كل وحده تقول لنا منو (( أسنــــــع )) شخص صادفته بحياتها؟؟؟؟؟

[^ليلاس^]

حلو الموضوع

بنت عمي ماشالله عليها حجابها عدل ولبسها محتشم وانيق وايد وقايمه ابيتها وعيالها وزوجها طبعا وما تتكلم باحد ولا لها شغل باحد ماشالله تهبل واهل زوجها يموتون فيها الله يهنيها

 

[nice smile]

وايد

بس اللي طرا على بالي

خالتي ام زوجي وحماتي العوده

 

[((MiSS CuTe))]

اختي وصديقة عمري كلشي فيها كامل

 

[قلبي ابيض]

:eh_s(7):عاجبني الموضوع

 

[ميس الورد والشوق]

والله وااجد صادفتهم سنعيين

بس اللي تاثرت فيها حيل

رفيجتي بالجامعه اكبر مني ب6سنواااات

حيييييل حييييييل استفدت منها

وتعلمت منها شغلات وااااااجد

فدييييييتها

 

[أحلى الجياكر]

خوش موضوع سبائك ....

شوفى ..ماكو احد كامل مكمل الا رب العالمين سبحانه ....

بس وايد اشخاص يمرون علينا فيهم جوانب رائعة ...يعنى انا عندى اشخاص اضرب المثل فيهم بديانتهم لكنهم اجتماعيا مو لى هناك ..فهمتى شقصد ؟؟
عندى مرت خالى ...وايد حبوبة و بالمواجيب ما تخلى ..وأمى تتششرق فيها و عمات ريلها يموتون عليها من بد الجناين..و تروح و تسأل عن العمات و ما تخلى عيد ولا رمضان او سمعت عن رحلة علاج ...الله يهنيها بوصالتها والله ..وكلا امدحها بويهها و اقول لها يا بختج و يا بختج ..والعمات يموتون عليج و حمواتج يتشرقون فيج

 

[FRuiT ZaBaDi]

قبل شهر سجلت بدوره بالاستثمار بمعهد الدراسات المصرفيه ومدتها شهر ونص, وبصراحه استمتعت واستفدت وايد وايد من المحاضر وكان قمه بالاخلاق والتعامل والاتيكيت

اسمه دكتور عبدالله مهنا والنعم فيه

تحياتي

 

[ή ő 0 и Ч *]

والله موضوع طيب وبصرآحه مالفت انتباهي احد
احس السنع على الشخص اذا تعود من الصغر عليه
مشكووره حبوووبه

 

[شمـ رغم الجروح وخ]

غناتي وحياتي كلها رفيجتي الله لايحرمني منها

 

[KOKATY]

بصراحة سؤال حلو :
انا وحده شفت السنع كله بأمـــــــي
اكيد امي و اجاوب على الف واحد من يسألني ارد واجاوب امــــــــــــــــــي حبيبتي الغالية يارب يحفظها لي و لبوي و لخواني وكل اهلي و بجذي احب اهدي حق امي شعر :
***************
امي يا اول حب عشته بدنياي
يا اول اسم تنطق شفاي طاريه
انتي هوى روحي و بعروقي الماي
عمري بدونك عمر ما عشت انا فيه
ياما لقيتك في شتا وقتي دفاي
حضنك يدفيني بحنانه وادفيه
وياما مسكتي في عنا الوقت يمناي
خوف علي من الزمان وبلاويه
انتي نظر عيني و بسمة شفاياي
وانتي هوى قلبي وحبه وغاليه
وانتي الجميل الي تعدى عطاياي
لو عشت كل العمر ما اقدر اوفيه
تدعين ربك لي يسدد لي خطاي
وارفع انا كفي الى الله وادعيه
يارب تمنحني رضاها بدنياي
وان ما رضت عني ترى العمر ما ابيه
********************
i love you my mother

 

[Lily Rose]

انا اشوف امي اسنع مرة بالدنيا و الكل يشهدلها بهالشي

 

[منارة الإيمان]

حبيبتى السنعة .. تتعب حيييييييل بحياتها ودنيتها .. وخير الأمور الوسط

وسنعييين كثااااار .. وسنعة مو بس بادارة بيتها وبس .. لا .. وإنما بجميييع جوانب الحياة

مشكورة حبوبة على الموضوع

 

[اخت-اخوها]

موضوعج وايد حلوو
بصراحه واايد اشوووف

بنت خالتي ماشالله تبارك الرحمن سنعه بشكل مو طبيعي قايمه بريلها وبنفسها وبعيالها لدرجه انه ريلها يقول لها انا بعرف انتي متى تطبخين متى تردين من الدوام ويقول لها ابي يوم اشم فيج ريحه طباااخ ماكو وماشالله سنعه شوفي لبس عيالها ولبسها النظافه تقطر من ويها


وامي مو عشان امي والله انه صج سنعه بشكل مو طبيعي ماشالله عليها الله يخليها لي يارب ويطول بعمرها ابوي يقول لو في 2 من امج الدنيا بخير ماشالله عليها

 

[Shiny Star]

بصراحة ترددت وايد قبل لا أكتب ردي بس قلت يستاهل ....
زوجي ابو السنع ومن تزوجته لي الحين وأنا كل يوم أتعلم منه شي يديد ....
طبعا هذا ما يعني إنه انسان كامل .... لكنه جدا مثقف وأتعلم منه الأمور الحياتية

 

[سبائك]

عسى الله يزيد ويبارك ياحلو الناس السنعين وطاريهم

 

[ريحانة_14]

والله الموضوع روعة

أنا بحياتي كلها بصراحة كلما أعاشر وحدة وأقول سنعه والسنع عندها أنصدم فيها بشي معين لمن أقرب منهم

ليييييييييييييييييين تزوجت

طلع السنع والزين كله عند بوعيالي الله يحفظه ويخليه :eh_s(22):

 

[Anastasia]

خالتي .. ربي يحفظها ..
.
بحياااااااااااااااتي كلها ماشفت مثل سنعها .. جمال وعناية وطباخ وترتيب ونظاافة وريحة وعيالها لبسهم دااايم توب وعااال العال والريحة الطيبة والخنين
وداايما بالمناسبات اوولل وحدة مخلصة شغلها ومضبطة امورها .. وداايما احلى وحدة وكل شي يديد عندها وتعرفه ..
.
والله والله مااابااالغ ..
.
الله يزيدها ويباركلها يارب
.
بس مشكلتها حارة شوي ..

 

[قلبي معاك]

وايد حلو الموضوع مشكورة
لي عودة

 

[دانتيلا2009]

انا الصراحه اختي حيل سنعه شايله ام زوجها الضريره فوق راسها

 

[قـہۈه فـرنسيـہ™]

السنعااات واجد ,,,,