لكل متينه مقبله ع الزواج واللي دخلت ع زوجها وهي بطه تدخل

[مر الايام]

سوي ريجيم ياقلبي .. حاسه بشعورج ... وامشي وكثري من الزنجبيل والسنا ....

 

[ضايعة بدنيتي]

اشوف انها اذواق حبوبة

بس ترى انتي صج وزنج كلش مو طايح على طولج

شوفي انا نفس طولج لكن وزني 69 ومايبين علي متن ولكني متروسة وجسمي مفصل ومابي اضعف بس ابي اشد جسمي . انتي لازم تضعفين عالاقل 15-20 كيلو وكلها شهرين وبتحققينه لو بغيتي

الله يوفقج

 

[" ام حمود "]

فررق كبير وزنج عن طوولج ..
لحقي ع نفسسج وسوي رجيم .. ورياضيه دايماا

 

[ترجمة احساس]

سوي ريجيم نصيحه باجر مو كل لبس تقدرين تلبسينه

 

[nwir72]

ابدي رجيم من الحين ولا انسي تتزوجين وهذا وزنج
الله يوفقج حبيبتي

 

[ريمااااس الحلوه]

حبيبتي الله يوفقك ونصيحه سوي رجيم التمر واللبن انا صارلي خمس ايام مسويته ونزلت 4كيلوو400غرام والله حلو

 

[كلي دلع!]

يمكن عنده خبر انج متينه بس مو متخيل اشكثره
وانتي بيني وبينج حيييييييل متينه
لا تخلينه ينصدم بليلة العرس ويسوي شي يحرجج فيه (حطي الشغله هذي بالج وصدقيني بتضعفين)
لازم تسوين رجيم
مابي اخرعج بس والله ابيلج الخير

 

[رضاهم جنه]

دشي نادي اليوم قبل باجر ولاتسوين رجيم بدون رياضه لان راح يترهل جسمج
وحتى لو زوجج يستانس على المتن اضعفي حق نفسج لبسج واحسبي حساب الحمل والولاده راح تنتفخين زياده

والله يوفقج يارب

 

[أحبج يمه]

حبوووبة سوي ريجيم والله راح تحسين ان نفسيتج تغيرت وأحلى لج واحلى شي ريجيم التمر واللبن حدده عجيب سويه اسبوع وشوفي
ودخلي على قسم السمنة والنحافة وراح تلقين انواع واشكال الريجيمات

والله يوفقج بزواجج

 

[برجس]

سوي رجيم
واتبعي نظام غذائي
عشان الرجيم ما يأثر ع صحتج

 

[Tutti-Frutti]

اذا اهو شايفج ماله وموافق عليج ماله داعي تتخوفين من ردت فعله
لانه اساساً شايفج وعارف شكلج

بس انتي الحين عليج بالرجيييم والرياضه
حيلج فيهم وانشالله يارب تضعفين قبل عرسج

 

[اميره بكلمتي]

حبيبتي تلاحقي عمرج قبل لايفوت الوقت حاولي من اليوم تسوين رجييييم او روحي عند دكتور تغذيه شاطر
ترا والله باجر الرجال بيعافج لان اهو اسا مايحب الحرمه المتينه ،،،، وحتى انتي باجر الملابس تطلع عليج سمبتيك وتدلعين وتحسين بأنوثتج

 

[.. عآبرهـ ..]

لآ تتضآيقيـن ولآ شي ترآ بسيطــه حيل وسهل تفقدين هالوزن كله
بس هآ بشرررط يكـون عندج عزيمــه واراده!
وأهمم شي الريآضه اشتري لج آله ريآضيه بالبيت كل مآصار عندج وقت تدربي عليهآ ( انصحج بالغزآل الطآئر )
يخليج صج غزآل :d
وشوفي بـ اليوتوب تمآرين لشد الجسم سهلله ومآيبيلهآ شي شغليه قدآمج وقلدي حركآتهم كل يووم !
فيه نآس يقولون يومين بالاسبوع بس انتي تبين تفقدين عشرين كيلـو ع الاقل عشآن تبين تقآسيم جسمج
يعني كل يوم سووي ريآضه لمــده لآتقل عن سآعه عشان تطلع النتيجه بسرعه
والريجيم مثل مآقالوا مهم العيش انسيــه مره وحده !
وحآولي تقللين من الكربوهيدرآت الخبز والصمــوون هو أكثر شي يتفخ خصوصآ المعجنآت هههههه
وحطي لج مطآره جآي أخضر وزنجبيل كل يوم اشربي منهآ بعد كل وجبه < عن تجربه
واذا انتي من النوع اللي مآيحب يسوي ريآضه خلي أحد يذكرج دآيما
مثلا رفيجتج وسوي معآها رياضه كل يوم وكل وحده تذكر الثآنيــه عشآن مآتنسين ..

ان شاالله تضعفيـن بالعآفيــه يآرب ويشوفج زوجج ملكــه جمآل
آآآميــــن

.

​

 

[ملح الدنيآ.]

حبيبتي اشتركي بوجبات دايت كير واااايد حلو بس يضعف جسمج اكثر من وزنج وكله صحي واكلهم لذيذ

ولا تنسين الرياضه ..

عسى الله يوفقج ويتمم عليج

 

[amoona89]

البناات مااقصروو عطووج الحل
اهم شي انج تحطين في باالج انج تبين تضعفيين وتسجلين بناادي وتروحين حق مختص
وعسى ربي ينووه لج اللي في باالج​

 

[ام يارا القمره]

قسم بالله الذي خلقني عصير تفاح ينقص 3 كيلو اسبوع
كان وزني 60 نقص 57 وقفت لاني نحفت مره وزوجي بعد نحف

 

[Bubble]

الله ايهديكم يابنات خرعتوها من غير شي ...

لا تحاتي حبوووبه انشالله بتضعفين وبتطلعين احلى عروس ..

اصلا مع ركضه العرس والقلق والتوتر بتضعفين ..مع شويه تخفيف بالاكل .. وكل امورج باذن الله اوكي ...

بعدين لا تنسين يالغاليه ثقتج بنفسج ..

يقولون واثق الخطا يمشي ملكا .. ما قالوا الرشيق او السمبتيك .. الواثق فقط ..

ركزي على الجوانب الحلوه فيج وبجسمج..

تدويره ويهج خدودج.. صدرج خصرج .. الدلع والغنج يحلي اللي مايحتلي ..

تدرين معانا وحده بالدوام .. مدوره .. حرفياً مجموعه دوائر ..

بس والله من تمشي جدامي اقول ياحلوووووها .. تهبل ..

فيها جاذبيه غير طبيعه ..روحها حلوه ودمها خفيف ..وفوق كل هذا هي مقتنعه بجسمها فكل شي يطلع عليها حلوووو...

شوفي ليلى علوي .. الهام شاهين.... على متنهم ..

مصنفينهم ممثلات اغراء ..والرياييل من يشوفونهم يبطلون عيونهم وحلوجهم ..

توكلي على الله .. ولا تحاتيين ...

وكن جميلا ترى الوجود جميلا ...

والف مبروك مقدماً

 

[brat]

حتى لو يدري إنج متينه، هذي ليلة بالعمر، ما ودج تطلعين أحلى وحده؟ الضعف يحلي
باجر تشوفين صورج تتحسفين إنج كنتي متينه بعرسج

دشي قسم السمنة والنحافة، في رجيمات شكثر ومن أحسنها رجيم محمد ربيعه وعبدالله المطوع
أو روحيلج حق واحد من دكاترة التغذية ويعطيج نظام غذائي خاص فيج، أو اشتركيلج بشركة من شركات التغذية مثل دايت كير أكلهم حلو ومايملل

وأهم شي الرياضة، امشي عالأقل ١٥ دقيقة أول أسبوع وزيدي ٥ دقايق كل أسبوع، هذا أبسط شي
ما تقدرين تروحين الممشى عشان الجو، اشتركي بنادي ولا اشتريلج جهاز مشي

شربي ماي وايد، ولا تهملين الريوق، خلي أكلج أغلبه فواكه وخضروات وبروتينات بس بدون دهن، حاولي تبتعدين عن الحلو، ما تقدرين، ميخالف إكليلج كتكات ولا ككاو كاندريل

دشي قسم يوميات وتجمعات السمينات والنحيفات عشان تشجعون بعض

مع الرياضة والأكل الصحي المتوازن بشرتج راج تصير حلوه

وأهم شي الإرادة والاستمرار، لما تروحين السوق راح تحصلين اللي فبالج بدون ما تحاتين إذا عندهم سايزج ولا لأ

ومبروك مقدماً، إنشالله تنزلين وزنج بصحة وعافية وتصيرين رشيقة

 

[شندوخه]

انا ما اقولج سوي رجيم عشان بدله ولا قميص ولا مقاس
انا اقولج سوي رجيم عشان صحتج حرااام عليج

 

[حور البحور]

انا اول رد يبرد جبدج ههههههههههه

شوفي بصراحه انا تقريبا جذيه نفسج بس جسمي مخصر ومفصل بصراحه يعني مرتب

وريلي حيل عاجبته شافني في الملجه وفي العرس ماغيرت شي من نفسي لأن عارفه روحي ماعندي اراده

ورفيجتي نفس الشي متينه ودشت على ريلها متينه ماتقدر تضعف بس عادي اهي ماقعدت على الكوشه دقيقه من كثر مارقصت

وللحين وريلها مستانس فيها حيل

شوفي اذا يدري انج متينه عادي مافيها شي

واذا تقدرين تسوين رجيم وعندج اراده عادي سوي