كم ولد وبنت عندك وهل ما زلتي تفكرين بالانجاب دعوه للنقاش

[أإلع ـشق دلع ـهـأإ]

بنات الرسول عليه سلام قال تكاثروا فاني اباهي فيكم الامم يوم القيامه ..

حرام ٢ او ٣ شويه العيال عزوه لج ولبعض حلات الاخوات الصبيان اقل شي ٣ باجر مايخلون بعض ويكونون عزه لج ولبناتج

والبنات هم اقل شي ٣ البنات باجر يملون عليج البيت كل وحده لاتزوجت جتج ووونستج وباجر يونسون بعض ويكونون خوات ولا تزوجت وحده فيهن يساعدون بعض


فكروا بعيالكم مو بنفسكم العيال يبون اخوان يحسون بعدها بالوحده سالوني انا

لا تفكرون ادعوا ربي يرزقكم الذريه الصالحه الوحده ماتدري هل راح تخلف ام لا ا

 

[جذابه بنت ذيابه]

عندي ولد عمره ٤سنين ونص وبنوته عمرها سنتين ونص و حامل بالثالث ان شا الله

وزوجي يبي ١٠ ههههههههه و انا حدي ٦ المال والبنون زينة الحياة الدنيااا

 

[مشتطـه]

العيال حلوين بس ها اذا حسيتي انج مو قد التربية لا تكودين


انا احب الفترات المتباعدة

ما احب اللي تكود 5 ورا بعض ب 8 سنين وتقول عشان ارتاح عقب

مو انتي اكلتي طوط طوط طوط وانتي صغيره شفايدة الراحه عقب


الصراحه انا عندي ولد واحد مالي علي الدنيا عسى ربي يحفظة


بس يكبر شوي ويريحني افكر بالحمال بقدرة وارادة ربي سبحانه

يعني اذا صار عمره سنتين ونص احمل ان شاءالله


احب اعطي الياهل حقة

احب اهتم فيه


احب اتفرغ له عدل

اذا صارو وايد وصغار بتتعب الام باللبس وبالتدريس وبالتربية


مفكرة بإذن الله ب 5 ان شاءالله حلو حيل هالعدد مريح وزين

 

[روح الأحزان]

الحمد لله رب العالمين رزقني بأحلى عيال صج يأذوني بس اعشقهم واايد

الكبير عمره ٦
بنوتي حياتي عمرها ٤
ووعشقي وغلاتي بسبوستي عمره ١٠ شهور
احب يكون عندي توأم بس طبعا طبيعي من الله من غير اي علاج

ودي يكوون عندي ٣ بنات و٣ صبيان راعي النصيفه سالم
امووت على اليهال وودي اييب ورا بعض بس طبعا مااجازف عشان لا اهملهم واهمل نفسي واللي من الله حياه الله

 

[دارين العنبر]

بنات الرسول عليه سلام قال تكاثروا فاني اباهي فيكم الامم يوم القيامه ..

حرام ٢ او ٣ شويه العيال عزوه لج ولبعض حلات الاخوات الصبيان اقل شي ٣ باجر مايخلون بعض ويكونون عزه لج ولبناتج

والبنات هم اقل شي ٣ البنات باجر يملون عليج البيت كل وحده لاتزوجت جتج ووونستج وباجر يونسون بعض ويكونون خوات ولا تزوجت وحده فيهن يساعدون بعض


فكروا بعيالكم مو بنفسكم العيال يبون اخوان يحسون بعدها بالوحده سالوني انا

لا تفكرون ادعوا ربي يرزقكم الذريه الصالحه الوحده ماتدري هل راح تخلف ام لا ا

انه مع كلام الاخت
امي الله يحفظها يابتنه احنه 3 والحين كله تبجي وتصيح ندمانه لان كلنه تزوجنه والكل مشغول مع ان كل يوم نمرها تقول صج تعب تربيتكم بس الحين عندي فراغ ولو يرجع الماضي جان ايب 8

انه عندي بنتين 5 سنوات و4 سنوات الثانيه حملت فيها بدون تخطيط بس الحمد لله نعمة ورزق من الله .... صج تعبت لان ورا بعض بس الحمد والشكر لله الحين مرتاحه وادعي ربي يرزقني بولد يكون لهم اخو وسند ويا رب يزقني بولدين ويرزق كل وحده ما تتمنى

 

[امـ خــزامـى]

عندي بنووته وحده بس
تفكيري وشخصيتي ونظامي بحياتي
اني استمتع بكل مرااحل حياتي
ماتزوجت الا بعد الجامعه مع اني انخطب من يوم كنت بالمتوسط

ماحملت الا بعد سنتين و5شهور من زواجي حتى استمتع بهالمرحله واعطي زوجي حقه
وبنفس الوقت اضمن حياة مستقره لي ولعيالي كلها حب واحترام وتفاهم


بنوتي حاليا هي كل حياتي زوجي مايبيني اتأخر بس نظريتي راح اطبقها
بعطيها حقها بالدلع وبالحب وبنفس الوقت ماراح اخليها تحس بالوحده اول ماتتعلم الحمام وانتوا بكرامه ان شاءالله بحمل
يعني تقريبا اذا صار عمرها 3ونص بالكثير 4

والله يكتب اللي فيه الخير ويرضينا فيه

 

[ReD&FoSHia]

انا عندي بنتين و ولد و حامل تونيي بالشهر الاول
وان شاء الله اببالي بعد * و يصيرون ستة
وبعدين اوقف ان شاء الله

 

[حلا الأحساء]

عندي ولد عمره ثلاث سنوات وعشر شهور

وبنوتي قمري تسعه شهور

اذا الله اراد اذا كملت الاربع سنوات احمل عليها ابغى اكبرها وانبسط

انا اتمنى اجيب سته وزوجي يقول اربعه كافي
والامر كله عند رب العباد

 

[SWiiiRZ]

عندي ولد حبيبي ربي يحفظه لي عمره سنه و شهر و حاليا حامل بولد ثاني باذن الله انا بالسادس حاليا

و ان شاء الله اولد بالسلامه يا رب و بعدها بوقف 4 سنين او خمسه او سته بعد و باذن الله بعدها احمل

 

[M!Ss Smart]

موضوعج حلو انا ماعندي الا اخت وحده وبس وكنت اتمنى يكون عندي اخوان وخوات بس لما اشوف عوايل ثانيه عيالهم 6 والله بس كثره عدد مو شرط اذا كثرو الاخوان يكونون متماسكين وعزوه اهم شي التربيه الحين الزمن تغير المهم انا هذا اول حمل لي وان شاءالله مفكره اول 2 ورى بعض عشان يكبرون مع بعض ووقف سنتين تالي افكر بالحمل وانا ابي 5 كافي الحمدالله بس زوجي يقولي 3 كافي لووول وكل شي بأيد الله

 

[ملاك من الورد]

عندي واحد الله يحط به البركه ...جبته عقب 8 سنين والله يخليه لي ويصلحه ..ويجعله بار بي ولايجعله جبار شقياااا ....

واتمني الله يرزقن بولدين وبنتين غيره وان كان فيه زياده ياليت ....

 

[اناظرك وكلي حزن]

انة وريلي مخططين انيب 2 بس عقب مايبت بنتين يبي ولد اوف وانة الصراحه ودي اوقف وان شاء الله ربي مايكتب لي الحمال مرة ثانيه

 

[كوكي العسل]

عندي ولد واحد حبيبي هو حياتي كلها

طبعا هالولد اجى بعد تعب وانتظار والحمدلله يارب على كرمه

ادعولي الله يخليه لي ويرزقني باخ واخت اله اتمنى يصيرون 3 او 4

ولدين وبنتين يارب ترزقني وتعيني على تربيتهم تربية صالحة ترضيك