف]

شوفي حبوبة انا اسوي مثل بنت الاحلام بس احطة بالثلاجة محطة بل الفريزر

 

[اطباق ماي ورد]

شلونكم حبايبى

شفت الموضوع وقلت خل ادلى بدلوى انا بعد .... مع انى مو عنزيه

بس طول عمرى اسوى الروب بالبيت تعلمتها من امى الله يخليها من وانا صغيره ( قصة حياتها ....)

شوفوا انا اسوى حليب من بودر التموين مع الماى بس يكون شويه خاثر يعنى مو خفيف حوالى 8 اكواب

واسخنه على النار بدون لا يغلى بعدين ارفعه عن النار واخذ منه مقدار كوبين اخلطه بملعقه مع طاستين روب وملعقه وسط ملح

وبعدين اخلطها مع باقى الحليب واحطه بتبروير واسكره عدل واحطه بمكان يكون دافى

لا واغطيه بفوطه او كمبل قديم عندى عشان يدفى ....:dddds:

وخلاص خليه طول الليل بدون حركه ومن باجر شيليه وحطيه بالثلاجه جم ساعه عشان يبرد


واستعماله عادى مثل ما تستعملين الروب العادى فى اى طبق يحتاج روب

وممكن تسوين منه لبن باى طريقه تحبينها بعد ويصير روووووووعه




واذا تبين تسوين لبنه ترى سهله واااااايد ....



اخذى من هالروب اللى سويتيه الكميه اللى تبينها

وحطيها بشاش طبى وحطيه بمشخال ناعم ولفيه عدل

حطيه بالثلاجه وتحته باديه عشان تلقط الماى اللى راح ينزل منه

خليه طوال الليل وباجر افتحى الشاش واستخدمى اللبنه باللى تحبينه




وبالعافيه عليكم .:eh_s(6):

 

[ديرتي الغاليه]

ياحياتي يا كباشينو ما قصرتي.........

 

[اطباق ماي ورد]

ياحياتي يا كباشينو ما قصرتي.........

الله يسلمج حبيبتى

مشكوووره

 

[@راسي مرفوع@]

السلام عليكم بنات
ديرتي الغالية انا مثل طريقة البنات وماشالله عليهم عطوج اكثر من فكرة عشان الكل يستفيد بارك الله فيهم
انا عنزية وبصراحة طريقتي ما تفرق عن باجي البنات يعني حليب التموين تفوحينه بس يكون الحليب البودر زياده شوي وانطر لغاية ما يصير دافي وبعدها شوي ملح ونص علبة روب واغطيه وانا بصراحه اسويه قبل لا انام واخليه طول الليل ولما اقعد الصبح احطه بالثلاجة وسلامتج

 

[ديرتي الغاليه]

راسي مرفوع.................يا حياتي مشكوره وضبط معاي وااااااااااي يهبل