رد : لاعت جبدي من امي ..,
مرحبا.....
أولا: لا تقولين لاعت جبدي من أمي لأن هالكلمه ممكن تدخلج النار لا سمح الله
ثانيا: أنا لو عندي بنت وتقولي رفيجتي تبي تنام عندي أنا ما أرضى
شحال بنتي تقول أبي انام عند رفيجتي
وبعدين أنتي ما عندج أخوان ماعندج أبو ماعندج عم ولا خال يزوركم شلون ام رفيجتج ترى بنتها تنام في بيت مو من اهلها ويدخله رجال بغض النظر عن انا واثقه فيهم في هالزمن الانسان ما يثق بأخوه
انا مثلا البنت الوحيده عند اهلي ومدلعه وكل طلباتي اوامر عمري مانمت برى البيت حتى ببيت عمي ولا خالي
وبعدين لما عشان جذي امج ما حبت رفيجاتج لان اهلهم حيل فري
ويمكن انتي معاملتج تغيرت لها عشان جذي على بالها البنات خربوج
ويمكن صج انتي البنات ما يحرشونج بس لما تشوفينهم يسوون اشياء انتي ماتقدرين تسوينها تنقهرين
والله يهدي بعض البنات اذا قلتيلها امي ما ترضى قالت<وييي ليش أمج معقده كا أنا عادي أمي ما تقول شي>
وانتي تنقهرين زياده
ياقلبي انتي بفترة مراهقه
يمكن امج غلطت لما زفت رفيجتج
بس من خوفها عليج
والا برايج ليش امج ماترضى بهالشغلات
مثلا نومج عند وحده من رفيجاتج؟
لما تنامين عندها راح تستفيدين شي
لا.غير الخراب
أنا أمي بعد الساعه تسع اغلق تليفوني
وما أطلع عند أي وحده من رفيجاتي إلا واهي معاي
واذا طلعنا بحر ولا اي مكان ماتخليني اتمشى بروحي
وما اطلع من البيت الا بأذنها حتى لو طالعه مع ابوي
وما ترضى اكلم اي بنات ممشاها غلط
ولله الحمد احمد الله ان امي ربتني بهالطريقه لان تربيتها جابت نتيجه والكل يحلف براسي
حتى خالاتي لما وحده من بناتهم تبي تطلع ماتخليها تطلع الا وياي
حتى لو في عرس من جماعتنا او حفله او عزيمه إذا أنا ما أروح خالاتي مايخلون بناتهم يروحون
عالعموم هالأشياء اللي أنتي تبينها مو مهمه
الاهم رضى امج
