كل وحده تقول لنا منو (( أسنــــــع )) شخص صادفته بحياتها؟؟؟؟؟

[april_q8]

الصراحة امي ماشالله و الله بكل شي سنعة باللبس ذويقة و ستايل بالبيت ماشالله مرتبة و ذوق و طباخة درجة اولى مع الناس توجب و تجابل و تحب تخدم و تساعد هيهيهي و انا حدي غير لويه

 

[Fa6oom]

اميييي
واذا رفيجاتي تزوجوو او شفت السنع اقولكم

 

[بتبوتااا]

موضوعج حلو سبوجه وانا عندي مرت ابوي الي بحسبت امي ماشالله عليها وايد سنعه وحتى انا
ومادري ليش احس انه دموع الكويت سنعه يمكن من اطباقها ؟
ومشكوره على هيك موضوع حبيبتي

 

[LoLyCat]

واللهى انا عن نفسى مصنعه حيل
بس شوفى اختى الصنه ذوق والذوق يعمل اى شى صح
حلو الموضوع

 

[blue ocean]

الصراحه اسنع انسانه شفتها بحياتي اهي الوالده (الله يرحمها)
الثانيه .. شخصيه شفتها ببرنامج عالاي ار تي مال المتزوجات
وحده لبنانيه زايره البرنامج لفتني سنعها وذرابتها

مشكوره اختي عالموضوع

 

[BlackRose]

بصراحة اسنع واحدة شفتها بحياتي اهيا زوجة خالي....اللي اهيا ام العضوة ام علاوي

بحياتي ماشفت اسنع منها

عمرنا مادخلنا عليها بالبيت على الفجأة وماشفتها متكشخة ولازم لابسة التراجي وساعتها بايدها ولازم لابسة فستان بيت او تايور خاص للبيت

عمري ناشفتها قاعدة بدراعة بيت او فميص نوم عمرنااااااااااااااااااا

ولازم الشعر مسشور ومرتب ومشط

وعيالها ماشالله عليهم لازم قاعدين بفساتين او لبس خاص حق البيت يعني من يوم ماكانوا عيالها صغار عمرنا ماشفناهم بالبيت حتى بالبيجاما لاء لازم لبس مرتب والاكسسوارات ولازم يتحممون يومي وماشالله عليها سنعة سنعة حيل

هذا غير ترتيب البيت والنظافة والذوق بكل شيييييي

كل شي كل شي كل شي

ماشالله عليها لااله الا الله كل شيها مميز وفيه ذوق جدا عالي

حتى علاقتها مع الناس

هدوءها

الفاظها

ضحكتها

عمرنا ماسمعناها تتكلم بصوت عالي او تعصب او تصرخ او تناجر عمرنا حتى اذا دخلنا عليها فجأة

الله يحفظها

صج سنعة

ام علاوي لاتنغرين

انا اقول عن امج مو عنج هاااااااااا

 

[حبيبته آنا]

بدون مبالغه ((((امي)))))

 

[جروح تبتسم]

مره كنت معزومه بيت عمتي وشفت جنتهم < ( مرت ولدهم )
ماشوفها وايد
بس استغربت ماعندها خادمه !!
والله العظيم
الحلو مسويته
لبس عيالها اناقه وترتيب ونظافه
وتحلف عمتي تقول من تزوجت ماطبت خدامه من كيفها مومغصوبه
انا ماشوفها وايد بس كل ماشوفها الناس تمدحها معطره مبخره
تبارك الرحمن

 

[عنايد]

مرت حماااي ماشاء الله شايله البيت شيل وكافي متحمله اهل زوووجي <<مايتعاشرون
انا قبيييييييييييييييت واهي ماشاء الله ياجبل مايهزك ريح متحملتهم بس مو اللي هاينينها لا ماخذه حقها منهم ومحد يدوس على كرامتها ومع ذللك فارضه نفسها عليهم لين بالغصب حبووهااا الحين مايستغنون عنها غير النظافه غير السنع ماشاء الله اهي اللي تختار لاخوانها حريمهم واهي اللي تراكض بعروسهم وتجهز لهم اخوانها وخواتها معتمدين عليها بكل شي واهي اللي تعزم وتستقبل الناس ومع ذللك متحمله مسؤولية عيالها من ناحية التدريس يعني ماشاء الله ماشاء الله جامعه كل شي حتى بالاناقه دايمن مميزه وماينزل ساعه او دراعه او جنطه موديل جديد الا تشتريها ماشاء الله ياليتني اصير ربعها

 

[سبائك]

ماشاءالله لا قوة الا بالله

الله يهنيهم يارب ويزيدهم من فضله

مشكورين بنات على المشاركه

 

[غاده]

السلام عليكم
اسنع وحده شفتها في حياتي يدتي الله يحفظها ويطزل في عمرها ويعطيها الصحه

 

[شندوخه]

بنت خالي الكبيره
ماشاء الله سنع ومنع الله يحفظها لعيالها واهلها

 

[flower2005]

مو جنكم فهمتوا غلط ومزجتوا السنع بوسواس النظافة والجلوس في المطبخ
وين القراءة والقران
والفهم والمرح والتواضع والثقة
والقناعة
بس طباخ ونظافة
أنا أسنع شخص قابلته في حياتي دكتورنا عقل وفهم وابداع وروح رياضية وعياله ما شاء الله دكاترة
ومرح ومتواضع وووووو
أما الحريم فالجيدات كثير والرفلات أكثر
بس مرة بالمطار عجبتني وحدة مهندسة ودينة وتوزع عصير كي دي دي علينا يعني احسان وبناتها معاها قمة بالاخلاق وبكل شئ تمنيت اتعرف عليها لتواضعها

 

[ضحـاوي]

اسنع انسانه مرت علي والي علمتني السنع

وما مر علي احد بسنعها ابداااااا

امي الله يرحمها برحمته

 

[شووكولاته]

اختي دين وعقل وحكمه وطبخها حلو ومهتمه ببيتها وعيالها 0000 اسكادا الله يحفظها 000 ومتوااااااااضعه

 

[الحلوه80]

انا طبعا >>>>>حدي ثقه
وبعدين عندي وحده اعرفها كانت معاي بالجامعه واهيا مو كويتيه من جنسيه عربيه حيييييييييييييييييييل سنعه ما شاالله واي خطوه تسويها تلاقينها تدرسها من جمييييع النواحي بس عيبها وايد نحيسه يعني اهم شي نفسها وبس

 

[LUCK GIRL]

اي انا وااايد اعرف نااس سنعين

والانسان السنع والجيد يعني بدوية

عادة تلقينه ناجح بحيااااته والله يوفقكم حبايبي

 

[aromah]

موضوع رائع أكيد امي السنعه بتكون وهذا راي الأغلبيه بالأضافه إلى رفيقاتها ياليت نصير سنعات انا ورفيقاتي واخص رفيقة امي الله يرحمها من كثر سنعها الناس اللي يعرفونها يسووووووون كل شي يرضي عيالها !ويستاهلون هذا الحب والأحترام من الناس الله يرحمها

 

[قلبي ابيض]

وايد اعرف سنعات ومنهم

انا :wqedqw: >> روحي زين :eh_s(2):

مديرتنا بنت الكويت >>> تبي يحطونها مشرفة _03BA:

رفيجاتي >> اي ماهو باين :eh_s(3):

 

[&رعبوووبه&]

اخ منها ما شفت بحياتي ولا راح اشووووف اسنع منها

وانا احبها واايد مرت اخوي الكبير

عيالها الاوائل

لبسها روعه

بيتها روعه

بناتها اخلاق وكشخه

بالمواجيب اول وحده

ما ترضى بالغلط وما تحب النفاق

سوالفها حلوه

ما تخش وكل شي تعلم من وين شرته ما فيها خباااااااااثه