اللعنه الرابعه عشر
استانست وفاء لان ولد خالتها بياخذ ليلى صديقه عمرها
مر اسبوع
ليلى يت الجامعه مستانسه : وفاء مشكوره وايد وايد
وفاء : العفو حبيبتي انتي تستاهلين كل خير
لطيفه منصدمه : شفيكم
ليلى اطالع لطيفه : وفاء حبيبه قلبي اخطبتلي ولد خالتها
لطيفه منصدمه : شنو
وفاء : شفيج
لطيفه : ها لا ولا شي مبروك حبيبتي
ليلى : الله يبارك فيج
لطيفه بقلبها : يعني الحين تخطبين حق ليلو وانا تخليني اي لاني مو نفس المستوى
وفاء : الفال لج ان شاء الله لطيفه
لطيفه : ان شاء الله
مر فواز وطالع وفاء وابتسم لها واهي نفس الشي ابتسمت له
لطيفه اطالعهم بنظره بس وفاء ما شافتها
مر يومين
بيت ليلى
بيت ليلى
وفاء قاعده تجهز ليلى لان خالد اليوم بيخطبها رسمي واهل ليلى تحت ينطرون
ليلى : انا متوتره حدي
وفاء : لا توترين ترى خالد خوش ولد مو لان ولد خالتي قاعده امدحه اهو صج خوش واحد
ليلى : وفاء ما ادري شقولج انتي احسن رفيجه في هل دنيا
ولمتها حيل ونزلت دمعه فرح من وفاء
وفاء : يالله حبيبتي المعرس ناطرج
ليلى : ان شاء الله
وفاء عقب ما خلصت من تجهيز ليلى طلعت بره وقاعده اطالع البيت وتقول
وفاء : الله يوفقك يا خالد ولقيت وحده احسن مني ان شاء الله تتهنى معاها
في الوقت نفسه
خالد يطالع ليلى ومو قادر يشيل عينه منها
الام : خالد شفيك مو جذي
خالد : ها شنو
الام : ويه يا وليدي شفيك
خالد : ولا شي
خلود : والله عرفت تختار يا خوي الله يهنيك
خاله ليلى : متى تبون العرس
ام خالد : على راي ولدنا شنو تقول
خالد : في العطله الصيفيه تخلص امتحانات وعقبها العرس
خاله ليلى : ها ليلى شرايج
ليلى : انا موافقه
خالد : بس الملجه الشهر الياي
خاله ليلى : خلاص على بركه
ام خالد وخلود : الله يبارك فيج
وام خالد وخلود يببو
وخالد وليلى انحرجو وبنفس الوقت مستانسين
في الوقت نفسه
بيت لطيفه
بيت لطيفه
لطيفه : اه يا حرتي ليلو تتزوج قبلي بس لا انا لازم اغير من شكلي والبس لبس ماركات نفسهم بس شلون
وقعدت تفكر وقالت : خلاص لقيتها
