رد : كل وحده تدش وتسولفلنا عن تجربتها مع الولاده
سمعوا قصتي مع الولادة ..
الله يسلمكم انه الطلق بدأ معاي من الخميس وطبعا الثلاثه اللي بعده موعدي .. وكنت احس بعوار ظهر مو طبيعي بس كنت اقدر اتحمله .. تحملت هالعوار خميس وجمعه وسبت بس يوم الأحد ما قدرت أنام زاد العوار بالليل ونمت لي بس 3 ساعات وامي تقولي امشي اوديج المستشفى اقولها ما يحتاي خليه لي يوم الاثنين لأن عندي موعد بالعيادة واشوف دكتورتي شنو تقولي
واليوم اللي بعده اللي اهوه يوم الاثنين رحت العياده جيكت علييي بس واحد سنتيمتر .. جان تقولي انتي اتوقع لج مو اقل من اسبوع تحملي العوار لا تروحين المستشفى الا اذا نزل الماي
ورديت البيت وكلش ماقدرت انام .. جان اروح دار الشفاء ولا تقولي الدكتورة حظج حلو دكتورتج معصومه هني خليها اهيه تجيك عليج احسن .. يت جيكت عليي مرة ثانية هم واحد سنتيمتر جان تقولي انه قلت لج مو اقل من اسبوع .. وعطوني ابرة بسكوبان وصرفتلي حبوب بسكوبان
ورديت البيت مرة ثانية .. واحوس واحوس من العوار مو قادرة اقعد .. والابرة ما سوت لي شي لييمن الفجر صليت وامي ودتني المستشفى جان اشوف دكتورة المستشفى نفسها اللي كانت بالليل جان تزفني تقولي ردي البيت انتي تو الناس عليج قلت لها مو قادره طاع هذي مني مناك امي زفتها .. جان تقول انزين خل اجيك عليها ولا تقولي انتي ولادة 3 سنتيمتر
ودخلت غرفة الولادة تقريبا عالساعه 7 ونص لي الساعه 9 وثلث اللي ولدت الحمدلله وطبعا انه نايمه ولا ادري عن شي والدكتورة تقولي ضغطي طبعا شفت كل هذا بشريط الفيديو ريلي كان مصور ..وانه كاشته ونايمه اخر شي يابوا السسترات شرشف وربطوه على بطني وضغطوا عشان يطلع الياهل مسكين بغى يختنق
وطبعا ريلي اسمعه يشريط الفيديو يقول حق امي واهوه معصب خنقت الياهل أذته .. قلت بقلبي بالاول جربوا المعاناة بعدين تحجوا
المهم قعدت من النوم واحط ايدي على بطني ولا ماكو شي جان اصرخ اقول وييييييينه .. ولا يضحكون علييي لوووووووول يقولون لي انتي ولدتي
يحليلي والله .. صرت أم لوووول
وهذي كل قصتي من الطأطأ لي السلامو عليكم
