كل وحده مسويه تحزيم معده تشاركني

[wise-girl]

بس ياريت إتفيدينا إشلون إنسوي الإجراءات بالحكومه من الألف إل الياء
بعني إشلون أبلش بالإجراءات

 

[wise-girl]

آنا أعرف وحده باجر عمليتها أشوف شنو يصير عليها وأعطيج خبر
وتقدرين تستفيدين من موقع سلطان التمياط كل إللي إمسوين عمليات كاتبين تجاربهم

 

[Miss.Vampier]

تسلمين خيتو على المرور
الله يسلمج انا راحت المستوصف
مالنا جان اطلب موعد عند دكتور الجراحة
تعرفين العدان التخصصي جنا مستشفى مصغر
في عيادات ومواعيد
اخذت موعد ورحت وقلت له بصراحة
انا وايد متينة وتعبت من الرجيم
ابيك تعطيني تحويل حق المستشفي
وحسب نسبة السمنة طلع 40 ونص
يعني سمنة مفرطة على طول كتب لي تحويل
حق عيادة جراحة السمنه
والحمد لله ان صادف ان فهد الاصفر
اهو الوحيد الى يسويها ومتخصص حق
المناظير ومافي دكتور غيره بالعدان
المهم رحت المستشفى وحطيت موعد حق العيادة
ودورة اسبوع كان موعدي ودشيت وكلمني
عن كـــــل شي وقلت له انتي تعبت من شي اسمة
رجيم لاني من وانا صغيره وانا اسوي رجيم
جان يقولي انتي تصلح لج تحويل مسار
لانج راح تنزلين اسرع من الحلقة
وقالى لاتخافين وقلت له عيل حط لي موعد
جان يحطلي 17/2/2009 ادش المستشفى
واليوم الى وراه العملية
وباجر عندي موعد منظار
وقالي ان اهو راح يسوية لي
والحمد لله نفسيت الدكتور تهبل وروعة
شجعني وايد
بس للاسف اهلى موافقين بس يقولون لي سوي الحلقة
واذا مافادتج سوي تحويل مسار وانا محتاره وايد
وايد واي شي تبين حبوبة قوليلي
وبالتفيق

 

[كجب]

حبايبي شوفوا هالرابط
http://www.q8yat.net/showthread.php?t=220338

 

[Miss.Vampier]

قوه بنوتات
خالد العنزي دكتور وايد زين
بس على سالفة الجهاز ومادري شنو
متى قالج هالكلام لان ولد خالتي بيروح يحط موعد
انزين في دكتور ثاني بالاميري هم وايد زين
اسمه محمد براك الهيفي
سو حق رفيجاتي بدار الشفاء
اهو يشتغل بالاميري وايد زين
روحيله لاتنطرين لان مواعيد العمليات وايد ابعيده

 

[ما((الشوق))طرة]

صباااااااااااااااااح الخير ع احلى رشيقات

خواتى شو نقدر نسوى بخصوص الترهلات لا تقولون لى رياضه لان جسمى حيل مترهل

 

[ما((الشوق))طرة]

انا مسوية تحزيم والحمدالله قريب باكمل السنه ونزل وزنى 50 كيلو بس والله عندى ترهلات فضيعة خاطريه اسوى عملية شد

 

[warda_76]

بنات لاتعبون نفسكم وتسوون تحزيم اصلا هذي عملية فااااااااااااااااااااشلة من جميع النواحي تتوسع ويزيد الوزن اذا كليتي كاكاو ..الخ
احسن عملية اهيا تحويل المسار لأنها مضمونة انا لما فكرت اسوي شفت انه التحزيم لها مشاكل وايد بعد انا داشة عملية داشة وسويت التحويل والحمد لله نزلت 40 كيلو بس باقيلي طريج لأن وزني كان 155 وصارلي 6شهور بس الحمدلله على كل حال الحين بس ببالي الحمال والله كريم ويرزقني .
سمعو نصيحتي وسووها

 

[wise-girl]

حبيبتي الله يرزقج إن شاء الله ممكن إتفيدينا وين سويتي العمليه

 

[Miss.Vampier]

قوه بنوتات
انزين لما سويتيها ماتاذيتي من تساقط الشعر
لان وايد يشكون منه
هل توصل مرحلة تساقط الشعر انج قمت راسج تبين ؟؟
يريت تفيدينا

 

[shams2008]

اعرف وحده مسويتها شهر واحد ليلحين نازله 40 كيلو
حطت الحلقه ومرتاحه عليها عند دكتورمحمد خورشيد
وبخصوص الشعر تقول من سويتها وانا اخذ فيتامينات وشعرها ماشاء الله ماصار فيه شي

 

[warda_76]

سويتها في العسكري عند العجمي خوش دكتور شاطر وياحلو اخلاقه...بس شعرى مضيق خلقى يتساقط وقاعدة احطله بالكريمات والزيوت مع اني مااقطع الفيتامينات بعد شسوي يقول الدكتور فترة وتروح انشاءالله ...
تعبت اول اسبوع بس بعدين الحمدلله صرت بخير ..

 

[منوول 60]

بنااااااااااات لحقووو علي شعرررررررري راااااااااح خف واااااايد تساقط مو طبيعي البانيو المشط ثيابي الارض كله كله شعري..مع اني اكل حديد تكفوووووووون عطوووني اسم فيتامين او نوع حديد زين للشعر خلللللللللللص شعري بقررررع والوزن يالله يتحرك للحين وزني 93 عيل على مايوصل 70 ولا 60 جد صلللعت

 

[ام بنتها]

الله ينولكم الي تبونه انشالله يوصلكم للوزن الي ببالكم يارب

 

[sharofa]

انا يحولوني حق الاميري و ابيتحويل العدان شسوي

 

[Miss.Vampier]

قوه بنوتات
Warda_76
شلون سويتيها بمستشفى العسكري ابي شرح مفصل
منول60
خرعتيني من التساقط انا بروحي ماعندي شعر
بس والله سمعت ان في ابر ميزوثيربي بالراس حقن فيتامينات للتساقط
بس ماجربت
يريت تفيدوني
sharofa
شوفي دخلى على الدكتور الى بالاميري وشوف شنو يقولج عن العملية
واذا قالج اوكي تصلح لج قوليله ابي موعدي امبجر مو متاخر اذا قالج ماكو الحين
قوليله حولني حق العدان عند (( فهد الاصفر )) انا عنده
انشاء الله راح يعطيج تحويل
لان انا قلت حق فهد الاصفر مواعيدكم بعيده (( مافيني صبر ))
مع ان عمليني 17 / 2 / 2209
بس ابيها امس قبل اليوم
جان يقولي تبين تحويل حق مستشفى مبارك
بس شفت مواعيدهم بعيده هونت
خلني على مينوني
وترى دكتور خالد العنزي خوش واحد ليش ماتسوينها عنده ؟؟
اهو دكتور بالاميري
او عندج محمد الهيفي
هذا الى يسوي عملياته بدار الشفاء ويطلبونه طلب شغل حلو
تحياتي

 

[ام في والحلوين]

مرررحبا اولا بالنسبة لحلقة المعدة في ناس تمشي على البرنامج اللي حاطة الدكتور وراح تشوفون نتيجة روعة بس لازم تحافظ على البرنامج وإذا لا ترى مافي اي فايدة يعني عملية وبنج وتعب وهم مانزل الوزن الاثار الجانبي لها كثرة الترجيع وإذا ما التزمتي بالبرنامج ممكن يصير عندج معدة على معدة لانهم يضيقون رأس المعدة وإذا ما حافظتي راح تكبر وتصير عندج مشاكل انتي بغنى عنها وميزاتها ان الوزن لما ينزل ممكن التحكم فية يعني مع اشوية لرياضة راح تصيرين روعة والعملية صارت سهلة اما بالنسبة لتغير المسار اهم شيء بالموضوع الطبيب المعالج لاني اعرف ناس وايد ماتوا والسبة انها ماتصلح لهم ولاكن الدكتور يجازف علشان يتمرن او يصير مشهور على حساب المرضى اما عيوبها 1)-انخفاض حاد بكل الفيتامينات والمعادن الجسم 2)- ترهل شديد اقصد شديد بالجسم 3)-تساقط الشعر بكثرة وذلك بسبب النقص اللي بالجسم لانج ما تستفيدين من الكل اللي تاكلينه إلا بنسبة ضعيفه جدا الخ...اما المحاسن نزول بالوزن بصوره سريعه ولازم الاشتراك بنادي علشان يشد الجسم مع نزول الوزن في امكانية اخذ الفيتامينات والمعادن ابر علشان تكون الصحة ممتازة و ماتتأثرين والحلو انج مهما اكلتي ماااااتمتنين والله يشفي مرضاه وسلامتكم .

 

[ايمان 24]

واحده اتصير حق خالتي سوت تحزيم بس ادخلت العنايه

 

[ايمان 24]

رد: مشاركة: اللي مسوية عملية تحزيم المعدة تتفضل

ماكو احد مسوي تحزيم ما اصدق يبه شدعوه

في واحده تصير حق خالتي سوت التحزيم بس ادخلت العنايه:0bee2e8d89:

 

[Miss.Vampier]

ام في والحلوين
للاسف اني قلت حق الدكتور ابي حلقه بس قالي تاكلين كاكاو
قلت اي واكله بجنون يعني ممكن استغنى عن كل الاكل واعيش على الكاكاو
جان يقولي عيل ماتصلح لج
وعندي شغله ثانية لازم اضعف بسرعه اليوم اكتشفته بعد مااخذت تحليلي
طلع فيني كرسترول عالي ودهون على القلب يسبب سرعه خفقان القلب حتى وانا قاعد
وعندي ضعف بااحد الكلي
والله يستر لا يصير بالكلى شي قمت احاتي واوسوس الله يستر
والى الله كاتبة بيصير اذا الله كاتب وفاتي بيوم عمليتي يعني هذا نصيبي
والحمد لله على كل شي