كور البطاطس المحشيه .. لما صار الغداء عشاء p:

[ببي جونسون]

أهلا وسهلا ^^​

من زمان عن المواضيع

< ياشين العجز​

قبل أسبوع كنت ألفلف بالفيس بوك، وشفت صور عجيبه لطبخات خطيره ​

مشاركه في مسابقه لونا ​

المهم ماقصرت لفيت على المشاركات كلها وصوت للي عجبوني P:​

وماخلصت إلا وأنا ميته جووع خلااص من الى شفته

​

حفظت كم طريقه وقررت أسوي وحده منها اليوم الثاني ​

لأنها كانت جدا مشهيه

​

شمرت يدي ودخلت المطبخ الساعه 11 ​

< بقول لكم بعدين متى خلصت بس لا تنفجعون هههههههه​

نبدأ بالمقادير​

1) الحشوه​

دجاجه أو صدور دجاج​

حبه بصل ​

حبه فلفل رومي​

حبتين جزر​

فص ثوم​

شويا كزبره​

والبهارات: بابريكا- أوريغانو - كزبره جافه - ملح وفلفل.​

2) للبطاطس:​

4 أو 5 حبات بطاطس​

ربع كاسه قشطه خفق​

ملح وفلفل​

3) التلبيسه:​

3/4 كاسه قشطه خفق​

ملعقتين جبنه سايله​

حبه جبنه كرفت مبشوره​

ويلا نبدأ نحووس

< تحسب الناس زيها ​

P:​

هنا الدجاج مقطع صغير ​

​

وهنا البصل والثوم والجزر والفلفل ​

​

وهنا الكزبره والتلبيسه وفنجال القهوه​

​

* أول شيء قشروا البطاطس وقطعوها لأرباع وحطوها في قدر فيه مويه وملح​

ونبدأ نشتغل على * الحشوه بنحط شويا زيت في القدر بعدها البصل والثوم لين ماتذيل ​

​

<< هنا ماما دخلت عليا على الساعه 1 وتقول أنت لسا ماخلصتي أخوانك ألحين يجون

​

<< هو أنا بديت أصلا ​

هيا شافت الحكايه مطوله فبدأت تشتغل على شيء ثاني

​

تقول لي خليني أساعدك علشان نخلص ،، قلت والله محد يكملها غيري ​

< مشكله الى راسه يابس

​

المهم كملت حطيت الدجاج ونقلب​

​

هنا الغداء البديل قيد التحضير .. ​

​

ماشاء الله خلصت بسرعه

وانا ساعتين جالسه أقطع .. متى أصير زيها بس

​

* نضيف البهارات على كيفك انا حطيت البابريكا نص حار ونص حلو​

​

بعد ماأستوي الدجاج * نضيف الخضار ( جزر - فلفل ) شوي لين ماتذبل ونطفي النار ​

* نضيف الكزبره الخضرا المفرومه آخر شيء .. بكذا تكون أنتهت الحشوه ​

 

[ببي جونسون]

* نشوف البطاطس خلصت أكيد نصفي المويه ونهرسها ​

​

* نضيف ربع ك قشطه وشويا ملح نخلطها مزبوط​

​

<< هالوقت أخواني جو وجلسو يتغدون وانا أكمل حوستني

​

لو جلست ماما تنتظرني كان أمدا أخواني أكلوني أنا بدل الغدا

​

* نبدأ نكور ألحين نأخذ فجال قهوه كبير أو صغير على حسب مقاس الكور الى تبغينه ​

نغلفه بورق نايلون علشان يسهل التكوير معانا .. راح نحط شوي بطاطس ونفردها​

ونضيف الحشوه وفوقها طبقه بطاطس ونلف النايلون ونرفعه وماتحتاج تكوير تكون خلاص جاهزه​

​

* نرصها في الصينيه لين ماتمتلي .. انا تعبت الصينيه عندي ولسا باقي زايد​

فأخذت صينيه صغيره وفردت فيها طبقه بطاطس وحطيت الحشوه فوقها ​

وفردت فوقها طبقه ثانيه بطاطس
<< يااويلكم تسون ذي الطريقه وتريحون نفسكم سوا الأصليه

​

المهم لسا ماخلصنا

* نرجع للخلطه حقتنا ( قشطه الخفق والجبنه السايله ) نخلطهم سوا​

انا ما أنخلطت معايا بسهوله فأضفت شويا مويا .. ​

* بعدين نصبها على الكور والصينيه الصغيره ​

* ونبشر جبنه الكرفت ونرشها عليها << كمان هنا لا تحطون شيدر جاهزه ممنوع

​

وهذي هي قبل ماتدخل الفرن​

​

* الفرن شغال من فوق يادوب تتحمر بس ..​

​

انا تركتها طولت حدود ثلث ساعه جالسه أنتظرها تتحمر >< تفقعت ونشفت

​

لأني فتحت النار من تحت مو من فوق لا تسون زيي ><​

وبس خلصت الساعه 4 < كويس أنك خلصتي أصلا خخخ

​

لكن أخذت وقت مستقطع بعد التكوير ساعه وشوي للأمانه يعني ​

ترى حلوه وسهله وماتأخذ كل هالوقت أكيد

أدعولي أتعلم بسرعه بس

​

​

سوهاا وإن شاء الله تعجبكم ​

زي ماعجبتني ​

​

منقووووووووووووووووول:eh_s(17):

 

[جارة القمر]

مشكوووووووووووووووره



وتسلم ايدك

 

[فتون777]

مشكوره حياتي انا اتعلمت طبخه زيها من كويتيات حبايبي
بس اكور البطاطا وافرد الدجاج في الصينيه من تحت واحط كرتت البطاطا فوق الدجاج

طولتي صراحه من ١١ الين ٤ ههههههه
الحمدلله مامتك سوتلهم غدا

 

[M!SS.LOBY]

لذيذة

 

[ABEER FLOWER]

شكلهااا يشهي

تسلم إيــدج وبالعافيه يارب

: )​

 

[صابرة رغم الجروح]

ياحبي للبطاطس

تسلم ايدج حبيبتي

 

[مطيريه قول وفعل]

تسلم ايدج
روووعهه

 

[مدّهره !]

تسلمين ع النقل ^^

شكلهاا لذذذذذيذ *’,

 

[شـوق@]

تسلم دياتج لذيذه شكلها

لاهنتي

 

[مثااااايل]

يعطيج العافيه​

 

[ام حضيري]

يسلموو

 

[أحلى همبه كويتية]

الف عافية

يسلمووووووووووو على المنقول الشهي




تم تكبير الخط بواسطتي​

 

[عزوتي خمس صقور]

تشهي

 

[mngo67]

تسلم الايادي

 

[قطوووة]

شكله واو

 

[مسكـ الامارات]

ربي يعطيج العافيه