كل وحده تدش وتسولفلنا عن تجربتها مع الولاده

[bnt_kwt]

مشاركة: باركولي ولدت

الف مبروك حبوبه
ويتربى بعزج يارب يخليه يارب من العيال الصالحين
وتفرحين فيه معرس قولي امين

ولاتنسين تدعينلي انه الله يرزقني مثل ما رزقج

 

[ام طلال]

مشاركة: باركولي ولدت

الله يرزقج يابنت الكويت بالذريه الصالحه عاجلا غير آجل وتجربين هالشعور

 

[keeka]

مشاركة: باركولي ولدت

الحمد لله على السلامه ومبروك ما ياج

 

[fulla]

مشاركة: باركولي ولدت

مبروك وانشالله يجعله من الذريه الصالحه ويرزفج انشالله

 

[ام سارونة]

مشاركة: باركولي ولدت

مبرووووووووووووووووووك ألف مبروووووووووووووووووووك
والحمدلله على سلامتج وهذا أهم شي

ويتربى بعزج وعز ابوووه إن شاء الله

يهبل اسمه

طلووول
مبروووك مره ثانيه

 

[لوبي]

مشاركة: باركولي ولدت

الف الف الف مبروك وعن جد انا اعتبر الي تولد وبخير وسلامه وماتخاف انها بطله
لان انا كثير جبانه وخوافه من الولاده

 

[ام طلال]

مشاركة: باركولي ولدت

لوبي حبيبتي انا موبس خوافه الا جبانه وموبس جبانه الا ديايه بس هذا شي لازم تجربينه وماكو حلاوه من غير نار ومشكورين كلكم على هالكلام الحلو

 

[أم ملاك]

مشاركة: كل وحده تدش وتسولفلنا عن تجربتها مع الولاده

توني اشوف الرد بنوته آمين واجمعين يا رب والله يسهل علي ولادتي هذي .. واكمل الجزء الثاني

 

[جكورة]

مشاركة: كل وحده تدش وتسولفلنا عن تجربتها مع الولاده

ووووناسه قصصكم روعه.. بولادتي ببنتي عطوني موعد 9/3 للولاده وجاه الموعد ولا ولدت .. يوم 11/3 رحت لبيت أهلي ( يوم زوارتنا).. وهم يسوولفون حسيت بألم يرووح ويرد طلعت غرفة أمي ونمت وبعدين فقدوني خواتي وططلعولي وقالولي ولاده ورحت معاهم الممشي ومشيت لمده ساعه وبعدين رديت البيت والساعه 4 الفجر زاد الطلق وشربت خروع قفشتين وخلاص ماقدرت أتحمل وقعدت أمي من النوم وأتسبحت المهم الساعه 7 الصبح رحت الراشد وفحصتني الدكتوره وقالت ولاده مفتوحه 5 سم جان أدق على زوجي وقلتله .. ودخلت الولاده تقريبا الساعه 7ونص وماكنت أحس باللي يدور .. أخر شي حسيت فيه الكتوره جت وفحصتني الساعه 8 وربع الصبح ولدت بنوتي الأموره ولا زوجي توه يجي من البيت... بس الله يعز الخاص أحسن من الصباح بمليووون مره....وودوني غرفتي الساعه 10 والا كل خواتي وأمي بالغرفه وكان شعور لايوصف... والله يهون على كل حامل.... ويرزق كل محتاج.... أما بولدي البجر فكان حدث ولاحرج بالصباح لعبوا فيني لعب لاصار ولااستووووووا...

 

[نفيشه]

مشاركة: كل وحده تدش وتسولفلنا عن تجربتها مع الولاده

@@


انا بلتزم الصمت لان هالموضوع يثير شجوني

 

[xxx]

مشاركة: كل وحده تدش وتسولفلنا عن تجربتها مع الولاده

ام ملاك
--------
عسى الله يهون عليج ويقومج بالسلامه


جكورة
--------
قصتج حلوة وصاجه الخاص فرق السما عن الارض بين الحكومه


نفوووش
---------
سولفيلنا

 

[bnt q8 in usa]

مشاركة: كل وحده تدش وتسولفلنا عن تجربتها مع الولاده

انا ويه انا حامل بتوم وكانت هيئة جسمي ماتساعد كلش لانه شكلي فطفوط المهم نمت فترة بالمستشفي عشان الحمل وطبعا قبلها ربطت رحمي بالشهر الرابع ويوم ييت اولد ولا حبيبتي معصومه كانت مسافره دقت علي قبلها قالت لي سكري ريولج لمن ارجع ونفس الليله الي ولدت فيها هي يت وثاني يوم يت زارتني بالمستشفي وطبعا كنت بموت بصراحه لاني فتح بطن
والحمدالله عدت علي خير

 

[شواقة1983]

مشاركة: كل وحده تدش وتسولفلنا عن تجربتها مع الولاده

انا يوم ياني العوار كنت توني بحط راسي ونام الساعه 12 بالليل مثل ماقالوا البنات مثل عوار الدوره خفيف قمت قلت خل امشي بالصاله لي الساعه 2 خلاص وصلت حدي واروح اقعد ريلي علشان يوديني واحصل زفه محترمه عباله مقعدته ابي اسولف معاه واهو وراه دوام طبعا قعدت ابجي واهو اهني دره اني فيني عوار ويهديني ويراضيني وانا من خرعه الولادة والزفه زعلت وقلته ماني رايحة المستشفى ( بالله هذا وكته) طبعا رحت قصبا علي لاني بجر وين رحت ؟؟؟
الصباااااح
الله لا يعيد ذاك اليوم العبوا فيني وانا بجر ردتني دكتورة الخفارة بدون لاتفحصني اتقولي امبين بالتخطيط هذا تقلصات اخر الشهر
وارد البيت الساعه 3 الفير وانا بلسيارة رادة مو قادرةاستحمل العوار رديت البيت ابي انام مو قادرة صار العوار بطني واخر ظهري احس ظهري راح ينقص لي الساعه 6 الصبح انا بس ابجي قعدت ريلي مرة ثانية قتله ودني يوم رحت ولا دكتورة كويتية فحصتني ولا مفتوحة 5 سانتي قالت لي انتي ولادة اشلون ردوج
ويدخلوني في ممر طويل والله حسيت جني رايحة حق قبري لا ريلي معاي ولا امي

المهم حطوني بالغرفة وانا شلت المستشفى على راسي عوااااااار مو قادرة وطبعا اللي تولد سستر اقولها ابي كمام اتقولي مافي وانا مو حاطة واسطه تخيلوا ولدت وانا بجر بدون كمام ولادة طبيعية 100% اللهم الابرة اللي غزتني ياها قبل طلعه الراس بدقايق والله حسيت روحي بتطلع

وطبعا صرت فرجة حق اللي يسوى واللي مايسوى اهم سسترات ولا فراشات ولا دكاترة وانا بحاله ما يعلم فيها الا الله

بس يوم شفت بنتي نسيت هالارف كله بس ماكنت متقبلته الحين اموت فيها الله يخليها لي

ايييييه نسيت اقولكم من كثر ماهم شطار انفتح على الخياط بعد 10 ايام بدال لا يطيب وحالة حاله عوار ما اتمناه حق عدوي

تووووووبه مستشفى الصباح مرة ثانية

 

[kajool]

مشاركة: كل وحده تدش وتسولفلنا عن تجربتها مع الولاده

رجعت اقولكم عن ولادتي الاخيره هههههههههههههههه الحمدالله نومت اليهال لان كان عندهم امتحانات اخر السنه وانسدحت على القنفه شوي بريح شان احس بالم خفيف في ظهري وقلت حق زوجي في الم خفيف في ظهري مع العلم اني دائما اشتكي من الآم الظهر وقت الحمال من الثقل والمشي لمسافاتن طويله فقال عاااااادي انتي دائما تحسين بالم فقلت خلينا انروح المستشفى علشان اطمأن ويوم رحت المستشفى وفحصتني السستر شان تقول مداااااااااااااااااااااااااااااام حرام عليش الراس طالعه قتلها وانا شدريني وقالت حق الممرضان بسرعه غرفة ولاده واتصلي على الدكتوره "مع العلم ان دكتورتي دائما ما تلحق علي " وصعدوني غرفة الولاده وانا اقول الله يخليك ودي اجرب الكمام ولا مره جربته ويوم صعدت ودخلت وقعدت على سرير الولاده ولا هذي دكتورتي داخله تقول الحمدالله ماداااااااااام انا يجي بسرعه شان اولد قبل ما تكمل كلامها شان تقول انتي كلا شذيب حطولها كمام اظاهر انها صبت علي ههههههههههههههههههههههههههههههههههههههه والحمدالله الله رزقني ببنت حلوه مثلكم

 

[دانيه]

مشاركة: كل وحده تدش وتسولفلنا عن تجربتها مع الولاده

واي سوالفكم اتخرع صراحه

بس كله أجر انشالله..

وجزا الوالدين على الله

وعسى الله يهون على كل حامل ويرزق المحروم بالذريه الصالحه يا رب






ملاحظه : انا مو متزوجه.. بس بشاركم بالافراح والاحزان لوول

آآآآآآه يا قلبي قام يعورني من سوالفكم ..تكسرون الخاطر

 

[xxx]

مشاركة: كل وحده تدش وتسولفلنا عن تجربتها مع الولاده

انا يوم ياني العوار كنت توني بحط راسي ونام الساعه 12 بالليل مثل ماقالوا البنات مثل عوار الدوره خفيف قمت قلت خل امشي بالصاله لي الساعه 2 خلاص وصلت حدي واروح اقعد ريلي علشان يوديني واحصل زفه محترمه عباله مقعدته ابي اسولف معاه واهو وراه دوام طبعا قعدت ابجي واهو اهني دره اني فيني عوار ويهديني ويراضيني وانا من خرعه الولادة والزفه زعلت وقلته ماني رايحة المستشفى ( بالله هذا وكته) طبعا رحت قصبا علي لاني بجر وين رحت ؟؟؟
الصباااااح
الله لا يعيد ذاك اليوم العبوا فيني وانا بجر ردتني دكتورة الخفارة بدون لاتفحصني اتقولي امبين بالتخطيط هذا تقلصات اخر الشهر
وارد البيت الساعه 3 الفير وانا بلسيارة رادة مو قادرةاستحمل العوار رديت البيت ابي انام مو قادرة صار العوار بطني واخر ظهري احس ظهري راح ينقص لي الساعه 6 الصبح انا بس ابجي قعدت ريلي مرة ثانية قتله ودني يوم رحت ولا دكتورة كويتية فحصتني ولا مفتوحة 5 سانتي قالت لي انتي ولادة اشلون ردوج
ويدخلوني في ممر طويل والله حسيت جني رايحة حق قبري لا ريلي معاي ولا امي

المهم حطوني بالغرفة وانا شلت المستشفى على راسي عوااااااار مو قادرة وطبعا اللي تولد سستر اقولها ابي كمام اتقولي مافي وانا مو حاطة واسطه تخيلوا ولدت وانا بجر بدون كمام ولادة طبيعية 100% اللهم الابرة اللي غزتني ياها قبل طلعه الراس بدقايق والله حسيت روحي بتطلع

وطبعا صرت فرجة حق اللي يسوى واللي مايسوى اهم سسترات ولا فراشات ولا دكاترة وانا بحاله ما يعلم فيها الا الله

بس يوم شفت بنتي نسيت هالارف كله بس ماكنت متقبلته الحين اموت فيها الله يخليها لي

ايييييه نسيت اقولكم من كثر ماهم شطار انفتح على الخياط بعد 10 ايام بدال لا يطيب وحالة حاله عوار ما اتمناه حق عدوي

تووووووبه مستشفى الصباح مرة ثانية

واي عوتي قلبي وتذكرت نفسي هم بجري ورحت الصباح وتووووووووووبه

بس الي يفرق عنج ان خياطي كان روعه

 

[xxx]

مشاركة: كل وحده تدش وتسولفلنا عن تجربتها مع الولاده

bnt q8 in usa

الله يعينج القيصريه زينه وشينه بنفس الوقت


كاجول

الراس طالع ورايحه تتمشين حرام علييييييييييج
يلا مبروك البنوته والله يخليها لكم


دانيه

لاتخترعين من الحين هههههه

 

[فلسطين حرة]

مشاركة: كل وحده تدش وتسولفلنا عن تجربتها مع الولاده

الله هالموضوع قديم


ههههههههههه

الله يبشركم بالخيرر

انا كاني اول مرة بولد بعد 4 سنوااااات

يا لهوووي

 

[كي كي]

مشاركة: كل وحده تدش وتسولفلنا عن تجربتها مع الولاده

سبحان الله السهاله من الله
الكل يذم الصباح بس تجربتي معاهم كانت روعه وارد واقول السهاله من الله
قصتي قبل اربع سنين وواربع شهور باختصار في 26.5.2001 يوم .
قبلها بيوم كانت زوارتي حق حمولتي يوم الجمعه وعندي امتحانين فاينل رياضه ماليه ومحاسبه ((بالتجاري )) ومن قبل شهر وانا اكلم الاساتذه عشان يجدمون امتحاناتي لان موعدي 1.6.2001 فكل الاساتذه وافقو انه في كل يوم امتحن امتحانين وانا عندي 6 مواد
فالسبت والاحد والاثنين لي تاريخ 28.5.2001 اكون خالصه وناطرة الولاده بس عميت على نفسي وانا قاعده ادرس مع حماتي بالغرفه يابت اناناس معلبات وقعدت تاكل وانا الطبيب محذرني منه في بدايه حملي لانه كان ينزل علي دم قالي ابتعدي عن الاكل هذا وشوقتني حماتي اخر شي ماقدرت اتحمل الاغراءات هفيت الصحن ولا فتحت واحد ثاني كليته بروحي محرومه منه 9 شهور وانا اموت فيه رديت البيت الساعه 9ونص تقريبا وقعدت مع ريلي شوي ورحت نمت والفجر يتني نقزة مفاجئه بس قويه وراحت قالي زوجي شفيج قلت له كالعاده كل يوم الصبح تيني وحدة المهم راح ريلي دوامه بالجليعه وانا بجنوب السرة تخيلي المسافه وقمت ابدل لان السايق بيلي الساعه 7 الصبح وراي امتحانين وتكرمون دخلت الحمام الساعه 6 الاربع وماقدرت اطلع منه(( سهال ))مكرم السامع لي الساعه 7 واحس من كثر ما تعصرت مصاريني بتطلع ((سوري على التعبير ))
والسيق المليق يطقطق بالهرنات وانا مو قادرة اطلع من الحمام بس ابي اخذ تلفوني بدق على ريلي اخر حل توصلت له يوم طقت الخدامه الباب علي عبالها نايمه او ما سمعت هرنات المليق وانا من طبعي ما اقفل باب الحمام لانه داخل غرفتي ومحد يدخل علي ماشوف الا اللي قعد طق باب الحمام جان افز واقول حق خدامتي بسرعه يبي تلفوني وغطيت نفسي بهدومي اللي على ودقيت على ريلي قلت له فيني عوار وانا بالحمام ماني قادرة اطلع والسايق يطق هرن
المهم قال خلال عشر دقايق اذا حسيتي انه استمر دقي على طبعا شنو حقدت عليه عبالي مو مهتم وكان توه واصل الدوام عند البوابه وبعد 3 دقايق رد العوار جان ادق عليه بقوله انه العوار مستمر وقال ترى انا بالطريج راد واهني ردت فيني الروح والمسكين خلال ربع ساعه لقيته عندي والله شلون مادري بعد ماولدت يقولي ديس 220 اهني ارتفعت معنوياتي حسيت انه خايف على واحنا رايحين الصباح ميته من البجي مابي اولد بالصباح اختي قبل اسبوعين والده مبهذلين عيشتها وصاير فيها نزيف وحالتها حاله وانا اتوسل فيه واهو يقول السهالات من الله وحاقدة اخر شي زعلت وقلت ماراح اكلمك واذا صار فيني اي شي ماراح اخليك تشوف رقعت ويهي ولا راح اكلمك ومابيك (( مادري من وين يطلع الحجي ذيك الساعه )) وفحصتني سستر عليميه قعد تتدرب الاخت وقالت مادري خنشوف الطبيب احس ومابي الا عمري يوم شفت الفحل اللي دخل على بقى قلبي يوقف ايده ملاس عزايم وصراخ على خفيف مستحسه منه على ما فحص جان يقول ولادة قلت جم مفتوحه (( خبرة اخت ولدت قبل اسبوعين )) قالت نفس ماتوقعت الاخت الفاضله 5. ونص وحولوني على جناح الولاده اللي شالوني على كفوف الراحه طارت عيوني اقولها برجع تمسح على ظهري لي ما اخلص ودنيلي الزباله وعقب ما اخلص تغيرها (( نسي لا اقولكم اول مادخلت الجناح فيني عوار وخلوني اول الممر بالولجير وراحو عندي وانا عمك اصمخ واقولها بروح الحمام تقولي الخايسه روحي هناك اخر الممر وقمت امسك الطوفه واتخطى احس انه بيغمى على ودخلت الحمام ولا الفراشه الحقيرة تغسله وماترضى ادخل الا لما تخلص وانا بموت في شي قعد ينزل والدنيا قعد تصير سودة حقرتها ودشيت وهي تصرخ اوف وصكيت الباب وهي تقول لا تقفينه وتكرمون الدم مادري من وين يصب وفرت فيني الدنيا وناديت الحمارة جان تفتح الباب على وانا قاعد على المرحاض وقلت لها يبي الكرسي جان تحقرني وتقعد تغسل الحمام وتكب ماي وصابون وقمت امشي احس اني بتزحلق ورديت لي الولجير بروحي ولا احد سال عني وصرخت قلت سستر فيني ولادة
ومخليني يم المكتب مال السسترات جان يدق التلفون وتي تشيله سستر قالت اوكي اوكي
جان تسالني شنو اسمج قلت لها اسمي وخلا 3 دقايق حطوني بغرفه مافيها احد وسكرو الستاير وركبو الكمام وقزوني الابرة اللي تدوخ وعلى ما ركبو تخطيط القلب والطلق الا انا بسابع نومه وقعدت على اللوعه وبرجع ناديتها وتيلي تساعدني وتمسح ظهري وتقول ما ما لسه بعد ولادة مو الحين اطالع الساعه ولا 9.30 وبعدها الالم ما يخليني انام والسسترتقولي شمي الكمام ولي الساعه 12 الاربع اقعد وانام اخر شي تيمعو على وتمو سسترتين اللي تولد واسمها سستر وفاء سورية والثانيه صوماليه قالو يلا وقت الولادة طلقه ورا طلقه وما كنت اصرخ جان تقولي ترى الضغط عندي مرتفع اذا ما ساعدتهم يختنق الياهل وانا قمت ادفع بدون عوار قلب خايفه على حمادة واكلم نفسي واقول حموودي اطلع ماما والحمدلله اول ما طلع جان اقولها عطيني ابس اشوفه واي فديته تعلقت فيه قبل لا يقصون الحبل السري
واول ما قصت الحبل السري حضنته حيل وقعدت ابجي من الفرحه
واول ما طلعت من غرفه الولادة لميت ريلي جدام الناس وقعدت ابجي
قالي ان شاء سهالات قلت الحمدلله قال كلمت لج مدير المستشفى اول مادخلتي
ادري اني طولت عليكم ومصختها بس حبيت اخلكم بالجو اللي عشت فيه
ومرة ثانيه اقولكم عند ولادتي برغد بس بقصه اقصر من هذي تدرون البجر يطول
شكرا لحسن الاصغاء

 

[حورية الكويت]

مشاركة: كل وحده تدش وتسولفلنا عن تجربتها مع الولاده

بانتظار مزيد من القصص