كل وحده تدش وتسولفلنا عن تجربتها مع الولاده

[lolo77]

اناالله
انا ما يبط جبدي الا لمن الدكتور يقيم الحاله
على كيفه
انا مره على ولادتي ولدي الثاني يت وحده من مستشفى خاص
وقالت حق الدكتوره ان قايليلها المشيمه نازله و لازم تنولدج
لمن سوت لها فحوصات الدكتوره قالتها ما فيج الا العافيه
وراح تولدين بوقتج وكل شي طبيعي

استغربت ليش خروعها بالخاص
واهي ما فيها شي
؟؟؟

الله يخليلج بنوتج وكل اعيالج يارب

 

[همسات ليالي]

مشكورة على مرورج لولو

اللي بغيت اقوله ان هالمستشفى <<الصباح>> ما يهتمون ابدا والدكاترة الزينين راحوا

وبعد بغيت اقولكم ان كل ولادة غير عن الثانية

والله يسهلها عليكم

 

[دنياك دنياي]

واي معاناة الصباح خوواره بصراحه اي شي

 

[هوى الدار]

الله يخليلج بنتج
وحمدلله على سلامتج

 

[همسات ليالي]

صاجه حبيبتي الصباح خوااااااااااااااااااااره من قلب

 

[همسات ليالي]

مشكووووووووووره يا هوى الدار

والله يسلمج

 

[طم طم]

والله يا اختى همسات اسكتى بس خليها على الله حسبى الله عليهم اول حمل ما فينى إلا العافيه وتسببوووا على عقب ما دشيت السادس ومافينى إلا العافيه نزل على شويه دم والله ما انسى الدكتوره إللى دخلت ايدهااا تفحص تبى تعرف سبب نزول االدم ... والله وانا تونى مو عارفه شالسالفه لا عن حمال ولا عن ولاده ما صدقت على الله احمل وبس وتسببوووا على بأجهاض والياهل كامل مافيه إلا العافيه وتصرخ على راسى شنووو هذا اجهاض محتم إلا انا ريولى تنافض واقعدت ابجى مدرى شالسالفه من الخرعه ...وقومى حطى لى طلق صناعى ليش مدرى ...... لين اليوم ادعى عليهم مستشفى سكه بس حق الواسطات وعندج معرفه يشيلونج شيل بالأهتمام ...

 

[ألوي الكويت]

الصباح ما ينبغي
انا ولدت فيه مرتين السستر تولدني لا دكتور ولا بطيخ
الخياط يلوع الجبد
حاطينا ويتعلمون فينا

حسبي الله ونعم الوكيل

 

[@الياسمين@]

واااااي الصباح لالا رعب
مجزره واطبتهم قصابين ......... فيني حره من قلب عليهم
لا واللي باط جبدي اكثر الاطبا المصاروه اللي فيها
ما في وحده دشت عندهم وقالولها البيبي زين لازم يقولون ان البيبي حجمه صغير ////
انا اجهضت عندم بالخامس تخيلوا وين ...... بالجناح!!!!!
اول شي قبل لا اجهض خلوني بالملاحظه اللي تييب المرض لا رعايه ولا شي عمى بعينهم ,,,,,,

 

[lailalaila]

و الله كل مستشفيات الحكومة ضيم انا اول ولادتين بالفروانية اول وحدة بغى الياهل يطيح من بين ريولي ولا دروا عني و الثانية ولدت 5 الفجر خيطوني 8 الصبح و مخليني بالممر

 

[um-naser]

أنا اذا بسولف عن الصباح يبيلي مسجل موكتابه-دكاتره عصابه لا ذمة ولا ضمير-عندهم دكاترة يوصفون شكل عورات الحريم بالدواوين-ودكتور مصري طق أختي على فخذها- وفي سستر خذت خاتم من ايد اختي وهي تولد -وسستر ثانيه لما بغا يطلع راس الياهل طقتها على راس الياهل تقول لها(not now)وهي تزحر مرتين وفي كل مرة تقول اختي اشهق أحس بتطلع روحي واطيح غشيانة
وبالنسبه لي كنت أراجع عندهم لأني حامل بتوأم عبالي أحسن من الخاص
أهملوني في المراجعات لا تحليل ولا بطيخ لما صار فيني تسمم حمل

 

[همسات ليالي]

وااااااااااااااااااااااااي الله يعينكم

اثاري مو بس انا الي اذمه الكل كاره هالمستشفى

صار مستشفى كل الجنسيات الا الكويتيه مالها حظ فيه

ما تشوفين الا هنديه ومصريه وغيرررررررررر

 

[همسات ليالي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[^^ ريان^^]

وااااي همسات قصتج تعور القلب
بس الحمد الله على سلامتج

 

[جروح تبتسم]

الحمدلله على السلامه
خوفتيني:eh_s(11):
اتصدقين اقرا وبطني طن طن طن والياهل اول مره يرافس جذي خخخخخخخخ
كنت احاتيه مايتحرك وموضوعج انعشه اشوي او انعشها مادري بنت ولا ولد
بعد عمري:eh_s(7):

 

[دانة الدنيا-10]

والله حبيبتي عورتي قلبي
أنا ولدت عنهم مرتين الله لايبارج فيهم بهذلة
وأنا بولادتي الأولى كنت صغيرة 17 سنة وبجر وكان ولدي صغير وزنه
2.200 غرام ( كيلوين وميتين )
وبالثاني كنت طايفة موعدي أكثر من 10 أيام ورحت لهم خفارة بالليل
أنا وأمي وطبعا دخلوني وإنقطعت عن العالم الخارجي ( دخلوني المعتقل )
ووطلق صناعي واللي يمي تصيح واللي جدامي تصيح ورعب بس البلوى موهنيه البلوى لما ولدني هالمصري الله لايسامحة طلع روحي وكان ولدي الثاني إسم الله عليه كبير 4.400 ( 4 كيلو وأربعمية غرام )
وخلاني بعدها من دون خيااااااااااااااااط
وأنا ماأدري حسبالي هذاي شطارة منه فكني من الخياط ( شوفي التفكير )
والفضيحة لما رديت حق ريلي والله ماترقع حتى دكتورة المستوصف ودكتورة دار الشفا كلهم تفاجأوا قالوا ولدج كبير أصلالازم قيصرية مو يخليج بدون خيااااط
والحين أنا حامل بالرابع وأدور أحسن دكتورة تسوي تجميل عدل وتضيق هالمنطقة عقب مابهذلوني الصباح

فالله يخليكم خواتي اللي تعرف دكتورة مجربة وأعيد مجربتها بالتجميل اللي مايخرب تقولي وأنا مادحينلي ناهدة العلي

 

[همسات ليالي]

ريوووف بعد عمري اسفه اذا عورت قلبج بس والله كااااااااااانت رحلة عذااااااااب

جرووووووح الله يهون عليج والحمدالله ان موضوعي انعشه وخلاه يتحرك

دانه الدنيا كلنا بالهوى سوا الصباح ما اقول الا حسبي الله ونعم الوكيل اولد بالبيت ولا في هذا المستشفى الزبااااااااله كرم السامع

 

[د.شريفة]

اللهم امين
شكرا لكم بنات وجزاكم الله الف خير

 

[tabaskom]

السلام عليكم .... اما انا فكانت قصتي قصه ... و لادتي اببنتي البجريه
الله يسلمككم كل وحدة حامل اببجرية يعطونها موعد اخير (يعني اخر موعد و لادة)
اما اختكم فخلصت موعدها و عطوني اسبوع وسوولي فحص و سونار و ماكو شي , و رد عطوني اسبوع ... و بعدها 4 ايام و بعدها 3 ايام و عقبها قالتلي الدكتورة لازم امدخلج المستشفى علشان تولدين (لانه ايخافون الياهل ايصير اكبير و ما ينزل )و هم سوتلي سونار و قالتلي ترى عندج الحوض صغير بس لانج بجرية لازم انحاول اوكي ...
دخلت المستشفى يوم الخميس الساعه9 و حطولي اول تحميله و ماكو شي و بعدها التحميله الثانيه و ماكو شي و عقبها التحميله الثالثة و ماكو شي و بعدبن الدرب ....... عاد اهني بدينه قعدت لي الساعه 5 و انا اعيش الالم (الطلق يصعد ويوصل 120 و يرجع مرة ثانيه ينزل و انا ابتسم )
الساعه 5.30 ياني دكتور التخدير علشان يعطيني ابرة الظهر (عااد انتو عارفين طريقتها لازم تنعكفين نفس الربيانه .... الخ)
المهم و خذيناها .. ونطرت اشوي ... احس بالعوار بجنب و الجنب الثاني ما فيه شي (و الا الابرة افشلت )
و قفناها وظليت على عوار الطلق جذيه (جني قاعده ابيت شعر لا و ناقصني جدر حا ر نفس افلام ابيض و اسود)
و لا تنسون الفحص الداخلي كل ساعتين
المهم ظليت على هالحاله لين الساعه10 ليلا
المهم اخر شي قالتلي الدكتورة انه حوضج اصغير و عنق الرحم طويل ...
فلازم اندخلج قيصرية (و بالعلم انها باطه ماي الرحم الساعه3)
و المهم دخلت العمليات وولدت بنتي (الجودي) الله يخليها لي الساعه10.55
و هذه كانت قصتي
و تسلمون][/b][/b]

 

[tabaskom]

this is my story

:eh_s(14):السلام عليكم .... اما انا فكانت قصتي قصه ... و لادتي اببنتي البجريه
الله يسلمككم كل وحدة حامل اببجرية يعطونها موعد اخير (يعني اخر موعد و لادة)
اما اختكم فخلصت موعدها و عطوني اسبوع وسوولي فحص و سونار و ماكو شي , و رد عطوني اسبوع ... و بعدها 4 ايام و بعدها 3 ايام و عقبها قالتلي الدكتورة لازم امدخلج المستشفى علشان تولدين (لانه ايخافون الياهل ايصير اكبير و ما ينزل )و هم سوتلي سونار و قالتلي ترى عندج الحوض صغير بس لانج بجرية لازم انحاول اوكي ...
دخلت المستشفى يوم الخميس الساعه9 و حطولي اول تحميله و ماكو شي و بعدها التحميله الثانيه و ماكو شي و عقبها التحميله الثالثة و ماكو شي و بعدبن الدرب ....... عاد اهني بدينه قعدت لي الساعه 5 و انا اعيش الالم (الطلق يصعد ويوصل 120 و يرجع مرة ثانيه ينزل و انا ابتسم )
الساعه 5.30 ياني دكتور التخدير علشان يعطيني ابرة الظهر (عااد انتو عارفين طريقتها لازم تنعكفين نفس الربيانه .... الخ)
المهم و خذيناها .. ونطرت اشوي ... احس بالعوار بجنب و الجنب الثاني ما فيه شي (و الا الابرة افشلت )
و قفناها وظليت على عوار الطلق جذيه (جني قاعده ابيت شعر لا و ناقصني جدر حا ر نفس افلام ابيض و اسود:eh_s(13)
و لا تنسون الفحص الداخلي كل ساعتين
المهم ظليت على هالحاله لين الساعه10 ليلا
المهم اخر شي قالتلي الدكتورة انه حوضج اصغير و عنق الرحم طويل ...
فلازم اندخلج قيصرية (و بالعلم انها باطه ماي الرحم الساعه3)
و المهم دخلت العمليات وولدت بنتي (الجودي) الله يخليها لي الساعه10.55
و هذه كانت قصتي
و تسلمون][/b][/b]