لقيت بدرج سيارة زوجي عقد زواج بسمه مصدق من البحرين

[love love]

حبيبتي الي قالت السالفه تاليف الله لا يواريج مثل هلمواقف والاسم هو دليل انها من مذهب ثاني صح السان الي وضحت اي الاسم حيل واضح انها من مذهب ثاني

حبيبتي قلت تاليف لانه قصص واااااااااايد بهالمنتدى ولا تلوميني كلنا ندري نص القصص تاليف

وبعدين قلت لو صج الله يكون بعونها لانه فكره شريجه تحر اشلون لو صج

والله يمسح على قلبها ويردلها ريلها
والله لا يحط احد بهالموقف

 

[مقمش لولو]

والله انا لى راي شرير شوي

اول شي لاتواجهه لكن تحاول تصور العقد وتاخذ اسم البنت

ثاني شي تطقها حمله خل تحمل تربطه باليهال لان اليهال اييبون راس الريال

ثالث شي تنتفه تنتف بالروحه والييه تاخذ المقسوم

رابع شي تطلع رقم البنت وتشرشرح اهلها الحلوه داخله على زواج بعد مواى شي الرياييل بهالسوالف يبون العين الحمرا


خامس شي الله يكون فى عونها

 

[[[ عيون جابر ]]]

عساه مادرس جانه بيحط على راسها مره !
لازم تواجهه ليش تخاف والحق معاها !

 

[نونه المنكوشه]

بصراحه الله يعينها شى يقهر لكن انا احب اقول شغله حق كل المتزوجات ترى ريايل الحين ماينتخلون بروحهم يعنى اذا راح دراسه لزقى فيه لاتخلينه بروحه طقاق بالدوام لانه حتى الريال النظيف مع المغريات اللى الحين والله يروح لاتقولى واثقه انا بعينى شفت ريايل يموت بحريمهم ومرته للامانه موقصره بشى جمال واخلاق ومع هذا يخونها لانه زمانه هذا خايس كل شى موجود ومفتوح فاهيه غلطانه بتروح ريلى على ريلك اتيله من باب انى انا ماصبر عنك اموت لو اتغيب لحظه عنى خل اتفلم عليه شوى والله زمن تعيس والهادى الله وانا مع المواجهه موعلشانه علشانها اهيه اتفرع مابداخلها ترى الحرات موزينه اله اطلع اللى بقلبى واشرشحه وماخلى شى بقلبى وبعدها اتشوف شنو ربى يكتبلها صج الريايل يحرون الخيانه عندهم مثل شربت الماى لكن شر لابد منه وذكريها ان الله مع الصابرين

 

[al-musk]

عفيه قلب شلون ساكته ليلحين

 

[طير الحب]

وليش اسكتت !!!!!! المفروض بحرتها تواجهه

من حقها تعرف ولا تنخدع فيه ماله حادها على الجذب والخداع

 

[a7la_7b]

شنووو تسكت
بنااات خلوووو عنكم المثاليه بتقنعوني انه اي وحده فيكم اذا صارلها هالموقف بتسكت وتحط بقلبها هالشي ماينسكت عنه خليها تواجهه ووقتها كل الكلام اللي بالقلب يطلع وتعرف قدرها عنده اذا كان شاري ولا بايع بس المفروض بحزتها تاخذ العقد الله يصبر قلبها ماعندي غير هالكلام لان هالشي يعور القلب

 

[قهرني]

شلون يعني مذهب ثاني ع حسب فهمي مايصير سني ياخذ شيعية او العكس او شيعية تاخذ سني

^

والله يصبرج علية لازم اتواجهينة .. يتعذر بالدراسة يامااااااااال الويعه

 

[شيوم]

خل تواجه

 

[FeShinGoOo]

يدرس بروحه اكيد متزوج اهناك في ريايل مايصبرون عن الحريم

خل تواجهه وكيفها تبي تكمل معاه ولا تتركه الاختيار بيدها ومالها غير المواجهه مالها حل ثاني؟

 

[روعة خيال]

استغرب من اللي تقول حق من حقوقه و مسهله الموضوع!!

الصحابيات احسن مني و منكم كانو يحترون من بعض

لا تقعدون تسوون فيها مثاليه

ماكو وحده جذي!!

صح الشرع حلله اربع

بس بعد الشرع حلل الطلاق و لو انه ابغض الحلال عند رب العالمين بس ما حرمه

لو مكانها اقوم الدنيا و لا اقعدهاا لو فيها طلاق خل تنفعه الثانيه

قال دراسه قال

لو منها اتنح بالروحه معاه و اذا رفض و اكيد راح يرفض افتح الموضوع و خل ينكر عشان ابط عينه بعقد الزواج

و هالثانيه ما لقت الا متزوج!!

حسبي الله على اللي يبي خراب البيوت

 

[أم علي الرفاعي]

يخسي اسكت !!!

اسمحولي البدويات يمكن متعودين على هالوضع
ويعرفون شلون يتعاملون معاه

بس احنا نووو وييييييييييييه !!!
واتكلم واصرخ
وثقافتي ما تسمحلي اني اقعد
عند واحد متزوج علي والا له علاقة
بوحدة ثانية ايا كانت
رفيجة
زوجة
:
:
:

ايا كانت
مستحييييييييييييييييييييييييييل !!!!

 

[عشقك وطن]

انا عن نفسي يمكن امسكه واقطعه واقطعها معه

امانه انا بهالمواضيع عمري ماحطيت للرجال عذر ؛ كان يقدر ياخذ زوجته معه هذا شي


عموما مدري بالظروف بس بقولك التصرف اللي اشوفه سليم


البنت بيت اهلها حكره + لو تطلقت بيحكرونها زياده

هي تحب زوجها وزوجها مبين زين معها


فانأ اقول قد ماتقدر تحاول ماتبين له وتحاول تجذبه لها قد ماتقدر


ولاصار بيروح البحرين وهو عندها وقت فاضي تقوله حبيبي بغير جو معك وتسافر معه خليها تحكره مايقدر يروح لها


من ناحيه الفلوس لاتقصر ع عمرها وخل تقوله افكر اجيب بيبي منك عشان لا رحت تدرس فيه قطعه منك تصبرني لما تجي


> هنا بتحسسه بالذنب


خليها تعامله مثل الملاك وتدوس ع قلبها



هو للحين مخبي بس يمكن ينتظر الوقت المناسب ويفاتحها بالموضوع هنا هو بيكون خجلان من نفسه لانها ماقصرت معه



فعشان كذا تتخذ موقف قوي تزعل وتطلع كل اللي بقلبها وتسوي اللي تبي بتروح بيت اهلها كأسلوب ضغط او او او


لو ماتمسك فيها هنا نقول عليه العوض ومايستاهلها بس دامها جننته من الاول وحسسته بالذنب ماظن يتنازل بسهوله عنها



بالنسبه للموضوع الاطفال هي تشوف رده فعله ولاتستعجل ماتدري وش الظروف يمكن بعدين يصير هالموضوع ضدها




بصراحه شي أليم انها تحكر الكلمه بقلبها بس هذا اللي اشوفه انسب لوضعها خصوصا بيت اهلها مايساعد


وثاني شي لو واجهته ماتدري يمكن يقول دريتي ولا خلص دراسته جابها معه وانا لو تتطلق الثانيه عندي عادي


لاني اعتبرها دخييييله وخرابه بيوت

 

[yam_yam]

ممممم الله يعينها

لا تعليق

 

[تكييف]

اهي خايفه ترد لبيت ابوها العيشه بيت ابوهااا حكره وخوانها قاسين وزوجها وراها الدنيا وعوضها حكرة اهلها هذا الي ذابحها

عشان جذيه ساكته؟؟؟ الله يعينها... هذا السبب مو الاخت ام علي اللي تقول البدويه عادي تسكت ..من يقول ؟؟ وعلى اي اساس تحكمين ؟؟ ومو اول مره ترى تحاولين تكلمين عن البدو ؟؟؟ ماله داعي الفتنه؟؟ الله يجزاج خير ام علي الرفاعي

 

[طيبة83]

لا لا هذي زواج مب لعبه لازم اتواجهه وتسمع منه

ان شاء الله نزوة وتعدي

 

[هذا مزاجي]

الله يعينها
مالهم امان هالرجال

 

[الـفـجـر الـبـعـيـد]

برايي تواجهه وما تسكت بس بهدوووء وتبين له انها زعلانه

وموعاجبها الوضع واطلع كل اللي بقلبها وتحاول تجذبه لها

والله يعينها ويسخر لها زوجها

 

[اميره1980]

المثل يقول نارك و لا جنه اهلي
هي في بيت اهلها لمن كانت بنت لاعنين خيرها و مو عاجبها الوضع شلون عيل لو ترد لهم مطلقة ؟؟ حتى باب الشارع ما راح تشوفه

انا اقول تمسك ورقة و قلم و تقسمها قسمين
قسم بالمميزات و العيوب و هي على ذمته
و قسم بالمميزات و العيوب لمن تتطلق او ان يعرف انها درت و تشوف شنو يقول عقلها
صج كلنا ترا ما نرضا ان رياييلنا يتزوجون علينا بس خلتفكر ان لو تنفصل عن زوجها راح يستمر مع زوجته الثانية و هي اللي تكون تخلت عنه

خلتمسك ارضها و تسكت احسن و عموما يمكن متزوج بالبحرين زواج مؤقت فترة الدراسة فقط علشان لا يدور الحرام

الله يهدي النفوس يا رب و يوفقها

 

[عزة وكبرياء]

انا برايي ماتفاتحة بالموضوع وخلها ساكتة لين يخلص دراسته وتشوف شيصيروانا اتوقع انه متزوج بالبحرين بحكم انه يغيب فترة كبيرة هناك وتزوجها مؤقتآ ولما يخلص دراسته بيطلقها يعني زواج بنية الطلاق انا سمعت انه في جذي حالات بس اتوقع ان هذا الزواج مايجوز ​