كل وحده مسويه تحزيم معده تشاركني

[mnwal]

والله يالزين مسويتها عند الجارالله بس أقولكم رجيم ماسوي كل شي آكله ويمر عادي بروح السبت إنشالله يضيق لي بعد........... مشكوورة يامظلومة والله إيبلغج بالوزن اللي تبينه ....... الكيكة شلونج تدرون إني متابعة موضوعكم من كم شهر مشاء الله عليكم الله لايظيع تعبكم ومعاناتكم.....................................ونا معاكم

 

[مدرسه اول سنه]

مشكورين ياحلوات عالرد والله يكتب الي فيه الخير ومبروك حق مظلومه على النزول مع ان لازم تغيرين نكج الحين قبل كنتي مظلومه مع وزنج بس الحين الحمدلله الله سهلها عليج ياقلبي ومشكورين والله يوفقكم والى الامام

 

[مظلومه ياناس]

مدرسة مشكوره بس ماراح اغير نكي ليمن اصك على هيفا وهبي ههعهعهعهعهعهعهعهعهع

 

[الكيكة]

بنات .. انا دكتوري مسافر و ماني ناطرته لين يرد

بروح اضيق الحلقه عند خورشيد ... من عندها فكره بجم سعر الابره ( لان ابرتي ضايعه ) و جم ياخذ الدكتور للتضييق ؟؟؟

 

[مظلومه ياناس]

الكيكه حرااااااااااام ارحمي نفسج شوي توج موسعتها ارتاحي يابنت الحلال ريحي عمرج اشفييييج مستعجله؟

 

[الكيكة]

لاني انهديت عالاكل مثل المفجوعه و ماني قادره اصك حلجي و زاد وزني 3 كيلوات .

بليز ردوا على اسئلتي لاني يمكن اروح اليوم اذا عندي وقت او السبت الصبح

 

[مدرسه اول سنه]

حلوة منج يامظلومه انشالله تصكين عليها ياحلوة ماكو شي بعيد عن الله لوووووووووووووووول

 

[مظلومه ياناس]

الكيكه اتوقع عند خورشيد على 30 دينار

مدرسه اللللللللللللللللللللله يسمع منج والفال لج ياقلبي

 

[مظلومه ياناس]

مدرسه ها قوليلنا اشصار عليج وشنوقررتي انشاءالله ؟

 

[النية الصافية]

اشلونكم بنات شخباركم
مبروك النزول يا مظلومه
الكيكة التضويق عند خورشيد ب30 دينار وكل مره يعطيني الابره بس انا ما ارد اجيبها معاي فيرد يعطيني غيرها كل مره ابره جديده

 

[مظلومه ياناس]

انا عند الجارالله وعمره ماعطاني الابره
بس غريبه ليش يعطونج الابره شنسوي فيها؟

 

[النية الصافية]

يعني انها ابره مستعمله فيعطيج الابره
بس انا اقطها وكل ما اروح يفتح لي جديدة للحقن احسن جديده شكو القديمه يمكن متلوثه

 

[مظلومه ياناس]

عددددددددددددددددددددددددددددددددددددددددددددددددل منشان هيك الدتور دايما يسال الممرضه الابره جديده؟ اهاااا الحين فهمت
مره ثانيه لازم اتاكد اذا جديده والا لأ

 

[الزيـــــن]

شسالفه الابره ام 30

امس عاد رحت ضيقلي الحلقه ورجعني للسوائل لمدا خمس ايام بموووووت ميته من الجووووع

 

[مدرسه اول سنه]

اشلونكم يا بنات انا قررت انشالله وقراري ما منه رجعه اني راح اسوي عملية تحويل المسار عند دكتور باسل السميط لان التحزيم ماينفعني انا رحتله وقالي اذا انتي من عشاق الكاكاو والسوائل ماتنفعلج الحلقه لذلك قررت اسويها واتوكل علىالله بس مو الحين شهر 6 انشالله عالعطله عشان عيالي ادعوووووووووووووووووووولي بنات مشكورة يامظلومه على السؤال ياقلبي لا خلا ولا عدم انا عندي رفيجتي حيل سوتها كان وزنها 100 وبعد 6 شهور صارت 59 اله يتمم عليها والفال لنا انشالله

 

[مظلومه ياناس]

مدرسة استخيري وانا اوخيتج وكثري من الاستغفار ترى التحويل مافيه رجعه ابد ابد ديري بالج والتحزيم والله لو تاكلين اكل الويل راح ينزل وزنج لو بالجرامات لانه فيه شي اسمه تضويق مايخليج تكثرين اكل

وبالعكس التحزيم يخلينا ناكل مثل الاوادم نمضغ الاكل عدل مدل ونتلذذ فيه مو مثل قبل نبلع بلع ولانحس بالطعم بس نربي شحوم
والتحزيم يعلمج الاتيكيت بالاكل يعني تاكلين شوي شوي وتنطرين اللقمه تنزل واكلج يصير نتيفه والماي ماتشربينه الا بعد نص ساعه


تدرين زوجي شيقول( يقول قبل كنت اسبقج عالاكل اخاف تخلصينه عني اما الحين ما اشيل هم شي ااااكل وانا عارف انج بتاكلين لقمه والا لقمتين,...الحين صرتي انثى مو قبل جني قاعد مع 10 صعايده )


تركدي وانا اختج واستخيري ياقلبي



الزين بشرينا عن علوووومج مع التضويق انا اليوم اتصلت على السكرتيره وقالت الدكتور مسافر ويجي الاربعاء برووح اضوق التضويق الرابع

 

[الزيـــــن]

هلا وغلا فيج ياقلبي مظلومه

ابشرج هذا التضويق الثاني لي بس ضوقلي ياها حيل وقالي ارجع على السؤائل لمده خمسه ايام والخميس اقدر اكل والحين صارلي يومين عايشه على الماي والعصير والشاي والقهوه ومرات شوربه بس بخاطري اكل ميته من الجوووع وعطاني موعد يوم السبت

يختج يا مظلومه قاعده واتشهه بالاكل آآآآآآآآي يا بطني جوعانه
مظلومه شخبار التمشي معاج

اختي مدرسه الله يوفقج يارب ويقومج بالسلامه وتصيرين سمبتيك نفسنااا ان شاء الله وحزتها بتقولين شخباري محلات ايفانز والاكس لارج هههههههه وتحسين بالانوثه حتى المشيه تختلف هههههههههه

حبيبتي كيكه اخبارج ياقلبي شنو صار معاج

 

[النية الصافية]

مدرسة
استخيري والله معاج وانا مع راي مظلومه
مظلومه
اشلونج ان شاء الله نزل الوزن
الزين
لازم نتعب عشان نوصل
الكيكة وينج شصار عليج رحتي ضيقتي وشخبار الوزن
تاج الوفا
وينج عسي المانع خير

 

[النية الصافية]

هدهد وينج

 

[مظلومه ياناس]

الزين المشي روعه خاصة بالليل الجو منعش وبراااااااااااااااااااااااااد امشي عالساعه 9 اروح انا وزوجي والدبه ولدي انا امشي لي ساعه وولدي يلعب بالمشايه مالته خليه يضعف الدبه عمره سنه ومامشى

النيه الصافيه لحد الحين نازله 16 كيلو وبروح اضوق يوم الاربعاء ونااااااااااااسه ودي كل اسبوع اضوق هعهعهعهعهعهعهعهع لانه بعد التضويق انزل بسررررررررررررررعه .......... انتي شخبارج؟

الزين كم وصل وزنج؟ وانتي النيه اشلون عرس اختج ؟ وعلمينا شلون بدلة العرس عليج والكرشه شخبارها؟