لكل بنت عندها مرض بطانة الرحم الرجاء الافاده

[eemee]

بعد عمري والله ما قصرتي

 

[أم سارا]

شلونكم بنات
أحلى حياة شخبارج مالج حس هاليومين
وايمي شخبارج

 

[eemee]

والله الحمدلله انتي شلونج وصاجه احلى حياه ما تبين هاليومين عسى المانع خير يارب وطمنينا عليج

 

[أحلى^حياه]

هاااااااااي حبيباتي

مشكووورين عالسؤاااااااااااااال

والله لاهية بالدوام تعبت وااااااااي مليت منهم
معطينا بيع مقصف و مربية و فوق هذا احتياطات
وقطيعه توني حلمانه بالنسرة الناظره اففففففففففففففف اذية

انتو شلونكم
اشتقتلكم وااايد

 

[أم سارا]

آخر تمام..بس نسأل عنج موعوايدج
الله يعينج على الدوام
احنا يقولون ايوم حضروا وقدموا دروس عشان بنات التربية العملية يستفيدون ومافي أطفال تخيلي الأبلات يقعدون نفس الأطفال بالصف وشوفي المسخرة ولبضحك اليوم سوينا تجربة متنا من الضحك

 

[eemee]

انتو مدرسات ؟ الله يعينكم والله

 

[أحلى^حياه]

ام سارا
يامعوده احس اللي بالروضة أهون شوي وكافي الحين مو مداومين اليهال
يالله الحمد لله على كل حال بس تصدقين يمكن اقدم مجلس طبي تعرفين طريقته ؟؟
ايمي
اي والله وانا وحده ودي اطلع واي مو قادره حاولت بس ماكو فايده واحتمال اقدم استقالتي
انتي وين تشتغلين و لا بعدج طالبة ؟

بنات ما عندكم واسطة تطلعني من التربية ؟؟ هههههههههه أو يوافقون على المجلس الطبي
يالله ولكم الحلاوه و وعد تكون عجيبه ههههههههههه


شسوي لا تلوموني تعبت

 

[أم سارا]

حبيبتي واجد بنات حولوا اداريات ليش ما تسوينها بس هم يبيلها واسطة ومراكض الله يعيييين

 

[أحلى^حياه]

ام سارا
شروطهم تعجيززززززززية واااااي
لازززم مريضة بمووت او عمري مليوووووووووون!!!!

وفوق هذا مثل ما قلتي واااااااااسطة قووووووووية

الله يعين

 

[eemee]

هاي بنات شلونكم شخباركم
من زمان عنكم

 

[أم سارا]

السلام عليكم
شلونكم ........
وينكم ماكم حس ؟
انشاءالله نسمع الأحبار الزينة
ايمي و أخاى حياة شنو آخر الأخبار بشروني

 

[eemee]

لا والله ام سارا والله النت صار له فتره بطيء عشان جذي ما اش وايد انتي شلونج بشري عنج

 

[أم سارا]

أهلين ايمي كيف الحال ....
آنا سويت تلقيح هالشهر والله كريم الباقي على الله يالله يرزقني وياكم يا كريم
ما قلتلي شسويتي عند الدكتور حازم؟


أحلى حياة وينك ؟

 

[eemee]

يالله يارب تبشرينا هالشهر بخبر حلو والله انا عطاني تنشيط وانا لاني اعاني من ارتخاء في صمام القلب قالي ماراح اسويلج هالشهر تلقيح فاثر التنشيط اللي خذيتها كونت تكيس وعطاني مانع الشهر عشان يعالج التكيس ادعولي يارب يروح التكيس

 

[أم سارا]

يارب تفتكين من هالتكيس
ما فكرتي تاخذين عسل أو شي طبيعي ؟
اله يوفقج ويرزقج ويرزقنا ياله كريم

 

[أحلى^حياه]

ام سارا

هلالالالالالا حبيبتي
الحمد بخير انتي شلونج .. وشلون التلقيح تعورتي ولا ايده خفيفه ؟؟
متى تطلع النتيجه ؟؟؟ ياااااااااارررررررب تكونين حامل يالله يا كريم لا تنسين تدعين الله

ايمي
هلا حبيبتي سئلت عنج العافية
يالله الحمد لله على كل حال . والله يكتبلج الاجر يارب
ادعي ربج وان شاء الله يروح التكيس وتحملين ياررررب
اما بالنسبة لي
يوم السبت غزيت الابره الثانيه والدكتورة اهيا عطتني الابره وان شاء الله تعدي على خيرررر
بنات بقولكم عن المحضرة اللي معانا بالمدرسة اهيا متزوجة متأخر و يعني 25 عمرها جذي تزوجت
المهم و صارلها 5 سنين ما تحمل
ومن بداية هالسنة غايبة قالولنا حامل وبتاخذ مجلس طبي
ما تتخيلون شكثر استانسنا والله اهي تهبل و طيوووووووبة وعلى نياتها
المهم
امس ولا يانا خبر انها طيحت واااااااااااي
طلعت كانت الشهر السادس و زعلت عليها حيييييل
حامل بتوأم صبيان
والله ضااااااااااق خلقي مسكينه والحين نايمة بالمستشفى

 

[eemee]

هلا والله احلى حياه مسكينه عورتي قلبي عليها يارب ياجرها ويعوض عليها يارب وكل شي في خير انشالله

 

[أم سارا]

هلا فيج أحلى حياة من طول الغيبات جاب الغنايم ...........ليش غاطة قمنا نحاتيج
يارب ....يارب ........ تعدي ابرتج على خيييير وما تحسين بشي انشاءالله......
ويارب .....ويارب ...... تفتك ايمي من التكيس..............................
وآنا تحليلي بتاريخ 18/11 يبين النتيجة حاطة ايدي على قلبي واحاتي حيل الله كريم بعباده يرزقنا ويكتبلنا الخيييير يارب......
المفروض اراجعه اليوم عشان يصرفلي ادوية بس شكي ما اقدر اروح باكر انشاءالله

 

[أحلى^حياه]

ايمي
اي والله تكسر الخاطر فقيرة الواحد يشوف مصايب غيره تهون عليه مصيبته
ام سارا
يارب حامل بس ديري بالج لا تتعبين نفسج بالدوام ما يستاهلون اهم شي راحتج وامانه عليج اول ما تعرفين النتيجه تقولين لنا
ويا رررررب نتيجة تفرح

 

[أم سارا]

بنات وينكم غاطين ..........
آنا اليوم لي 13 من لأبر التفجيرية باقي على تحليلي كم يوم وحدي خايفة وعايشة في ضغط
يارب ..ارحمنا وارزقنا