كل وحده مسويه تحزيم معده تشاركني

[مظلومه ياناس]

ماتشوفين شر وديري بالج على حلقتج وعلى نفسج

 

[الزيـــــن]

هلا وغلا مظمظ على وزن مظلومه

يختج والله من العجله ادخل وانسه الكلام بزنز وومن عشتوو من ضعفت هههههههههه

ابشرج وزني صار بالثمانيناااات افتكيت من التسعينات بس يختج كله لايعه جبدي مدري من الحلقه لان ضوقها حيل

والتقصقص ماله والي عندي

وربي كرهت اني اكل بسبت الغصه

انتي اخبارج وشصار مع الوزن واخبار التمشي والرياضه

 

[مظلومه ياناس]

مبرووووووووك الثمانينات وبالنسبه لي انا اعديت خطه خمسينيه بالصيف وهي كالتالي 1ـ اشترك بنادي الصبح
2ـ اشترك بمعهد الصيني للمساج 3 ايام بالاسبوع
3ـ اروح للمشى بالليل
4ـ اشتركت بدايت كير وعطيتهم خبر على تحزيم المعده وصارلي اسبوع معاهم بس والله خساير مو قاعده ااكل الاكل اللي يجيبونه بسرعه اشبع

والوزن في نزوووول مستمر وانشاءالله مايجي عرس عيال خالي شهر 11 الا وانا سمبتيك باذن الله

 

[الزيـــــن]

حلوه الخطه الخمسيه بس مو تعب عليج وبعدين ليش المساجات اخاااف مو زين المساجات على الحلقه

تدرين عاد مالي خلق الممشى صاير بالمره كسوووله واتشهه بهالحلووووو

 

[مظلومه ياناس]

الحلو والله يالزييييييييييييين اكله ما احرم نفسي بس مو مثل اول لأ على الخفيف

 

[الزيـــــن]

يالله الحمدلله الحين وقفت شوي بس مشتهيه فطاير >> ياكثر ما تشهه الاكل

 

[hodhod]

بنات اشلونكم مرتاحين انشالله ،،،

طبعا قبست كالعاده ، وتكنسلت السفرة والعملية عقب أحداث لبنان المفروض سفرتي الاربعا اللي طاف والعملية هالأربعا بس شقووول غير انشالله خيره ،، المهم انتو شخباركم

النية وينج مالج بينه عسى ما شر ؟؟؟

 

[الزيـــــن]

اختي هدهد خيره لج يالغلا

 

[مدرسه اول سنه]

اشلونكم بنات الله يعطيكم العافيه مظلومه اشلونج احب اقولكم اني خلاص ماراح اسوي عملية تحويل المسار لاني استخرت وطلعلي مو زين فانشالله ببدى ريجيم وبشترك بالمسابقه الي حاطتها الرسامه والله يعينه على الريجيم وحطيت سالفة الحلقه على صوب اذا فشلت بالريجيم ويا هدهد تراها خيرة من الله والزين الله يوفقج وكلكم يامتحزمات يارشيقات

 

[الزيـــــن]

الحمدلله على كل حاااال مدرسه استمري بس بالرجيم ولا تحاتين شي وان شاء الله خير وكل تاخيره فيها خيره لج

والله يوفقج يا الغلا

 

[مظلومه ياناس]

مدرسه ياحياتي يالله شدي حيلج واحنا معاج والله لايحدج على العمليه
مدرسه انا بنت عمي كانت فوق المئه وشفتها ذاك اليوم وانصدمت ضعفانه حيييييييييييييييييييييييييييييييييييييييييييييييييييييييييييييييييييييييييييييييييل واهيا حبيبة وطيبه ماتخش عني شي وسالتها قالت مسويه ريجيم التمر واللبن وتقول مستمره عليه وارتحت له والله حتى بشرتها وشعرها كل شي صاير روعه
انا انشاءالله بس يخلص اشتراكي بدايت كير بسويه اشرايج تسوينه معاي؟
وخليج على الممشى ترى المشي عجيب بس المشكله ان الجو كلش مايساعد

 

[مدرسه اول سنه]

الزين حبيبتي مشكورة وماقصرتي ياعمري وانشاله خير
مظلومة حبيبتي مشكورة ياعمري وانشالله بستمر عالريجيم واشوف النتيجه والله كريم وريجيم التمر يمدحونه بس اشلون طريقته؟ يشرفني حبيبتي ان نسويه مع بعض ياقلبي

 

[الكيكة]

السلااااااااااام عليكم

مافقدتوني؟ ماولهتوا علي؟
وينكم النية الصافيه و هدهد و مظلومه و تاج الوفا و باقي البنات ....
شخباركم و اشلون اوزانكم واجسامكم و صحتكم؟

شكلكم لاهين ادورون جينزات هههههههه

انا اليوم يايه اقول لكم اخباري .. قصتي طويله بقولها علشان تستفيدون منها

تذكرون اخر مره قلت لكم ان الحلقه بروحها و بدون سبب ضاقت ابطني و ماقمت اقدر اشرب حتى ماي .. و تحملت هالوضع شهرين لحد اخر شي قمت ارجع ريجي و انا نايمه .
وزني وصل 68 و بيني و بينكم مووووو حلو صرت عصله و راح الصدر و صرت كود عظام على قولة ريلي

رحت للحوادث بالمستشفى العسكري و دموعي 4 4 من الالم و الوي اصفر و حالتي حاله ... سوولي اشعات و سونار و تحاليل و كل شي قالولي الحلقه مافيها شي بس بنفتحها ( نوسعها اوسع شي ) علشان ترتاحين شهر و بعدين كيفج تقدرين اتضيقينها اذا تحبين
وسعوها و باسبوعين زاد وزني وصل 73 .. جان اروح لهم مره ثانيه و يضيقونها لي 1 ملم

بس ماحسيت انها ضاقت و الاكل متواصل و لانهم مارضوا يضيقولي اكثر .. جان اروح عقب اسبوعين من تضييقهم وزني وقتها وصل 75 لموسى خورشيد و يضيق لي بعد 1 ملم
استانست و اسبوعين ما اقدر اكل (بس عادي كل شي طبيعي و ما ارجع ولا شي)
و فجأه عقب شهر من تضييق خورشيد ارجعت لي الحاله (ضاقت الحلقه بروحها) اللي ما اقدر اشرب ماي و قمت ارجع ريجي و انا نايمه .. صبرت اسبوع
بس صار شي قبل جم يوم اللي خلاني صج اخاف

رجعت شويه دم هقيته من بلاعيمي قلت يمكن بلاعيمي تشققت من الترجيع .... و عقب 3 ايام قمت ارجع شي اسود مثل القهوه . مع اني مو ماكله ولا شاربه ولاااااا شي .
جان اروح مره ثانيه لخورشيد .. اول ما قلت له ارجع شي اسود ... شهق و قال هذا دم متيمع بالمعده .. معدتج متجرحه و ملتهبه ....قلت له اييي صح قبل جم يوم انا رجعت شويه دم احمر احسب من بلاعيمي .. بس ما ادري ان هالاسود دم بعد

فوسع لي 1 ملم و عطاني علاج لمده اسبوعين و نصحني ما اضيع وقتي و اسوي باي باس ( مع ان وزني 72 و طولي 168 و عضمي عريض )

والله يا بنات انا تعبانه و مو متهنيه بالرشاقه

غلطتي اني ماسمعت كلام دكتوري الاصلي لما ما رضا يضيق لي وايد .. رحت من وراه لدكتور خاص و ضيقت على كيفي

 

[مظلومه ياناس]

الف لابأس عليج يالكيكه ياحياتي ماتشوفين شر يالغاليه والله خوفتيني عليج لاتسوين لا باي باس ولاغيره خلاص شيليها وحافظي على وزنج اشلج بالعذاب والاذيه
بعد مامريتي بكل هالالام والخوف لازم تحافظين على وزنج بالريجيم والرياضه
الكيكه ياقلبي انتي وصلتي للوزن اللي تبين خلاص ياعمري اشلج فيها خليها تولي ولاتسوين لا باي باس ولاعمليه ثانيه شيلي الحلقه وخلاص ارتاحي
وبعدين انتي طماعه لا 68 عاجبج ولا 74 عاجبج !!!!!!!!!! احمدي ربج انها وصلت على جذيه وديري بالج على عمرج

بالنسبه لي هذا انا والميزان يوم ليك ويوم عليك مش كل يوم معاك مره صاعد ومره نازل بس اكثر المرات ينزل ولله الحمد والاكل مو ذاك الزود بس ذبحني السنيكرز صرت مثل المدمن بس اقعد من النوم ادوره دواره واذا مالقيت انجن واطرش خدامتي للفرع اللي باخر الدنيا والهمه لهم

 

[الكيكة]

الله يسلمج مظلومه الشر ماييييج

انا بذبحج

تحرييييييييييييييييييييييييييييييييييييييييييييييين ... الله ياخذ ابليس ... الحين تنصحيني و انتي طايحتله سنيكرز

سنيكرز و لج عين توقفين عالميزان و تبينه ينزل بعد؟

تعاندين عمرج انتي؟ ... عيل ليش حاطه الحلقه دام بتاكلين كاكاو؟
ترا حتى الحلقه اذا ماستغليتي وجودها اول سنه خلاص ماراح تضعفين
لانها عقب سنه خلاص وجودها و عدمه واحد .. ماراح تكون نفس اول ماحطيتيها .. فاستغلي هالسنه و نزلي 30 كيلو علشان السنه اليايه تنزلين جم كيلو عالراحه او حتى لو مانزلتي عالاقل تحافظين عالنزول ...

ماقول الا حسبي الله على ابليسج .. والله تحرين
يعني بتموتين اذا ماكليتي كاكاو؟

بالنسبه لي الحمد لله الحين صرت زينه مع علاج خورشيد و قف الترجيع و الحارج و الالم و الاكل الحمد لله ما اقدر اكل للحين ضيجه .. و ما افكر اشيلها لو على قص ارقبتي
حتى لوالله لا يقوله و اضطر اوسعها عالاخر بس ما اشيلها .. وجودها ابطني يحسسني بالامان هههههههه حلوه بالامان

 

[الكيكة]

تصوري .. سعرات هالكاكاو اللي تاكلينه تساوي سعرات وجبه
اذا شفتيه حطي ابالج انه عدوج .. و انتي كيفج

جـــدول الــســعــرات الــحــراريــة لأطـــعــمــــة مــتــفـــرقــــة


نـــوع الــمــادة
الـــكــمــيـــة
عـدد الــســعــرات الــحــراريــة

فطيرة تفاح
قطعة 158 جرام
405

شيكولاتة ماركة كيت كات
اصبعين (32 جرام)
162

شيكولاتة ماركة مارس
واحدة (48 جرام)
230

شيكولاتة بالحليب
28 جرام
151

شيكولاتة ماركة ملكي وي
واحدة (60جرام)
260

شيكولاتة سنيكرز
واحدة (57 جرام)
270

شيكولاتة نستلة كرانش
اصبع واحد (42 جرام)
230

شيكولاتة تويكس
واحدة (49 جرام)
120

شيكولاتة باونتي
قطعة (100 جرام)
473

 

[مظلومه ياناس]

خخخخخخخخخخخخخخخخخخخخخخخ كلنا بنذبح بعض عيل منو اللي راح يضعف؟؟؟؟؟؟

اتصدقين عاد يالكيكه على كثر ما اكل هالكاكاو بس مازاد وزني بس احسه لعب بشرتي طلع فيني حبوب الدنيا

بس وعد اوعدج خلاص بحاول بالتدريج اقطعه


اشوا ان علاج خورشيد نفع وياج الله يستر عليج ويكفيج شر هالعناد اللي فيج

 

[Chocolate Milk]

hii

شللونكم

بنت خلاااص وصلت حددي

ابي اضعف ابي شي ثاني غير التحزيم امي مهيا راضيه

شسسسسوي كل شي سويته ماضعفت كيلو

هيلب مي بليز؛(

 

[مظلومه ياناس]

والله قبل انا مثلج كل محاولاتي باءت بالفشل ليمن عاد نسيت نفسي وقعدت ابلع ابلع وابلع ليمن شفت نفسي خلاص حتى القومه والقعده صعبه والحياة صارت اصعب ويوم شفت الوزن تعدا المئه كيلو .................... قلت خلاص مايبيله حجي للللللللللللللللللللللللللللللاااااااااااااااااااااااااااازم الحق على عمري واسوي عمليه

والحمدلله الحمدلله الحمدلله سويتها وهذا وزني كلماله في نزول مستمر عقب ماكان بالصاعد وتغيرت حياتي 100000000 % ياربي لك الحمد

اذا خلاص ماتقدرين مالج الا العمليه حاولي وحاولي وحاولي مع امج

 

[النية الصافية]

السلام عليكم بنات شخباركم
ما تشوفين شر يالكيكة وسلامتج بعد عمري
انا الحمد الله بخير ووزني بعد ما كان 73 صار 77 ورحت ضيق لي الدكتور بس نص يعني اجمالي 7.5 بس الوزن ثايت علي 75 مو راضي ينزل وانا ما اكل كلش بس ادري الكاكاو هو السبب بس شنو اسوي هو اللي يطوف
وعملية بطني الحمد الله بس منتفخ مو لاصق بظهر لحد الحين بس الحمد الله وين كنا وين صرنا الف الحمد الله باللبس واااااااايد حلو