للعنزيات وكل من تعرف لروب البيتي

[ديرتي الغاليه]

قوووووووه ..............


اشلونكم شخباركم ؟

دايما اسمع ان العنزيات شاطرات بتخثير او ترويب او بالاصح يسون روب بالبيت ويستفيدون منه بالطبخات ويسون منه علي ما اعتقد لبن ؟


ياليت الطريقه والمقادير بالضبط وشنو استخداماته واذا باخذ منه لبن اشلووووووووووون ؟


ويعطيكم الف عافيه ..........​

 

[أم حيدر]

http://www.q8yat.net/showthread.php?t=216710

غالي والطلب شربت

سويه وادعيلي واذا اي استفسار انا حاضره

بس هااااااا ترى انا مو عنزية

 

[ديرتي الغاليه]

حسافه ام حيدر الرابط ما يشتغل؟

 

[GAP^^الكبيرة]

حبيبتي انا مو عنزيه بس طريقته سهله وايد
2 كوب حليب بودر وانا استخدم التموين وعليه 4 كواب ماي دافي و علبه روب انا استخدم نادك و بعدين اخليها تخمر بمكان مظلم 12 ساعه واحطها بالثلاجه جم ساعه وخلاص استوت الروب

 

[ديرتي الغاليه]

بس حق شنو تستخدمينه ؟ يعني شلون تاخذين منه اذا بغيت لشيش برك ( اذان الشايب)او بغيته لبن لشرب

 

[GAP^^الكبيرة]

تقدرين تحطينه بطاسه عوده وتغرفين منها عادي او توزعينها بطاسات صغيره وهم تاخذين منها عادي
يعني حسب الوصفه جم كوب غرفي منه عادي وخلطيه مع النشا والماي وحطيه على النار ( او اذا كنتي تستخدمين بيض )

وبالنسبه حق اللبن انا اخلطه بالخلاط مع ماي و ثلج وملح و نعناع يصير منعش

 

[أم حيدر]

مبارك عليكم الشهر وعساكم تعودونه مع حبايبكم بصحة وستر وعافية

يتلي رسايل خاصة يسألوني فيها البنات عن طرقة الترويب بالبيت وهذي الطريقة :



المقادير 4 اكواب حليب بودر ( انا استعمل ابو قوس وفي ناس يحبون حليب التموين )+ 6 أكواب ماي + طاستين روب + قفشتين اكل لبنة بينار

اول شي تذوبين الحليب بمقدار الماي على نار متوسطة وتظلين تحوسيييييييين لحد ما يفور الحليب

تكونين مجهزة من قبل :

1. طاستين الروب مخلوطين عدل عدل وياهم اللبنة
2. احسن شي جدر بايركس زجاج ومشخال

عقب ماغليتي الحليب تكونين حاطة فوق جدر البايركس المشخال ترفعين ايدج فوق وتصبين الحليب المغلي كله وتشيلين المشخال وتخلين الحليب لحد ما يدفى طبعا راح تتكون عندج طبقة فوق الحليب شيليها وقطيها

عقب ما دفى الحليب تيبين الروب وتصبينه شوي شوي وبقفشة بلاستيك تحوسين شوي شوي من تحت لي تحت لحد ماينخلط مع الحليب غطي الجدر ولفيه بكنبل بمكان محد يجيسه او يطقه لان بس ينطق الجدر تنكسر الروبة وخليها مدة 12 ساعة

وبعدين شيليها وحطيها بالثلاجة وعليكم بالعافية

 

[أم حيدر]

ولا تزعلين

 

[جرح الليالي]

يعطيكم العافية


انا نفس غابووش وتطلع عجيبة

 

[جارة القمر]

مشكورييييين

حبايب قلبي

 

[ديرتي الغاليه]

يا حياتي ما قصرتواااااااااااااااااا موووووووااااااااااااه شتبون بعد هههههههه

 

[srsr]

مشكووورين بنات ماقصرتو
انا كنت اضبطه بس الحين كلش موراضي يصك معاي مادري شنو السبب
اليوم بجرب طريقة او حيدر ونشاء الله تضبط

 

[مدام شيخه]

مشكورين يابنات ماقصرتوا سراحة امس وربت على حسب الطريقة بس طلع تروبيب عجيب

 

[بنت الاحلام]

هلا وغلا اختي الغاليه

بقول لج طريقه امي
امي شاطره بالروب

الخاثررر


اهو تحطين ماي بجدر وتجيبين حليب السفتي

مال الجمعيه التمويل
وتحطين وتخلينه ثقيل شوي
حليبه


وبعدين تفورينه ع النار
واول ما يفور تطفين عليه
وتصفينه بجدر ثاني
وتخلينه لين
شوي يدفي مو بارد ولا حار

وبعدين تحطين عليه شويه روب
وتغطينه عدل

ولو تغطينه الجدر بشي
مثل بطانيه او شي فوق الغطا ماله
عشان يخثر
وتخليه كم ساعه
وبعدين تحطينه بالفريزين لما تشوفينه راب صار روب
حطيه بالفريزين
وبعدين الثلاجه وبس

 

[القرآن ربيع قلبي]

بنت الاحلام ماقصرت بس خليه من الليل للصبح بالفرن وعليه كنبل

وسلامتج حبيبتي

 

[مرق تفاح]

طيب سؤال يا بنات كم يوم اقدر احتفظ بالروب بالثلاجه قبل لا يخترب؟؟؟؟؟؟؟؟؟؟؟


واي روب تستخدمون ؟؟؟؟؟؟؟ظ وشلون اخلي الروب حامض؟؟؟

 

[ديرتي الغاليه]

يعطيكم العافيه ........بنت الاحلام ياليت تذكرين المقادير بالضبط لو تسألين امج واذا ابي لبن اشلون اسويه منه ؟

 

[ديرتي الغاليه]

مرق تفاح >انا قريت يقولون اسبوع والروب اي روب واذا تبينه حامض خليه اكثر من 7 ساعات

 

[GAP^^الكبيرة]

طيب سؤال يا بنات كم يوم اقدر احتفظ بالروب بالثلاجه قبل لا يخترب؟؟؟؟؟؟؟؟؟؟؟


واي روب تستخدمون ؟؟؟؟؟؟؟ظ وشلون اخلي الروب حامض؟؟؟

حبيبتي انا سامعه ان الروب يقعد لي اسبوعين عادي... بس تبين الصراحه ولا مره طول عندنا على طول نسويه واذا طول شوي سويته لبنه او لبن

والروب اللي استخدمه روب نادك كامل الدسم اذا تبينها ثقيله و روب الكويتي كي دي دي الاصفر اذا تبينها عاديه

والروب الحامض يا تخلينه بالثلاجه فتره طويله او تستخدمين حليب حار في تخمير الروب

 

[ديرتي الغاليه]

^^^^^^^^^^^

اشلون تسوينه لبنه او لبن؟؟؟؟؟؟؟؟