لاعت جبدي من امي ..,

[قلبي ابيض]

البنات كفو ووفو

 

[قيم واخلاق]

رد: رد : لاعت جبدي من امي ..,

حبيبتي عيب تقولين على امج لوعت جبدي .. وحرام اساسا تتكلمين على امج بهالطريقة
وأمج اكيد تعرف اهل رفيجتج وامها ومع ذلك ما احترمتهم وتعمدت تطفش البنت (هالشئ هذا ما اثار عندج أي تساؤل )
يعني امج لو عارفه انه هالناس محترمين ما كانت اتعمدت تعامل بنتهم بهالاسلوب .. وفعلا رفيجتج انسبت اكثر من مرة وظلت قاعدة !!!! ماكو انسان محترم يقبل على نفسه هالشئ .. ومن اول ما شافت امج معصبه وقاعدة تزف كان ممكن تستأذن وتدق على اهلها يجون ياخذونها .. لا بس رفيجتج نطرت لين امج جت وقالت لها احنا بنطلع .. يعني روحي بيتكم.

مافي ام او عائلة محترمة يخلون بناتهم يروحون ينامون عند ناس غريبه وما يعرفونهم عدل .. هذا يدل على البيئة اللي جت منها رفيجتج .. وأمج أكيد شايفه هالشئ اللي انتي مو شايفته وخايفه عليج من اصدقاء السوء .. ياما بنات اشحلاتهم وعيال حمولة ومتربيين بمجرد ما اتعرفوا على اصدقاء السوء ضاعوا وفقدوا كل شي ... انتي بنت وامج خايفة عليج .. وانتي الحين صغيرة ومو فاهمة هالشي هذا بس باجر لما تكبرين وتعرفين ان الناس فيهم الصالح والطالح وانه الصاحب ساحب بتقولين الحمد لله مليون مرة انه امي دارت بالها علي وانقذتني من هالاشكال.

رضا ربج من رضا والدينج لا تضايقين امج ولا تزعلينها ولا تقارنينها بأي صديقة ... امج اغلى ما عندج روحي طيحي عند رجولها وبدال ما تقولين قاهرتني ومدري شنو اعتذري لها وقولي لها آسفه ما بغيت ازعلج وتراضي منها .. ولما تهدأ .. أطلبي منها بهدوء تفهمج شنو اللي مضايقها بالضبط وهي اكيد بتشرح لج وتفهمج.

والله يهديج ويحفظج من اصدقاء السوء

نفس رايي بالضبط

 

[FeShinGoOo]

حبيبتي عادددي منتي اول ولا اخر وحده اهلها يمنعونه من طلعة الرفيجات مع اني احس ان امج مو مقصره فيج وتوديج واتيبج عيل شتسوين لي ياتج وحده وقالتلج شنو يعني الفنار ولا سوق شرق ..!!! ترى والله العظيم في بنات جذي ..!!
وانتي امج ماشاء الله شكلها اوبن مايند ولا مافي ام تسمح لناس غرب ينامون بيتها حتى لو ارفيجات بنتها عمرنا ماسوينا هالحركات .. بيت خالتي وبالغصب ..

بس سالفة انها اتسب ارفيجاتج احس هاذا الشي الوحيد اللي لج حق فيه ..
بناء على كلامج انج ماسويتي شي غلط .. من وجهة نظرج ..

 

[sarate]

تحملي وصبري وجزاج الجنه
ترى الجنه تحتها صبري عليها وسوي اللي تبيه

 

[ضايعة بدنيتي]

رد : لاعت جبدي من امي ..,

واضح انج في قمة المراهقة وبلاويها

سمعي كلام امك حبوبة . والبنت مكانها البيت .. استر لها ولا تتابععين ربع السوء .. وربع السوء يا بنت الناس مو شرط عندهم سوالف شباب وغيره . البنت الي 24 ساعة هايتة وتنام بره بيتها ما عندها سنع .

والله زمن اغبر الي صارت البنت تنام في بيت ربوعها . امريكان مو عرب مسلمين !! الله يهديكم ويحميكم من شرور انفسكم

حطي في بالك شغلة ... كل الي تسوينه في امك الحين .. بنتك راح تسويه فيك بكره بس على اخس من جذي

 

[لؤلؤية]

امج معاها حق
اذا رفيجات بنتها ينامون برا البيت
@@
اكيد ما راح ترضى انج تطلعين معاها
انا اول مرة بحياااتي اشوف بنات ينامون في بيت رفيجاتهم
!!!!!!
اهلهم مايخافون عليهم
امج اللي صح...ورفيجاتج واهلهم اللي غلط
حبيبتي
اغلب اللي بالمنتدى امهات
وانا ام وعندي بنات اكبر منج...ومتزوجات
ما اسمح ولا اقبل بالوضع اللي حاصل معاج
وعفية على امج...ماطردت البنت...
امج تخاف عليج...وتحبج اكثر من اللي مايدرووون عن بناتهم

واااااااااي
حدي مصدووومة
شلووون رفيجتج نايمة عندج
معقووولة فيه ناس جذي..؟؟؟!!!

>>> سؤال
رفيجاتج كويتيات؟؟؟ والا اجانب؟؟؟
ياربي حتى الاجانب يعرفون انه عندنا عادات وتقاليد..والتزام ديني...

 

[ana 7elwa]

لا تقولين جذي امج خايفه عليج وتحبج ومو قادره تبين حبها لج بالطريقه الصح

احسن شي تجنبي اي شي يعصب امج

 

[عاشقه رويشد]

قعدي وتفاهمي وياها وان شاء الله تتغير نظرتج لها

 

[q8y-moon]

حبيبتي باجر الله بيرزقج بعيال وبسوين نفس امج
الله يلوم الي يلومها
رفيجتج هذي اهلها مايدرون عنها بدليل انها نايمه عندج وامها اصلا ماتعرف امج واهلج
وترا طول عمرنا مانطلع الا ويا اهلنا ومو كل ويك اند
وعلي ايامي ممنوع تلفون للبنت وطبعا ماكو لابتوبات
عادي حياتي

 

[نبضها نادر]

رد : لاعت جبدي من امي ..,

الحين أنها ماترضى انج تطلعين أو تنامين عند رفيجتج لانها خايفه عليج من هالزمن الاغبر تقولين لايعه جبدي منها
احمدي ربج ياحياتي أنه فيه أحد يخاف عليج وعلى الاقل هي أحسن من أم رفيجتج اللي ماتخاف على بنتها شلون تنام الليل وبنتها مو موجوده بالبيت ماتخاف يصير فيها شي لا تقولين ثقه بهالزمن مافيه أمان وأمج معاها حق أكبر غلط البنت تنام برا البيت أنا لو أقول لامي تقص لساني على طول
وبعدين غمضي عيونج دقيقه
وفكري شووووي
انج قاعده وكل رفيجاتج اللي تحبينهم حواليج
بس أمج مو موجووووده بهالدنيا
الله لايقوله
والله يعطيها طولة العمر
بس شلون بتصير حياتج
والله الدنيا بدون الام ماتسوى شي الكل اللي يدور مصلحته و الكل يتخلى عنج بس الام مستحيييييل
حاولي تفكرين عدل المحبه ماتنقاس بالحريه صدقيني

 

[ياليل مااطولك]

بختصار شديد ميحتاح نتكلم عن بر الوالدين الا كان اسردلك صفحة كاملة عن البر با الوالدين ----اولا علاقتك مع صديقتك في حدود ليش تنام عندكم هذا غلط حتا لوا كانت صداقتكم شديدة ---ويبدوا من طرحك ان عمرك عمر مراهقة مع احترامي وتقديري لكي الام لابديل عنها كل الصديقات ليغنوك عن امك او انك تزعلي امك الله يهديك الى الصواب

 

[اميره بالجنة]

صدقيني امج ماسوت جذي الا لمصلحتج وانتي مارح تعرفين قيمة الي تسويه امج لج الا بعد مايكون عندج عيال والله يخليها لج ولا يحرمج منها تراا اهي من خوفها عليج ومن الي تسمعه بهالوقت من بلاااوي

 

[nonua ~!]

رد : لاعت جبدي من امي ..,

بناااات اناا صج غلطت بحق امي

ويشهد ربي لما كتبت الموضوع معصبه ومتنرفزه ودي الارض تنشق وتبلعني
ومادري شنو جدامي وانتووا نفس خواتي واحطيت المووضوع عطول

انشاءلله تسامحني امي

وعلى رفيجتي اهيا نفس اختي من ايام الابتدائي واحنا مع بعض وانا احن عليها تنام عندي

والحين احنا اخر سنه بالمدرسه يعني حيل مع بعض وحمداللـه ماعندنا سوالف

بس امي الله يهداها مادري شفيهااااا

عالعموم مشكورين ع ردوركم

 

[~ بنت الهدى ~]

بعدين حمدي رببببج تطلعين

انا ماطلع مع رفيجاااتي اببببببببد ماعمرري طلعت وياهم, عيب عندنا البنت تطلع بدون اهلها
بس اروح بيتهم و ناادر

اطلع بيت عمي بيت خالتي و جدتي و بسس ,.. روتييين

و مولات !! ولله في مولات مااعرفهمممممم .. و اذا طلعت مع خوالي .. يقولون بسج طلعه ماتشبعين

و على هذا عاااادي ولله مو هامني ششي انا شايفه انهم مو مقصرين علي حنونين علي و يصرفون علي و يحبوني و يخافون علي شنو ابي اكثر من كذآ

 

[m!ss sara]

رد : لاعت جبدي من امي ..,

باستثناء اسلوب السب وتوابعه .. ما شوف امج سوت شي غلط ..

ولا بنت تنام بيت رفيجتها ؟ هه وين صارت هذي :/

الله يعين الجميع

 

[غآلي يآ ابوي]

حبيبتي انتي الحين زعلانه ليش ؟؟ يمكن امج شايفه شي على البنيه وانتي مو شايفه وعادي هاذي امج لو اتطقج على راسج هاذي امج ولا تخسرين امج اللي اغلى ماتملكين عشان ابنيه لاراحت ولاجت ترى والله بعض البنات جلبات إترافجج اليوم وبكره تقلب عليج علشان سبب تاافه صحح!!! بس امج مهما تزعل عليج او انتي تزعلين عليها مالكم الا بعض .... وبعدين امج معاها حق اشلون البنت اتنام مع رفيجتها هاذذي وين صارت :eh_s(10): أصلا انا لو امي ترضى انا ما ارضى لان شي عيييب ..... ولما باجر تكبرين ويصير عندج اعيال اتعرفين امج ليش اتسوي جذي .. واذكريهاا

 

[cheese cake 84]

بدااااااامج تدرين امج جذي ليش مخليه رفيجتج تنام عندج بكل بساطه لاتخلينها تنام عندج ولا تخلينها تصادف امج ولا تحتك فيها وبعدين انتي بالجامعه ولا بالثانويه؟؟ اذا بالجامعه عندج رفيجاتج تشوفينهم طووول الاسبوع تقعدون بالكافتيريا تستانسون يعني في الف طريقه وطريقه عشان امج ماتفشلج جدام رفيجاتج تدرين امج جذي ويايبه رفيجتج تنااام عندج

 

[وآحشنــي زمآنـك]

رد : لاعت جبدي من امي ..,

حــآولي تتقربيــن منهــاا وتكسبينهــاا بالأول ..



عدلي العلآقــه وحيــآتج بتكــوون من أحســن ماا يكوون ..

 

[عويتقة]

حبيبتي هادي امك جنتك ونارك احمدي الله انو عندك ام تحبك وتخاف عليك وتصرخ عليك في ناس يتمنون بس نضرة من امهم لانهم حرمو منها وفي ناس عمرهم ماشافو امهم ويتمنو بس صفعة منها الام غاااااااااالية مهما عملت ومهما سوت الرفيجات يمشون وييجون ويا كترهم بس الام وحدة تحصل مرة وحدة في العمر ولا تتكرر وبكرة لما يكون عندك بناات راح تفهمين امك شلون تفكر حبيبتي روحي بوسي يد امك واطلبي الرضى منها ترا كلنا امهاتنا صعبات وعقولهم غييييير عن عقولنا بس كلاامهم على راسنا من فوووووووووق لان رضاهم من رضى الرب والله يرضى عليك وعلينا

 

[pink123]

شوفي حبيبتي امي زي امك كل ماشافت صديقه قريبه مني تحاول تبعددهاعني او تطلع ففيها عذاريب الدنياوكل مادقواتصرفهم وهكذاوش السبب ماأدري وعلى فكرة حتى لوهي تعرفهم لدرجه بنت اخوهاتقولي وش بينكم اعجاب!!!!!!عشااناايام المتوسط نكلم بعض ب4 ساعات بس موكلها سوالف لا نصهااحركات بزران نتفرج على التلفزيون وهي بالخط او تروح تتعشى واناعلى التلفون حركات بزران وتقول انتوا وش بينكم وتجيبها انه مزح وهي لودقت بنت خالي تصرفهاونفس الشي غيرهاابس عادي تعودت على هالموال ..


بس سالفه انه رفيجتك تنام عندك شي غريب الصراااحه ..مالوم امك تشك..واان زي بنت الهدى وتعودت بالعكس احمدربي انه حتى زيارات صديقاات موعندناصح اول اقول وش معنا انا بس الحين الحمدلله فهمت ليش يمنعونا..وانتي بتكبرين وبتعرفين..
لااله الاالله استغفرك واتوب اليك