للأســـــــف المـــرأة هي من قـــتلت المـــرأة

[بنت النوخذا]

للأســـــــف المـــرأة هي من قـــتلت المـــرأة​

هذا من وجهة نظري الشخصيه
ومن خــلال رؤيتي لشريحه كبيره من المجتمع عامه
ما ابي اطرح موضوعي باسلوب السرد
و لكن بختصره في نقاط او فلاشات
حيث تسببت المرأة في قتــــــــل المرأة
فماذا فعلت وما ذا قالت لـــه
تعالوا نشــــــــــــوف و نقرا : -
​

بدايه المزيون ........
1- ربت الطفل ( الذكر ) من صغره علي انه مميز
2- ابيك تصير ريااااااااال ( رجل )
3- انت صـــح و اختك غلطانه
4- انت راعـــــــي البيت
5- انت العـــــــود
6- انت الفاهـــــم و العاقل
7- انت تفكيرك عــــدل
8- أمــــر تــــدلل شنو تبي غدا عشاء
9- اذا ضايق خلقكك ســـــافر يما استانس وشوف الدنيا
10- حاضر يما اسويلك ديوانيه بالبيت خاصه لك
11- اي يما بس تنجح اخذ قرض و اشتري لك سياره كشخه
12- اي يما حط لك اربع موبيلات استانس و اكشخ بين ربعك
13- اي يما روح شاليه و يا ربعك استانس​

كـــــــبر المزيون الحين يبي يتزوج.........
14- هااا يما طــــــــــب و تخـــير
( علي بالها البنات لعبه عند ولدها جنه صج )
15- لا يماااا هذي خشمها عود ما نبيها
16- لالالا يما هذي اكبر منك شتبي فيها وع
17- هذي بعدها تدرس ما عندها راتب خلها تولي
18- هذي دلووووعه باجر اتيننك خلها
19- ماااا نبي من الاهل حق المشاكل قطيييعه
20- ويه هذي بيتهم عتيج شبي فيها​

المهم المزيون تزوج........
21- ااااااي يما بسويلك ذاك العرس كلمن يحجي فيه
22- بتسلف و سوي طقطقه و افرش ذيك الشقه ​

ومرت السنين علي المزيون .....
23- وااااي قطع شنو هالمرا قعدي جابلي و لدي
24- قووومي طبخي سنعي هذا ولدي المدلل
25- سمعي كلامه هو صح و انتي غلطانه
26- خلي يسافر مع ربعه يساتنس فجي عنه شويه​

و مـــــــــات المزيون وتوارتث الاجـــيال ........
27- عيال المزيون عاشوا مثل عيشه ابوهم
28 - جيل بعد جيل و المزيون رازينه بكل مكان​

يعني ما صــــــــــــــــــــــارت​

شبعتونا يا نساء عبارات مالها اي معني
الرجل شايل عيبه
الرجل اهو صح و انتي غلط
داري قومي فيه و كليه شربيه
طــــــــــيعيه امشي وراء
قولي له حـــــاضر ســم تدلل و اطلب​

:eh_s(14)::eh_s(14):​

و احــــــــــــــنا يعني شلون بالله
نعيش عيشه قــوم تـــــبع
مالنا رأي مالنا قرار ما لنا حق
بس المزيون و احنا بنات البطه ........ الســـــوداء​

:eh_s(7)::eh_s(7)::eh_s(7):
:eh_s(7)::eh_s(7):
:eh_s(7):​

(( ملاحظه الموضوع جـــــــاد ارجوا الجديه و احترام أراء الغــــير ))​

 

[بنت النوخذا]

دلــــــــــــــــــوع امه

طبعا من كثر الدلع و الدلال و العز دلوع امـــه

لقبت لكم الرجل ................ المزيون

​

 

[سارونه الامورة]

ايه ولا اذا مااات يقولون له هذولاء عيييال فلان اللي فعل وسوى يعني صراااحه انا اقول هذا

الرجال عمره ماغللللط يعني ولا وش السسسسالفه

اشكركِ على المووووضووووع وبصرراحه المووضوووع يحتاااج لنقااااااش​

 

[red dream]

هههههههه فعلا هذا الواقع يربون الولد للقيادة والبنت للسمع والطاعة واذا كبروا خلوهم العيال وما يجابلهم ويقوم فيهم الا البنات

 

[سلماويه .]

كلامج صح
المشكله تبيه يصير ريال و مسويته يدهينه لا تنكتين
و الكرف عالبنت التربيه عندنا عكس

مشكوره

 

[a7la-elbanat]

مجتمع فاسد للاسف
وعقول فاسده ومليئه بالغباء

مشكوره عالموضوع اللي يبتيييه عالجرح

 

[بنت النوخذا]

شكرااااا بنات

دايما المرأة تنحاز لولدها و هي مغمضه

بس اذا احد بغي يخطب بتها وووووويه

تبي واحد منزل من السماء

استغفر الله ههههههههههههه​

 

[رحيل المرافيء]

صح المرأة عدوة المرأة
امي جذيه كلام اخواني صح واحنا البنات غلط
لاقالوا نكتة ماتت من الضحك حتى لو سخيفة
واحنا لاقلنا نكتة حتى لو تموت من الضحك تسكت
المصروف لهم تقرقش مخباتها ولنا ماعندي
يكلمون بنات عادي قاصين عليهم البنات واحنا ها ديروا بالكم مو تكلمون شباب عيب وحرام وووووووووو
المرأة مظلومة جداااااااااااااااااا وحتى بالشرع حقيقة مظلومة

 

[توتا الكتكوته]

المرأه تنصف المرأة بس مو أي مرأه لازم مره سنعه مثلي ما تغار ولا تحقد مثلكم ههههه ،،، المرأه من طلوع الدنيا و اهيا ودت

ابن آدم بداهيه ،،،


نا قصاا ت عقل و دين ههههه


بس كائن ضعيف دلوع تميل للرجل بحثا عن العاطفه اللي لا يشبعها بحور الدنيا ولا شلاللاتها ولا زلازلها ولا براكينها

 

[الحللللوه]

اهئ تهئ صحححح كلاامك دايم تقوول كذا ماما
ااخ بسسسس
والبااقي علينا ان شااء الله نربي عيالنا عالشئ الصحييح

 

[زهرة الفردوس]

اهنى يجى دور البنات اللى راح يفتحون بيوت يتعلمون من اخطاء غيرهم ويحاولون يعدلون بالتربيه للأبناء
وينشئون جيل صالح ويزرعون بينهم المحبه والالفه عسى ربى يحفظ عيالنا ويرزقنا برهم ونشوفهم حفظه للقرآن الكريم

 

[بنت النوخذا]

المرأه تنصف المرأة بس مو أي مرأه لازم مره سنعه مثلي ما تغار ولا تحقد مثلكم ههههه ،،، المرأه من طلوع الدنيا و اهيا ودت
ابن آدم بداهيه ،،،
نا قصاا ت عقل و دين ههههه
بس كائن ضعيف دلوع تميل للرجل بحثا عن العاطفه اللي لا يشبعها بحور الدنيا ولا شلاللاتها ولا زلازلها ولا براكينها

يا سلام يا سلام ................. والله :eh_s(14):
يعني انتي الشمعه اللمعه
و احنا كوووووخاااا
العديليه اي قطعه ههههههههههههه

 

[بنت النوخذا]

اهئ تهئ صحححح كلاامك دايم تقوول كذا ماما
ااخ بسسسس
والبااقي علينا ان شااء الله نربي عيالنا عالشئ الصحييح

اهنى يجى دور البنات اللى راح يفتحون بيوت يتعلمون من اخطاء غيرهم ويحاولون يعدلون بالتربيه للأبناء
وينشئون جيل صالح ويزرعون بينهم المحبه والالفه عسى ربى يحفظ عيالنا ويرزقنا برهم ونشوفهم حفظه للقرآن الكريم

الهم آمــــــــــــــــــــــــــــــــــــــــــين

يا رب​

:yaaaaaarb::yaaaaaarb:

 

[حلاتي بذوقي]

ياي فرحت من شفت موضوعج والله قعدت اضحك
قبل شوي رديت على وحده بموضوع الموضوع ماله صله حيل بالرد اللي كتبته اهو كان متى تقولين ياليتني ولد وانا قعدت <بمنتدي ثاني اكتب اهم الحريم اللي يخربون واهم واهم والريال دايما الصح واحنا الغلط
وانتي اللحين كتبتي الموضوع وخليتيني اطلع اللي بقلبي

صج والله دايما الامهات منحازين للولد عندي امي حيل لدرجه دايما مع الريال حتى يمكن تصير مع زوج اختي ضد اختي كله لا يمه اهو يتعب اهو الريال اهو واهو واهو

والله العظيم انا اشوف ان البنات احسن من الشباب بمليون مره
بالذات بالهزمن
البنت تشتغل وتدرس وتسوق السياره وتنفذ طلبات ابوها وامها وتراعيهم
ومتفوقه بدراستها وملتزمه بشغلها
ولسانها عسل وعمرها ماغلطت على الاكبر منها
وبعضهم ينظفون بالبيت ويطبخون وكل شي فوق راسهم _<البعض
والريال قاعد ورا مكتبه بس وتعبان وحالته حاله
والحرمه تكرف ليل ونهار وعادي اهي ملزومه
ويكلمون بنات ويطلعون معاهم وكل العايله تدري ويدرون انه يجذب عليها ومايحبها عادي
يستانس لا مو بس يستانس البنت اهي اللي ماتستحي <صج والله بهذا الشي اهي اللي ماتستحي مالت عليها
وكل ما يكلم اكثر ويقص على بنات اكثر يصي يشك بخواته اكثر
ويخاف عليهم اكثر من بلاويه اللي يسويها خاف ترد له
وفي شباب يغلطون على خواتهم اللي اكبر منهم عادي ريال واذا تبي ترد البنت تعطيها الام نظره يعني سكتي
وبعدين لما يطلع يمه ماعليج منه يسولف ويروح لاتردين عليه والبنت بس تخزن بالهقلب ويقولون البنات مايتحملون والله انا اقول عندهم صبر وتحمل وقوه وكل شي وبنفس الوقت رقه وادب <طبعا البعض

 

[~..samar]

كلآمج صح 100% .. وكلمة الريآل شآيل عيبه تييب لي المغثة استغفر الله اصلاً لآ الشرع ولآ الدين يرضى بهالشي الي مخوفني انه الآغلبية بتورث هالشي يعني بتربي عيآلها نفس تربية امهآ .. عموماً لو نرجع للدين جآن ارتحنآ من كل شي .. وصج صج ان المرأة عدوة المرأة .. مشكورة يسلمج ربي ع الموضوع ..​

 

[~..samar]

صح المرأة عدوة المرأة
امي جذيه كلام اخواني صح واحنا البنات غلط
لاقالوا نكتة ماتت من الضحك حتى لو سخيفة
واحنا لاقلنا نكتة حتى لو تموت من الضحك تسكت
المصروف لهم تقرقش مخباتها ولنا ماعندي
يكلمون بنات عادي قاصين عليهم البنات واحنا ها ديروا بالكم مو تكلمون شباب عيب وحرام وووووووووو
المرأة مظلومة جداااااااااااااااااا وحتى بالشرع حقيقة مظلومة

اتمنى اتمنى اني فآهمة غلط لانه الإسلآم اكثر دين أعطى المرأة حقوقهآ بس وين الي يطبق الغلط مب ف الدين والعيآذ بالله الغلط ف التربية للأسف .. وآسفة اذا فهمتج غلط ..:eh_s(7):

 

[بنت النوخذا]

كلآمج صح 100% .. وكلمة الريآل شآيل عيبه تييب لي المغثة استغفر الله اصلاً لآ الشرع ولآ الدين يرضى بهالشي الي مخوفني انه الآغلبية بتورث هالشي يعني بتربي عيآلها نفس تربية امهآ .. عموماً لو نرجع للدين جآن ارتحنآ من كل شي .. وصج صج ان المرأة عدوة المرأة .. مشكورة يسلمج ربي ع الموضوع ..​

اااخ بس ودي اعرف منو
اللي مطلع النك نيم ....... الريال شايل عيبه
حـلايه ويهه ههههههههههههههه
اوكي ومنو اللي خلا يشيل عيبه
مو غير احنا يا النساء نرزهم و نعزهم سليحط و بعدين نتحسف

:d:d

 

[بنت النوخذا]

ياي فرحت من شفت موضوعج والله قعدت اضحك :d
قبل شوي رديت على وحده بموضوع الموضوع ماله صله حيل بالرد اللي كتبته اهو كان متى تقولين ياليتني ولد وانا قعدت <بمنتدي ثاني اكتب اهم الحريم اللي يخربون واهم واهم والريال دايما الصح واحنا الغلط
وانتي اللحين كتبتي الموضوع وخليتيني اطلع اللي بقلبي

صج والله دايما الامهات منحازين للولد عندي امي حيل لدرجه دايما مع الريال حتى يمكن تصير مع زوج اختي ضد اختي كله لا يمه اهو يتعب اهو الريال اهو واهو واهو

والله العظيم انا اشوف ان البنات احسن من الشباب بمليون مره
بالذات بالهزمن
البنت تشتغل وتدرس وتسوق السياره وتنفذ طلبات ابوها وامها وتراعيهم
ومتفوقه بدراستها وملتزمه بشغلها
ولسانها عسل وعمرها ماغلطت على الاكبر منها
وبعضهم ينظفون بالبيت ويطبخون وكل شي فوق راسهم _<البعض
والريال قاعد ورا مكتبه بس وتعبان وحالته حاله

مو ليش سميته لكم ....... المــزيون
هههههههههههه زين بعد ما يقول حق مرته مشطي قذلتي
:d

مساكين صااااااااااااااجه كله تعبانين
خنت حيلي

 

[Tulips]

معروف حبيبتي

المرأه عدو المرأه الاول

 

[هنودة 26]

المراة ضد المرا فعلا حتى لو كانت امج اختج بنتج عمتج خالتج حماتج رئيستج استاذتج خدامتج فهي عدوتج