لأحلٌـــــــــــــق بحــــــــــرية ...(متجدد)

[نوره 99]

بسم الله الرحمن الرحيم

وبه نستعين

بصراحه ماعرف كيف بيكون هالموضوع ... أو وين مكانه الصحيح ... بس حبيت هالمكان وأن شاء الله يظل فيه ...
موضوعي كوكتيل من كل شي ... تبون مناقشه .. تبون فضفضه .. تبون حش ... تبون سواليف ...تبون خواطر ... تبون قصص ... ويمكن اتهور واكتب اشعار بعد ..

مدري كيف طرت الفكره على بالي .. بس حبيت تكون لي صفحه اكتب فيها كل شي بخاطري بكل حريه ..
عن نفسي ... عن بيتنا ... الجامعه ... المجتمع ... العالم بكل تفاصيله ...
مو مهم أحد يقرا كلامي ...أو يرد علي ويتفاعل معي .. المهم أني اكتب وبس ...بعيد عن المحبطين .. والمستفزين .. والمستهزئين ...


تقدرون تعتبرونها مدونه ... مذكرات ...يوميات .. أي شي على مزاجكم

اتمنى ماكون ثقيله عليكم ... واللي تحس اني ثقيله يرحم امها تغمض اذا مرت من موضوعي

دمتم بود :eh_s(17):

 

[همممت]

حياج حبيبتي
ادلي بدلوج ​

 

[نوره 99]

((حـــياة فـــارغه ))

هالأيام أعاني من فراغ قاتل ... بغيت انتحر الا شوي ...
هالفتره عندنا فتره امتحانات المدارس .. وأنا مخلصه امتحاناتي من يوم الثلاثاء اللي فات .. مدري ليه جامعتنا هالترم شادين حيلهم ويبون يخلصون بدري ...
المهم أنا الوحيد اللي فاضيه بالبيت .. أضافة الى اخواني الصغار ... طلعت معهم السوق ... لعبتهم بالألعاب ..تسوقت .. ورجعت ... بس ما استمتعت ... مدري ليه هالأيام احس اني مو مستمتعه بأي شي اسوي ...
العاده اطلع مع بنت خالتي .. بس هالسنه مقاطعتهم ولا طلعت معها .. واللي فيها شرافه (اللي يسمونها عندكم بلاغة شف ) وتبي تعرف السبب تدور الموضوع ببروفايلي .. صحيح ماكنت استمتع معها بدرجه كبيره .. بس كانت تغطي النقص اللي فيني ...
اللي هو نقص العلاقات ... ماتتخيلون كيف علاقاتي محدود ... مو بس أنا ... حتى أمي وخواتي ....
يعني ممكن تمر سنه كامله مانحضر أي زواج أو عزيمه ...
حتى اذا رحت السوق مشترياتي اغلبها للجامعه .. مره وحده بالسنه اشتري لبس عليه القيمه ... اللي هو لبس العيد ... واحيانا تطن براسي واشتري كم فستان على كم بلوزه فخمه ... بس اغلبها حبيسة الأدراج .. بعضها لها اكثرمن 5 سنين ومازالت جديده ... والسؤال هو وين البسها ؟؟؟
عمامي عندهم اجتماع رسمي يوم الأربعاء واغلبهم يلبسون لبس عادي جدا جدا جدا ... احيانا جلابية بيت .. واحيانا لبس الجامعه ... وانا بعد مو احيانا ... الا دايما اروح بلبس الجامعه ... ومانجتمع خارج هالأجتماع اللي مقره الدائم والرسمي بيت جدتي التراثي الله يخليها لنا ..
وخوالي ولله الحمد محد فيهم يجتمع ... ماغير أمي وخالتي وزوجة خالي اللي اللي ساكن مع جدتي بنفس البيت ... والسبع البقيه يجون زيارات خاطفه ... يعني بالعربي مافي اجتماع رسمي عشان اروح ...
صديقات .. جيران ... معارف ... مصطلحات غير وارده بقاموس حياتنا ... بيت عمي جدارنا لاصق بجدارهم مانشوفهم الا ببيت جدتي ... أمي ماعندها الا صديقه وحده اسمع فيها ولا أشوفها .. حتى صديقاتي رسميه معهم لأبعد حد ... يعني اذا طلعنا من باب الجامعه ماعرفهم .. مادق عليهم ولا يدقون علي الا لحاجه ... واحيانا سواليف بالماسنجر ... صديقات المتوسط والثانوي اراسلهم 3 مرات بالسنه برمضان وبعيد الفطر وبعيد الأضحى ... المشكله اني ابتعد عنهم برضاي ... وبالنهايه انا اللي خسرت ..
بالحقيقه انا ماحسيت انها فعلا مشكله الا لما قطعت علاقتي ببنات خالتي ... ومو معنى كلامي اني ودي ارجع المياه لمجاريها لا بالعكس ... انا متندمه على وقتي اللي قضيته معهم وحصرت نفسي فيهم وبالنهايه انا اللي اكلتها ... قاعده اتلفت يمين ويسار .. ادور احد اطلع معه ... اسلي نفسي معه .. ابث له همومي ... مب لاقيه .. كل اللي تقربوا مني صديت عنهم بأرادتي ... والحين بأي وجه ادور عليهم ...
صرت اتمنى الزواج مو لأجل الزواج نفسه ... بس عشان اتعرف على ناس جدد وازورهم واطلع معهم ...
يارب املئ حياتي بالفرح ... ياااااااااارب ..

 

[iron women]

حياج حبيبتي كتبي اللي تبينه واحنا وياج لاكن هم بيطلعولج مستفزين وبتسمعين ردرد بايخة من البعض فانصحج

ادشين بقلب قوي وماعليج من احد :eh_s(17):

 

[همممت]

اوكي حلو الكلام اللي قلتيه يدل على انج واعيه للي يدور حواليج وعارفه مشكلتج ومعترفه فيها حبيبتي وهذا نص العلاج
انتي حبيبتي بالطريق الصحيح
حاولي الحين تعالجين نفسج مادمتي عرفتي العله دوري عن وسائل ترفيهيه جديده اثري حياتج بناس يماثلونج بالفكر ويضيفولج ما يسحبون منج
دوري لج انشطه تبرز مواهبج وميولج
معاج على طول الخط حبوبه
الله يوفقج​

 

[نوره 99]

همممت

ياهلا ومرحبا ... صراحه وأنا قاعده اكتب كنت حاطه في بالي ان محد راح يرد علي .. بس الحمدلله فرحوني الردين ...
أنا فعلا حاسه بالمشكله وأحاول اني اصلحها قدر الأمكان .. كل يوم افكر وش ممكن اسوي انجاز يضيف شي لحياتي مابي اعيش والسلام ..
خصوصا بعد ما استمتعت امس بمشاهدة حلقة هيا الشطي اللي على قناة الكوت .. وشفت أن الطموح مو شي كبير أو صعب .. بس يبيله صبر واراده ..
تواعدت لأول مره اني اطلع مع وحده من صديقاتي للسوق .. بس سبحان الله كل يوم والثاني تتأجل بسبب ظروفي أو ظروفها ... وقلت يمكن خيره ... لأني ناويه اعزم بقية صديقات الثانوي بس خفت يكونون يمتحنون .. والحمدلله يمكن هالتأخير خيره من ربي عشان اعزمهم ..
فكرت اني اغير صبغ غرفه من غرف بيتنا .. ويكون هالتغيير بيدي ... ومازلت في محاولات اقناع الوالد بالفكره ... والله يعيني ...
كنت ناويه اشارك في بازار بس صراحه تخوفت من الفكره ... مو ودي انغمس بهالنشاط وبعدين يشغلني عن دراستي وواجباتي ... وخصوصا ان باقي لي سنه ع التخرج بأذن الرحمن ... وبعدها راح اتفرغ لمشروعي الخاص والله يوفقني فيه يارب ..
ناويه اسوي بارتي صغيره في بيتنا اعزم فيها بنات عمامي خصوصا وأن عندنا 3 خريجات هالسنه ماشاء الله .. فقلت بنخليها جمعة بنات ونهيص على كيفنا ...
حسيت ان انجازاتي كلها مؤجله ... بس ان شاء الله احققها كلها وابشرك بتحقيقها واحد واحد

اسعدتيني بتفاعلك صراحة ... الله يوفقك ويحقق امانيك


iron women

الله يحييك حبيبتي ... وهالمستفزين وراي وراي هههههه ... ماعليك حبيبتي ... بطنشهم ومابقري الا الردود اللي تسعدني وتفيدني

 

[غايتي الجنة]

السلام عليكم

بقترح عالاداره يحطون قسم المدونات

المدونه بتكون خااصه فيج وتكتبين فيهاا كل الي بخااطرج وممنووع احد يرد بس يقروون وهذا احلى شي

 

[نوره 99]

السلام عليكم

بقترح عالاداره يحطون قسم المدونات

المدونه بتكون خااصه فيج وتكتبين فيهاا كل الي بخااطرج وممنووع احد يرد بس يقروون وهذا احلى شي

اقتراحك حلو ..
وأنا فعلا احترت لما جيت احط الموضوع ..
مدري وين مكانه الصحيح

مشكوره حبيبتي ع التفاعل
ويارب يستجيبون الأداره ويفتحون القسم

 

[همممت]

همممت

ياهلا ومرحبا ... صراحه وأنا قاعده اكتب كنت حاطه في بالي ان محد راح يرد علي .. بس الحمدلله فرحوني الردين ...
أنا فعلا حاسه بالمشكله وأحاول اني اصلحها قدر الأمكان .. كل يوم افكر وش ممكن اسوي انجاز يضيف شي لحياتي مابي اعيش والسلام ..
خصوصا بعد ما استمتعت امس بمشاهدة حلقة هيا الشطي اللي على قناة الكوت .. وشفت أن الطموح مو شي كبير أو صعب .. بس يبيله صبر واراده ..
تواعدت لأول مره اني اطلع مع وحده من صديقاتي للسوق .. بس سبحان الله كل يوم والثاني تتأجل بسبب ظروفي أو ظروفها ... وقلت يمكن خيره ... لأني ناويه اعزم بقية صديقات الثانوي بس خفت يكونون يمتحنون .. والحمدلله يمكن هالتأخير خيره من ربي عشان اعزمهم ..
فكرت اني اغير صبغ غرفه من غرف بيتنا .. ويكون هالتغيير بيدي ... ومازلت في محاولات اقناع الوالد بالفكره ... والله يعيني ...
كنت ناويه اشارك في بازار بس صراحه تخوفت من الفكره ... مو ودي انغمس بهالنشاط وبعدين يشغلني عن دراستي وواجباتي ... وخصوصا ان باقي لي سنه ع التخرج بأذن الرحمن ... وبعدها راح اتفرغ لمشروعي الخاص والله يوفقني فيه يارب ..
ناويه اسوي بارتي صغيره في بيتنا اعزم فيها بنات عمامي خصوصا وأن عندنا 3 خريجات هالسنه ماشاء الله .. فقلت بنخليها جمعة بنات ونهيص على كيفنا ...
حسيت ان انجازاتي كلها مؤجله ... بس ان شاء الله احققها كلها وابشرك بتحقيقها واحد واحد

اسعدتيني بتفاعلك صراحة ... الله يوفقك ويحقق امانيك


iron women

الله يحييك حبيبتي ... وهالمستفزين وراي وراي هههههه ... ماعليك حبيبتي ... بطنشهم ومابقري الا الردود اللي تسعدني وتفيدني

عزيزتي
ثابري وعافري في هالدنيا لين توصلين
هالدنيا يبي اللي يمد يده وياخذ
وما نيل المطالب بالتمني انما تؤخذ الدنيا غلابا
حطي هدف واسعي له ولا تتكاسلين وانا واثقه انج راح توصلين
بدايه جيده للتغير عندج
اقولج شي حبيبتي بلشي تغيرين شخصيات بشخصيات
يعني شيلي من حياتج شخصيات سلبيه تسحبج لورى وبدليهم بشخصيات ايجابيه تدفعج لجدام
الله يوفقج​

 

[مباركيه]

السلام عليكم ورحمة الله وبركاته

*****************

ما شاء الله عليج الله يهنيج بشخصيتج وثبتج على منتي فيه

الحمد الله انج عارفة شتبين ...وتميزين الصح من الغلط

ومن وجهة نظري احب اقولج ان الصداقة ضرورية بحياتنا

والله يوفقج وتتخرجين وتبدين بمشروعج ..وبداية التغيير بحياتج اللي فكرتي فيه

انج تبدين بتغيير لون غرفتج ,,,,وبعدين لا تغيرين نيتج وسوي البارتي اللي تبين تسوينه

وبالتوفيق ان شاء الله

 

[نوره 99]

همممت

ياهلا ومرحبا فيك وبطلتك مره ثانيه
ما أخفيك أن حياتي السابقه كانت كلها مجرد أمنيات ... اتمنى وأنا قاعده ببيتنا ... وأنا بانيه جدران طويله حوالين نفسي ...
بس خلاص الحين جاء وقت التغيير .. والحين جاء وقت كسر هالجدران وتحقيق امنياتي ...
وبالنسبه لتبديل الشخصيات فعلا أنا سويت هالشي من دون ما اقصد ... الناس اللي كنت متمسكه فيهم كانوا يتمسخرون على أقل تغيير بحياتي .. ببساطه لأنهم مايقدرون يسوون نفس هالتغيير بحياتهم ...والحمدلله اني تركتهم وريحت راسي .. وناس بالعكس ... كانوا يقولون لي انتي تغيرتي للأحسن ... ماتتخيلين هالكلام شلون اكثر فيني وعطاني دفعه كبيره لتغيير أكبر .. وتمسكت في هالناس لأنهم قالوا هالكلام من شي شافوه فيني مو تدليس ولا محاباه ... وقاعدين يأيدوني بالتصرفات الصح ويمنعوني عن الغلط .. سبحان الله لما تخليت عن الناس اللي تمسكت فيهم بدون داعي .. كنت مقهوره اني حصرت نفسي فيهم ... وكنت ادعي واقول يارب عوضني خير ... ويمكن هذا شي بسيط من الخير اللي بيجيني بأذن الرحمن ...
اشكرك حبيبتي ومافي كلمة شكر توفي وقفتك معي ... يارب ييسر جميع أمورك ويوفقك بالدنيا والاخره


مباركيه

وعليكم السلام ورحمة الله وبركاته
اشكرك حبيبتي ع الأطراء .. ماتتخيلين شلون الكلمه الحلوه تأثر في نفسي مع أنها ماتكلف كاتبها شي ...
أنا عارفه وش ابي ... بس ان شاء الله احقق كل اللي ابيه ...
والصداقه أكيد ضروريه .. بس سبحان الله أنا مادري ليش أخاف من توسع العلاقات ... يمكن صارت عندي ردة فعل عكسيه ... بقولك شي ... أنا لما كنت صغيره انطوائيه جدا ... صداقات ابدا ماعندي ولا اعترف فيها ... الا لما وصلت اولى متوسط كونت أول صداقه بحياتي ... كانت صديقتي الوحيده وأنا صديقتها الوحيده .. يعني حصرنا نفسنا ببعض .. لحد ماجينا ننتقل للمرحله الثانويه هي انتقلت لمدرسه غير عن المدرسه اللي بحينا ... ماتتخيلين كيف كانت صدمه كبيره لي .. ساءت علاقتي جدا بأهلي .. وبالجو العائلي وصرت ما اطلع من البيت .. لازيارات ولا طلعات ... حتى الجو الدراسي ... كنت كارهه المدرسه كره مو طبيعي .. نزل مستواي الدراسي كثير ... كثرت ايام غيابي عن الدوام .. وماتحسنت نفسيتي الا لما انتقلت من هالمدرسه وكونت صداقات جديده وبنفس الوقت كنت بديت اتعدى مرحلة المراهقه العسيره ... بس بدون توسيع العلاقات وتقويتها ... أنا اقول يمكن صداقتي الأولى القويه كونت عندي ردة فعل عكسيه تجاه جميع العلاقات اللي بالدنيا .. وصورت لي انا اي صداقه قويه مصيرها الفراق الصعب ... عشان كذا من البدايه ماحبيت انها تكون قويه ... عشان الفراق عندي يكون شي عادي وما يأثر بحياتي ... وكل انجازاتي بأذن الله راح اسويها وابشرك ان شاء الله
اسعدني ردك كثير ... شكرا لك

 

[همممت]

اشكرك حبيبتي ومافي كلمة شكر توفي وقفتك معي ... يارب ييسر جميع أمورك ويوفقك بالدنيا والاخره

العفو حبيبتي
الله يوفقج وييسرلج امورج يا رب
مشكوره على الدعاوي الحلوه يا حلوه​

 

[مباركيه]

حياج الله يا نورة ولا تشكرني احنا في هالمكان نفيد ونستفيد

وبقولج جم كلمة أتمنى انهم يفيدونج بدنيتج ...

الأمل ...والتفاؤل ...وقيمة الوقت

الأمل.. نعيش على الأمل ولا نفقده دام ايمانه بالله قوي

والتقاؤل .. تفاءلوا بالخير تجدوه

قيمة الوقت .. من لا يشعر بقيمة لوقته ،، فلن يشعر بقيمة نفسه

نورة كل شي بالدنيا له نهاية ولازم نتوقع هذي النهاية بأي وقت ولا نحزن ولا ننصدم بل نستمد القوة لنبدأ حياة جديدة

وأتمنى لج التوفيق من كل قلبي

 

[مهرة البيد]

السلام عليكم
استمتعت جدا بقراءة مدوناتج
اهنيج على اسلوبج الرائع بالكتابه تمتلكين مفردات جدا جميله
استنتجت من خلال كتاباتج انج تملكين روح الشباب الطموحه
عزم واصرار على التغير وهذا ان دل على شي انما يدل على قوه بالشخصيه
واهم خطوه بالتغيير هي تحديد الهدف المراد تغيره سواء صداقات او هوايه او سلوك
اتمنى ان تستمري في هذا النهج الي ان تصلي ان الهدف الذي تطمحين له
لا تدعي اي عائق يقف في وجهك ضعي الهدف نصب عينيك واسعي له
حطوة الالف ميل تبدأ بخطوة وبداية ركزي بدراستك ووثقي علاقتك بصديقاتك
من تستحق منهم طبعا فالامر ليس بالكثره
اتمنى لك التوفيق ​

 

[نوره 99]

همممت

لا شكر على واجب ياحلوه


مباركيه

كلمات من ذهب .. بحطها في بالي وبكررها بكل صباح من صباحات حياتي ..
وأكيد بتذكرك كل ما كررتها ..
مشكوره حبيبتي والله يجزاك عني كل خير ..

مهرة البيد

وعليكم السلام
يسعدني كثيرا انك استمتعتي بكتابات مجرد متنفس لا أكثر
كلامك اسعدني كثير وعطاني جرعه من الطموح والأصرار .. وحددت جزء كبير من أهدافي وان شاء الله ابشركم بتحقيقها
مشكوره حبيبتي الله يسعدك

 

[نوره 99]

(( لامكان ... لاوطن ))

مدري وش دخل العنوان بالسالفه ... بس مسكت معي اكتبه مدري ليه ...
اليوم نسولف مع أمي وجاء طاري خالي اللي ساكن مع جدتي ... وقالت أن بنته المراهقه معها 4 شرائح جوال ... يعني معها 4 أرقام مستوعبين !! ... يعني مراهقه و4 أرقام وش تستفيد منها ؟؟ ... هذا غير الاي بود .. حتى أختها اللي أكبر منها مسكت الجوال وهي صغيره .. وأمها قاعده تطالب بأنها تعطي بنتها اللي أصغر من هذي جوال ... أنا مستنكره جدا ... أول شي خالي انسان متشدد جدا ... والمشكله انه عارف هالسواليف كلها وساكت ... وبنتينه ذولي الثنتين بالذات ينخاف عليهم ... الأولى أم اربع شرايح مسكينه عندها زياده بالهرمونات الذكوريه فطالع شكلها ولد الا شوي اللهم لا شماته .. مع أن علاجها بسيط بس أهلها ناس مهملين ولا طقوا خبر .. وحنا نعرف البنات وتفكيرهم أنا خايفه تنجر لشيء أكبر لا سمح الله ... الثانيه ماشاء الله ملكة جمال ... وعرفنا بطريقة ما أن معجباتها بالمدرسه بالهبل ويلاحقونها ملاحق ... وهي غرقانه لشوشتها ... يعني مراهقه + معجبات + جوال = وش بتكون النتيجه ؟؟؟ ... السبب الثاني لاستنكاري وهو أن خالي انسان جدا جدا على قد حاله ... حتى مو قادر يطلع ببيت مستقل .. بس للأسف زوجته مو مقدره هالشيء ... اساسا هو نفسه مو مقدر هالشي الله يهديه .. انسان مسرف ويبي يعيش حياته بالطول والعرض حتى لو على حساب غيره ... في كل حمل لزوجته يغير ديكور شقته ... لا واخر مره طمعت وقالت تبي تغير ديكور البيت كله .. مع انه البيت بيت جدي مو بيتها ... وخالي طرح الفكره على بقية خوالي عشان يشتركون معه بالتكاليف .. لأنه ببساطه مايملك حقها ... بعضهم اعترض وبعضهم وافق شفقة به لا أكثر .. طبعا بالنهايه تم اللي تبيه ورجعت ولقت البيت مثل ماتتمنى وأكثر .. اللي يقهر انها تخطط وتتصرف وكأن البيت ملكها .. وكأنها بتعيش فيه العمر كله .. مع أنهم الحين في طور تقسيم الورث وبما أن البيت كبير مرره ناوين يبيعونه ويشترون لجدتي أصغر منه .. يعني جلستهم مابتطول ... ولاهم مستعدين لهالشي .. صرف ع الفاضي والمليان ... يهتمون بالكماليات قبل الضروريات ..
صراحه أنا كاسرين خاطري عيالهم .. عايشين بين أم و أبو قمه بالتناقض الأبو مثل ماذكرت انسان متشدد والأم ماهي عارفه تضبط هالتشدد ... يعني تلبس قدام خالي شي ... واذا راحت لأهلها تلبس شي ثاني ... شرت لها جوال غالي بفلوسها وكان مليان اغاني نانسي عجرم من طقة اخاصمك اه والغبار هذا بس الحين مدري عنها الله يستر عليها ... وخالي طبعا مايرضى بهالشي بس مايقدر يتكلم بحجة انه بفلوسها .. مجتمع الأم مجتمع متفتح جدا .. بس مجتمعنا مع خوالي نقدر نقول ملتزم بوجه عام ... البنات صار عندهم خلط بين الحلال والحرام .. ابوهم ومجتمعه يحرم شي وأمهم ومجتمعها يحللونه ... هذا غير مستقبلهم الغير مضمون مع أب ماعنده مصدر دخل ثابت وفوق كذا مسرف .. وأم اكبر همها نفسها ووناستها ... حتى البيت مو مأمن لهم ... الحسنه الوحيده من أمهم الله يجزاها خير أنها طلعت بنات سنعاااات ... سنعات بمعنى الكلمه .. البنت من 10 سنوات تدخل المطبخ .. ماتوصل الـ15 الا هي داخله بالعميق مثل مايقولون رز على كبسه على مرق .. تهتم بخواتها الصغار .. حتى الحفاظات تبدلها الله يكرمكم ... من ناحية التنظيف والترتيب قمه ماشاء الله .. أنا احسن انهم بيتزوجون بدري من هالسنع ماشاء الله .. وياليت يصير هالشي .. يريحون أبوهم شوي ... خصوصا انهم 6 ماشاء الله تبارك الله ... ومنها يأمنون مستقبلهم المجهول ...
يار اختار لهم الخيره ووسع عليهم يالله ...

 

[همممت]

(( لامكان ... لاوطن ))

مدري وش دخل العنوان بالسالفه ... بس مسكت معي اكتبه مدري ليه ...
اليوم نسولف مع أمي وجاء طاري خالي اللي ساكن مع جدتي ... وقالت أن بنته المراهقه معها 4 شرائح جوال ... يعني معها 4 أرقام مستوعبين !! ... يعني مراهقه و4 أرقام وش تستفيد منها ؟؟ ... هذا غير الاي بود .. حتى أختها اللي أكبر منها مسكت الجوال وهي صغيره .. وأمها قاعده تطالب بأنها تعطي بنتها اللي أصغر من هذي جوال ... أنا مستنكره جدا ... أول شي خالي انسان متشدد جدا ... والمشكله انه عارف هالسواليف كلها وساكت ... وبنتينه ذولي الثنتين بالذات ينخاف عليهم ... الأولى أم اربع شرايح مسكينه عندها زياده بالهرمونات الذكوريه فطالع شكلها ولد الا شوي اللهم لا شماته .. مع أن علاجها بسيط بس أهلها ناس مهملين ولا طقوا خبر .. وحنا نعرف البنات وتفكيرهم أنا خايفه تنجر لشيء أكبر لا سمح الله ... الثانيه ماشاء الله ملكة جمال ... وعرفنا بطريقة ما أن معجباتها بالمدرسه بالهبل ويلاحقونها ملاحق ... وهي غرقانه لشوشتها ... يعني مراهقه + معجبات + جوال = وش بتكون النتيجه ؟؟؟ ... السبب الثاني لاستنكاري وهو أن خالي انسان جدا جدا على قد حاله ... حتى مو قادر يطلع ببيت مستقل .. بس للأسف زوجته مو مقدره هالشيء ... اساسا هو نفسه مو مقدر هالشي الله يهديه .. انسان مسرف ويبي يعيش حياته بالطول والعرض حتى لو على حساب غيره ... في كل حمل لزوجته يغير ديكور شقته ... لا واخر مره طمعت وقالت تبي تغير ديكور البيت كله .. مع انه البيت بيت جدي مو بيتها ... وخالي طرح الفكره على بقية خوالي عشان يشتركون معه بالتكاليف .. لأنه ببساطه مايملك حقها ... بعضهم اعترض وبعضهم وافق شفقة به لا أكثر .. طبعا بالنهايه تم اللي تبيه ورجعت ولقت البيت مثل ماتتمنى وأكثر .. اللي يقهر انها تخطط وتتصرف وكأن البيت ملكها .. وكأنها بتعيش فيه العمر كله .. مع أنهم الحين في طور تقسيم الورث وبما أن البيت كبير مرره ناوين يبيعونه ويشترون لجدتي أصغر منه .. يعني جلستهم مابتطول ... ولاهم مستعدين لهالشي .. صرف ع الفاضي والمليان ... يهتمون بالكماليات قبل الضروريات ..
صراحه أنا كاسرين خاطري عيالهم .. عايشين بين أم و أبو قمه بالتناقض الأبو مثل ماذكرت انسان متشدد والأم ماهي عارفه تضبط هالتشدد ... يعني تلبس قدام خالي شي ... واذا راحت لأهلها تلبس شي ثاني ... شرت لها جوال غالي بفلوسها وكان مليان اغاني نانسي عجرم من طقة اخاصمك اه والغبار هذا بس الحين مدري عنها الله يستر عليها ... وخالي طبعا مايرضى بهالشي بس مايقدر يتكلم بحجة انه بفلوسها .. مجتمع الأم مجتمع متفتح جدا .. بس مجتمعنا مع خوالي نقدر نقول ملتزم بوجه عام ... البنات صار عندهم خلط بين الحلال والحرام .. ابوهم ومجتمعه يحرم شي وأمهم ومجتمعها يحللونه ... هذا غير مستقبلهم الغير مضمون مع أب ماعنده مصدر دخل ثابت وفوق كذا مسرف .. وأم اكبر همها نفسها ووناستها ... حتى البيت مو مأمن لهم ... الحسنه الوحيده من أمهم الله يجزاها خير أنها طلعت بنات سنعاااات ... سنعات بمعنى الكلمه .. البنت من 10 سنوات تدخل المطبخ .. ماتوصل الـ15 الا هي داخله بالعميق مثل مايقولون رز على كبسه على مرق .. تهتم بخواتها الصغار .. حتى الحفاظات تبدلها الله يكرمكم ... من ناحية التنظيف والترتيب قمه ماشاء الله .. أنا احسن انهم بيتزوجون بدري من هالسنع ماشاء الله .. وياليت يصير هالشي .. يريحون أبوهم شوي ... خصوصا انهم 6 ماشاء الله تبارك الله ... ومنها يأمنون مستقبلهم المجهول ...
يار اختار لهم الخيره ووسع عليهم يالله ...

هلا بنوره
اشلونج حبوبه
قريت اللي كتبيتيه اليوم وبصراحه............................ما حبيته
يعني لج من الاسلوب الجميل اللي تقدرين تصغين الموضوع بصيغه ادبيه بعيد عن الحياه الشخصيه اعتقد راح يكون افيد واقيم ونقدر نشارك ونرد عليه
كان بامكامنج تحوليه من منظور شخصي الى منظور اجتماعي عزيزتي
مع تحياتي لج​

 

[عيش و مرق]

اسلوبج حلووووووو....... قولى الى بتقولينه بدون قيود

احنا مانعرفج ولا اتعرفينه كافى القيود
الاجتماعيه بالحياة

والاعراف والتقاليد ,,,,,,خلج على سجيتج وفضفضى وارتاحى مدام مافى اسامى مجرد طرح نقدر نقول خيالى بس مو خيالى لان الشخوص مبهمه بالنسبه لنا

قووووووووولى وخلى هالقلب يرتااااااح ,,,,,,,,

 

[iron women]

يعطيج العافية حبيبتي على اسلوبج الحلو واكثر شي عاجبني فيه انه سلس وبسيط ومرتب

عموما حبيبتي لحد الان انا شوفج ماشية باطار اجتماعي عام وهاذا شي وايد حلو يعني ماشفت شغلات خصوصية حيل تستدعي اني

اتوقف عندها واتمنى انج تكملين بهالطريقة وتفضفضين اللي بقلبج وانت مرتاحة وبارك الله فيج والله يعطيج الف عافية

 

[نوره 99]

همممت

هلا وغلا حبيبتي ..
ماتوقعت أن ردود الأفعال تكون متباينه حول اللي كتبته .. يعني هي تعتبر شبه قضيه عامه .. وأمثال خالي كثير بالمجتمع .. بس لأني شخصت الموضوع ويمكن هذا اللي ضايقك حبيبتي ... ع العموم أنا متقبله وجهة نظرك بصدر رحب .. بس ترا ماتوقع أني اول موضوع بكتبه بهالأسلوب ... لأني أنا انسانه نقوده بعيد عنك ... أحب انتقد اللي حولي وابدي رايي فيهم ... ع العموم ان شاء الله بتلاقين اللي يرضيك حبيبتي ... والله لا يحرمني من هالانتقادات الحلوه


عيش و مرق

حلت أيامك حبيبتي ...
حبيبتي انتي اللي فاهمتني ... أنا حاطه ببالي هالشي ... وبكتب اللي خاطري فيه بين قيود .. ومثل ماقلتي كل اللي بكتب عنهم ناس مجهولين بالنسبه لكم ... حتى انا نفسي مجهوله بالنسبه لكم .. وش المانع اني اتكلم وتقرون وتاخذون العظه والعبره منهم ؟؟ ... أو حتى مني انا ومن حياتي الشخصيه ؟؟
استمتعت بردك ... تسلمين والله يجزاك خير

iron women

الله يعافيك ياقلبي ... وراح تشوفيني على طول شغاله قضايا اجتماعيه ... لأنها تهمني كثير واحب اطرحها واناقش الناس فيها ... واعتذر لو ضايقت البعض بشخصنة المواضيع .. وماعندي مانع تعطوني اشارات حمراء اذا حسيتوا اني تجاوزت حدودي .. بالعكس هذا بيسعدني كثير .. لأن الناس اللي تحبني هي اللي تعلمني الصح من الخطأ
سعدت بردك حبيبتي ... جزاك الله خير