لكل متينه مقبله ع الزواج واللي دخلت ع زوجها وهي بطه تدخل

[na3oomi]

سلام بنات

كيفكم وش اخباركم ؟؟!!

بنات انا بطه وزني85 وطولي 157

يمكن اتزوج قريب وحيل متخوفه من وزني وان مايتقبل شكلي كارهه جسمي بشكل احس اني منتفخه حيييييييييييييييييل ملابسي ماعاد تدخل فيني قبل كنت البس قياس 16 وعقب 18 الحين 20!!!!

حتى شكلي بيكون غلط بالفستان ابي اتدلع والبس ابي احس بانوثتي ابي البس

كل وحده تزوجت او دخلت على زوجها وهي بطه تقول لي

واذا نحفتي قبل الزواج قول لي طريقتك عشان نستفيد كلنا ومتى بديتي رجيم

ارفعو الموضوع وخلونا نستفيد كلنا

لاتنسوني من صالح دعائكم

 

[فلنتينو]

وووووايد وزنج على طووولج
لازززم تسوووين رجيم
موحلوووه تدخلين ع الرجال وانتي متينه

 

[ماني من الناس]

زين ليش ما تأجلين العرس لين تضعفين

وهو شافك من قبل ؟؟؟

يعني اهو قال شي ولا شنو

 

[اشتياق]

شناطره قلبي ابدي من الحين سوي ريجيم
عشان لاتظلمين نفسج باللبس والدلع
وان شاء الله البنات يفيدونج
بالتوفيق يارب

 

[الفرفوشهـ]

الحل بإيدج حبيبتي
ابدي رجيم ورياضه او روحي دكتور تغذيه شاطر
تلاحقي عمرج

up

 

[ابدا يالغالي مانساك]

بلشي من الحين بالرررجيم هررولي ركضي مشي سوووي انواع الرجيم

بااجر لاتعفين لابسج وماتقدررين تلبسين شي منه

 

[ام دليار]

أذا أنتي كارهة جسمك ماراح تقدري تقنعيه بشكلك
أعملي رجيم قبل العرس

 

[sKntyny]

لحقي عمرج قبل لا يدقرج او يعلق عليج .. ويمكن يقولج شي يجرحج ماتنسينه .. بعضهم مايرحمون

 

[Miss Chanel]

رووووحي لنادي وسوي رجيم

 

[noo7a]

اشدعوه عليكم بنات خرعتوها جذي
ترى في رياييل وايد يحبون المتن لا تحاتين
دام الريال اختارج و انتي جذي يعني اكيد عاجبته
والله يوفقج

 

[Tom ♥ Jerry]

.


لا تضيعين وقت آكثر ..
نصيحه مو تقولين كل يوم من باجر من باجر من باجر .. ترا مآ رآح تخلصين
و رآح ايي يوم العرس و آنتي ليلحين مآ سويتي شي ..
آبدي رجيم و سوي ريااااااضه آهم شي عشان الترهلات و جسمج يصير مشدود
على الاقل هالفتره قللي من الحلويات .. حآولي مآ تتعشين ..
على طول شربي بس عصائر فرش .. الغدى خفيف جدآ اللهم عشان سد اليوع ..
حآولي تآكلين مشوي .. لا تآكلين آكل فيه زيت ..
و سوي رياضه آمشي اشتركي بنآدي اي شي آهم شي تضعفين (=
صج رآح تتعبين بس النتيجه رآح تعجبج .. صدقيني ..
بعض الرياييل يهتمون بجسم المره آكثر من ويههآ !


(=

موفقه

 

[سيدة الذوق]

اهم شي الثقه ...

اهي اهم شي اذا انتي واثقه من نفسج ريلج يفز فيج .. ومو شرط الضعف ولا المتن

ياماناس ضعاف ورشيقات وحظوظهم طايحه والزوج خاينهم

وياما متينات عايشات بنعيم .. اهم شي انتي راضيه بنفسج خلاص

 

[ام خدود ورديه]

روحي حق الدكتور محمد ربيع ينزلج بالاسبوع من 2-3 وريجيمه كلش كلش مايتعب
انا كنت نفسج نزلت 10 كيلوات بعرسي كنت متروسه بس حلو على طوول شكلي كلش ماكان مبين اني متينه

 

[رتو الكيوت]

ترى حتى لو دخلتي عليه وانتي بطه وسويتي حركات انا الثقه !

هو بيسلك لج ولا من داخل ميت ع الرشيقه


نصيحه نحفي ماكو على الرشااااااااقه

 

[ماني من الناس]

وينج نزلتي الموضوع ومشيتي

ما رديتي على استفساراتنا ؟؟

 

[!! شوق !!]

حبيبتي اهم شي لا تتازمييين ..
لانه لو تازمتي ماراح تضعفييين فاهمه ..

بعدين ترا مو شرط والله رفيجتي امتن منج وبطولج وعاادي اصلا زوجها مستانس عليها ..
اللي يحدد .. تقسيمه جسمج .. يعني لج خصر مقسم جسمج ؟؟؟؟؟ ولا صبه وحده هذا اللي ياثر ..
وانتي اهم من الضعف انحتي جسمج .. عندج نادي كيرفز حيييييييل يمدحونه ونتايجه تبين بسرعه

 

[G!RLooNa]

اهوا شافج ؟؟؟ ترا اكو رياييل يحبون المتان

بس اكيد احلى شي الرشاقه و الصحه

الحل المتعارف عليه ريجيم و رياضه و اكو ياخذون حبوب و هالسوالف عشان ينزلون بسرعه بس انا ماحبهم وايد فيهم اضرار بس اذا بتستخدمينهم فتره معينه و قطيعهم لا تكملين عليهم

و اكو يستخدمون ريجيم السوائل و الماي و الليمون بس هذا لازم اسبوع واحد بس كحد اقصئ خليه حق اخر اسبوع قبل العرس او قبل العرس باسبوعين -٣ عشان اخر اسبوع و هذا رجيمج يمكن تروح نضاره ويهج لان مافيه مواد غذائيه وايد *

 

[nadoooy]

حبوبة احسن حل لج روحي عيادة دكتور واشتركي بنادي رفيجتي قبل عرسها سوت رجيم صارت احلى من هيفا ونانسي ماشالله عليها والله تقول لج تدلعي وحركات اشبيقول عنج ريلج من البداية مبلتعه واشعرفج هههههههههههه مادري وجهة نظر شوفي على كثر ما ريلي يقول لي احب المرة المرببة من اضعف نفسي جم كيلو يقولي جسمج صاير اوكي

 

[فراولة زوجها]

سوي رجيم وابتدي فيه اليوم قبل بكره
وخليج واثقه بنفسج وخلي الدافع الوحيد لج العرس
وان شاء الله تضعفين

 

[na3oomi]

وينج نزلتي الموضوع ومشيتي

ما رديتي على استفساراتنا ؟؟

معليش حبوبه قمت من ع لابتوب انشغلت شوي

لا هو عارف اني متينه بس ماقد شافني