كل وحده مسويه تحزيم معده تشاركني

[الكيكة]

السلام عليكم

تسأل عنكم العافيه .. و الجينزات الدافيه

انا بخير الحمد لله ... قاعده اخذ علاج القرحه .... ما اقدر اكل اي شي و مادري شنو آكل .. مليت من كل شي الله يزيد النعمه .. و قام الاكل بالليل يتعبني حيل و مايخليني انام للصبح و كل يوم اقول ماني ماكله الليلة ...بس ايوع و اكل و تالي اتنكد
... مثل اول امس تعشيت نص سينابون رولز .. و قمت ارجع للصبح مت
و امس تعشيت بطاطا مشويه و طول الليل اكح و اشرق بريجي لما قمت الصبح رجعت لين قلت بس

ام اراوي تروحين و تردين بالسلامه .. حج مبرور و ذنب مغفور انشالله .. امانه ادعيلنا الله يضعفنا بدون مرض و يدوم علينا الصحه و الرشاقه للابد :aha:

و وزني الحمد لله زوين

 

[الغنادير]

الكيكة

هلا وغلا حبيبتي ماتجوفين شر ألف لا باس عليج
خلي اكلج خفيف بالليل روب او حليب وكوير اخف لج
وماعليج إلا العافيه​

 

[الكيكة]

الشر ماييج الغنادير ...أنا مستمره عالعلاج ( كبسولات زنتاك مر وحده باليوم )
امس بالليل عشاي كان بطلين عصير سانكست برتقال ( مو بارد وايد )
و بالليل و انا نايمه اكح مثل الشرقه و يطلع من معدتي مثل بلغم و دم ... صايره فيني هالسالفه قبل هالمره
انا خايفه اقول لريلي .. اخاف يوديني الطبيب و يشيل الحلقه

خايفه على معدتي و على الحلقه ...ساكته ... اليوم الصبح شربت مره ... بستمر عالمرة و بخفف الاكل كثر ما اقدر لحد ما ترتاح معدتي من الترجيع و الدم

مابي يشيلون الحلقه

 

[الغنادير]

الكيكه

سلامتج يالغاليه والله تكدرت عليج حبيبتي
فالليل خلي عشاج لبن اريح واخف ع المعده
شلج بالسانكست :eh_s(14):
جربي اللبن والروب
ومنقوع النعناع روووعه للمعده
اسأل الله العظيم رب العرش العظيم أن يشفيكِ ويعافيكِ من كل شر​

 

[ما((الشوق))طرة]

الكيكه

ماتشوفين شر فديتج انتى من متى مركبه الحلقة فديتج

 

[فطيرة فراوله]

السلام عليكم
الكيكه ماتشوفين شر ياقلبي وانشالله بدعيلكم اهناك حبيبتي والله ضاق خلقي عليج انشالله الله يشافيج يارب واذا انتي منزله الوزن الزايد شيليها وافتكي والله كريم
الغنادير اشلونج قلبي ؟
ماطرة الشوق شحوالج حبيبتي؟
فوفو التخينه ها ليلحين الزعيم مو راضي؟ الله يعينج
ياجماعه مظلومه وييييييينها مشتاقتلها ياناس
اليوم رحت العسكري عند دكتور محمد العجمي والله مريييييييييح وكلامه متوازن طمني والله كريم وعطاني التحاليل الي لازم اسويها انشالله بعد ما ارد بالسلامه من الحج والله كريم لا وبعد شجعت مرت اخوي تسويها وخذيتها معاي اليوم بس ماني قايله حق احد كل مرة اقول يخربون علي وخصوصا امي تشيش الريال وانا غصب مقنعته
والله كريم انشالله

 

[ترتل كيك]

شلونكم يا رشيقات المنتدي
سلامات يالكيكية ما تشوفين شر

ام اراوي الله يوفقج شفتي الدكتور ماشالله عليه مريح

 

[ترتل كيك]

بنات بقولكم انا رحت لدكتور عبدالله المطوع وكتبلي علي رجيم بس بعد ما يضيقون الحلقه بس انا اقوله انه لازم اكل مهروس واهو قالي عادي وعطاني رجيم بس بسيط الفطور توسته وحده مع جبن وخيار وطماط والغدا شوربه وسلطه قطع صغيره

بس بقولكم عادي والا لا ؟؟؟؟؟

لاني اقوله اكل مهروس يقول لا اخذي هذا الاكل احسن
واذا بغيتو الرجيم راح اكتبه بالتفصيل بكره .

 

[الكيكة]

الشر ماييكم حبيبات قلبي

ام اراوي تبيني اشيلها علشان ارد دبلات؟ الحين اهيا اذا توسعت زدت 5 كيلوات اشلون لو اشيلها ...لا يمعوده عساني ما اشيلها.

ماطرة الشوق صار لي تقريبا سنتين مركبتها

حبيبتي الغنادير انشالله ما تتكدرين على غالي .. امس تعشيت حليب خالي الدسم و بارد ... و الحمد لله نمت مرتاحه وماطلع دم .

ترتل كيك احنا وينا وين الخيار و الطماط من صجج؟ ... الاكل صار عندنا بس ريحه و شكل مو للاكل

 

[الكيكة]

ترتل كيك اذا تقدرين تاكلين اللي اكتبه لج زين على زين .. جربي ريجيمه عالاقل صحي و مفيد .. و ذا شفتي روحج ماتقدرين تاكلين اللي قال عليه قوليله يغيره لج
و الله يوفقج و تنزلين بصحه و عافيه

 

[ام رحاب]

لووووووووووووووول

انا اخاف اسوي اخفف اكلي وماخذه برنامج عجيب مال أ/ وائل
صدق عجيب صديقتي مجربته صارلها 3 أشهر عندهم نازله اكتر من 30 كيلو
وانا بديت وياهم من 3 اسابيع وللحين نازله 9 كيلو
نصيحه جربوه اهو شوي غالي بس طبيعي ع قولتهم
وايد مرتاحه عليه

 

[Zaina1982]

السلام عليكم
انا مشاركة يديدة .. وانا عندي ماضي سيء مع الرجيم .. صراحة انا سويت كل انواع الرجيم ماكو فايدة عموما ... عندي اسأله وايد ابدي فيها وياريت القى اجابة منكم

اول شي انا اسأل عن عملية الحلقة حول المعدة :

- كم سعرها ..؟

- منو احسن دكتور ..؟

- بعد العملية ، مكان المنظار .. يبين شكل العمليه ..؟ يعني شكلها يشوه البطن .. شكل بطني يعني يصير فيه عمليات ..؟

- وجم الوزن اللي يسونه له العمليه يعني مثلا انا وزني 100 وطولي 176 يقولون لي ما يصير تقدرين تنزلينهم برجيم ..

- شنو مضاعفات العملية هاذي الواظحة اللي الكل مر فيها ..؟

وشكرا لكم على اهتمامكم وانا ناطره اجوبتكم ..

 

[Zaina1982]

اي نسيت اقول انه طولي مغطي على متني .. بس معطيني ضخامة وانا مو حابة هالشي .. لان البنت حلو تكون مو ضخمة .. يريت تعطوني معلومات .. لان وراي مهمه اقنع ابوي واهلي علشان يرضون فأول شي انا ابي اقتنع 100% وبعدها ابدأ رحلة الاقناع الثانية .. وشكرا

 

[فطيرة فراوله]

هههههههههههههه يا حلوج يالكيكه لا عيل لا تشيلينها كلش مدام فيها زياده وزن لوووووووووووول
ترتل كيك صج والله مريح الدكتور الحمدلله ارتحت له وايد وابتسامته ماشالله علطول على ويهه
الغنادير كيف حالج واشلونج الحين انشالله مرتاحه ؟؟؟
ماطرة شخبارج قلبي وشمسويه ؟
فوفو التخينه وينها مالها حس الظاهر مشغوله باقناع الريل ههههههههههه
مظلومه ويييييييييييييييييييييينج خيتووو فاقدتج ؟؟؟؟؟؟؟؟؟؟

 

[مظلومه ياناس]

ام اراوي ماتفقدين غالي يابعد كل غالي مشكوووووووووووووره يالحبيبه ........انا ياطويلة العمر الصبح دوام وبالليل اروح كوين مساج جووووووووووود يكسرون هالدهون وهالشحوم اللي مكوده صارلها سنين الله يعينهم علي ......... مسيكينه الصينيه اللي تسويلي تفح تفح واهيا تفرك بهالشحوم الله يعينها ويعيني بعد......... واخيرا رحتي للدكتور يعني خلاص نويتي يالغاليه ماباذنج ماي ؟.......الله يعطيج خيرها ويكفيج شرها هالعمليه وتوكلي على رب العباد قبل كل شي


ترتل كيك ...........الله يهداج ليش رايحه لدكتور ريجيم ؟ اذا انتي اصلا مو قاعده تاكلين شكو رايحتله ........زبيعطيج من هالحبوب اللي مالها اول ولاتالي وبيقولج دجاجا مشوي والا توست والا همبرجر والا ستيك ....يبه احنا وين وهالاكل وين .... انتي مع اول تضويق راح تنزلين حيييييييييييييييييييييييييييييل وقولي ام فواز ماقالت
حبيبتي ترتل اكلي كل اللي نفسج فيه بس بكميات قلييييييييييييييييييله وامضغي الاكل عدل مدل وابتعدي عن الحلويات والعيش والخبز وصدقيني راح ينزل وزنج ..........

الكيكه حبيبتي ماتشوفين شر ......... تمسكي بحلقتج لاتفرطين فيها الا وقت الشديد القوي والله لايحدج على شيلتها انشاءالله

الغنادير وماطرة الشوق شخباركم؟

 

[مظلومه ياناس]

هلا فيج زينه ترا كل وحده ولها دكتورها اللي ارتاحت له يفرق من وحده لي وحده وانتي تقدرين تطقين لج فرررررررره بهالقسم وتعرفين كل شي عن العمليه وكل بنت وتجربتها............ انا قبل لا اسويها ماخليت منتدى ولاتجربه الا وقريتها
عى يوم وانتي فاضيه اخذيلج فره......... انا دكتور محمد الجارالله وسواها لي بالهادي وكلفتني العمليه مع التحاليل والمراجعات ما اذكر والله اني ناسيه بس فوق الألف وبالنسبه مكانها انا يبين عندي بس مايشوه عادي واهيا 5 فتحات بالبطن كلهم واحد سم الا العوده تقريبا 3 سم وبالنسبه لوزنج اعتقد راح يسوونها لج

 

[Zaina1982]

زين صج الدكتور يقول اول نزلي 10 كيلو وبعدين نبدأ بالعملية ..؟

 

[ترتل كيك]

من صجج مظلومه ما راح اقدر اكل شي انا انشالله اول تضويق لي يوم الاربعاء واهو قالي عادي اكلي سلطه مقطعه قطع صغيرة انا قلتله ان الدكتور يقول اكل شي مهروس

وقالي لازم تحاولين تاكلين قطع صغيرة علشان ما يصير قرحة بالمعدة وتتعبين وبعد سوائل .

انزين انتو في بداية الاكل المهروس شنو تاكلون ؟؟؟؟؟؟

 

[فطيرة فراوله]

مظلومه هههههههههههههههههههههههههههههههههههههههههههههههههههههههههه الله يغربل ابليسج بعد هالصينيه هذا شغلها اهي من ناحية مسكينه معانا فاهي مسكينه عادي كيفها خلتتحمل لووووووووول
الله يعينا على هالدوام لا والكل حاط عينه علينا مدرسات مرتاحين والله اني ما اشوف الراحه لا بالبيت ولا بالدوام كرف بكرف والله يعين بس
بس الصراحه يا مظلومه دخلتج للموضوع ونستني كربونج والله

 

[مظلومه ياناس]

زينه ............ لا يبه شنو تنزلين عشره كيلو !!! لو نقدر نزل 10 كيلو جان مارحنا للدكاتره ........ انا كان وزني متعدي ال100 وماطلب مني الدكتور هالطلب ......... ماعليج من الحجي


ام اراوي ........تكفيييييييييييييييين لاتذكريني بالدوام ........تدرين ان غيابي تعدى 22 يوم ؟ يعني انسى الامتياز وانسى الاشراف...........اعد الايام والليالي بس علشان اتقاعد

متى بتمشون للحج انشاءالله؟ اذا جيتي من الحج بسويلج حفله بالمنتدى اشرايج؟!!!!!