كل وحده مسويه تحزيم معده تشاركني

[marine girl]

هلا حبيبتي
صديقتي فشل معاها الحزام وشالته
وبعد كم شهر عملت التحوير
والحمدلله وزنها نزل
بس التحوير تعبين لما تاكلين الحلويات والمقليات والاشياء اللي فيها دهووون

انا سويت التحوير على طووول لأني كنت واثقه من فشلي مع الحزام :eh_s(14):
​

حبيبتي وين سويتيها وجم تكلفتها ماعليج امر؟

 

[الغنادير]

marine girl

سويتها عند الدكتور سلطان التمياط
بمستشفى سعد بالخبر
3.500 دينار بحريني ​

 

[marine girl]

marine girl

سويتها عند الدكتور سلطان التمياط
بمستشفى سعد بالخبر
3.500 دينار بحريني ​

شلون الدكتور وشلون اذا برح ابي رقمهم والعنوان ماعليج امر؟

 

[الغنادير]

marine girl

حبيبتي ماشاء الله عليه الدكتور أكثر من ممتاز
والزين ان يسوي العمليه 3 مرات بالاسبوع
فعنده خبره فيها وشاطر ماشاء الله

هذي منتدى الدكتور
دشي وأقري تجاربهم وإن شاء الله تستفيدين
http://www.teemyatt.com/vb/index.php

مستشفى سعد التخصصي
0096638014232
كلمي وحده اسمها ندى

وهذي رقم المواعيد

0096638014111

واي سؤال حاضره تفضلي ​

 

[ترتل كيك]

انا سويتها بالمستشفي العسكري

عند دكتور محمد العجمي هذا الدكتور عجيب عسي الله يخليه يارب


وطبعا بلاش

 

[الغنادير]

يسعد ربي صباحكم
شخباركم وشمسوين

ترتل شخبارج وشلوونج مع التخفيف

ماطره وينها مالها حس وحشتني

وبيقة البنات وين أختفيتوا :ssssso:​

 

[marine girl]

انا سويتها بالمستشفي العسكري

عند دكتور محمد العجمي هذا الدكتور عجيب عسي الله يخليه يارب


وطبعا بلاش

حبيبتي انزين ماشريتي الحلقه انتي ولا من عندهم ؟ وجم يوم قعدتي بالمستشفي؟

 

[marine girl]

marine girl

حبيبتي ماشاء الله عليه الدكتور أكثر من ممتاز
والزين ان يسوي العمليه 3 مرات بالاسبوع
فعنده خبره فيها وشاطر ماشاء الله

هذي منتدى الدكتور
دشي وأقري تجاربهم وإن شاء الله تستفيدين
http://www.teemyatt.com/vb/index.php

مستشفى سعد التخصصي
0096638014232
كلمي وحده اسمها ندى

وهذي رقم المواعيد

0096638014111

واي سؤال حاضره تفضلي ​

بعد قلبي مشكوووووره عالرد فديتج والله

 

[بنت الحزن]

انا رفيجتي حاطتها ضعفت وايد عليها صارت تهبل

 

[الغنادير]

marine girl

تسلمين حبيبتي حاضرين بأي وقت ​

 

[marine girl]

انزين والترهل شلون راح بعمليه ولا مولازم؟

 

[ترتل كيك]

marine girl

حبيبتي انا شريتها ب650 دينار

وقعدت 3 ايام بالمستشفي

واي استفسار انا جاهزة لا يردج الا الكيبورد هههههههههه

 

[ترتل كيك]

الغنادير يا قلبي رحت موعدي وطلبت من الدكتور يضيق 2 سم ورفض قالي مو زين لج وصلنا لحل 1ونص سم
قاعده بالخياط مو مستشفي ههههههههههههههههههههههههههههههههه

ورجعت بالليل واليوم الصبح مرة بس انا استاهل قاعده اكل اكل صلب المفروض اكل لين ومهروس

والحين المغرب شربت شوربه وتوسته والحمدلله ما رجعت طبعا هذا الغدا

بس البنات شخبارهم وينهم الكيكه والنية الصافية وام اراوي وماطره ؟؟؟؟؟؟؟؟؟؟؟؟؟؟؟؟؟


انت شخبارك بالتحوير وصلتي للوزن المطلوب ؟؟

 

[النية الصافية]

أنا تعبانه ذابحني الحارج و مرات أرجع دم

الكيكه
سلامتج والله خرعتيني
بسم الله عليج روحي العيادة اشناطره؟؟؟؟؟؟؟؟؟؟؟؟؟؟؟؟
حارج ودم السالفة تخرع
لانه بنت الكويت كانت ترجع دم وقالها دكتور موسي فيج قرحه بالمعده وبس ولدت بالنفاس جنه شالتها
استفسري من بنت الكويت
واما اخباري اولا:
السلام للجميع
الوزن بازدياد والكاكاو والمكسرات بالبر شغاله وبرد باسكن روبنز
وبالشتاء كله نوم وبرد ومافي حركة وتعبانه نفسيا مو قادره انزل شئ بس ثابت الوزن الحمد الله
والاكل ما اغص بسرعه قلت اروح اضيج يمكن توسعة بس قلت بعد العيد خل استانس شويه
وادري الدكتور بزفني بس شنو اسوي انا مليت

 

[الغنادير]

ترتل كيك

هلا حبيبتي حاسبي وابتعدي عن الأكل الصلب
انا الحمدلله صار لي 4 شهور ونزلت 25 كيلو والحين قاعد ينزل ببطئ
بس بسجل بنادي يمكن لأني بشه ماتحرك مايتحرك وزني خخخخ

النية الصافية

هلا حبيبتي نفس حالي انا طايحه طيحه بالمكسرات واموووت بالذره خخخخ
يلا يبي لنا نشد الرحال نحو الرجيم والرياضه ​

 

[النية الصافية]

ان شاء غنادير بس متي كل يوم اقول باجر وماكو فايده بلعه بلعه بلعه كاكاو كاكاو كاكاو

 

[ترتل كيك]

شخبارك النية الصافية ؟؟؟


مشكلة البرد يجووووووع من قلب الله يساعدنا انشالله

 

[النية الصافية]

صاجه الحين بنام وقاعده اتهدد ابي اكل كاكاو

 

[الغنادير]

يسعد ربي صباحكم
شخباركم وشمسوين ​

 

[قلب البحر]

بنات شلونكم شخباركم

انا شفت الموضوع على طول دخلت توني عضوة جديدة بالمنتدى

كنت قبل اسبوع عند دكتور خاص وسألت على العمليتين التحزيم وتحويل المسار

طبعا عندكم فكرة عن التحزيم انا بتكلم عن تحويل المسار لاني توني السبت سويتها
وهي انه يشيلون جزء من المعدة

ويوصلونها بالامعاء طبعا العملية تخدير كامل 3-4 ساعات منظار عبارة عن 5 جروح صغار
ما تتعدى 1 -2 سم

طبعا في نظام ريجيم معاها لازم تتبعينه وتمشين عليه واي سكريات وحلويات تتعبج
وتدوخين على طول

الاكل أول يومين بالمستشفى كله سوائل وعلى الراحة حيل اول شي ماي كل ساعة
تشربين شوي بقياس حيل صغير يعطونج اياه بالمستشفى

وما تتعدين هالقياس لانه راح يحوشج عوار بصدرج والا كتوفج تتعبين

بعدين يعطونج كل نص ساعة وثاني يوم يعطونج عصير تفاح او خلاصة ماي دجاج او لحم شوربة صافية مافيها شي

ولما تطلعين من المستشفى تبدين نظام اول اسبوعين كله سوائل نظام يعطيج اياه الدكتور

طبعا عملية تحويل المسار ما تصير حق اي وحدة لازم تكون نسبة السمنة عندج اوفر ال40

والدكتور يقرر يسويها والا لأ

الشي الثاني نسبة نجاح هالعملية 95%

المخاطر منها 1-2% وهي اما انه يصير خرير بالتوصيله وهذا يصيب الناس اللي وزنهم وايد وايد
زيادة والناس فئة الذكور
الشي الثاني تعتمد على فيتامينات وادوية يصرفها لج الدكتور هذي مدى الحياة يعني لا تفكرين
تهدين الفيتامينات والا ترى يصير تساقط شعر وفقر دم وانت ادرى بالباجي

العملية هذي ما تعتمد على المريضوايد اهم شي تحافظين ما تكثرين دهون يعني اكلي ونامي
وامشي وبس وزنج بروحه راح ينزل خلال سنتين بمعدل طبيعي جدا ويوصل لحد معين بعد سنيتن
ويوقف اذا انتي تبين تنزلين اكثر يعتمد عليج وعلى رياضتج

وشطارتج

انا اعرف ناس مسوينها ونزلوا وشحلاتها صارت

حتى في واحد من اهلي مسويها قبلي بشهرين تقريبا نزل 19 كيلو وانا تحمست لما شفته وسيتها

المهم انج تكونين قنوعه حيل انه الفترة الاولى تقريبا 3 - 6 شهور مافي اكل نفس قبل

يعني اللي يخربط كاكاو وحلويات ما تنفعه هالعملية

واللي تاكل وايد وترى احس انه قبل كنت اكل وايد الحين حتى مو اكل زرازير نتفه ياله

بس الحلو ما في احساس بالجوع

في شعور غريب تحسينه ولازم بين فترة وفترة انتي بروحج تشربين ماي وسوائل عشان الجسم ما ينقصه ويجف

عالعموم اي استفسار عن العملية سالوني وان شاء الله اللي اقدر اجاوب عليه اجاوب

انا الحين لي 5 ايام مسويتها امس وزنت نازل وزني 3 كيلوات عاد دعواتكم استمر بالنزول وانا بصحتي وعافيتي

محبتكم قلب البحر​