كل وحده تقول لنا منو (( أسنــــــع )) شخص صادفته بحياتها؟؟؟؟؟

[رفرف]

رفيجتي ماشالله تبارك الرحمن والله يهنيها سنعة من كل النواحي وخلوووووقة كثر ماقول خلوقة وفاهمة الدين عدل وذربة وطبخها حلو وأنيقة والله يتمم عليها انشالله

 

[((MiSS CuTe))]

امي اللة يحفظها ربتنا 4 بروحنا بعد ماتوفى الوالد

 

[سفرجل]

امي اللة يحفظها ربتنا 4 بروحنا بعد ماتوفى الوالد

نفسها
وطبعا ريلي

 

[SeNyOrA Q8eYa]

امي بصراحه والكل يحسدنا عليها
الله يخليها لنا ولايحرمنا منها

 

[ii DareeN ii]

ممم

سبكبك وكوين وبنوته كل وحده سنعه بمجال من المجالات

كلش مو مجامله ومحد كامل بس اشوف كل وحده فيهم فيها جوانب سنعه احبها وستفدت منها انا شخصيا

 

[MaYoOoma]

(( امي ))

اتمنى اصير نصها كافي

شقول وشخلي .. شوفيها وقعدي معاها شويه وانتي حكمي ^_^

 

[مزيونه وشقره]

بصراحه امي وما اكتشفت هالشي الا بعد الزواج لقيت ان كل الناس تتكلم بسنعها

يعني من قبل معروفه بالسنع والذرابه والجمال والاناقه والادب

لي درجه ان ساعات اقعد مع ناس يعرفون امي من زمااان من كنت صغيره بيبي يسولفون عن سنعها واسلوبها

ومن حرصها على بيتها وعيالها ربتنا ولمن كبرنا ودخل اصغر واحد فينا الروضه هنيه توظفت والا كانت قاعده 15 سنه بس هدفها تربينا ويوم دخل اخوي الصغير الروضه قالت الحين اتطمن ان ولدي الصبح مو في ايدين الخدامه وتوظفت والحين ماشاء الله حتى اللي معاها يشهدون لها بالسنع

واللي يعرفها وما يعرفني بس يدرون ان انا بنتها يلمموني ويحببوني ويقولون يازين امج وسنعها

واهيا مهتمه بدينها وعايلتها وبشكلها وانا قتها وصحتها يااارب اصير مثلها

والله ان الناس يدقون عليها يستشيرونها باشياء ومشاكل ماشاء الله لا اله الا الله

وهمن احس انها حكيمه وكل شي تقوله صحيح


الحمدلله انها امي












مع تحياتي يا حياتي

مزيونه وشقره​

 

[سبائك]

ماشاءالله لا قوة الا بالله


كل النماذج والامثله الي ذكرتوها فعلا نماذج رااااااااااااااائعه الوحده تتمنى تصير مثلهم

ونضيف على صفات السنع لما يكون الشخص عارف متى يتكلم ومتى يسكت وما يعلق

وأهم صفه تميز الشخص السنع وتلفت نظري فيه اهي الهدووووووووء


ولا ننسى أعظم مثال ممكن طرحه في موضوعنا كأروع أمثلة السنع

رسولنا الكريم صلى الله عليه وسلم

فعلا كل ما سمعت المواقف الي مر فيها رسولنا الحبيب مع طفل او شيخ كبير أو امرأه أو حتى الاعداء أقتنع انه فعلا أختيار رب العالمين سبحانه ليكون رسول الأسلام خاتم الأنبياء عليه أفضل الصلاة والسلام

ممم

سبكبك وكوين وبنوته كل وحده سنعه بمجال من المجالات

كلش مو مجامله ومحد كامل بس اشوف كل وحده فيهم فيها جوانب سنعه احبها وستفدت منها انا شخصيا

ما عليج زود حبيبتي ​

 

[.]

ماشالله..

الله يزيدهم يارب..

انا مثل ديده الله يطول بعمرها ماشفت..

صبر وحكمه وطيبه ودين ..

تجازي السيئه بالاحسان..

الكل يحبها ..

حريم اول بعد مايبيلها..

اموت فيه الله يخليها لنا ويطول بعمرها يارب..

 

[banoota_93]

سؤالج وايد حلو بس رده صعب

 

[حبنا الله عليه]

تبين الصج " امي " الله يحفظها يارب

نظافه وترتيب وذرابه وسنع والطباخ حدث ولاحرج

ومن كنا صغار بالمدارس دايم يسألونا عن ترتيبنا لشعورنا ولبسنا واللي لليوم أثره فينا حتى بالدوام يقولن ارتب وانظف مكتب انتي وهالشيء اعتقد بالوراثه من امي حتى بغرفتي وملابسي وشغلي كله وخواتي مثلي بس بالطباخ لالالالا :eh_s(3): انيل الدنيااااااا ....

وفوق هذا طييييييبه الدنيا فيها ومتسامحه لأبعد الحدود .. موعشان امي اقول جذي بس الكل يشهد لها حتى مرت ابوي واهلها واخواني من ابوي وحريمهم ..

وبعد تحسينها رفيجة او اخت تفضفضين لها وتحل مشكلتج وجنها بعمرج حتى بنات العائلة الكل يقول نحسدكم على امكم ....

وبعد معاي وحده بالدوام اهي كبيرة بالعمر " ام بدر " ما اتوقع احد بطيبتها وتسامحها وبشاشتها أبد واللي الدوام كلهم يحبونها .. عسى الله يحفظها يارب

ومشكوووره سبائك على هالموضوع الحلوووو

 

[منوووووله]

سبووجتي

حلووو موضووعج يعطيج العافيه

بصرااحه اسنع واحد شفته خالتي ((ام ريلي ))

مهووسة نظاافه وسنعه ومرتبه ولبسه رزه الي يشووفها مايقوول عنها عندها عيال وايد تهتم بنفسهاا وبلبسها وبالرياضه

وعليهاا مطبق هامور تاكلين ايدج وراه وهم اطباخها عجييييييب وذووقها حده راقي
وكله تنصحني واتعلمني بشغلات ماكنت متعلمتهاا وتموووت عالترتيب والتنسييق خاصه بالاثاث ولا تزوورني وعندي شي مبهذل يااابوي

تنقلب الدنياا فوق راسي واتقووم بنفسها اتعدل المطبخ وترتب الثلاجه واي شي مومناسب اتشيله

ونظامها نظام امريكي ماشالله عليها .. جان زين اصير مثله

 

[BaiTotia]

والله السنعات وايد الحمد لله

بس في وحده أحبها أمووووووووووووت فيها و بأخلاقها وأسلوبها (ياليت كل البشر نفسها) تصير مرت ولد عمة أمي (لويه هاه)

مرة سلمت عليها بعرس ولدها ماعرفتني متغيرة عليها يوم شافت أمي جان تقول فلانه وينها قالت كاهي يمج سلمت عليج

عاد شفتها بعدها بجم يوم ببيت خالتي جان تقولي فلانه آسفه يوم سلمتي بالعرس علي ماعرفتج!!!!!!!! تييييييييييييييننننننن ماشاالله عليها أخلاق وذوق

و في ناس تشوفجج تتجاهلج وجنه العيد وهي تعتذر لأنها ماعرفتني

من وأنا صغيرة أموت عليها

الله يهنيها و يبلغها بعيالها يارب

 

[& مــشــايــخ &]

وايد بحياتى نماذج سنعه بس ولا وحده بيرفكت..

 

[الحرير]

المامي الله يحفظها لي يارب

 

[ناعمة]

رفيجاتي سنعات والله و يهبلون . اخلاق و معاملة . مع انهم صغار يعني 20 و 21 و 22 سنة بس وايد طموحات و يفكرون لجدام ما جنة هذي اعمارهم . عقلهم كبير .

و مشكووووووووورة على الموضوع الحلو

 

[GAP]

السلام عليكم

صراحه شدني الموضوع

يدتي وامي الله يرحمهم ويغمد روحهم بالجنه...... مو مجامله بس صج صج سنع... يدتي الله يرحمها للحين محد يسد مكانها ونفس الشي مع امي ... هدوء وحكمه وقدره على تحمل المسئوليه عمري ما شفتهم.. والترتيب الله اكبر على الترتيب والنظافه عمري ما شفتهم بفنوف مشقوق او دخلت عليهم لقيتهم يتشكون من احد او شميت ريحه مو مستحبه من بيوتهم... عيالهم (( احم احم )) طول عمرهم متفوقين ومرتبين .. يعني كنت اشوف صور ابوي وعماتي وهم صغار لا اله الا الله الدشداشه النظيفه والملابس المرتبه و الشعر الممشوط ... صراحه يا ليت ..اتمنى من الله اكون ربعهم ... وكل اللي يعرفهم يمدح فيهم هالشي

وغير امي ويدتي ..رفيجه امي ليلى الله يذكرها بالخير ..سنع سنع واسلوب يهبل تنحط على الحرج ويبرا تبارك الرحمن... ونفس الشي مع زميلتي بالدوام..صج احبها هالبنيه... مرتبه وسنعه وشايله امها وعيال اخوها شيل اسم الله عليها...

و صراحه المنتدى متروس مثلهم و شرواهم لا اله الا الله صج تعرفت على بنات قمه في الادب والسنع .. الله يخليهم ويحفظهم

صراحه سبكبك...سؤالج يحتاج الى تفكير وايد ...وايد اعرف ناس سنعه الله يتمم عليهم ..بس ما اقدر احصر لج وحده ولا ثنين

 

[marioom]

الصراحة مرت خالي
ليما الحين ما مرت علي وحده مثلها
سنعه من كل النواحي مجابلة بيتها وريلها وهذا اهم شي عندها
وعقلها ماشالله كبييير وتفكيرها دايما صح بحياتي ماسمعت منها كلمة غلط
ومثقفه حيييييل وتقرا كتب وايد وثقافتها من كل النواحي ودي اتعلم منها هالشغلات
وبيتها مرتب ونظيف وحتى عيالها لما ايوون بيت يدتي مرتبين ونظاف
من صج اهيه مميزة حتى لما انكون قاعدين ببيت يدتي كلنا انكون لابسين نفس الشي بس اهيه غيييييير وتفهم بكل شي ومهتمه بنفسها حيل ماشالله
وحتى لو عندج مشكله تفهمج عدل عدل الوحيده اللي احس تفهم صح الصراحة
وتعاملها مع عيالها احس رفيجتهم وامهم بنفس الوقت وعليها فناتك وطبخات مميزة والحلو اللي تسويه شغلات يديده
انا حتى مادري شقول وشخلي
يعني اذا في احد بالدنيا ودي اصير نفسه بتكون اهيه
ومشكورة سبائك على الموضوع وايد حلو ومفييد يعطيج العافيه انشالله
​

*^.^*​

 

[سبائك]

حياكم الله حبيباتي

وفعلا تشوقون الوحده تحاول تصير مثلهم وأن شاءالله نقدر باذن الله

 

[brettey]

امي الله يحفظها خصوصا بالنظافه على النقيض من خالتي ام زوجي