كم ولد وبنت عندك وهل ما زلتي تفكرين بالانجاب دعوه للنقاش

[لوراااااااااااا]

انا عندى 3صبيان وبنتين بس عيالى كلهم على راس بعض صج تعب بس احس انى الحين حيال قام اهتم بنفسي وابدع بعمرى
لان خلاص الحمدالله الله عطاني وارضانى بالبنت والولد

 

[بيادر أمل]

.
.
انا عندي بنت وولد والحمدلله على عطااياه نوروا دنيتي هالكتااكيت
انا حالياا ابي اريح لاني حملت فيهم وراء بعض بنتي سنة و3 شهور وولدي شهرين ونص
وان شااء الله اكبرهم واحمل ؛)
.
.

 

[فرح79]

انا عندي بنوته وحده عمرها ٩ شهور ونص وعلى كثر ما احبها ماودي اجيب غيرها عشان ماتغار فديييييتها لبا عينا والله

بس اذا ابي احمل مفكره لما يصير عمر بنتي سنتين لان انا جايبه عمليه

الله يحفظها لي ويخليلكم عيالكم يااارب

الله يحفظها حبيبتي وتشوفين الها اخوه ان شاء الله

 

[فرح79]

أنا ماشاءالله عندي ٣ اولاد ووبنت
ولدي الكبير ٧ سنوات
والثاني ٦سنوات
والثالث سنتين ونص
وبنوتي حياتي ٣ شهور
الله يحفظهم
الحمدلله الي عندي خير ونعمه واذا الله بيكرمني
ودي في بنت بعد وحده تكون اخت لبنتي يارب ترزقني وماتظل بنتي وحيده

الله يحفظ اولادك وتشوفين لبنتك اخت ان شاء الله

 

[فرح79]

عندي ثلاث بنات الكبيره٨
الوسطانيه٥
والصغيره٣
ونشالله الله يرزقني الولد ادعولي

الله يرزقك بالولد الصالح المعافي اللي تتمنيه يارب

 

[فرح79]

والله انا مع فكره المباعده عشان جسمك يرتاح والبيبي ياخذ حقه وبنفس الوقت تكون مشتاقه لبيبي جديد الل ورا بعض تحسين نفسك تعبانه

 

[عبير الكويت%%]

الحمدالله انا عندي ولدين وحامل ببنت الاول اربع سنوات ونص والثاني سنين واربع اشهر والله اعلم متي راح اوقف

 

[فـراوله]

عندي ولدين ​

ولدي الاول عمره سنتين و5 شهور ​

وولدي الثاني 11 شهر ​

وان شاءالله بعد اذا ربي أراد أبي عيال بس حاليا ما أفكر بنطر
عيالي يكبرون اشوي ​

 

[كتكوته حبيبي]

عندي ولد واحد عمره 6 شهور ومفكره ليي كمل سنه وجم شهر و والي ايي من الله حياه الله ماعاندي عدد محدد كله خير من ربي بس افضل بينهم سنتين عشان ارتاح وياخذون حقهم واوله ع البيبي

 

[barbie_girl]

انا عندي ولد عمره سنتين ونص الله يحفظه ويخليه لي واذا كمل 3 او اربع اجيب الثاني

لو الوضع بكيفي كان حملت هالفتره عشان عالولاده يصير الفرق بينهم 3 سنين احسن كذا

بس ولدي وضعه حساس شوي عنده سمة توحد وفرط حركه تونا مشخصين وضعه جداا متعبني الله يشفيه فانا وازوجي مانفكر بالثاني الا اذا تعدل وضعه لاني ماتحمل عيال غيره وهو بهالحاله وناوين نفحص عشان نتطمن من ناحية تطابق الدم لان فحص الزواج خربوطي ماله دخل بمشاكل الاجنه

واحسن شي يكون فرق العمر بينهم 3 او 4 سنين عشان الجسم يرتاح وكل طفل ياخذ حققه لاني من النوع الي ماقدر ورا بعض نهاااائي وش حادنا حنا مو بسباق حمل لوووول وافضل 3 اطفال نعمه الحمدلله

 

[ام رينـاد]

عندي بنتين وولد الله يحفظهم فديتهم

الكبيرة 4 سنين ونص

الصغيرة 1 وسبع شهور

الصغير شهرين

وناااويه انشالله بيبي راابع وخلاااااااص كااافي

تعبت اربع قيصريااااااااااات وانا توني صغيره

 

[attoosh]

عندي توام بنتين عمرهم سنتين وولد سنه والحمدلله مو مفكره كلشششش

 

[@سيدة نفسي@]

عندي 5 الله يبارك فيهم ويصلحهم وأبي بعد السادس

ليش مادري بس أبيه

المشكلة اني أتعب حيييييييييييييييل بالحمال لكن كلما تذكرت

اني كبرت خلاص وحمالي صار صععععب كلما قلت أتحمل

هالمرة وخلاص .. العيال عزوة والحرمة بالأخير مايشيلها

الا عيالها ..

 

[noha33]

عندي ولدين
الكبير 3.5
والصغير 1.5
ومو ناوية أجيب بعد

 

[طيبة83]

اريح شي الفترات المتباعده بين اليهال

 

[تبطي عظم!]

كل شيء من رب العالمين حلوو

عندي ولد عمره سنه و٦ شهور وحامل بولد

وناويه هالمره احمل بعد ٣ سنين لظروف زوجي وهو يبي هالشيء

عدد الاطفال مرات اقول ٤ مرات مادري هههه بس زوجي يبي ٣ بس

 

[ريتااجي]

عندي ولدين

الكبير عمره 6سنوات

والصغير عمره ست شهور

واحب اباعد بينهم بفترة

عشان كل واحد ياخذ حقه في التربية

 

[ملح الكون]

انا عندي بنت وحده الله يصلحها ويرزقني برها عمرها سنه و6 شهور .. وافضل بين الطفل والثاني فتره.. ان شاء الله الله يرزقني في بنتين وولدين (؛
يعني يضيرون ثلاث بنات وولدين ..

 

[لذه السكر]

وايد استفدت من الموضوع لاحظت الاغلب يفضل الفترات المتباعده

مشكورة

 

[نور دنياه]

بالنسبه لي افصل انه اول * يكونون ورى بعض وبعدها الوحده تاخذ بريك
انا عندي بنت عمرها 8 شهور والحين حامل توني ، وبوقف عقبها 3 سنين
وبالنسبه للعدد ابالي 4 او 5 والله كريم