كل وحده تدش وتسولفلنا عن تجربتها مع الولاده

[ملح الدنيا]

الحمدلله على السلامة
ومبروووووك ما ياكم
وتتربى بعزكم انشالله
وتبلغين فيها عرووس
يااااااااااارب

 

[أم فصولي]

ألف مبروك عالبنوته الحلوة ،،
وأكيدهي حلوة لأنها بنتج الله يخليها لج ،،
بس راح تكبر وراح تصير أحلى بأخلاقها وعلى ماتربينها عليه بإذن الله ،،،

 

[keeka]

الف الحمدلله على سلامتج وسلامت الاموره نور والحمدلله ربي عداها على خير تفرحيين فيها عروس ان شاء الله انا بعد ولدت قيصريه والسبه ان بنتوتي ما لفت ريلها فوق ومعيا تنزل والحمدلله على النعمه

 

[makeup story]

حمدالله ع السلامة حبيبتي وماتشوفين شر ومبرووك ع البنووته الله يخليها وتشوفينها عرووس

 

[makeup story]

مبرووك الله يخليها لكم ان شاء الله

 

[MaYoOoma]

الحمدالله على سلامتج وتتربى بعزكم ان شاء الله

 

[Miss_Tiger79]

الحمدلله على سلامتج شروفه
ومبروك ما ياكم
وتتربى بعزكم انشالله
والله يجعلها من الذريه الصالحه انشالله
واااااي عرتي قلبي عليج يا شريفه والله وانا اقرى وانا حاطه ايدي على قلبي
وبس الحمدلله على كل حال

 

[nono78]

قصتج تعور القلب

والحمدالله على سلامتج وسلامة البيبي

انا بعد ولادتي كانت عسره وكانت بتصير قيصريه بس الله ستر

ومت بالولاده متتتتتتتتتتتتتتتتتت

بس كله باجره

 

[nono78]

الحمدالله على سلامتج
وتتريى بعزج انشالله

 

[علايه]

الحمد الله على السلامه

و تتربى بعزكم

 

[um_baskoota]

الحمدالله على سلامتج حبيبتي و مبروك ما ياكم ... الحمدالله رب العالمين كله باجره انشالله ...

 

[رقي]

واي شروفه
الله سلمج اتي وبنتج من الشر
الحمدلله علي كل حال
ومبروك نور

 

[$$مذهلة$$]

ألف الحمد لله على سلامتج والحمد لله على كل حال تخفيف ذنوب يارب

عورتي قلبي الله يخليج لهم ويخليهم لج يارب ويسهل ولادة كل مسلمه حامل

 

[lolo77]

الحمدلله على سلامتج
صج قصتج تعور القلب
ولاده عن ولاده تختلف

اجر وعافيه يارب
والحمدلله على سلامتج وسلامه البيبي

 

[ألوي الكويت]

ألف ألف الحمدالله علي السلامتك وسلامة بنتك

عورتي قلبي

يارب كله أجر وعافيه والحمدالله الله قدر ولطف

 

[شكنوومه]

يابعد عمري ياشريفه والله ماتستاهلين اللي صار معاج ...والله اقري قصتج وجني اشوف الاحداث جدامي وابجي ....

المهم حمدالله علي سلامتج وسلامة نور ودي ادق ابارك لج بس للأسف ماعرف رقمج .الله يخليها ويحفظها .....وتتربي بعزكم ان شاء الله
بس ها ...

شلون سعوود معاها ؟

حدي فراغه مو ..؟؟؟ لووووووول

يالله فمان الله وحفظه

 

[berry]

قطعتي قلبي بعد عمري شلونكم الحين ... الله يخليها لج انشالله من ال\ريه الصالحه

 

[همسات ليالي]

تعالوا سمعوا قصتي بولادتي الاخيرة؟؟؟؟؟

اولا يا هلا فيكم وعسى الله يتمم عليكم وتولدون بالسلامه وتشوفون البيبي بحضنكم

وعسى الله يرزق كل محروووووووووووم يارب

ثانيا بقولكم قصتي بولادتي الاخيرة قبل سنتين .............................

الله يسلمكم انا حملت بنتي هذه بعد ما كمل اخوها ثلاث سنين وكانت من بدايه غيييير

شلووووووووون؟؟

كان ينزل على دم ووسخ وانا مطنشه ما ابي اروح الطبيب وعقب حنه من الكل

رحت............وطلع بالسونار ان مع البيبي بويضه مو مكتمله وقاعده تنزل

واخذت حبوب تثبيت وكان الله غفورا رحيما

عقبها مرت شهور الحمل بتعب لان كان النسات بفترة الصيف وكنت اودي بنتي العوده دوره الصبح وبنتي الثانيه دوره العصر

فكان ارهااااااااااااااااااق مو طبيعي بالاضافه الي اني كنت اجهز شقتي لان النفاس راح يكون بشقتي

المهم


وهذا الاهم


يوم كنت قاعدة من النوم طبيعي ودخلت الحمام الا.......................قطع دم وانتم بكرامه......................اخترعت مت من الخوف توني بالشهر الثامن

لا مو معقوله........................سيدا طلعت من الحمام ودقيت على اختي العوده وقالت لي الحين امرج تزهبي ...................دخلت الحمام مره ثانيه اغسل الا الطق على الباب

وصلت اختي ومعاها امي مع اني ما كنت ابي امي تدري..........المهم ركبت السيارة وقلنا للسايق ودنا مستشفى الصباح

الا السايق يقول لنا .......ماما سيارة ما فيها بريك

كملت

رحت بيت اهلي وانا ابجي بجي ............دقيت على ريلي تعال ودي الطبيب شفيج عسى ما شر ............تعال وخلاص

المهم رحت الصباح الا الدكتور واسمه فيه عاصم قالي راح نحطج بالملاحظه

قطيت اهدومي ولبست لبس الولاده الا السستر جايبه سرير واسدحتي فيه

اخترعت ليش مو كرسي هذه مو اول ولاده وعارفه

طلعت من غرفه الفحص الا الحريم الا بره كل وحده تقول الله يهون عليج

ودووووووووووووني لغرفه انا اعرفه عدل ممر طوووووووووويل واصوات حريم تصايح

وين موديني وليش ؟؟؟؟؟انا توني بالثامن؟؟؟؟؟؟

المهم من الساعهوحده للساعه ست وانا بغرفه الولاده تخيلوا اصوات الحريم وبجي البيبيات

واااااااااااااااااااااااااي موقف يخرع

المهم عقبها طلعوني الجناح وقالوا المشيمه عندج نازله 2,5 سم وضلي بالمستشفي لين تولدين بعد شهر

امبييييييييييييييييييييييييييه لا احنا بنص شهر ثمانيه وعيالي مدارس وريلي بعد اسبوعين بسافر مع ابوه للعلاج؟؟؟؟؟؟؟

صج صكت فيني الدنيا.................ظليت بالمستشفى ثماني ايام وكل ما يضيق خلقي ابي اتمشي تزفني اللسستر لا تتحركين

بعدها وكان يوم جمعه قلت لريلي اذا ما طلعتني راح احذف روحي من الدريشه

انا ابي اقعد عند عيالي اشوفهم اشبع منهم

المهم طلعت وظليت بالبيت حطيت لي سرير بدار القعده وعلشان ارتاح رحت للدكتور الافغاني اللي بالمواساة

قالي نفس كلاااااااااام الصبح

ما ارتحت رحت حق الدكتور مدحت الشربيني والله يجزاه خير قال لي كلام الصباح غلط وانتي ما فيج شي

كل شي طبيعي قلت له اني راح اولد قيصري قال لا ان شاء الله طبيعي

ادري طولت عليكم بس ابي اقول السالفه كامله

المهم جاء اخر شهر تسع رحت مراجعه للصباح وسولي سونار قالوا البيبي عندج صغيررررررررر وصاير شي يسمونه دبلت يعني المشيمه ما تغذي البيبي

اخترعت قلت لهم زين والمشيمه شنو فيها.................ما فيها شي طبيعيه

استغربت ..........مو قايلين انها نازله..............لا المهم ............لازم تولدين اليوم

قلت اوكيه بس ارد البيت اغدي عيالي وارد لكم الظهر<<طبعا وقتها ريلي مسااااافر ونفسيتي زفت>>

رديت الظهرودخلت الولاده ومن الساعه 3الظهر لين خمس الصبح وانا بالولاده عشر ساعات وما <,,,,,>>شافي لا دكتور ولا بطيخ

السرير اللي يمي كانت فيه وحده وبطوا الماي مال البيبي وركضوا فيها عمليات والثانيه ما فيها شي وغصب مدخلينها ولاااادة والثالثه ركضوا فيها مع سريرها واهي حامل بالشهر السابع وفيها طلق

عجب العجاب شفته بهالمستشفى

قعدت اصارح واشيل الوايرات اللي بيدي لين طلعوني الجناح

تالي يت اختي وابوي على بالهم اني ولدت.................جان اخمط عباتي الاسلاميه من ايد اختي والبسها لا ستيان ولاحتى.......

واطلع برا الجناح والسسترات يصارخون مداااااااااااااام ما يصير

وقعي هني شنو هذا

وسيييييييييييييييييييدا لمستشفي الراشد دخلت على مدحت الشربيني وانا منهارة

قلت انا اليوم جايتك توني طالعه من غرفه الولادة ابي تولدني الحين

ما يصير حرام نطري ما ابي انا تعبت

المهم فحصني الا 2او3سم قالي روحي البيت وتعالي عقب يومين اعطيج طلق صناعي وتولدييييييييييييييييييين

والحمدالله ولدت عنده طبيعي وجبت بنوته عمرها سنتين الا جم شهرووياحلوها

مع الصباح الله <<.........>>قالوالي عمليه ومشيمه وبطيخ

ادري القصه طوووووووووووووووويله بس بغيت احذركم من هالمستشفى

 

[خبيرة اعشاب]

وي شي يخرع ...

الولادة عموما تساهيل من الله و انا ولدت بالصباح مرتين و احس ان ولادتهم ممتازة ....

اخر مرة عطوني كمام و السستر عند راسي ...و اخر دلع ..

بس الحمد لله انا ما اروح الولادة الا واصلة على الاخر ...

الله يعينا بها الولادة الجاية ..بس ما قلتي السالفة هاذي من متى ؟؟

 

[همسات ليالي]

بعد عمري خبيرة هذا الحجي من سنتين وانا نفسج ولدت عيالي الثلاث بالصباح

بس الاخيرة لا شفت الوييييييييييييييييييييييل