للجميع : شرايــكم بموضــة الإستقبال للولاده ؟!

[noorq8]

ياحلو أمي وجدتي وخالتي ,الاستقبال ................عزيمة عشى عالأربعين تلم الكل والجميييييييع والوالده بزهوة عروس .

 

[opera]

رد : رد: للجميع : شرايــكم بموضــة الإستقبال للولاده ؟!

انا اهم شي عندي احدد الساعه لان في ناس حتى الظهر اتييج

على قولتج

انا ولدت الظهر الساعه 3 ودوني الغرفه .. ماصارت 4 الا ناس يايينلي اسمعو الخبر و حبو يزوروني بس كلش مو وقته لانه كنت طالعه من العمليات باللبس الابيض ومركبين علي بربيش :cxxxp: ويهي على قولت وحده متفوخ واصفر

يعني شسوي وانا كنت اطلق 14 ساعه لين ولدت :eh_s(14):

 

[بنت السعوديه -]

احنا بالسعوديه مو منتشره هالعاده قليل اللي يسوي استقبال

احنا عائلتنا مانحدد باي وقت حياهم الله

 

[om al ghaleen]

فكره الاستقبال وآيد حلوه ومآفيها شي آن كان بجر او ثني
بس مآآحب اقيد آحد معاي الزياره مفتوٌحه من المستشفى لين شهرين اذا يبوٌن بعد
وانا كنت اتنفس عند آمي حبيبتي 40 يوٌم
اما حاليا بتنفس بشقتي واللي ييني حياه الله "
لانه وضعي مايساعد اني آقعد عند آمي عيالي بسم الله عليهمٌ كبروا ومحتاجيني


\\

 

[Toulin RTN]

رد : للجميع : شرايــكم بموضــة الإستقبال للولاده ؟!

انا اشوف ان الوحدة تشوف ظروفها واهي تقرر هالشي لازم حقها أو لأ
والله يسهل على الجميع

 

[cacaouette-qa]

من راااايي انا ااييد الاستقبال بالمستشفى يومين وتي امة محمد وال محمد ايون المستشفى عنوان المستشفى واضح وا يضيع

في ولادتي الاولى سنة 1999م ولدت بالهادي غرفة عااادية والكفر كنت ماخذته من سوق المعلم شيء بسيط

بالاربعين تعبت كل يوم عندنا ناس بيون عندي برضع الياهل ولا برتاح ولا بجابل الزوار

في ولادتي الثاااااااااااااانية سنه 2004 م هم ولدت بالهادي لكن بغرفة الملكي ((( كشخة كنت ملكة )))
استقبال يومين وخلصنا

وليل حين الله مارزقني بياااااهل ؟... ادعولي ياااابنات بالذرية الصاااااااااااالحة انشاللة معافى باذن الله تعالى

 

[بواسم]

الله يهون عليكم صراحه انا بنتي بجر وبشهر السابع ادعولها ان ربي يسهل ولادتها والله صار جم يوم حايسين على شغلات الاستقبال

والكفر ولان ودنا نسويه يومين بالمستشفى وخلصنا والله دوخه هالشغله .

 

[حنوووونهـ]

الحين مو استقبال صار طغى ياكافي الشر بس الكفر تشتريه مرصع شوار فسكي مع القميص وجيس البيبي بجم من 200 دينيار وفوق انزين ليش ؟؟ مواعين وصحون بذاك الحساب كله عشان الاستقبال وعقب الاستقبال محد بحالها بس عشان يتحجون فيها وبأستقبالها استغفر الله هذا غير الاستاندات وغيره وغيره وفي ناس يغيرون اثاث صالاتهم كله عشان الاستقبال .!!!!!!!!!!!!!!!!!!!!!!!!
مو مشكله اسوي استقبال بحدود المعقول مو لازم اصرف بالهبل واخب عمري لا شي ناعم وبسيط جاي وقهوه وحلو وفطاير وحي الله الي ياي
رحت وحده ماخلت شي مو مسويته بأستقبالها كل شي من الغالي بذاك الحساب بس مو لايق عليها احسها عنز بدو طاحت بطعام خابه عمرها على الفاضي
ورحت لوحده استقبالها بسييييييط لاخابه عمرها بمواعين ولاغيره مو معنى انها تقدم للناس بأي شي لا بس بسيطه مو شاريه من الغالي الغالي
شحلات استقبالها تحسين براحه والبنت مرتاحه بعيده عن الكلافه ترتاحين حتى بالقعده
وعلى العموم كل واحد وراييه ادري دوختكم خخخخخخخخخخخخ
الله يقومني بالسلامه انا وبنتي