كنت اتمنى

[yooyoo]

امبيه البارت حده عجيب و الله يستر من ياسر بس ما ادري ليش عندي احساس انه راح يحبها و عبدالله لايتهور و يقول حق منى شي

 

[UNiQe^PRiNceSs]

ثانكس على البارت حبيبتي
ناطريين الباجي

 

[T-flower]

مشكووووووووووووووووورة عالبارت وناطرين امبيه عبدالله لايتهور ويقول حق منى عن شي ويكسر قلبها

 

[أحبه موت]

باركيلي خلصت الجزء 10 بس تدرين انتي شنو بااااااااااااااااااطه جبدي الحين طابعتلي الأجزاء كلها إلا جزء 9 و10 ناسيتهم عمرج ماتسوين شي بضمير خليتيني أندمج وكسرتي فيني صح والانترنت ابيتنا حده بطئ يالله مسموحة هالمرة بس ياويلج ان عدتيها

 

[أحبه موت]

كللوووووووووووووووووووووووووووووووووش باركيلي خلصت القصة كلها بيوم واحد
شفتي شلون رفجتج إنجاز بس منو يقدر هههههههههههههه
يالله عاد ترى ناطرة البارت الياي مو اتعلقينا

 

[أحبه موت]

ياجماعة ترى صاحبة الموضوع توها بلغتني بالأحداث الياية وقالتلي شنو بصير بصراحه شي يضيق الخلق راح تنصدمون
هههههههههههههههههههههههههههههههههههههههههه لا أتغمشر معاكم لاقالتلي ولا شي بس باطة جبدي وبرفع ضغطها

 

[zizo0ou]

ناطرين البرات الياي

 

[ورده كويتية]

ناطرين

 

[UNiQe^PRiNceSs]

waiting

 

[T-flower]

waiting
waiting
waiting
waiting
waiting
waiting
waiting

 

[om reem 86]

البارت التاسع عشر


هيا : الله يهنيهم انشالله
ساره : واااي حبيبتي راحت جعدة البيت
هدى : انا بفقدهاا حيل
وصال : حبيبتي الحمدالله اللي خذت واحد يستاهلها
اميره : يعل ربي يوفقها
ام يوسف : لا تخافون عليها عبدالله بيحطها داخل عيونه ولدي واعرفه قلبه طيب وما يزعل بسرعه
هيا : انتو الحين قاعدين تحشون فيهم واهما طايحله ضحك ووناسة وسوالف

*****
عبدالله : انا ما ابي نسوي عرس واذا هالشي بيضايقج انا اسف بس انا مابي اوكي
منى : (كانت مصدومه شوي لان تو الناس على هالكلام ) اللي تامر فيه
عبدالله : ( كسرت خاطره بس لازم يسوي جذي ) اوكي وصلنا يالله نزلي
منى : (نزلت واهي مستحيه ومستانسه انها بس مع عبدالله وجدام الناس كلها )
ومشوا يم بعض وعبدالله ما مسك ايدها بس اهيا كانت تتعمد تلزق يمه وتقرب

*****
عبداللطيف : الفال لك تصير نسيبي انت بعد
عبدالعزيز : اي والله ااااخ متى بس
عبداللطيف : ما بقى شي ... انطر الصبر زين بعدين بتتحسف قد شعر راسك على الزواج

*****
عادل : شفيك تعري ؟
سامي : امس كان عندي لعب كره وتعورت ... عاد تصدق ريولي تعورني وايد واليوم عندي واحد بسابقه بالسيكل
عادل : وانت لي الحين ما تييوز من هالسوالف؟
سامي : اااخ جان زين اقدر صار عندي مثل الادمان خصوصا الحين ولد خالت رفيجي مخلي سيكله عنده ومسافر وانا مستغل الوضع
عادل : انزين اعتذر اليوم لا تروح
سامي : لا يبا عادي اقدر اقدر
عادل : هذي صحتك لا تتهور .. وما فيها شي لو اعتذرت حق رفيجك
سامي : هذا مو رفيج هذا عدو شايف نفسه على الفاضي وكل مره اسبقه ومسكين ما يقدر حاط ابباله ان يقدر يغلبني
عادل : تبيني ايي معاك؟
سامي : لا عادي بس اذا بتشوف مهارات ولد خالك تعال
عادل : عالساعه جم ؟
سامي : موعدنا الساعه 12 ونص
عادل : الحين الساعه 9وربع امش نتعشى وعب روح بدل وانا امرك
سامي : خلاص صار

*****

شهد : ( قاعده اتقول في بالها مادري ادق باجر ؟ والا ما ادق؟ مادري محتاره محتاره بس حرام الولد يضيع من بالي وقعدت تتخيل اهي وياسر بكوشه وحاطين لهم اغنيه اهيا وياسر كل واحد منهم يهدي المقطع للثاني
مرحبا بك يا اجمل عروس ٍ في الوجود
مرحبا بالزين كله والجمال
نال قلبي ورده من احلى الورود
لا أعذبٍ منهن واكثرهم دلال


مرحبا بك ياوفا القلب الودود
ياسنين المجد يامجد الرجال
أشهد ان السعد في الدنيا يجود
يوم حظي بك قد نال

انتي أجمل ما رأت كل العيون
أنتي آيه آيه في الحسن انتي ملاك
أنتي مامثلك بها الدنيا يكون
في دلالك في جمالك في حلاك
وانتي قلبٍ من الغلى وافي حنون
يقهر الدنيا إذا عيني تراك


وانت قلبٍ من الغلى وافي حنون
تقهر الدنيا إذا عيني تراك
دنيتي تضفي لها طعمٍ ولون
كلما اتخيل نفسي معاك
شوف شوف حظي كيف هو وافي معاي
يوم نلتك نلت في الدنيا كثير
من عرفتك يا أول وآخر غلاي
أبتسم قلبي وصار السعد فيه


انا اوعِدك أقطف لِك نجوم الغلى
وأوهبك من دررها عقدٍ ثمين
واجعل الفرحه على قلوبك تنام
وارسم الأيام لِك بهجه وعيد


واوعدك بالكون يضحك لك سعيد
واوعدك اشعل شموعي كل عام
واحتفل بقربك في عالمنا الجديد

وبعدها صحت من احلامها وكانت انفال تناديها يرحون للعشى لان الرياييل طلعوا )
*****

منى وعبدالله طول الوقت بالمطعم سااكتين واهيا كانت مستحيه ما كلت شي ...(من طبع منى انها وااااااايد خجوله) وفوق هذا حبت تبدى بالموضوع
منى : شكرا على العشى الحلو
عبدالله : (كان قاعد ياكل ولا همه وبدون حتى ما يرفع عينه عليها قال لها ) اوكي العفو
منى مسكينه توقعت ان عبدالله رومانسي بس كانت هذي الصدمه الاولى بس فوق كل هذا كان عسل على قلبها كفاي هان عبدالله يمها جدام الناس كلهم

*****

سامي : هااا يالله بدى السباق
عادل : مثل ما قتلك دربالك على نفسك
سامي : اوكي خلاص ماشي انت انطرني هني مع بدور وانا بتسابق مع مساعد
مساعد : ما فيني صبر عشان اسباقك
سامي : كالعاده يا دياية امك
سامي : لا تغلط والنتيجه بنشوفها بالنهايه

*****
هدى : هااااا تعالي قوليلينا اشصار
منى : ما صار شي
غزل : شنو يعني ما صار شي الساعه 12 ونص وما صار شي؟
هدى : شنو سولفتوا؟ شنو قلتو؟ عطاج هديه؟
منى : (بكل براءة ) لا ماعطاني شي
غزل : انزين اشقالج؟
منى : والله العظيم ان ماقال غير ان ما يبي عرس
هدى : ليش ما يبي عرس عمتي قايله احلى عرس بيصير
منى : اي ما يبي وانا موافقته باللي يقول
غزل : انزين اشقالج على العشى؟ ما قالج صايره حلوه؟
منى : لا ما قالي وبالعشى كنا ساكتين
هدى : عجيبه عاد اهو جرئ وغمشرجي
منى : لا تلومونه انا كنت مرتبكه
هدى : يالله يالله صعدي فوق الحين اكيد راح يدق عليج
منى : ما عنده رقمي ما خذاه مني
هدى : يمكن ماخذه من عمتي والا من مريم مرت يوسف
غزل : واذا مادق انتي دقي اخذي رقمه من هدى عندها رقمه
هدى : ايي هاج سجلي ..
منى : (حدهاااا مستانسه وصعدت فوق تنطر الاتصال)

*****

عبدالله : هلا حبيبتي ما كان عندي صبر اوصل منى بيتهم عشان ادق عليج على طول
منى بنت سوسن : اشتقتلي؟
عبدالله : وااااايد فوق ما تتصورين
منى بنت سوسن : شلونك مع الزواج يا المعرس
عبدالله : ما راح اكون معرس الا لما تكونين انتي العروس

*****
ومنى كانت تنطر وتنطر وصارت الساعه 2 بالليل ودقت ولقته مشغول مع خط ثاني ودقت عقبها بنص ساعه لقته نفس الطريقه وعقبها دزت مسج انا منى ممكن اتكلمنى ؟
حقرها ودقت على ال3 ونص كان جاااااار الانتظار والف فكره يت في بالها الا فكره ان اهو قاعد يكلم بنت ومن كثر تعبها بهاليوم حطت راسها ونامت
*****
اليوم الثاني
ام فيصل : سامي مو بغرفته وفراشه مرتب وين راح ولدي
ابو فيصل : انزين دقي عليه؟
ام فيصل : (دقت واالا يشيله عادل ويبجي) شفيييييييييييك ؟
*****



انتهى البارت التاسع عشر :tek:
​

 

[UNiQe^PRiNceSs]

وي الله يستر
كملي حبيبتي

 

[ورده كويتية]

حرام عليج نزلي بعد مفروض اليوم تنزلين 3 بارتات انتي تأخرتي علينا

علقتينا

 

[T-flower]

واااااااااااااااااااااااي نوكومنت
نبي بعد بارت
تعلقنا جذي

 

[أحبه موت]

طبعا دايما هذي سوالفج اتعلقينه عن الحدث المهم
يالله ترى ناطرينج خفي إيدج

 

[om reem 86]

انشالله ما راح اتأخر عنكم

 

[T-flower]

waiting
waiting
waiting
waiting
waiting
waiting
waiting
waiting
waiting
waiting
waiting
waiting

 

[om reem 86]

البارت العشرون



عادل : (ظل يبجي ) خالتي سامي ( وكمل يبجي )
ام فيصل : شفيه تحجى ؟ بسرعه ؟
عادل : خالتي تعالو مستشفى الرازي
ام فيصل : لييييييييييييييييش شصااير اكيد السيكل صح؟
عادل : خالتي تعالوا بسرعه
ام فيصل : ( صكرته ) قووووم قووووم بسرعه ولدك بالرازي
ابو فيصل : ( انصفق ويهه ) ليش شصاير ؟
ام فيصل : مادري تحرك بروح اقعد فيصل وانت البس وانا بقط عباتي علي ويالله
(وراحت ام فيصل تركض لغرفة فيصل وتقعده )
فيصل : شفييج يما خرعتيني اتطقين الباب جذي
ام فيصل : ولدي بالرازي بسرعه قوووم
فيصل : ريوله مو شايلته من الصدمة
ام فيصل : انا الحين بروح مع ابوك وانت الحقنا

*****
منى : ( كانت متضايقه وزعلانه على الحركه اللي صارت امس ليش اهو ما يرد وليش جار الانتظار ... ولا حتى عبرها ودزلها مسج عقب )
خليفه : صباح الخير على احلى عروس
منى : (حاولت كثر ما تقدر تخفي ملامح الحزن ابويهها علشان ابوها ما يحس )
خليفة : شلونكم انتي وعبدالله امس
منى : الحمدالله تمام وناسه
خليفه : (استانس وزادت الفرحه بقلبه) يا عسى دوووووم روحي يا بنتي الله يوفقكم ويسهل اموركم ويرزقكم من حيث لا تعلمون
منى : امييين
خليفه : اي عاد باجر لا زم تعزمينه على الغدى عندنا هذا نسيبنا الحين

*****
ابو فيصل وام فيصل راحو يركضون ولقوا عادل وقالهم السالفه اللي ابو فيصل طااح غشيان من طوله وام فيصل قامت تصرخ على ولدها وريلها فيصل كان توه واصل المستشفى شاف عادل وقال عادل
عادل : سامي والحوض عنده مكسور بس الادهى من هذا ان اهو تسبب بموت اللي معاه
فيصل : ( طلعت عيونه ) شلوووووووون قولي بسرعه ؟
عادل : كانوا كل واحد منهم يحد الثاني لين تسبب بموته الولد مات بوقتها وانا خايف مادري شسوي؟
فيصل : من متى هالحجى
عادل : اهما بلشوا السباق الساعه وحده بالليل وبالجوله الاولى سامي فاز على مساعد وعقبها الساع 4 رد مره ثانية سامي واستفز سامي بكلامه وخله يتسابقون مره ثانيه بس مساعد هالمره كان وايد شايش ويتحرش بسامي اللي خله سامي يسوي نفس حركاته وكان سامي يحده بالجسر ووقتها اللي تورط مساعد ولانه مو محترف بالسيكل وايد طاح من على الجسر مساعد وسامي من اللي شافه لزم بريك بسرعه وكان حده دايس اللي انقلب فيه السيكل
فيصل : ( دمعته ما اوقفت )
*****

دقت منى على عبدالله وبعد 3 ساعات رد عليها
عبدالله : نعم ؟
منى : استغربت ؟ مساء الخير
عبدالله : ها شفيييج
منى : ( منصدمة ) لا بس حبيت اطمن عليك امس دقيت عليك ولقيته مشغول قلت يمكن فيك شي ودزيتلك مسج ما رديت
عبدالله : لا ما فيني شي وخير يا طير لو مشغول وثانيا الوقت متأخر ليش داقه اشتبين ؟
منى : ( مصدوووووووووووووومه وارتبكت) لا بس حبيت اقولك تصبح على خير
عبدالله : والله فراغه الحين داقه علي ومسج ومسويه مشكله واخر شي عشان تصبح على خير
منى : ( دمعت عينها حييييييييييييييل ومن كثر الدموع ما قدرت تتكلم وكانت كاتمة صوت البجي علشان ما تبي تضايق عبدالله )
عبدالله : الحين انا بقوم اتسبح
منى : ............
عبدالله : شفيج صمخه ما تردين يالله باي
منى : ( وصوتها مخنوق ) باي
وصكروه وعقب عبدالله حس بتأنيب الضمير ودز لها مسج (بعد ساعه راح اكون عندج تزهبي علشان نتغدى بره )


*****
بعد قرار بوقت طويل
شهد : الو ( وكان صوتها مرتبك وخايفه )
ياسر : ( عرف صوتها ) الو نعم ؟
شهد : السلام عليكم
ياسر : نعم اختي منو بقيتي ؟
شهد : ( كانت مستانسة ان اهو نوعة ثقيل وما يعطي ويه) انا شهد
ياسر : هلا والله ( بحراره )
شهد : هلا فيك ... انا داقه على اساس الموضوع اللي قلت انك بتكلمني فيه
ياسر : انا ماني مصدق انج انتي تكلميني الصراحه ابي اقولج شغله
شهد : شنو؟
ياسر : بس بشرط يبقى سر بينا ههههههه... اوكي؟
شهد : اوكي
ياسر : ذاك اليوم شفت سيارتج عند حلويات الخباز وكنت توني طالع منه ولما شفتج ما كنت مصدق ودشيت وسويت نفسي اني اطلب مره ثانيه
شهد : ( واضحكت وماعرفت شتقول غير انها تضحك) ههه
ياسر : انا معجب فيج وناوي ارتبط فيج العمر كله وعلى فكرى انا سألت عنج وعرفت انج انتي خوش بنت واهلج والنعم فيهم
شهد : شكرا
ياسر : انا اسف ما كان ودي اصكره بس عن اذنج لان ابي اودي امي موعدها اقدر ادق بوقت معين
شهد: اممممم .. اوكي خلاص دق باي وقت
ياسر : تبارك تلفوني برقمج ... اشوفج على خير ودربالج على نفسج
شهد : وانت بعد
*****
عبدالله كان توه نازل من الدري بيطلع صوب السياره
مريم : عبدالله ؟
عبدالله : هلا مريم بقيتي شي؟
مريم : ( عطته هديه مغلفه تغليف واايد حلو بلون السلفر مع البنفسجي ) هاك اخذ هذي معاك
عبدالله : شنو هذي ؟
مريم : هذي هديه عطها منى منك لها
عبدالله : ليش يعني ؟
مريم : بس لازم تودي معاك شي
عبدالله : مشكوره وااايد بس والله ما كان له داعي
مريم : لازم ما تروح وايدك خاليه وعلى فكره منى تستاهل كل خير

*****




انتهى البارت العشرون
وناطره الردود​

 

[حامل يديدة]

متابعة

 

[UNiQe^PRiNceSs]

waiting