للأســـــــف المـــرأة هي من قـــتلت المـــرأة

[بنت النوخذا]

بس لازم نعرف أنه في فرق بين الرجال والبنت حتى بالقرآن مذكور ( وليس الذكر كالأنثى )

هلا وغلا بالغاليه Miss Cherry

القرأن دستور أمه محمد عليه الصلاة والسلام

لكن انا اعتراضي ليش هالدلال الزايد للولد
ليش ندلعه الي درجه انه اذا يبي يتزوج
يسوي له برتكول و طقوس
وتعالو يا الناس حطو بناتكم
و طب و تخير

ههههههههههههه شدعوا
ألن دلن بزمانه
ولا شاة بندر التجار

قصدي ليش تفخيم الامور علي غير سنع
و شروط و خرابيط ما لها اول ولا تالي


واذا من هالديار الثانيه اشوف اهله
سكتم بكتم مالهم حس

عرفو قصدي

 

[ktc0o0ta]

حبيبتي هالآية مذكورة في موضوع الميراث ان له الضعف مو لسواد عيونه عشان مسؤولياته وانه مسؤول عن بيت وعيال اكثر من البنت ، احنا ماقلنا لا يدلعونه لكن المفروض يعرف واجباته وحقوقة ومايتعداها ،يعني ميخالف يخاف علي اخته ويعاملها بما يرضي الله بس لا يتحكم بخواته وقراراتهم خصوصا بغياب الاب او وفاته ، ل وا يسوي الغلط ويبدع بشبابه ومايرد نفسه عن الغط لان عارف ان الولد شايل عيبه وان ماكو احد بيرفضه يقولون لج والله شاب وماكو شاب مالعب بحياته!!! وفوق هذا كله امه تدري ان فيه كل العبر وهم اتفرفر ادورله احسن وحده بالديره انزين شذنب بنت الاوادم تبتلش بولدج! ارد واقول الا من رحم ربي في ناس يساوون بين معامله البنت والولد بس قبل لايعطونه الخيط والمخيط يعلمونه قيمه البنت سواء اخته اللي بيداريها ولا بنت الناس اللي بيتزوجها والاهم ان ماكو شي اسمه الولد شايل عيبه

 

[رفـاعية]

مااقول غير .. صـــــــــــــــــــــح لسانج !!!!!

كلام واااااااااااااااااااااقعي " للأسف " ..

 

[Patcholli]

حبيبتي بنت النوخذا ماقلتي الا الكلام الصحيح

وبالمقابل اتمنيتج تذكرين دور الام في تربية البنت

اغلب الامهات الله يهداهم يرزون الولد وبالمقابل تكسر شوكة البنت

سكتي انجعمي مالج حق بشي ولا لج حق يكون لج كلمه او صوت مسموع مالج حق النقاش مالج حق الاختيار مالج حق انج تعيشين حياة سعيده .. اكسر شوكة البنت من صغرها عشان لاتقوا عليك << شالمنطق ؟؟
اي واحد يخطبها يوافقون عليه المهم يفتكون منها ويسترون عليها ..
حتى اختيار الدراسه ترى في اهل اهم يختارون حق بنتهم دراستها وتخصصها ..!!
لاتدلعها تصير رفله
لا تسمعلها تراددك
لاتخليها تستانس عيشها بنكد عشان لاتنحرف
خليها وحيده بدون ارفيجات عشان اذا تزوجت تكون بنت بيوت الناس لا يقولون راعية ارفيجات وروحات وردات << هما عشان يرضون الذكر ..
لاتخليها راي تتمرد عليك وماتقدر تقضبها

البنت صارت تتمنى تتزوج بس عشان تفتك من ضيم وظلم بعض الاهل ..

وبالمقابل الريال عايش جنه فرعون يبطش ويتدلع وشايل ايده من المسؤليه ويظلم مرته ويمرمرها ولازم تتحمل

واذا تكلمت الكل يلومها ويجعمها وللاسف اولهم امها بتقولها سكتي وقضبي بيتج ..!!

فعلا المره مظلومه ومظلومه حيل .. فديت بنات ديرتي والله

 

[Patcholli]

وبنت النوخذا ملاتلاحظين اللي يتفلسف عالزواج ويبي مواصفات معينه يا انه ياخذه وحده تصدم الكل بانها عكس المواصفات الي كان يبيها 180 درجه او انه مايتوفق او يطلقها بعد فتره ؟؟ انا ملاحظه هالشي وايد وايد يصير ..!!
الشروط اغلبها صارت عالمواصفات الشكليه والظاهريه بس المظمون محد يهتمله ..!!

 

[بنت النوخذا]

اتفرفر ادورله احسن وحده بالديره
انزين شذنب بنت الاوادم تبتلش بولدج!
ارد واقول الا من رحم ربي في ناس يساوون بين معامله البنت والولد بس قبل لايعطونه الخيط والمخيط يعلمونه قيمه البنت سواء اخته اللي بيداريها ولا بنت الناس اللي بيتزوجها والاهم ان ماكو شي اسمه الولد شايل عيبه

ههههههههههههه
كتكوووته مو بس جذي
اذا حصل طــــلاق طلعو في الطليقه الف عيب و عيب
و لدهم المزيون مدلل ما فيه عيب

هههههههههههه
حتي قوقل ما قدر يبين لنا شنو معني الولد شايل عيبه


تهبلين

:rerrerek:

 

[بنت النوخذا]

مااقول غير .. صـــــــــــــــــــــح لسانج !!!!!

كلام واااااااااااااااااااااقعي " للأسف " ..

صـــح بدنــج ​

وما خفي اعظــــــمممممم​

 

[بنت النوخذا]

حبيبتي بنت النوخذا ماقلتي الا الكلام الصحيح
خليها وحيده بدون ارفيجات عشان اذا تزوجت تكون بنت بيوت الناس لا يقولون راعية ارفيجات وروحات وردات << هما عشان يرضون الذكر ..

واذا تكلمت الكل يلومها ويجعمها وللاسف اولهم امها بتقولها سكتي وقضبي بيتج ..!!

فعلا المره مظلومه ومظلومه حيل .. فديت بنات ديرتي والله

حبتج العافيه يا قلبي

صاجة باجولي :eh_s(11)::eh_s(11):
وعليه علينا محسوب علينا الهوا الي نتنفســه


الحين اعلمج بعد
يبيها حــاجه مع اهلها
حتي لا تقول له تعالي حججني





:eh_s(2)::eh_s(2):

 

[بنت النوخذا]

وبنت النوخذا ملاتلاحظين اللي يتفلسف عالزواج ويبي مواصفات معينه يا انه ياخذه وحده تصدم الكل بانها عكس المواصفات الي كان يبيها 360 :d درجه او انه مايتوفق او يطلقها بعد فتره ؟؟ انا ملاحظه هالشي وايد وايد يصير ..!!
الشروط اغلبها صارت عالمواصفات الشكليه والظاهريه بس المظمون محد يهتمله ..!!

باجووولي
هذا غير اللي يتزوج اجنبيه
الفريج كله يعرفها
و تلاقينها عندها عيال غير شرعين

وبلااااوي هههههههههههههه
وحلوه علي أأألبه

مالت عليه و علي أأألبه

مسكينه حبتني و تغربت علي شاني ...... الخ
و طبعا المزيون اهو اللي يطبخ و يحفظ اليهال بامبرز
و هو الي يكوي و يغسل
وامه الي تخب روحها بالعه عظــــم و ساكته ههههههههه

:d:d

وبالكويت يسوي روحه رجل و لا كل الرجال

 

[soheir nigm]

فعلا معك حق شوكرا على الموضوع

 

[دنيا الصدمات]

اهنى يجى دور البنات اللى راح يفتحون بيوت يتعلمون من اخطاء غيرهم ويحاولون يعدلون بالتربيه للأبناء
وينشئون جيل صالح ويزرعون بينهم المحبه والالفه عسى ربى يحفظ عيالنا ويرزقنا برهم ونشوفهم حفظه للقرآن الكريم

كفيتي ووفيتي

مع انه اللي نجوفه هيك بس اعتقد فئه كبيره ما راح تاخذ العبره من واقعها

 

[هالة الصباح]

السلام عليكم ورحمة الله وبركاته
اولا يعطيج العافية على هذا الموضوع المهم نعم انا وياج من رقم واحد هذا من جيل الاربعينات إلى السبعينات وهو صغير آمر وتدلل بس حبيبتي جيل الالفين الحين بيد الخدم يما عند ميري وراجوا و الفلبينية الولد حبيبتي مايدرون عنه الام لاهيه بدوامها والله ما اقص عليج انا اودي ولدي مدرسة أمريكية والله الام والابو خدم وسواق الله يستر شلون بيربونهم والامهات ميتين على الدوام والسبب نعم صح صح صح كلامج 100٪ في رقم والسيب الاولين يربون الريال على الدلع وايضا من رقم 14 يما شتبي فيها مو موظفة خشمها او جسمها او شكلها صح كلامج والله لا يما اخذ مرأة تساعدك وتشيل وياك ليش مانعلم الريال المسؤولية هو يجمع قبل لا يتزوج بدال مايفكر بالأناسة والسفر والتخربط وآخر شي الزوجة هي البيت والمدرسة والجمعية والسوق والمصطوسف وهو بس يهيت وين اللي يربون صار هاجس المرأة الوظيفة لو هدتها خلاص بتضيع لان فعلا الريال صار مو قد المسؤولية والمرأة هي الاعقل وانا رسالة أوجها حق كل أم تربي ولدها علميه سمعييه وقولي يما انت ريال البيت حب اختك حب زوجتك تحمل مسؤولية جمع حق الزواج صلي وخلك قدوة حق عيالك اخذها ربت بيت تعينك في تربية عيالك
مو تعينك على مصروفك وتساعدك راتبك يمه شويه بلا سفرات بلا مطاعم زايدة لي تزوجت خليه يشوف الدنيا ويه زوجته بالطلعات والنطاعم والسفرات مو يصرف على الربع ويستحي منهم ويسافر وياهم ويقط الاكو والماكوا ولي تزوج بعد شحقه يسافر مطعم بعد شحقة مطعم سينما شحقة سينما يحب ربعة لان شاف الدنيا وياهم والزوجة طاف وآخر شي الزوجه ماكلتها ماكلتها انابهوا يا امهات على عيالكم الله يوفق الجنيع

 

[ليليان ..]

يعني وش فايده هالنقاش بتجي ام المزيون بتقراء كلام بنات البطه السوداء و تتحن عليهم :bbbiu: خخخ
خلاص هالموضوع خالص عندهم

- هو شايل عيبه ما يدرون ان العيوب ما لها لا دخل لا رجال ولا بالمراءه كلها عند الله واحد


المهم انه حاطينه ملاك منزل من السماء :eh_s(4):
بكراء يجي هالمزيون ان اعلمه شلون يصير احلى من المزيونه >> نظرات حقد خخ

عوافي :eh_s(7):

 

[عضوا]

أوافقج بكل كلمه
و للأسف الشديد شريحه كبيرة من المجتمع يسووون جذي
الريال صح
و المرا غلط

 

[بنت النوخذا]

أوافقج بكل كلمه
و للأسف الشديد شريحه كبيرة من المجتمع يسووون جذي
الريال صح
و المرا غلط

وعليه
عومه ماكوله و مذمومه

:eh_s(11)::eh_s(11):

 

[بنت النوخذا]

يعني وش فايده هالنقاش بتجي ام المزيون بتقراء كلام بنات البطه السوداء و تتحن عليهم :bbbiu: :d خخخ
خلاص هالموضوع خالص عندهم

اسمك حلووووو
ذكرتيني بنتعمي بالقصيم اسمها ليليان

عزيزتي ..... العيب مو بالرجل العيب فينا يا الحريم
احنا الي خلينا المزيون
ولا هووو ما يسوي فرنك هههههههههههههههه

 

[بنت النوخذا]

السلام عليكم ورحمة الله وبركاته

صح صح صح كلامج 100٪ في رقم والسيب الاولين يربون الريال على الدلع وايضا من رقم 14 يما شتبي فيها مو موظفة خشمها او جسمها او شكلها صح كلامج والله

عليكم السلام ورحمة الله وبركاته
مشكوره لاعجابك بكلامي
مو عزيزتي ..... العيب مو بالرجل العيب فينا يا الحريم
المرأه هي عدوه المرأه
اطلع في المرأه الي بتاخذ زوجها الف عيب و عيب
لازم تحبط ولدها لازم اهي الي تاخذ القرار عنده
ومثل ما تفضلتي تتطلع شخصية الرجل او الزوج مهزوزه

اهم شئ انه رضي امه
تزوج يا ب عيال
علشان جذي ما تلاقين ود بين الازواج
و اهمال بالعيال


:eh_s(7)::eh_s(7):

 

[شادن33]

رد: دلــــــــــــــــــوع امه

طبعا من كثر الدلع و الدلال و العز دلوع امـــه

لقبت لكم الرجل ................ المزيون

​

حلوووو الموضوووع بنوووت

اتصدقين اناا مره كتبت موضوع بعنوان نصيحه من شادن
يتكلم عن تدليل الولد من يوم اهو أصغير لا مسؤوليه لا عماات عين وجم بم زوجوووه وقطوه عل المره
ومنو يبتلش !! طبعا بنت الحلال
وبنت الحال قامت من حرتها وقله حيلتها تدعي علي اهله اللي ما احسنوا تربيته ولا خلوه يعتمد على نفسه

جان اطب فيني وحده !!! وتهاوش انتى شنو تبين الحريم يدعون على ألاهل !!وما ادري شنو !!
طبعا أهي مؤ فاهمه المغزي من السالفه ماتنلااام

بس تذكرتها وانا اقرى موضوعج الرائع

 

[غصون ق]

يسلمو

 

[بنت ليبيا العز]

كل المجتمعات العربية هكى حتى عندنا فى ليبيا ...اوافقك الرأى