كل وحده مسويه تحزيم معده تشاركني

[جوجو.]

ممممم

بروح أشوف السميط

 

[عنيده وتعاند]

روحي للدكتور محمد العجمي شوفي شنو يقولش واهو جراح ممتاز بصراحه
روحي لعيادته في في مستشفي ربيعه او اتصلي عليه الرقم تلقينه بالجريده

 

[النية الصافية]

الله يوفقكم
ويكتب لكم الخير

 

[sara_1986]

مرحبا بنات .. كيفكم ؟؟

انا طبعا جديده عليكم بالمنتدى وسجلت بخصوص هالموضوع الي يتم النقاش فيه

لاني حسيت راح تساعدوني بالعزيمه والاراده ...

صار لي 10 ايام من سويت العملية ... والى الحيين نزلت 3 كيلو ونص ...

انا احس انه انجاز بس اكوون يوعاااانه طول الوقت بس امسك نفسي بقد مااقدر ..

عمليتي الحمدلله كانت مره سهله ماحسيت بالالم الا اول ماصحيت من التخدير وكنت بس ترجيع دم ومن ذاك اليوم الى

اليوم الحمدلله ماني حاسه باي شي .. انا اسمع انو البنات يتعبون من هالعلمية ويحسون باللوعه كثير بس هذا الشي كله

انا مااحس فيه .. يعني دكتوري لهدرجه شااااطر ,, ولا العملية فيها شي غلط ..

عالعموم انا انصح كل وحده يئست من الرجيمات مثل حالتي انها تسوي العملية ...


وعشان تكونو معاي بالصوره كان وزني يوم دخلت المستشفى 108 والحين 104 ونص ..

 

[كويتية مملوحة]

sara_1986 : الحمد لله على سلامتج .. الله يوفقج في العملية .. حبيبتي ترى وايد زين صارلج 10 ايام نزلتي 2ونص .. لا تري الحين الدكتور حطلج الحلقة بس اهي فاضية .. لان لازم يتاكد الدكتور ان جسمج ما يرفضها .. بعد اسبوعين او ثلاثة .. راح يعبي فيها اشوي اشوي .. ومن يبدي يعبيها راح يروح احساس اليوع .. وراح تبدي مرحلة اللوعا والترجيع .. بس حطي بالج ولا تحاولين تخربطين علشان ما يرفضها الجسم .. بس ليمن يعبي ويوصل 7mm راح تحسين يالفرق.
بالتوفيق

 

[الفرح والدلال لي]

السلام عليكم
انا مسوية عملية تحويل مسار من سنة وست شهور وكان وزني 117 والحين ماشاءالله تبارك الرحمن58
والحمدلله وااايد مرتااااحة ودكتوري فهد الاصفر بالعدان استشاري جرااااحة وعيادتة كل اثنين واي استفسار انا بالخدمة

 

[sara_1986]

يسلمووو خيتوو كويتيه مملوحه ...

من جد خوفتيني منسالفة اللوعه والترجيع ... اكره شي بالدنيا عندي الترجيع اتعب منه واييييد

بس يلا انشالله خير بعد باجر عندي موعد عند الدكتور ونشووف شنو يصير

 

[عنيده وتعاند]

sara الترجيع عادي حبيبتي لكن انتي تشربين او تاكلين صب عنج بسالج شنو الدايت اللي عطوجياه قلولج استمري عليه

 

[sara_1986]

خيتوو عنيده .. انا صار لي اسبوعين من سويت العملية .. فأنا لسى على الشراب

وبعد شهر من العملية قالوا لي اكل كل شي مضروب او مهرووس ..

بس ماعطوني دايت معييين .. لكني احاول اقلل حتى من الشراب ..

وصرت اجري على جهاز السير 20 دقيقه .. (المفروض ساعه ) بس احس ماعندي طاقه ..

بعد الشهر ونص لازم اروح لاخصائية تغذيه عشان اتبع دايت معين واكيد اني راح انزله هنا ..

 

[عنيده وتعاند]

sarah كم نزلتي خلال الاسبوعين

 

[sara_1986]

امممم الحين حنا دخلنا الاثنين .. اليوم صار لي اسبوعين من سويت العملية ...

نزلت على حسب ميزاني 4 كيلو الى الحيين ... بس يوم الثلاثاء عندي موعد مع الدكتور

ونشووف ميزان المستشفى :d:d:d

انشالله 4

 

[عنيده وتعاند]

ان شاء الله علي ميزانه 8 مو 4
وعادي لاتخافين انا مسويتها 25\5 كان وزني 108 وليومج هذا 91
بس البارحه قعدت اناقز بحمام وانتي بكرامه تدرين ليش لاني اول مره اشوف 89.9
وربي من الفرحه معاد دريت شنو اسوي يعني احسبيها
7 شهور اللي زلته بس 18 كيلو بس لكن الحمد الله علي كل حال نعمت ربي لا الم ولا ترجيع ولا شي اللهم لك الحمد
علشاني محافظه اني اذا كليت وعصيت مارجع واكل لا اكتفي باللي كليته وشرب مااااي كثير وعصير الاناناس دايم بثلاجتي

وبالتوفيق لج قلبو للعلم اني ماسوي رياضه والحين بديت اسوي تمارين للمعده والصدر والقاري والمشي لمده ساعه علي سطح بيتنا
ههههههههههههههههههههههههههههه

 

[sara_1986]

خيتوو عنيده انتي مثل وزني بالضبط :d:d:d

بس انا على بالي انه اذا مرت 7 شهور الا انا واصله الوزن المثالي خخخخخخخخ

بس اهم شي انتي مثلي مبلا الم وبلا لوعه من جد خفت من هالسالفه ...

انا قلت بس انزل 10 كيلو ببدأ تمارين .. بس حاليا امشي على جهاز السير ..

خلاص خيتوو خليك معاي خطوه بخطوه .. وانتي ماتبعتي دايت معين ؟؟

 

[Tulip81]

العمليه في شق لا بس بالمنظار ؟؟؟ وجم يوم تقعدون بالمستشفى ؟؟

 

[sara_1986]

العملية تكون بالمنظار ... ويفتحون اربع فتحات بالبطن نص سم .. وحده تقريبا 4 سم ..

انا قعدت بالمستشفى اربع ايام ..

يوم قبل العمليه ويومين بعد العمليه ..

 

[عنيده وتعاند]

sarah والله ماتبعت شي معين ودي ارجع لشرب يكون احسن واسهل
ولا سويت رياضه بس مبلش في الرياضه من امس وان شاء الله انزل قبل لايتملي سنه اكون منزله زياده 20 كيلو زياده
وانا يوميا ادش هني والله يكون في العون
خيتو توليب
انا قعد في الستشفي يوم بس ليله العمليه يوم سويت العمليه الصبح طلعت بالليل
انا كنت مابي احد يعرف
لا امي حالفه ماسوي تحويل مسار فماعلمت احد قلت لابوي عاد ابوي ماقصر قال لامي و هددها ماتفتح ثمها ههههههههههههههههههههههههههههه
ولا تهاوش كنت انا وزوجي وابوي
ولا يومش هذا ماحد يدري بس اهلي وزوجي والا الباقي ماحد دري والحمد الله علي كل حال
اليشوفني منصدم علي اني مانزلت حيل بس بين فيه فرق قبل 108 بعد 90
والجروح المنظار بسيطه ماتحسين فيها اذا اعتنيتي فيها
انا اول اسبوع كنت بيت اهلي خلصت رحت بيت حمولي والله لايوريج لاشغاله والضيوف رايحين ورادين
وانا في المطبخ من 5 الصبح الين 9 بالليل او 10 كان وقت صيف ولا فيه مكيف بالمطبخ
وكرف كرف معتبر حتي اني بس اشرب ماااااااالي نفس اشرب عصير او شوربه وكان زوجي يقول اشربي عصير اي شي والله كان يعطيني
قلاص العصير وانا ماااااالي نفس بس ابي اشرب ماي يرد فيني الروح لا مع التعب اس الغرز نبض من التعب
كله ماحد يدري فيني كن كل ساعه ابدل الباند حق الجروح لانها مع العرق تطيح
كان العرق ينزل علي الجرح بس ماحس فيه
والحمد الله عدت ذيك الايام بحلوه وبمره
والله كريم هذا علشاني ماحسيت بالم في الجراحه لوفيه الم معقوله ثاني اسبوع وانتي كارفه بالمطبخ
والجروح حيييل صغار يمكن 1سم او نص سم بس اللي تحت الصدرتقريبا 3 الي 4 سم

والله يوفقج حبوبه

 

[sara_1986]

خيتووو عنيده باركي لي :d:d:d:d

توني جيت من الدكتور وقالي نازله 5 كيلو خلال اسبوعييييييين

انشالله عقبال ال5 الثاني فالاسبوعين الجاييين

بس من جد قرفت من الشراب ابي اكل .. كل شي اشوفه احس نفسي فيييه

 

[عنيده وتعاند]

مبرووووووووووووك عقبال 5 الثانيه يارب
هالله هالله برياضه شدي حيلج فيها انا غلطتي ماسمريت علي السوايل اسبوع حتي او التزت برياضه مخليتها هدد جذي
بس يوم قعدت احسب العمري والله فتره طويله مانزلت وزن كبير مثل باقي البناات اللي نزلت 40 كيلو واللي نزلت 50 خلال سنه
وانا الحمد الله مانزلت غير 18 كيلو بس ماكملت سنه باقيلي 4شهور ومعزمه باذن الله انزل 20 كيلو باذن الله اوصل 70 بعدين 15 كيلو في 3 الشهور اللي بعدها راح اكون 55 هههههههههههههههههههه
ان شاء الله
علشاني اذكر واحده معانا بكليه كنا نشوفها سمييييييييييييييييييييييييييييييينه حيييييييييييل حرام تكسر خاطري لا شفتها تحطمت
وزنها يمكن 130 او 140 كااااااااان البنت ترتج وكان ويها وحده ضعيفه حيييل فرق حتي كانو الدكاتره لاشافو البنت السمينه
في عيونهم نظره شفقه وربي بعضهم حتي فيه ضحكه لاشفته ودي اقوم اسطره
حرام بنت والرياجيل يضحكون لي البنيه مهما كان توجع النظرات هذي واهي مشاء الله عليها ولا يهزك ريح تمشي وتتفنتق بعمرها وجنزات
والبنيه سمينه
هذا خلال سنتين
ماخذيت الاالتلفونات علي من رفيجاتي يقولون تعالي شوفي البنت الحين تعالي وربي ماتعرفينا
كان ارووووح طياره للكليه وواطالع في البنات اللي بالكفتريا واطالع ماكو ماشوفها قالتلي تعالي
ودتني يم طاوله انصدمت صدمت عمري البنت تحلفين انها مو اهي انحف من اللي كانت تمشي وياها
وين الفخوووذ اللي ترتج لا مشيتي
وين الزنود
وين الكرشه
وين الدنيا كلها
كان ارجع لطاولتي بالكفتريا واسكت سالت رفيجتي كانت تاخذ محضارات مع البنت وطلبتها وترجيتها تسالها شحمج وين طار
وش سوت
تبلعمت ماعرفت وش اقول
تقولي رفيقتي سالتها وقالتلي مسويه تحزيم وكنت اشوفها بنادي فيلكس تلعب رياضه

وربي اتمني تشوفينها الحين وزنها تعطينها بــ 50 اقل مواكثر
قلت رفيقتي خاف مسويه تحوير قالت تكذب علي الدنيا كلها الاعلي قالت ربط خلاص ربط
وانا اسبشرت خير الحمد الله ربط وكل ها النحف اللهم لك الحمد يعني البنيه نزلت 80 كيلو خلال سنه ونص مع الرياضه
لا جلد مترهل ولا بطن يرتج
حلو حلو الله يعطينا العزيمه
صج صج انحف حلو

 

[جوجو.]

روحي للدكتور محمد العجمي شوفي شنو يقولش واهو جراح ممتاز بصراحه
روحي لعيادته في في مستشفي ربيعه او اتصلي عليه الرقم تلقينه بالجريده

مضمون؟
منو مجربه؟

 

[جوجو.]

مرحبا بنات .. كيفكم ؟؟

انا طبعا جديده عليكم بالمنتدى وسجلت بخصوص هالموضوع الي يتم النقاش فيه

لاني حسيت راح تساعدوني بالعزيمه والاراده ...

صار لي 10 ايام من سويت العملية ... والى الحيين نزلت 3 كيلو ونص ...

انا احس انه انجاز بس اكوون يوعاااانه طول الوقت بس امسك نفسي بقد مااقدر ..

عمليتي الحمدلله كانت مره سهله ماحسيت بالالم الا اول ماصحيت من التخدير وكنت بس ترجيع دم ومن ذاك اليوم الى

اليوم الحمدلله ماني حاسه باي شي .. انا اسمع انو البنات يتعبون من هالعلمية ويحسون باللوعه كثير بس هذا الشي كله

انا مااحس فيه .. يعني دكتوري لهدرجه شااااطر ,, ولا العملية فيها شي غلط ..

عالعموم انا انصح كل وحده يئست من الرجيمات مثل حالتي انها تسوي العملية ...


وعشان تكونو معاي بالصوره كان وزني يوم دخلت المستشفى 108 والحين 104 ونص ..

ماشالله
عند منو سويتيها