لقيت بدرج سيارة زوجي عقد زواج بسمه مصدق من البحرين

[جعلي فدوه لبوي]

بنات السالفه صايره مع اعز رفايجي اهي وزوجها عايشين مرتاحين وسعيدين بس قبل سنه قرر يدرس بلبحرين وقار كل يومين رايح راد لهديره ليما جا وقت المصيبه الي حرام جننتها وهم رايحن لسوق نزل يسحب من البنك وخذا بوكه وخلا ادرج مبطل وهي فيها لقافه نبشة وشافة الورقه ومن الخوف ردتها مكانها بسرعه وهم للحين ماعندهم اطفال واسالفه من اسبوع واهي ماتدري شتسوي واهو الحين بلبحرين يقول عندي اختبارات

 

[جعلي فدوه لبوي]

الورقه هي عقد زواج من بنت بحرينيه وبعد من مذهب ثاني غير مذهلهم حرااام قولولي شنصحها تسوي

 

[غبيشة]

الله يكون بعونها

 

[April 29]

ماكو الا تواجهه
اذا تبي تسكت من وتاكل من نفسها وتبي زوجها كيفها
والله يهدي النفوس

 

[جعلي فدوه لبوي]

اهي خايفه ترد لبيت ابوها العيشه بيت ابوهااا حكره وخوانها قاسين وزوجها وراها الدنيا وعوضها حكرة اهلها هذا الي ذابحها

 

[NODA 2]

خل تكلمه شناطره هذا زواج ما يبيله تاخذ راي اي احد
واذا اهي خايفه يطلقها اقولج ما راح يطلقها ولا جان ما خش عنها زواجه يعني معناته اهي لها مكانه بقلبه
الله يجدم الي فيه الخير

 

[دلوعة صلوح]

خليها تصبر ما اتعقد ان طول السنة بيصير عندة امتحانات اكيد بيي اليوم لى يخلى مايروح.. خليها عندة

عالاقل انها ماترد بيت اهلها الله يصبرها يارب.

 

[جعلي فدوه لبوي]

امين حرام بس تبجي من القهر لانها تحبه

 

[ابدا يالغالي مانساك]

من صجج ياختي تشوف عقد زواااج
وساكته وميته خوووووف
خل اقل شي تواجه وتاخذ حقها ولاتضعف

 

[Ryoomaa]

الله يصبرها
حبيبتي الزواج البحريني واللي اعرفه ان غير معترف فيه بالكويت لانه مومصدق ومعناته ان متزوجها بس تسليه
وانا من رايي المواجهه فالمواجهه فالمواجهه
لان اذا سكتت مره راح تسكت الف مره عن شغلات كبيره بس بشرط المواجهه لازم تكون بثقه مو خوف منها او تحسسه انها ضعيفه
واذا متمسك فيها وشاريها راح يهد كلشي عشانها بس اذا واحد بايع لاااااااا بايباااااااااااي

 

[اخر صمتي انين]

تسكت ولا كأن شي صاير

اذا ما تبي الرجعه لبيت اهلها لان اذا فتحت الموضوع بتكبر السالفه وتوصل للزعل ويقولها روحي بيت اهلج واهي ما تبي بيت

اهلها ويمكن يطلقها اذا شاف راحتة مغ الثانية

 

[shak!shoka]

اي شي !!

رايح يدرس ها

يمال السقوووط و الفشل ويعه !!

 

[كليـ دلعـ]

سمعي حبيبتي

الغلط انها تسكت

لاااااتسكت خليهااا توواجهه


تصرخ تبجي توريه ردت فعلهااا تطلع اللي بجبدهاا

وتزعل وتروح بيت اهلهاا وتكبر السالفه

لازم وظروري اتهييب عليه

تهزه

توعيه لاااازم

شنو تسكت؟!

اصلا شلون اسكتت!

ساكته ع شنو بالله

شنو ترياا مثلاا

؟!؟

هذا زواااااااااااااااااااج شرعي

خلاص مافيهاا

الحل الاكيًد

انها تقلب الدنيا ع راسه وتروح لهلها

وانا متأكده ليشافهاا درت واستنكرت

وشاف ردت فعلها

والله لي اييها راااكع

لاتقولين اهلها ما اهلهاا

ختسوي هالتمثليه والله ماراح تخسر

بيتفشل

وبيتندم
وبيتراجع

صدقيني انا وااااثقه

الا عاد اذا كان بايعها ولايبيها كلشش

عاد هذا شي ثاني

اما مساله
سكتي

سوي نفسج ماتدرين

لاهذا موحل

هذا الغلط بعينه

خ تهززززززه

واذا ربي كاتبلها نصيب معاه ماراح يخليها
واذا ربي موكاااتب

والله لوتسكت وتغمض بعد

راح يخليها

الله يفرج كربتها ويعينها ويساعدها

 

[شالعه ضرس العقل]

المفروض ماخذه الورقه وناطره ليما ترد البيت وتواجهه فيها
وتلعن ابو خامسه فيها
وضروري تصورها وتخش الصور بمكان ثاني غير بيتها

 

[احب بوناصر]

اذا بتواجهه ممكن يقولها اي نعم انامتزوج وهذا انتي دريتي ذيك الساعة يا انها ترضى بالامر الواقغ اوتردلاهلها اللي موحابع العيشة معاهم اما اذا اسكتت تظل هي زوجته الاولى وجدام الناس اما الثانية بالسر وحتى اهله مايدرون يعني هي الاصل

 

[Ryoomaa]

ضد السكووووووووووت صراحه عيل باجر بيتزوج عليها عشر وهم تسكت
يانااااااس الزواج استقرار راحه الوحده شلون تقدر اتعيش في بيئه مافيها راحه بس تفكر وتاكل بروحها
الوحده تسكت اذا ماكان عندها دليل اذا كانت بس شاكه بس اهي شتبي بعد اكبر من هالدلييييييييييل وطاح بحضنها بعد
حلوه هذي اعيش مع انسان بايع وصاني على شاني مو مرتاحه عند اهلي كلش مو منطق صراحه

 

[D.asmaa]

انا وحده التصرف اللي بسويه اني اخذ الورقه واوديها حق اهله ولا اكلمه اروح بيت اهلي ولا ارد عليه كلامه يكون بين اهلي واهله هذامتزوج لييش تسكت اهوا الغلطان واهيا اللي تحتر خليعرف انها مو رخيصه اذا سكتت باجر يحط عليها 10 واهيا ساكته ؟؟ لا عيال ولا شي اتطلق واخذ سيد سيده عليى قولتهم

 

[pinkoosha]

ياقلبي الله يكون بعونها, كل شي بالتفاهم ينحل دام انه بيت ابوها حكره واخوانها شينين, خل تواجه وبالكلمه الطيبه راح تنحل الامور بأذن الله, تقوله انها شافت الورقه وماقالت له بحزتها لانها ماتبي تخرب العشره الي بينها وبين ريلها وخل تكلمه بكل هدوء وعتب خفيف لانه حرام بيت ابوها سجن, وخل تشوف شنو يقول ريلها وانا افضل انه لي رد من السفر تحاول تاخذ ورقة العقد الي بالسياره عشان لي افتحت معاه هالموضوع وجذبها بيكون معاها دليل,, وبعدها تغير معاملتها معاه تقسى عليه يوم وتلين عليه يوم عشان ما يروح حق زوجته البحرينيه

 

[رحيل المرافيء]

اللي تقوول توريه وتلعن خيره ليش يبااا
هو ريال وحقه يتزوج 4 واللي مو عاجبها تتطلق
والزوجة الثانية مالها ذنب يطلقها عشان الزوجة الاولى مو راضية
الحل انها تواجهه وتقوله انها درت
ومو عاجبها خل تتطلق هي الزوجة الثانية مالها ذنب
ونصيحتي تزوج ولاا لاا دامها مرتاحة معاه بس بعد شتبي خاصة انها مو مرتاحة ببيت اهلها
وايد ازواجهم مو متزوجين عليهم ومو مرتاحين اهم شي الراحة

اللي تقول زوجي لي بروحي واللي تقول ما ارضى وحدة تشاركني فيه ليش شاريته بفلوس ابووج

 

[*uM_MiMi*]

حسبي الله ونعم الوكيل فيه<<< علي قولت شكشوكه يا مال السقوط >>>> الله يعينها مسكينه صراحه وضعها صعب مسكينه