للجميع : شرايــكم بموضــة الإستقبال للولاده ؟!

[ألماسهABM]

السلام عليكم ،،،،

الموضوع مبين من عنوانه :eh_s:

شرايكم بالإستقبال ؟؟؟؟ :aha:

ودي نتناقش بهالموضوع لأنه إنتشر حيييييل هالفتره ،،،

بــبــدي :،،،،،

آنا حامل بالثالث ، والحمدلله عندي عيال بس ولا مره سويت إستقبال

كله أنفس عند أهلي و40يوم إستقبال :gathering::gathering:

وهالمره ناويه أسوي إستقبال :68_asmilies-com: لأني بقعد بشقتي بالنفاس

لأن بيت اهلي بعيد وعيالي مدارس ،،،

وتعرفون جو البيت بعد هدت المدارس حوووووسه :eh_s(11)::eh_s(11):

قررت أسوي إستقبال بسيط يومين بالإسبوع يمكن (الخميس و الجمعه) :080402ask_prv: !!

المهم للإستقبال أنواع :

ناس يسوونه : يوم بقاعه بالمستشفى وبس !!!!

وناس يسوونه بعد الولاده بمده يعني 10أيام أو اسبوعين ....

وناس يوم أو يومين بالاسبوع ،،

وناس مايورون البيبي !!!!!

و ..... و ...... و ........ و ........

حقائق :

الناس أجناس ،،،

ولكل شخص طبعه ورايه ،،،

وكل واحد وبيئته ،،،

في ناس يأيدون وفي ناس يرفضون وينتقدون ،،،

وكل واحد ومقدرته وقناعته ،،،

يعني موشرط الغنيه تسوي إستقبال ولا ألف ليله وليله ،،

وموشرط الفقيره ماتسوي إستقبال ،،

لأن في ناس فقاره تدينوا بس عشان تكشخ بستقبالها وتبي الناس تتحجى عنها :jbdwjbd:

وغنيات سووا إستقبال بسيط ( قصدي ذربات ههههههه )

المهم شاركوني بآرائكم الحلوه

وإدعولي بالخير :yaaaaaarb: :​

 

[Om 3zo0oz_2011]

رد : للجميع : شرايــكم بموضــة الإستقبال للولاده ؟!

انا ما ابي اسوي استقبال ولا بطيخ ايووني المستشفي حياهم الله بأي وقت
بروح بيت امي 40 يوم بقعد حيااهم الله بأي وقت

بسوي شي بسيط يعني ماابي أحد شي بخاطري
بشتري كفر بسيط من دبنهامز وبتشري استاند بسيط وبس

 

[غير كل الملآ]

انا كلش مو مع الاستقبال بعد الولاده يعني بلمستشفى لن الناس ماتعطي خير لاعلى العافيه ولا على البيبي احب تكون غرفتي حلوه ومو مكلفه واذا طلعت الاربعين واهل رجلي يبون يسون لي عشاء اوكي ما امانع لكن انا اسوي لا والف لا ماجيب العين لنفسي ولعيالي لن الناس بهلوقت الصراحه عينهم ضيقه ومايذكرون الله وتفز نفوسهم وفي ناس تخاف الله وتذكره بس الواحد لا ياخذ احتياطه وماله داعي المخاسير ... وبدال لا اسوي استقبال اسافر واخلي فلوسي لي انا وزوجي نستانس فيها بسفر

 

[قمربلادي الكويت]

رد : للجميع : شرايــكم بموضــة الإستقبال للولاده ؟!

ابصراحه انا ما اايد فكرة الاستقبال بالمرة
ومابي احد يزعل مني على الي بقوله
امي تقول ان لنا بيت اذا انتي بشقة وان ما نجبر الناس على ايام معينه حق الواجب
وان بعد انتي مو محتاجه اتدللين على ولادتج ولا انتي محتاجه حق تيمعين هدايا
الي بيي باب المستشفى مفتوح وبدون لويه وخبه والي ما قدر ايوجب بالمستشفى البيت مفتوح 40 يوم
واخر الاربعين امي تسوي عشا او استقبال حق الكل والجميع من اولد تحط تاريخ للاستقبال وتبلغ فيه كل الي يوجبونا
هذا رايي واتمنى اني ما اضايق احد فيه
الله يسهل علينا في حملنا وولادتنا

 

[..ليالي..]

بالنسبه لي انا بعد بانفس بشقتي

وعيالي مدارس

يعني متى ادرس ومتى استقبل الناس

منو عندي يوجب الناس ويقهويهم لان خواتي بعد كليات ودوام مو فاضيين كل يوم جايين بيتي

اللي بيجي حياه الله العين اوسع له من الدار

بس هم بعد حلو اني احط يومين او ثلاث استقبال بهالوقت اكون مزهبه الحلو والموالح وشغلي

يعني قمر نفس طريقتكم اقولهم انا استقبالي اليوم الفلاني التاريخ الفلاني

مو معناته اني اقعد طول الاربعين صاكه بابي وما ابي احد يشوفني او يزورني

الاستقبال صارر شي ضروري بمجتمعاتنا

وكل من حسب بيئتة اللي حوله والناس اللي عايش معاهم

 

[@ دهن العود @]

انا ما تعجبنى فكرة الاستقبال اللى يبى يزورنى بالمستشفي حياه الله بأي وقت
و بيت اهلى مفتوح 40 يوم حيااهم الله بأي وقت

 

[angel_soul_1989]

رد : للجميع : شرايــكم بموضــة الإستقبال للولاده ؟!

انا عندي يووووم واااحد يا انه يكون بالمستشفى او بالبيت

 

[om_dodo]

اب

اب

 

[قلبي القرآن]

رد : للجميع : شرايــكم بموضــة الإستقبال للولاده ؟!

احنا طريقتنا ان جماعتنا يزورونا بالمستشفى وبالبيت
يعني نحجز جناح حلو واسع وكفر حلو والحلو والفطاير
وندز للكل مسجات نبلغهم بالولاده واللي يبي يجي المستفى حياه الله
وبالبيت نسوي استقبال كل اثنين وخميس وجمعه احسن لأن يوميا تعب
وتبين تروحين السوق اتسوقين فأحسن تحددين اياام وانتي عيالج ومدارس ومتى ادرسينهم
ومتى تجابلين البيبي فأحسن تحددين ايام
والله يقومج بالسلامه

 

[مدمنة ككاو]

انا اقول الاستقبال مو حق الاهل طبعا

اذا عندج معارف وايد وصديقات واهلكم البعاد ما تشوفينهم وايد ويبون ايون يوجبونج
افضل المستشفى يومين يفكج من خبة البيت
لكن اذا ضامنه محد ايي بس اهل قراب خلج بدون استقبال ماله داعي اتعنفق لوووول

 

[مروووم]

انا الصراحة ما ااحب اسوي استقبال بايام معينه
احس اني اوهق العالم يمكن عندهم التزامات ولا مرة بحياتي سويت استقبال وانا عندي لو يوون كل يوم عادي بالعكس وناسة اصلا راح يضيق خلقج بفترة النفاس و40 يوم قاعدة بالبيت بس اللهم اذا بتروحين مواعيد الطبيب او حق تجهيزج لبعد الاربعين
بس اذ كل يومين او 3 ايام يزورونج تتونسين بالسوالف وتلهين معاهم
وهذا رايي الشخصي

 

[جوري85]

انا ماجربت بس اقول لو نخلي الاستقبال كل يوم معين حلو مثلا كل خميس والا كل يمعه هما حلووو وطبعا اللي وده يجي المستشفى

 

[_Pure_]

احنا طريقة اهلنا لازم استقبال بالمستشفى يوم او يومين بس مو كل ولاده لاااا
بس اول ياهل او الثاني و ساعات الثالث يعني حسب بس بالغالب الاول و الثاني
و نسوي مسج و نبلغ الكل و نسوي كفر و حلو و تقديم و ضيافه و كلشي و ورد و كاكاو

يعني انا مثلا سويت استقبال حق ولاداتي و انا عندي بنتين و الحمدلله توفقت و ماخليت شي بخاطري و فرح و فرحت الناس وياي و شفت ناس منزمان ما شفتهم و كل اهل زوجي القراب و البعاد يوني الحمدلله


بس حق ثالث بيبي مو ناويه اسوي استقبال بس باخذ غرفه مرتبه و بحط ماعون حلو و ماعون كاكاو حق الاهل القراب لي يو اضيفهم


و من ناحيه الزوار بالبيت انا بصراحة ما استقبل بالبيت كلش ما احب احد يزورني بالاربعين لاني اكون تعبانه و لاهيه مع البيبي و الرضاعه و مالي خلق البس و اضيفف و اجهز حلو و فطاير كلش مالي خلق بس الحمدلله اغلب الناس يوني بالمستشفى
و الحمدلله كلها جم يوم و اطلع من الاربعين و محد زارني غير امي و اختي و عمتي و بس و انا نفاسي بشقتي



يعني كلمن حسب نظام جماعتهم و راحتهم

 

[بيرلا ستور]

رد : للجميع : شرايــكم بموضــة الإستقبال للولاده ؟!

انا ضد الاستقبال بالمستشفى
حوسة وتعب للام مع اني ولا مرة سويت شي

اللي يجي يبارك اهلا وسهلا

وناوية ان حملت اسوي استقبال صغيرون لان قبل ماكنت احدد اخلي اللي يبي يجيني براحته

وربي يقومج بالسلامة

موضوع حلووو مشكورة

 

[الأميرة جوري]

رد : للجميع : شرايــكم بموضــة الإستقبال للولاده ؟!

لرفع

 

[كـ غلا ــلي]

انا عن نفسي ظروف ولادتي كانت برمضان فقررت اني اسوي استقبالي بالمستشفى يومين والحمدالله واايد ارتحت

بالاربعين بدال الداش والطالع لانه صج بالاريعين لويه البيبي وغير عوار الخياط ولا اكو نوم وتبين ترضعين

يعني الوضع كلش مو مال احد يطب عليج وانشاءالله بعتمد الاستقبال حق ولاداتي اليايه

 

[حبيبي عبووودي]

رد : للجميع : شرايــكم بموضــة الإستقبال للولاده ؟!

اختي اذا ما تبين تعب بالعكس سويه بالمستشفى خو استقبال مو لويه نفس اللي بتسوينه بالبيت بس راح يكون بالمستشفى يعني بتقدمين ماي وعصير وجاي والفطاير والقهوة والحلو وبس والناس اتسلم وتطلع بدال لويه البيت حوووسه كل يوم ناس ياييلج ماترتاحين تتقيدين بالبيت انا هذا راي انتي تعبانه مرة وحده

 

[@الياسمين@]

انا عن نفسي ما احب الاستقبال لان خبه عالفاضي
كافي ان الوحده طالعه من ولاده ومالها خلق عمرها
واحب الطريقه التقليديه ... يعني اللي يزورون بالمستشفى يتحمدون بالسلامه
وتالي هم في زيارات بالبيت .. بروحه جو النفاس كئيب فحلاته ناس داشه وناس طالعه
هذا رائي

 

[أم يوسف وأمونة]

موضوووووووعج حلو ويشوق للنقاااااااااااش

يعطيج العاااااااااافيه

وانا بقول رأي وأختلاف الرأي لا يفسد للود قضيه

انا ولله الحمد عندي ولد وبنت ولا مره سويت استقبال

اذا ولدت اهلي يبلغون القراب والبعاد واللي بييه حيا الله سواء بالبيت ولا المستشفى

وترا كل ما زادو عيالج كل ما النااس تتعيز تي وكل واحد وظروووووووفه يعني انا وايد انعزمت على استقبااااااااالات

وظروفي ما سمحت لي اني اروح لانه الصراحه انجبر واتقيد واحس جنه اللي مسويه اسقبال تقولج

تعالي يالله وييبي الهديه وترا الظروف الناس تختلف من وحده لي الثانيه

وعن راي انا الاستقبال والله العظيم خبه وفلووووووس ولووويه وتكااااااااااااااليف مالها اول ولا تالي

وكل هذا لييييييييييييش عشان ارضي الناس وعشان الناس تدش وتتطنز واللي يفز قلبه

لا والله ما ااأئد كلللللللللللللش ولا احب اسوي

واللي بيزورني حيا الله سواء بالبيت ولا المستشفى

وسلالالالالالالالامتكم أدعيلي الله يقومي بالسلامه من غير استقبال هههههههههههه

 

[q8y-moon]

انا مو حامل بس ودي اشاركم
احنا طريقتنا نستقبل بالمستشفي وبالبيت طول الاربعين بالعكس يدون لنا الونس
بس الحين غلب اهلنا يحددون الخميس والجمعه بس يستقبلون فيه
عذر الدوامات والمدارس
وانا اشوف ان واااايد احسن ان تحددين يومين من كل اسبوع طول اربعينج يعني ال يحوشها ظرف هالاسبوع تحاول الي وراها زعلي هالموال
وسلامتج