لعبه اكمال القصه :)

[عود مبخر]

مشاركة: لعبه اكمال القصه

قال الابو : موزه الوحيده من عايلتنا عندها فيوزات في مخها ..
و يصرخ الابو في ضاري : قممممممممم يا ولد روح لوازم العائله بالجمعيه اشتر لنا درزن فيوزات ركض
راح الولد و رجع و دخلوا جماعي غرفه العمليات : ضاري و امه و ابوه و طلع الدكتور من غرفه العمليات و ترك لعباس مهمه تركيب الفيوزات لعائله بو ضاري الكريمه لان عباس كهربجي

تكللت العمليه بنجاح و استطاع عباس ان يحووووووووووز على رضى اصحاب المستشفى و تم تعيينه في قسم الجراحه الكهربائيه

فجأه مووووووزه صحت من البنج و اعترضت على قرار تعينه لانها مثل ما انتو عارفين اهي صاحبه المستشفى
و طلبت طرده من المستشفى و فجأه


رجعت لحاله فقد الوعي لان البنج اخذ فوق تحت بجسمها .... و لكن

 

[سبائك]

مشاركة: لعبه اكمال القصه

ولكن الابو قرر يطلع بنته من المستشفى ويوديها تعالج بره

قام يراكض باوراقها بالصحه علشان يسفرها على حساب الحكومه ما رضوا لان الفيوزات متوفرين بالديره
فماله حاجه يسفرونها بره

دبر له واسطه الابو ووافقوا الصحه على السفر الى المانيا<<<علشان بعض الناس يقولون لنا ششافوا هناك
مع 13 مرافق !!!!!!!!!!!!!!!

طبعا المرافقين كانوا الام وريلها والابو وضاري و2 من ربعه
ويارتهم ام خزعل مع بنتها البازع........وبنت خالة يدتهم الي آخر خبرهم فيها بسنة الطفحه
وسايقهم كمار مع خطيبته لان ما يقدر يفارقها
وموظف الصحه الي كتب لهم الموافقه وزوجته

هذيل كلللللللللللللللهم على حساب الصحه رايحين مع موزه مرافقين لالمانيا!!!!!!!!!!!!!

واهما في المطار ولا.............

 

[MaYoOoma]

مشاركة: لعبه اكمال القصه

والا يسمعون : النداء الاخير ... على جميع ركاب الخطوط الجويه الكويتيه المتجه الى المانيا التوجه الى البوابه حالا
واهم وخبصتهم وركضه وحوسه وما مداهم دخلوا جناطهم بسرعه وركض عالبوابه .. والحمدالله لحقوا على الطياره على اخر لحظه .. كل واحد قعد مكانه وربطو الاحزمه استعدادا للاقلاع .. جان يعلن الكابتن ان خلل اصاب الطياره وعلى كل المسافرين انهم ينزلون من الطياره وينطرون بالمطار لين الله يفرجها ......

 

[سنا الفضه]

مشاركة: لعبه اكمال القصه

وجان يطلعون من الطيارة والغوا الرحله وعقبها هونوا وراحوا بالسيارة للخبر والبحرين امدحوا لهم حواي يسوي خلطات للامراض المستعصيه عقبها راحوا للعمرة
وهم بالطريج ....

 

[MaYoOoma]

مشاركة: لعبه اكمال القصه

بنجرت عليهم السياره واهما طااااايرين بالطريج .. جان تنقلب فيهم !!!

تطشروا اللي بالسياره كلهم كل واحد بصووب والابو نزل يركض مخترع يلقط عياله والاوادم اللي وياه واللي فاقد الوعي واللي متعور واللي متكسر .. والا ........

 

[ميراندا]

مشاركة: لعبه اكمال القصه

ولا يشوف هالسوبر بان اللي سفط و نزل منه ريال أجلح املح.. ولا طلع سلطان ريل سلطانه اخته ( يعني نسيبه ) .. قاله ها بوضاري اشلونك شخبارك .. اشلون الاهل و العيال و ام ضاري وضاري و موزة.. اشلون بيت يرانكم و الربع بالدوانيه و اشلون الشاليه اللي اتروحون كل خميس ولا هونتو <<<<<<< حدك فاضي و مو وقته

الابو زفه زفه محترمه قاله : انا الحين وين و انت وين تراك حدك فاضي امش وياي انلقط هالاوادم اللي تطشرو بالبر .. و لقطوهم .. اللي داش بالرمل لي اركبه و اللي شاير ابعرفيه ( نبات العرفج ) و اللي دمانه سايح على يبهته .. لا حول الله .. وانطرو على ما يتهم الاسعاف ..

لما يت الاسعاف ركبو موزه و امها .. و خلو الباجي يولون .. لأن الاسعاف ما اتشيل ..

جان يقول سلطان ماكو الا انزل اهلي من الجمس و اركب الباجي .. و حذف اهله .. مرته و بناته و اعياله بالبر و طار بالمصابين ورا الاسعاف

و تالي ....

 

[MaYoOoma]

مشاركة: لعبه اكمال القصه

وتالي لما راحو المستشفى ونزل المصابين وكشفو عليهم وعالجوهم .. انسدح سلطان ريل سلطانه على الكراسي اللي بالاستراحه .... ونام خوش نومه ... ولما قعد الصبح تذكر ان بناته ومرته بالبر نسى ياخذهم !!!!

رااااح طاااااااير مكان اللي نساهم ولما وصل !!!!!!!!



شاف مرته وعياله يلعبون حيله

مساكين ما بيدهم شي يسوون واهما مقطوطين بطريج سفر وبر وماكو ناس ولا حس

نزل لما شافووه قالوله ...... ؟

 

[تفاخيه مبطوطه]

مشاركة: لعبه اكمال القصه

كنت ناويه أكمل جان أهون


بس تأليفكم يابناااااااات رهييييييييييييييييييييب تنفعون والله

ليش ماتقدمون النص حق مخرج ويسويه لكم مسلسل مدبلج 1000 حلقه؟

 

[MaYoOoma]

مشاركة: لعبه اكمال القصه

مسلسل مدبلج مدى الحياة

 

[عود مبخر]

مشاركة: لعبه اكمال القصه

و لما نزل سلطان من السوبر قالو له عياله:

يبا امانه خلك ويانه

يبا احنا امانه محنا مهانه

قام الابو بيزنط ولده الي ركض حق سكان السوبر يفر فر فيه و يطييييييييير الولد بالسوبر يقحص


و صرخت الام و قالت له : هدددددددددده خله يتحدى


و فجأه ....

 

[gooogany]

مشاركة: لعبه اكمال القصه

طلع لهم المارد السحري وقالهم تمنوا ثلاث امنيات ..اتهقون شنو تمنوا ؟؟؟

 

[عود مبخر]

مشاركة: لعبه اكمال القصه

تمنى سلطان :


فلووووووووووووووووووووووووووووس واااايد عشان يدش البورصه الامريكيه و الكويتيه و يروح يكتتب في بنك الريان القطري قبل لا يسكرون باب الاكتتاب باجر و ما ينام مثل الي بالجريده بالسياره او بالنادي
و الي يزيد من الفلوس يبي يروح يتزوج فيهم على سلطانه

و تحقق لسلطان طلبه و استانس و كيف و قام يغني و يطق اصبع و يهوس .. طلع الاصل

يانا الخير يانا و الفقر خلانا يوم الي نشوفه ما نقدر نعوفه و نعيش بسعاده يانا الخير يا نا



تمنت سلطانه الام :

عمليات تجميل من قمه راسها الى اخمص قدميها :

-شد الوجه : 13الف غرزه
- شفط الدهون : غالون و نص غالون و ثلاث ارباع قلاص جبن و استكانه كامله
- رفع الحواجب : 3 متر و نص
- تفخ الشفايف : عند بنشرجي جمعيه النزهه و تبديلها بتواير ميشلان
- رفع المؤخره : عن طريق ونش السيارات خدمه 24 ساعه شرط لون السياره احمر و اللون معتفس شوي اثر العوامل الجويه
- تكبير الصدر : قياس 60 Dd
- تلوين بؤبؤ العين : ازرق مخطط بالطول احمر و بالعرض اخضر
-تجديد فروه راسها : و استبدالها بشعر ذيل الحصان شرط الحصان عربي اصيل من اسطبل تيس الاجاويد
- تركيب طقم اسنان جديد : بشرط نفس الدكتور الي عدل اسنان انغام
-تركيب اظافر مدى الحياه : لا يوجد شرط او مكان محدد
- تبديل الجهاز الانثوي خخخخخخخ ( حلوه هذي ككعكعكعكعكعكعكع ) : لا تعليق
--تركيب رموش و حواجب جديده : رموش بعير مدهون بزعفران و ماي ورد و حواجب الفلبيني الي في ماكدولندز الشاليهات
- ازاله الشعر بالليزر : تحت اي برج من ابراج وزاره الكهربا او اعمده Mtc
- تشطيب بشره الوجه : عند اي عامل مساح طوفه شرط اللون طبيعي
- كوي الرقبه بالبخار لازاله التجاعيد : عند مصبغه واهد نفر يسوي اوتي في جليب شيوخ

و بعدها تحولت سلطانه الى اجمل مخلوقات الله :

اللهم صلي على النبي يا ارض احفظي ما عليكي




اخر امنيه تهاوشوا عليها العيال :



و قرر سلطان و سلطانه و المارد السحري يسوون قرعه و خلو العيال الاربعه يصفون طابور يم بعض :

حذره بذره قولي ربي عند 10 :


1





2





3





4






5






6






7




8



9




10


للاسف وصلوا حق 10 و بنفس الوقت مرت عليهم طياره من فوقهم و يغلط الابو بالحسبه و يطلع رقم 10 على الفاضي


قرروا العيال يتركون الامنيه الاخيره للولد الكبير لان اهلهم مو كفو يعدون عدل

و بما ان الولد الكبير ما يبي يبخس حق اخوانه قالهم نتفق على شي واحد عشان المارد ما يقول لنا مو شايفين خير مثل امكم و ابوكم













و طلعوا بنتيجه :



الامنيه اهي :











يا رب ترجع لامنا و ابونا عقلهم ولا تشمت المارد و الناس فينا

 

[lolo77]

مشاركة: لعبه اكمال القصه

عقبها عاشوا مثل ماكانوا
عيشه سعيدة

بس تذكروا شي ما سوووه
؟؟؟؟
شنو يا تري نخليكم مع الحلقة اليايه

 

[عود مبخر]

مشاركة: لعبه اكمال القصه

مو قبووووووول لولو كتبي شي

 

[lolo77]

مشاركة: لعبه اكمال القصه

هاهاها
يالله سمعواااا
لمن بغوا يروحوون البيت
اشوي ولا سمعوا صووت قوي هز المنطقه حيل
فجأه شافوا مركبه فضائية شكلها غيرب عجيب
استغربوا منها وايد وايد
انفتح باب المركبه وطاح منها ورقه مصفوطه ومربوطه
خذاها الولد الكبير
طبعا الكل كان خايف ومنبهر الا الولد الكبير تجرأ وراح يم الورقه اللي طاحت من المركب

المهم لمن فتحها جان يطلع منها غبره مو طبيعيه
ظل فتره يكحكح الولد
بعدين لمن فتح الورقة
جان يلقى فيها رسمه
شنو هذي الرسمه ظل يفكر ويفكر
؟؟
؟؟
اللي وراي تكمل

 

[عود مبخر]

مشاركة: لعبه اكمال القصه

مركبه فضائيه بصحرا الخبر يا عبقريه يا لولو خخخخخخخخخخخخ يلا ما عليه المخرج عاوز كده


ظل الولد يقلب الصفحه يمين يسار فوق تحت زاويه قائمه زاويه منشكحه زاويه منبطحه ماكو فايده
و ظلت العايله الكريمه كلها نفس الحاله تقلب بالصفحه

لحد ما طاحت الورقه في يد خدامتهم قالت : هاهاهاهاهاها بابا انت ماكو عرف شنو هذا ؟!؟

انت كله نفرات يقول هندي ماكو مخ بس انا اكو مخ واااجد كبير


هذا صوره حق بيت بابا مال بنانا ( ابو موزه )

اكو داخل فلووووس كتييييييييير كتييييييييييييييييير

 

[عود مبخر]

مشاركة: لعبه اكمال القصه

ليش محد كمل القصه ؟!؟

 

[Amy Lee]

مشاركة: لعبه اكمال القصه

انا بكملهاا ..مممممممم
.....................
اثاري الصوره طلعت خريطة كنز موجود داخل بيت موزه
وهالكنز مدفوون من ايام الديناصورات
فلنستون كان دافنه
Pp:
جان يردوووووون كلهم فووووق تحت علشااان يدورون الكنز
ولما وصلو البيت
قااامو يحفروووون
لما اكتشفو كهف تحت البيت

 

[Amy Lee]

مشاركة: لعبه اكمال القصه

يلااااااااااااااااااااااااااااااا كملووووووووو

 

[ms_darkdream]

مشاركة: لعبه اكمال القصه

بعد ما اكتشفو الكهف قرروا ان ما يدشون كلهم
دش الاول وانتظرو الباقيين..............
كملووووووووووووووووووووووو