للجميع : شرايــكم بموضــة الإستقبال للولاده ؟!

[كويتيه مذهله 87]

أهلى الحمدالله مافيه خبه الاستقبالات يعني اي وقت حياهم الله واحب الاستقبال البسيط
,,,

 

[ألماسهABM]

شـــكـــرا لـكــل مــن شـــاركــت برايـــها الحـــلــو :eh_s(7)::eh_s(7)::eh_s(7):

وشـــكـــرا لـكــل مــن ورفـعت المـــوضــــوع :eh_s(7)::eh_s(7)::eh_s(7):

واللـــه يهـــون علينا الحمال ويسهل الولاده

ويرزقنا بالذريه الصالحه المتعافيه يارب :yaaaaaarb::yaaaaaarb:​

 

[نسمة بحر]

انا توني بجر وكل رفيجاتي يسون استقبال بس انا شايلة هالشي من بالي لانة احس عبالة وادري بنفسي اول مااطلع من الولادة ماراح اكون متزهبة لا من نفسية ولا من شكل اكيد بكون تعبانة صج بزهب كل اغراض الاستقبال بسوي كفر كشخة وبحط ستاند حق التوزيعات وحلوقهوة وكل شي حق الضيافة واللي بيلي اي يوم حياة اللة يعني ايون من نفسهم مو انا احدد اليوم
وانا من اللحين اقول حق خالاتي ان شاللة اولد وماتيون ابي كل يوم انتو عندي اللي تسوي لي عصيدة واللي تلبسني وبدلع بعد ليش خالات واهل بس بالاسم يعني مادري شلون يرتاحون استقبال يوم او يومين ومحد ايلهم بعدين يمااااااااااااااااا ملل

 

[دمثة]

حق المخاسير الهون ابرك مايكون

 

[مو عايشة بالدنيا]

والله انا كنت اقول نفسج ما لاداعي الاستقبال
بس والله الاستقبال يهبل ووناسة وانا صج خسرت وايد مع ان انا سويت شي بسيييط مو الخبة الخبة
بس والله ارتحت
صج ناس وايد يوني البيت وامي تأذت بس ارحم من ولادتي الاولى
تقريبا كانو كل يوم وترك اييووون


المهم سوي استقبال بسيط وشي بسيط على حسب ميزانية كل وحدة حرام الوحدة تتسلف وتتدين

انا اللي كلفني باستقبالي المواعين والاستكانات هم اللي كانو غاليين والا كفري خذيت شي حلو وراقي ورخيص
وكان يهبل

 

[HearT ChocolaTe]

عسى ربي يتمم عليكم كلكم .. والله انا جربت بالبيت في بجري وكان حلوو وشي متعوب عليه
وكان وقته ما عندهم هالسوالف واستقبالات المستشفى..

وفي الثاني كنت احدد كل اللي بيني بايام ووايد متعب وما انصح فيه

وفي الثالث والرابع ... باستقبال المستشفى واريح بصراحه .. طبعا هذا ما يمنع من حضورهم
عندي بالبيت ,,, وبصراحه ما اكتب استقبال عشان ما اجبر احد بالحضور

وانا انصحج تفتكين من لوية البيت ,, وبالمستشفى الكل يحوفج ... بالسلامه حبيبتي

 

[MaNaNa]

رد : رد: للجميع : شرايــكم بموضــة الإستقبال للولاده ؟!

حبيباتي الناس في كلا الحالات راح تسوي الي يريحهاا

اذا سويتي استقبال ومايقدرون ماراح ايييون

واذا ماسويتي استقبال ومايقدرون يزورونج بالبيت ماراح ايييون

كل وحده تدور راحتها وين واتوقع ام العيال التزامها غير البجر تبي المستشفى عشان ترجع تجابل عيالها وتفتك

انا عن نفسي بجر ... وانا نوعي نفسيتي تتعب اذا دخلت مستشفى ماااااابي احد بصراحه غير اهلي

انا بجر واذا الله قدرني وولدت بالسلامه وطلعت من المستشفى متى ما صرت زينه بحدد ايام معينه

بشوف الي يناسب امي وخواتي لو يومين بالاسبوع يمعتنا العاديه والي بييي حياه الله

عيل اشحقه مسوين غرف استقبالات فخمه في بيوتنا عشاااان تغبرررر؟؟؟؟؟؟؟؟؟

على الاقل خواتي يكونون مستعدين واول وتاالي اهم ياييين عشااني

بصراحه انا ما احب الاستقبالات ادش اقول مبروك واسلم واطلع من الزحمه ساعات ماتسولفين مع احد

واذا ناس من زمااان ماشفتيهم ومتعنين لج ما يمديهم تشوفين بس ويوووهم

 

[الغضى]

شووووووووووووفي اشلون طريقتي أنا وخواتي وكل اهلنا,,,,,,,,,,,
أول شي الولادة بالمستشفى تكون غرفة عادية بس مزهبة كفر مرتب انتي وذوقج / حلو / قهوة و شاي / ملابسج وملابس البيبي / استكانات وفناجيل / واللي يزورج حياة الله يا خواتج ولا حمولتج ولا رفيجاتج القراب وكلهم على عيني وراسي.
بعدين اطلع البيت أول اسبوعين ماكو زيارات اهما جذية من انفسهم لأنج توج والدة وتبين ترتاحين بعدين يصير زيارات الأهل كل خميس وجمعة لين اخر الاربعين اسوي استقبال يوم واحد متفقة فية انا ويا رفيجاتي ويكون فخم شوي.
وبس سلامتج
الله يسهل علينا.

 

[حرم_طيار]

رد : للجميع : شرايــكم بموضــة الإستقبال للولاده ؟!

انا بجري سويت استقبال بالمستشفى
وحملتي الثانيه ما سويت شي بالمستشفى خليت الاستقبال بعد الاربعين
سويت عشا وحجزت بوفيه وسويت شي حلو وراقي بصراحه كان وايد اريح من المستشفى

 

[كتكوته ورديه]

والله انا انوي اسوي يومين اخر اسبوع

 

[..الشيخه حلاها..]

رد : للجميع : شرايــكم بموضــة الإستقبال للولاده ؟!

اب
اب

 

[fife4ever]

رد : للجميع : شرايــكم بموضــة الإستقبال للولاده ؟!

انا حبيت اعلق على العنوان بس

شرايــكم بموضــة الإستقبال للولاده

حبيبتي اي موضة صار لنا سنين على الاستقبالات تقولين موضه

صارت عاده قولي فكرة بس مو موضة


الموضة شغله موسميه مو سنين

 

[مسك وطيب]

رد : للجميع : شرايــكم بموضــة الإستقبال للولاده ؟!

بالنسبة لطريقتي أنا وخواتي نبلغ الأهل بخبر الولادة واللي يزورنا بالمستشفى حياه الله ,,, ماعندنا خبة استقبال بالمستشفى
وإذا طلعنا من المستشفى أسبوعين نريح محد يزورنا غير القرايب الخاصيين وتالي استقبال يومين خميس وجمعه هالاسبوع والاسبوع اللي بعده ,,, يعني استقبال الناس البعاد شوي 4 ايام طول النفاس واللي يجي حياه الله

وغالبا الناس صارت ماتوجب الا بالويك اند والسبب المدرسة ودوخة الدوامات ,,,

والله يسهل علي وعلى كل حامل يارب

 

[ألماسهABM]

مشكورات حبيباتي عالمرور

عاد تصدقون كنت كلش مو مقتنعه بالإستقبال في بجري

كنت عند ماما مدلعه ومرتاحه الله يخليها لي يارب

وأقول شدعوه يعني لازم أضغط الحريم على يوم بمستشفى أو يومين بالأسبوع

عاد حلاة الأربعين كل شوي زايرج أحد

وهمن بالثاني متمسكه برايي !!! (عنيده ههههههه)

لكن لما كبروا عيالي اسم الله عليهم ودشوا الروضه والمدرسه وحملت

غيرت رايي (غصب) لأن ولادتي بتصير أخر هالسنه الدراسيه

وحرام أهمل ولدي اللي بالمدرسه ، كافي إني كل يوم أدرسه بنفسيه حبيبي وليدي

ولظروفي الإستقبال يومين بالأسبوع يصلح لي لأني قاعده بشقه الحمدلله وسيعه وراهيه

يعني أقدر أستقبل كل يوم بس أبي خواتي حوالي وماما طبعا

أدري ماراح يقصرون بس موكل يوم لأن الناس عندهم اشغال ودوامات ،،، و،،، و،،،

المهم بالحالتين راح أجهز الكفر والمواعين وطلب الحلو والمعجنات و ،،،

وعن الناس أتوقع 10أيام أو 12 يوم من الأربعين يقدرون اييون (اللي يعزج ماراح يتأخر بالجيه)

تخيلو العرس يوم واحد واللي يباركون يجون بنفس

اليوم أوثاني يوم يعني ماكو عذر للي مايجي (ههههه صادوووه)

*******************

النقاش حلو معاكم ورايكم يهمني :hjy5jewf:

ترا مو شرط تكونين حامل أو متزوجه قولي رايج بولادات خواتج أوصديقاتج أوبتاتج ،،،

نبي النقاش يستمررررررررررررررر

*****​

 

[eman12]

الله يسهل عليج يارب

 

[ألماسهABM]

رد: رد : للجميع : شرايــكم بموضــة الإستقبال للولاده ؟!

انا حبيت اعلق على العنوان بس

شرايــكم بموضــة الإستقبال للولاده

حبيبتي اي موضة صار لنا سنين على الاستقبالات تقولين موضه

صارت عاده قولي فكرة بس مو موضة


الموضة شغله موسميه مو سنين

موضه وموضه وموضه لأنها كل فتره تتغير ،

حبيبتي الولاده بداية خلق أمنا حواء والتكاثر ،،،

واللي يباركون ويوجبون من قبل النفط وقبله بعد

هذي يسمونها العاده (يعني توجبين بالفرح والولاده والتخرج والتعزيه بالعزاء و....و.....و...)

وقبل سنين ماكان في جناح إمبراطوري وقاعة الجوري كان في غرفة بالبيت تتزين وقت الأربعين

وبعدها تصير معيشه أوغرفه للضيوف أو......أو....أو...... وكل من يسمع

إن فلانه ولدت اييون يباركون ويحوفونها حوف حشمه وقدر لهلها ،

وقبل مافي بلالين على قولت زكيا زكريا ومافي مهايط بالكفرات والشوكلت والهدايا

ومايندرى بعد باجر بسوون الإستقبال برجينسي وبالجيعان ههههه والهدايا سيايير (تخيلو !!!)

______________

شكرا لمروووورج بس كان ودي تعطينا رايج بالموضوع موتحللين العنوان ​

 

[ألماسهABM]

الله يسهل عليج يارب

تسلمين حبيبتي

صج محتاجه دعواتكم اللي من القلب​

 

[ألماسهABM]

اب. اب.

 

[opera]

رد : للجميع : شرايــكم بموضــة الإستقبال للولاده ؟!

الاستقبال .....

شنو مفهوم الاستقبال ؟؟


ترا مو لازم شي خبه و تقطين 500 دينار عشان كفر النفاس والحلويات واللويه


لا ... الوحده لمن تقول بسوي استقبال يعني بتحدد يوم عشان الناس يزورونها

بس اهني صار عندنا استقبال يعني لازم تسوين لووويه

بصراحه انا احب الولاده تسوي استقبال او تحدد يوم عشان نزورها .. عشان ازورها باليوم اللي مختارته كلها نص ساعه بتباركين وتسألين عنها وتمشين

اما اذا بنطر لمن جدولي يفضى واشوف اهي متى فاضيه وازورها لا بالله مارحت ..




انا لمن ولدت قعدت بالمستشفى 4 ايام .. و دزيت للكل مسجات انه انا موجوده لي يوم الخميس

وماحددت لا ساعه ولا شي

والكل ياني .. الصبح والعصر والمغرب .. وماكنت مسويه خبه ولا شي ..

 

[om-3abodey]

انا اهم شي عندي احدد الساعه لان في ناس حتى الظهر اتييج