كل وحده مسويه تحزيم معده تشاركني

[النية الصافية]

السلام عليكم
اشلونكم يامتحزمات شخباركم ادري مقصرة بس مشاغل الحياة ودوامي صار الصبح واواصل لي العصر يدوب اخلص ارجع واجابل اليهال والبيت وما اكل الا قبل النوم علي فراشي وانام وطبعا خرابيط بفم بطاط كاكاو
الكيكة اشلونج بسم الله عليج من شنو الترجيع وانتي نايمه روحي راجعي الدكتور قبل لا تزيد المشكلة وطمني عنج
الكيكة الله يسمع منج وان شاء الله يلصق بظهري بعد سنة يا كريم
وبالنسبة لي آآآآآآآآآآآآآآآآآآآخ آآآآآآآآآآآآآآآخ آآآآآآآآآآآآآآآآآآآآآخ زايدة وصل وزني 77.6 وهذا علي الريق الصبح وكان وزني قبل العملية بشهر يناير 73 وبعد العملية والتعب وصلت 69 ورجع زاد 75 والحين 77 يارب ساعدني وعيني علي اني انزل من وزني علي الصحة والعافية انا وكل البنات اللهم آآآآآآآآآآآآآآآمين
ودي اخفف وارجع علي حبوب فيتو شيب لو انزل 5 كيلوات
الكيكة هذا الوضع عادي بعد العملية يزيد الوزن وبعدين يرجع ينزل مثل سالفة البطن ؟؟؟؟؟؟؟؟؟

 

[الكيكة]

لا الوزن مايزيد بعد العمليه و لا تتحججين بالعمليه

انتي بس قطعي الحلويات نهائيا و اكلي كل شي ثاني بكميات قليله .. اصلا احنا اوريدي ما نقدر ناكل وايد

صرنا عصافير يالله الينه

 

[الزيـــــن]

النيه الصافيه الله يعطيج العافيه والله يسمع منج

كيكه عسى ماشر يالغلا شنو سالفت الترجيع طمنيناااا والله احاتي

الاربعا موعدي مع الدكتور مادري بيصغر الحلقه ولا لا الله يستر

 

[الكيكة]

مادري والله يالزين ... ميته من الترجيع .. حتى الماي ما يقعد بجبدي
خلاص مابي اضعف اكثر .. وزني بيصير 68 و انا طولي 168 و عظمي عريض .. بس مابي اضعف عظام الحوض و القفص الصدري بينت

 

[مدرسه اول سنه]

بنات يعطيكم العافيه على هالموضوع وبصراحه حبيتكم وايد من سوالفكم انا رحت حق دكتور اسمه باسل السميط وشرحلي العمليتين التحويل والتحزيم وحسيت ان التحويل اهي الاضمن لنزول الوزن رفيجتي مسويتها كان وزنها 100 وبست شهور نزلت وصارت 55 كيلو ولا ريجيم ولا معاناه وتاكل الي تبيه كاكاو مطاعم مجرد انها تشبع بسرعه واهي و3 من خواتها مسوينها عنده والحمدلله بعد خواتها اوزانهم 150 صارو بالثمانينات بنات محتارة الموضوع فعلا شاغلني ومتعبني خلاص مليت من السمنه خاصه ان اهلنا وخواتي كلهم ضعاف انا الوحيده الي جذيه بعد اليهال جزاهم الله خير ماقصروا فيني خربوا الموضوع بالمرة ارجو الرد انا ماكتبت الا اني احسكم مثل خواتي نصحوني والاخت سرابيل اشصار على اختج انشالله قامت بالسلامه ومنو سوالها العمليه؟

 

[مدرسه اول سنه]

ها بنات اشلونكم اشدعوه محد رد علي محتاجتكم عفيه ردوا علي

 

[النية الصافية]

هلا الكيكة
هههههههههههههههههههههه
الوزن زايد من الحلويات صاجه ياوخيتي ان شاء الله اخفف من الحلو ويارب تعيني يارب وصاجه اكلنا اكل عصافير حتي امي تحن ما تاكلين اشفيج لا وماسكه قفشة صغيرة بعد اتقول كليت واقوم اروح الجمام ارجع اليوم وزنت لقيت وزني 76.5
انا احمد ربي ان وصلت 70 واتمني اني اوصل 65 بس خايفه علي ويهي من الضعف بصير كله خشم وانا عظامي عريضة وطويلي 158 غزمه
الزين اشلونج شخبارج
لا تحاتين روحي الدكتور وبلغينا عن اخبارج
مظلومة
تاج الزين
وينكم عسي المانع خير يارب
مدرسه اول سنه
انا براي التحزيم افضل يعني في رجعه بس التحوير ما فيها رجعه يعين قص شي الله خالقه اشلون يرجع بس الحلقة يمكن ازالتها وما تاثر علي شي بالجسم بس التحزيم لالالالالالالالالالالالازم رجيم معاها او تخفيف الاكل قليل السعرات الحرارية

 

[الزيـــــن]

هعلا بج قلبي النيه ابشرك كلشي تمام نزلت 3 كيلوو بس ما ضيقها لي قلتله مازلت اغص بالاكل مرات قالي معناتها للحين اوكي كاتحتاجين تضويق

وعطاني موعد بعد شهر وان شاء الله ادش الثمانينات عاد مليت من التسعينات

وانا بعد رايي من راي اختي النيه التحزيم احسن من التحويل حتى لا سمح الله صارت مضاعفات ولا مشاكل تقدرين تشيلينهاا وترجعين طبيعي بس التحويل للابد ومضاعفاتها كبيره دكتوري يقول انه انجح شي التحزيم لانج ماتفقدين فيتامينات ولا شي بس التحويل ما تستفيدين من اكلج بشي وان شاء الله نكون فدناج وسوري على التاخير

مظلومه يختج وينج وش اخبارج

كيكه يا كيكه وش صار معاج بشرينه عنج

 

[Q8tya_GirL]

هااااااي بنات اشلووونكم ..؟؟

حبيت اسالكم جم سؤال عن تحزيم المعده حق رفيجتي ودها اتسوى ومحتاره

اول شي خورشيد جم يسوى عمليه التحزيم
وبعدين عملية التحزيم اشلون يسوونها بمنظار ..؟؟وجم يوم تقعد بالمستشفي والا ماله داعى قعدة المستشفي .؟؟

واخر سؤال لما تسوى التحزيم ووصلت للوزن اللي تبيه تنشال الحلقه والا اتم على طوول ..؟؟

واتمني انكم اجاوبونى

 

[الكيكة]

السلام عليكم

يايبتلكم اخبااااااااااااااااااااااااار بس اول خل اجاوب نويره

خورشيد عمليته اب 2000 ... العملية يسوونها ابمنظار 5 فتحات صغار يتسكرون بغرزتين و الفتحه السادسة اكبر منهم للخزان و تتسكر بخمس غرز تقريبا

انا دشيت المستشفى الثلاثاء المغرب و طلعت اليمعه الصبح

و الحلقه كيفج اذا تبين تخلينها العمر كله مافي مانع و تقدرين توسعينها و تضيقينها على كيفج
و اذا تبين تشيلينها كيفج ( بس انا ان شاء الله مو ناويه اشيلها لاني بدونها ما اسوا )



الحين أخباااااري

أمس رحت المستشفى قسم الحوادث ابجي من الالم والترجيع يعني اخر ايامي قمت ارجع ريجي و انا نايمه و اخر يومين ما قمت انام بالليل بدعت لان فيني كحه و ارجع بلغم .. بصراحه تعبت و دايما حاطه ايدي على على مكان معدتي من الالم .

مع اني صبوره بس امس خلاص ماقدرت ( نسيت طعم الماي ) صارلي جم شهر ماشربت ماي ... اذا عطشت اشرب نتفه عصير تفاح و مرات ارجعه و يمسكني عواااااار

المهم رحت الحوادث بالمستشفى العسكري و نادولي دكتور جراحه لان دكتوري مسافر ... لما شاف ويهي اصفر و دموعي اربع اربع سوالي تحليل دم و اشعه عاديه على معدتي و سونار و اشعه اللي كل مره نسويها لما يضيقون لنا الحلقه اللي نشرب فيها دوا مثل الماي ... و خذوا ضغطي و نوموني بالملاحظه لحد ماطلعت النتايج و قالي انه شاك ان الحلقه متحركه وبس بينطر نتيجه الاشعات و التحاليل اذا شكه بمحله بينوموني عندهم و حطولي ابرة الدريب جهزوها بيدي

و قعدت ادعي ربي ماتكون متحركه ( احب حلقتي و مابي يشيلونها )

اطلعت النتيجه و نادولي دكتورين يشوفون النتيجه فقالولي مو متحركه بس مسكره ( وايد ضيقه ) و يبون يوسعونها اوسع شي لمدة شهر علشان ارتاح منها و بعدين اذا رجع دكتوري من السفر و اذا بغيت ارجع اضيقها

المهم سألني الدكتور جم مضيقيلي قلت له تقريبا 6 او 7 مم
جان اييب الابره و يسحب و يسحب .... و كل اللي قدر يطلعه 2.5 مم قال بس هذا الموجود .

رديت البيت جذابه مافيني شي و اقدر اكل و اشرب على كيفي ....

بس قاعده احاتي الوزن خايفه يرد وزني ميته من الخوف .. شسوي

وزني امس قبل لا اروح المستشفى و علي الدوره ثالث يوم 67.9 .... اليوم الصبح 69.5 ......... مسررررررررررع

علشان امس تعشيت خبزه ايرانيه و سلطة روب و بيديان .

 

[Q8tya_GirL]

مشكوووووره حبيبتي الكيكه وما قصرتي عالمعلومات

وانشالله توصلين للوزن اللي تبينه يارب

 

[مظلومه ياناس]

السلاااااااااااااااااام عليكم بنات شلونكم

انا حالفه ما ادخل هالموضوع الالمن انزل 15 كيلو ولله الحمد اليوم بالضبط وزنت ولقيت نفسي نازله 15 كيلو بعد شهرين و13 يوم من تاريخ العمليه
صج انه مو ذاك الزود بس الحمدلله على كل شي

الزين مبروك النزول ياقلبي
النيه الصافيه شخبارج ؟ والله ما الومج الكاكاو محد يقدر يقاومه وهوالسبب في بطئ النزول عندي خصوصا السنيكرز

الكيكه ماتشوفين شر وديري بالج لايزيد الوزن ترا الرشاقه والخفه نعمه من الله

 

[الزيـــــن]

هلا هلا هلا بحبايبي هلا

منوره مظلومه وعلى البركه على 15 الفال لل 25 يارب

الكيكه حمدلله على السلامه ياعسل ودير بالج من المتن وربي نعمه الرشاقه يا حلووهاااا حلوااااااااه

الحمدلله يارب الحمدلله على العفو والعافيه والرشاقه اهم شي الرشاقه

 

[الكيكة]

العفو نويره حبيبتي ... امين و انتي بعد توصليت للوزن اللي تبينيه على خير

مظلومه الشر ماييييييج خيتوووو و مبرووووك عال 15 كيلو حلويييييييييين بشهرين ما شاء الله و منها لاعلى

الزين الله يسلمج من كل شر ايي والله الرشاقه اتهبل و ميته من الخوف والوسواس و الحرررررررررررره لاني زدت كيلوين ابيومين و صار وزني اليوم الصبح 70

 

[الزيـــــن]

لا ماعليج خيتوووووه الزياده من الدوره معروفه تزيد كيلويين بس لا تخربطين

عفيه لا تخربطين تذكري شنو كنتي وشنو صرتي

 

[mnwal]

عزيزاتي المتحزمات تكفون اسعفوني بالحل
صار لي مسوية تحزيم شهرين وللحين مانزلت إلا كيلوين حدي محبطة قاعدة آكل عادي الأكل يمكن اغص فيه مرات شي بسيط وبعدين يمر عادي ويقول الدكتور إنه ضيق لي الحلقة 4 س بعد العملية بشهر ونص قالي قعدي على السوائل شهر ماقعدت إلا إسبوع ونزلت 6 كيلو ويوم رحت له بعد سبوع من العملية مراجعة قالي ترى الحلقة للحين مومضيقة ومن ساعتها وانا اكل أكلي العادي شني مومسوية عملية وما أدري شسوي بليييييييييييييييييييييييييييييييييييز أبي حل

 

[الزيـــــن]

اختي منوال عند منو مسويه

وغريب امرج المفروض ماتاكلين اي شي لازم رجيم مو اي شي تاكلينه والمفروض تنزلين وايد اقل شي 10 كيلوات

 

[مظلومه ياناس]

الزين شلونج ياقلبي انشاءالله طيبه والله يااختج انا نزلت 15 كيلو جني منزله 50 كيلو ياربي لك الحمد

الكيكه الله يبارك فيج وانتي قدوتنا وهالله هالله نبيج خووووووش قدوه مو تخورينها بالاكل

منوال لاااااااااااااااااااااااااازم تروحين تضيقينها انا كل اسبوعين يضوقلي الدكتور بس هالمره طولت لانه ضوقها لي 5 اذا مامضغت عدل اغص وارجع واكلي كله اكل ريجيم ولله الحمد كل مالي في نزول ياربي لك الحمد

وديري بالج مو تتهاونين وتاكلين وتغصين وترجعين وااايد لانه بهالطريقه راح تتحرك الحلقه ديري بالج ياوخيتي اها

 

[الكيكة]

وزني قاعد يزيد بالايام .. يخرع .. اليوم الثلاثاء وزنت الصبح 71 و يوم السبت كان 67.7

ميته من الحره و الاحباط

الاسبوع الياي بروح للدكتور يضيقها لي مره ثانيه

 

[الكيكة]

منوال يبيلج تضييق