لعبه اكمال القصه :)

[MaYoOoma]

مشاركة: لعبه اكمال القصه

بالمستشفى .. قالت موزه حق امها .. يمه الله يهداج شفيج عليها ترى اهي خوش مره وحبوبه وكافي ابوي يحبها
قالت الام : حبتهااااااا القراده اهي وابووووووج ..... ابوووووووووج ااااااابوووووو ابووووووج .. ذلفي عن ويهي حسبي الله عليكم كلكم .. اصلا انا من قرادتي اللي رضيت في ابوج هالشايب العايب اللي مايستحي ولا ينتخي ..
شاااايب عمره 60 سنه يتزوج وحده كبر بنته!
سكتت موزه ماعلقت على كلام امها .. وخذتها وطلعت من المستشفى ولما وصلت البيت والام توها نازله من السياره جان تقول موزه : يمه انتي لو تشوفين بنتهم ..... !!!
ماكملت كلامها جان تقول الام بنتهم ؟!!!!!!!!!!!!!!!!!!!
جان تغشي مره ثانيه .. وتشيلها موزه وتردها بالسياره وتطير فيها المستشفى
ويعطونها الابر والادويه وقعدت وارتاحت واسكتت عنها موزه مايابتلها طاري شي
وشالتها وحطتها بالسياره وطول الطريج ساكتين .. ولما وصلوا البيت وتوها نازله الام جان تقولها موزه : يما شفيج الله يهداج انا بس قلتلج بنتهم غشيتي عيل لو قايلتلج عيالهم التوم شتسوين ؟
جان تقول الام : تووووووووووووووووووم !!!!!!!!!!!!!!!
وترد تطيح الام غشيانه ...........

 

[طوق البنفسج]

مشاركة: لعبه اكمال القصه

و عاد هالمره احقرتها مورزه مو مصختها المهم زخت امها و دتها الدار و شممتها بصل و صحت

جان تقول الام حق موزه انتي دراج عن عيالهم

قالت موزه مو انا احب ولد مرت ابوي العود
اهني الام ين ينونها و شوي و ...........

 

[MaYoOoma]

مشاركة: لعبه اكمال القصه

ترد تغشي مره ثانيه !

طلعت موزه وخلتها بالدار قالت هالام ما منها فايده ... دقت على ولد مرت ابوها الفلبيني .. قالتله خلاص امي درت .. جان بتخطبني تعال باجر عقب صلاة المغرب .. قالها الفلبيني : اوكي بس انا لازم يجيب ماما وبابا عشان يسوي خطبه .. قالتله اوكي مو مشكله بس لا تتأخرون

ثاني يوم دق الجرس بطلت الام الباب والا الجاليه الفلبينيه يايتهم .. ! الام ياها انهيار عصبي
ونقلوها المستشفى .. وحطوها بجناح عمومي .. ولما صحت والا يارتها بالغرفه شريجتها الفلبينيه .. لما درت ولدها بياخذ بنت ريلها هم حاشها انهيار عصبي .. والتفت الصوب الثاني والا بنتها مسدوحه ! لما رفض ابوها صفت وياهم ...
المهم ما مداها الام تفكر الا بدخلت ريلها ... قال : ......

 

[سبائك]

مشاركة: لعبه اكمال القصه

زين اشوه حطوكم كلكم مع بعض جمله علشان افتك من الدواره عليكم
الام خزته ذيك النظره الثاقبه الى قضت دشداشته
خلص علاجهم وسوالهم الابو خروج من المستشفى وراحوا البيت....الفلبينيه اول ما دخلت جان تقول بابا انا ما يبي غرفه قديمه.......انا يبي غرفه مال مدام خلاص انا زوز مال انت الهين لازم يقعد غرفه كبير
الابو قالها حاااااااااااااضر من عيوني...شيلي اغراضج يامره من الدار وشوفيلج دار ثانيه
الام استخفت بغت تطيح غشيانه بس قالت لا مايبرد واهي لازم اتصرف....راحت حق الفلبينيه ومسكتها من شوشتها ويرتها على المطبخ وذيك توصوص آآآآآآآآآآيييييييييي
الابو لحقهم بيفاككهم ولا...........

 

[ميراندا]

مشاركة: لعبه اكمال القصه

ولا تعرجب و طاح على ويهه و انكسر خشمه .. طبعا الام استانست قالت قلعته حوبتي
و الفلبينيه راحتله تركض ادلعه ابو بنانه ابو بنانه هبيبي سنو فيك
يات موزو و تلته لي السياره و ودته الطبيب ( ماصارت طبيب كل القصه بالمستشفيات يحوسون )
حطوله لزقه على خشمه و قاله يالله خلاص روح البيت
المهم الابو صار املزق .. و عقب ما طاب شال اللزقه ولا الخشم عوي
قال لازم اروح ايران و اسوي عمليه تجميل .. شيماء علي مو احسن مني
سنع جنطته و سلم على الام قالها تبين شي من ايران .. قالتله ما اوصيك على الزعفران و الفستق و القز و الساهون و الماهون و الماعون و كل العده .. و اهم شي الزعفران ييبلي وايد عشان ابيع على رفيجاتي
و سأل الفلبينيه شنو تبين .. قالت : اب كريمات من ايران <<<------ يا حب الفلبن حق التدهن
و سأل موزه شنو تبين : قالت ابي ..............

 

[سبائك]

مشاركة: لعبه اكمال القصه

قالت ابي ريل<<<<البارع قوية العين
عطاها ابوها خوش سطار وسلم عليهم وراح المطار
بالمطار شاف الابو رفيجه مو شايفه من 50 سنه<<<<شلون رفيجه ما ادري خخخخخخ
قال ها بومعاذ وينك كل هالمده ما شفناك عسى المانع خير؟؟؟
قال بو معاذ اي والله خبري فيك بايام روضة شجرة الدر ايام كيفان.......شسوي والله انشغلت بهالدنيا مافيها خير........شعندك وين بتسافر؟؟؟
رد بوضاري والله بروح ايران بسنع خشيمي انعوى من ورا راس هالحريم لا بارك الله فيهم
قال له بو معاذ زين انا بعد بروح ايران بسوي عملية ليزك حق عيوني...
بو ضاري تضايق قال وليييييه هذا بومعاذ انا خابره من ايام الروضه بخيييييييييل جعص ما يندي.....اكيد الحين مصرف الاكل والسكن والمواصلات كله بيصير على راسي......شهالوهقه......

 

[طوق البنفسج]

مشاركة: لعبه اكمال القصه

ابي ايراني حمر عطر ايقط الطير من السما بعد الفلبيني و حرمتوني منه يبلي ايراني على مزاجك

الابو ماعجبه رد البنت قالها : ايا الي ماتستحين على ويهج وانا ابو موزه تبين ابوج ايبلج ريل و يفصخ عقاله و يمحطها خلص منها رد على امها ا
قال حق الام: هذي تربيتج البنت بس اتدور الريايل بس شاطره اتحلطمين ليش تزوجت وليش خذيت على شريجه ادبي ابنتج الاول
ورد الابو لبس عقاله و قال حق الفلبينيه يلا حبي وصليني المطار و رد على ام موزه قالها ان سممعت انه انتي ولا بنتج معتبين بره البت ترى ذبحتكم و سويتكم كباب
ردت الام ............

 

[ميراندا]

مشاركة: لعبه اكمال القصه

ردت الام قالت انشالله يا بو اعيالي ( بس ابقلبها اتقول اي هين انت اطلع مني و انا وراك لي اروح عند ام مبارك اشرب جاي الضحى عندها )
و راح المطار و لقى رفيجه اللي من 50 سنه مو شايفه ( قصه سبائك )
و لما اوصلوا طهران قال بومعاذ حق بو موزه لا تنزل طهران امش وياي شيراز اهناك البنات روعه اتقول اقطاوه شيرازيه العين خضره و الحلج وردي و عنونو و البياض و الزين .. مو اللي عندنا اباطاتهم سوده و الخافي اعظم .. انتزوج انا وياك خوات احسن من السعالوه اللي عندنا
قال بوموزه والله شغل عدل .. باقيلي ثنتين بعد .. يالله فوقه
و لما اوصلو شيراز ......

 

[طوق البنفسج]

مشاركة: لعبه اكمال القصه

ولا شيشوفون البنات كل وحده اتقول الزود عندي و هاشياب طارت بوهتهم تمو ساعه بس ايحوسون بشوارع شيراز و يتمقلون بها لبنات
قال بو معاذ : ها شرايك بخوك يعجبك
رد بوموزه و اهو طايره بوهته : اشوه اني شفتك يامعود بالم
ططار ولا جان طافني ها لشي الزين و هالبنات الي مايسون ظفر وحده من حريمي
قاله بومعاذ: خلاص عقب مانرد الفندق و نرتاح انروح انا معاك حق صاحبي بو علي
لما صار العصر راحوا حق بو علي ................

 

[MaYoOoma]

مشاركة: لعبه اكمال القصه

ومالقوه ! وسألوا عنه بكل مكان محد يدري عنه من ثلاث سنين
اخر شي دلهم واحد من الشباب هناك على بيت اهله ... راحو سألوا عنه قالولهم بوعلي عطاكم عمره .....
قال بوضاري شلووووووووون !!!!!!!!!!!!!!
قالوا اهله : تزوج مرتين والثالثه ...........................

 

[ميراندا]

مشاركة: لعبه اكمال القصه

والثالثه يابت اجله .. المسكين ما قدر لحق على 3 حريم .. قام ياكل فياجرا .. و اخر مره اكل فيها زاد الجرعه اشوي جان يطق و يموت

اهني اخترع بو موزه قال بلللللللل لا يحوشك ( لأنه ابياخذ الثالثه )
قعد يفكر قال لازم اطلق وحده من النسور اللي عندي بالبيت
و سوى قرعه بينهم منو يطلق .... ولا طلعله اسم .....

 

[طوق البنفسج]

مشاركة: لعبه اكمال القصه

اكو غيرها المقروده ام موزه

دق عليها تلفون واهي مسكينه مستانسه انه دق عليها قبل الفلبينيه اهي بس قالت الووو
قالها ويعوااا ام موزه انتي طالق
ام موه طقتها البوهه صج جذب قالت له انا بابو موزه اطلقني عقب هالعمر قالها اي مو احسن ما تزوج ثالثه واكل فياجرا واموت
قالت عساك الموت الي يمحيك بطلقني عشان تاخذ ثالثه اخذها وانا على ذمتك قالها طاقتي ماتسمح اكثر من ثنتين
ردت ام موزه .....................................

 

[MaYoOoma]

مشاركة: لعبه اكمال القصه

ردت ام موزه : شدعوى عاد انت فيك حيل .. لو مو تاكل فياجرا .. لو شتسوي ماتنفعك لا الثالثه ولا الرابعه انت ماخذهم عبالك العيب منا .. وانت شوف جم عمرك بتصك الثمانين وانت ليلحين تبي الثالثه والرابعه والخامسه .. شخليت عيل حق ولدك ..... !! انا اقول روح فرقاك عيد خل ادورلي واحد صغير احسن منك يالشايب يالعايب يا يو فياجرا ... يالله انت الحين اللي طالق !!
وسدته بويهه
جان اطقه البوهه .. تم ماسك السماعه لمدت نص ساعه يطالعها .. صاحبه يقوله شفيك ؟ جان يقوله : اثاري كل هالمده ........

 

[سبائك]

مشاركة: لعبه اكمال القصه

اثاري كل هالمده عندي هالمره الذهبه ام عيالي وانا ابصبص يمين ويسار
لا بس انا الحين صحيت من الغشوه الي كنت فيها ولازم ارجع حق مريتي ام عيالي
رجع الابو الكويت وسيييييييييييييييييييده ركضه على البيت
يوم قرب من البيت ولا يسمع صوت طقطقه........دخل بسرعه ولا يشوف موزه بايدها المبخر ولابسه على آخر طرز
سالها موزه شالسالفه مسويه عيد ميلاد
قالت له لا يبا اي عيد ميلاد اليوم عرس امي ياحليلها خذت ولد جيراننا عباس
طل الابو بالصاله ولا الام مرتزه بالكوشه وقاطه الراس يكون مستحيه
وعباس ساطر يمها كاشخ بالبشت والكشره شقاقيه
الابو اهني...........

 

[MaYoOoma]

مشاركة: لعبه اكمال القصه

طاااااااح غشيان

وشالوه وراحو المستشفى والام راحت بيت ريلها

جان........


( اتعشى وارد )

 

[تفاخيه مبطوطه]

مشاركة: لعبه اكمال القصه

تصحى موزه من الحلم ههههههههههههههههههههه <--- نحيسه

 

[طوق البنفسج]

مشاركة: لعبه اكمال القصه

تفاخيه ليش اتخربين القصه مت على تكمله سبووك شنو ماكو عده ابد طلقها وعباس زاهب

المهم قامت موزه من الحلم و ركضه على دار امها و ابوها فجت الباب بدون واستذان و شاافه .................

 

[سبائك]

مشاركة: لعبه اكمال القصه

ابوها مدنق راسه وقاعد حزين والدنيا صاكه فيه
قالت له شفيك يبا عسى ما شر ليش مهموم يا تاج راسي؟؟؟؟

رد عليها الابو وقال مشتهي بيض طمام وما عندي احد يسويلي امج من غير شر تزوجت وراحت بحال سبيلها وانتي نايمه والخدامه انحاشت................
قالت له يبا ولا يهمك انت تامر من عيوني
قال لها الابو كفو يابنيتي بتقومين تسوين لي؟؟؟؟؟؟
قالت موزه لا يبا الحين انا وياك نروح حق احسن مطعم هندي بالديره نتريق بيض طماط وجباتي مع شاي حليب
قال الابو يالله شسوي امري لله

راحوا المطعم الهندي ويوم دخلوا ولا يلقون................

 

[ميراندا]

مشاركة: لعبه اكمال القصه

لقو الهندي اللي بسويلهم البيض و الطماط يحك راسه المدهن و ينقف .. قامو يتطالعون و واحد يخز الثاني الابو و موزه .. جان يطلعون من المطعم بسكات و اهما لايعه اجبودهم

قالت موزه حق الابو : يبا اشرايك انروح ..........

 

[ام أحمدووه]

مشاركة: لعبه اكمال القصه

قالت شرايك نروووووح الشيراتون نتريق بالمقهى الانجليزي او نرووووح لينوتر نتريق ريوق كووووول وسنع ...بلا بيض طماط بلا شباتي!!!


قال الابو : يا موزه هالاكل مو متعود عليه انا تدرين ابوج فقر وماعمري دشيت هالاماكن!!! اخاف نروح واتوهق

عصبت البنت وتنرفزت من ابوها الكحيان الفقر وقااالت بعصبية..........