كل مايخص مجهزات التغذيه بالتربيه والحاضره تعلم الغايبه

[الغاليه نونو]

رد: رد : كل مايخص مجهزات التغذيه بالتربيه والحاضره تعلم الغايبه

يا بعد قلبي انتي رحت المقابله اللي سووها بوزارة التربيه والشركه سجلت اسمي بنفس اليوم واخذوا رقمي وقالوا راح نتصل عليج ..مشكوره يا قلبي والله يخلي لج كل غالي ويوفقج دنيا واخره

تسلمييييين غلاتي علي هالدعوه الطيبه وياعل ربي يرزقج الخير دنيا وآخره يااااااااااارب


انا رحت المقابله وقعدت هناك وسجلت اسمي ورقم تلفوني تالي دقوا علي الهيكله ورحت لهم وقالولي راجعي الشركه لانج مقبوله رحت الشركه بالعارضيه الصناعيه وقابلوني السكرتاريه وعطوني نموذج كتبت فيه اسمي وشهاداتي واللغات اللي اجيدها كتابه وقراءه وعن توقاعتي جم يكون المعاش وعنوان سكني وكل شي يخصني ووديت معاي الاوراق المطلوبه اللي اهيا
شهاده دراسيه- الجنسيه-شهادة الميلاد-بطاقتي المدنيه-شهادة لمن يهمه الامر من التأمينات-و8صور شخصيه مقاس4 في 6
وخذوا مني الاوراق وحطوهم بالملف مالي وعطوني موعد عقب العيد مباشره اراجعهم علشان الدوره التدريبيه والدوامات قبل المدارس باسبوع


انتي بما انهم مادقوا عليج طيعيني وانتي بادري ودقي عليهم وسأليهم اشصار بخصوصج اذا ماتميتي وراهم تفلسين ترا الاعداد كبيره ومووووو شويه اللي متقدمين والسالفه صايره من سبق لبق لا تنطرينهم يدقون انتي خلي اوراقج زااهبه وروحيلهم وشوفي شيقولولج

 

[ضايعه بهدنيا]

مثل ما قالت اختي الغاليه سالو وين الشركات وروحو راجعوهم والي ما تدل الشركه الي تابعه لها تروح اعاده الهيكله وتسالهم لان اعاده الهيكله دزو ملفات المتقدمات حق الشركات يعني يعرفون وين مكانهم وبشرونا شصير وياكم

انا اعرف بنت ما دقو عليها الشركه راحت وسالتهم وقالولها ملفج عندنا وعطوها لاابلكيشن وعبت بياناتها فروحو سألو بنفسكم وايد احسن

 

[ضايعه بهدنيا]

ريوم الأحمدي

عادي حبيبتي انا عمري 21 ودقو علي وسويت اوراقي

سوي الي قلنالج عليه وبشرينا

 

[love ali]

رد : كل مايخص مجهزات التغذيه بالتربيه والحاضره تعلم الغايبه

يا عل ربي يوفق الغاليه نونو وأختي ضايعه بهدنيا ..زين اروح نفس المكان اللي راحت يمه أختي الغاليه نونو العارضيه ومتى اروح الجمعه ما في اكيد يعني يوم السبت والعمر مو مشكله اذا بالاربعينات واسفه على الازعاج

 

[الغاليه نونو]

رد: رد : كل مايخص مجهزات التغذيه بالتربيه والحاضره تعلم الغايبه

يا عل ربي يوفق الغاليه نونو وأختي ضايعه بهدنيا ..زين اروح نفس المكان اللي راحت يمه أختي الغاليه نونو العارضيه ومتى اروح الجمعه ما في اكيد يعني يوم السبت والعمر مو مشكله اذا بالاربعينات واسفه على الازعاج

يابعد قلبي انتي روحي الهيكله علشااان تعرفين اي شركه اقبلووج هالشي ضروري تسوينه واذا انتي تعرفين اسم الشركه مالتج روحيلهم دايركت وشوفي شغلج

والعمر حتي لوووطقيتي المليون مالهم شغل اهم شي مثل مااقلت لج

كويتيه
ماتاخذين مساعده من الشؤون

ماتاخذين من التأمينات راتب تقاعدي

اذا عندج رقم الشركه دقي عليهم يوم السبت وسأليهم

 

[مندوبة ام بندر]

موفقين خير يا رب

 

[الغاليه نونو]

تسلمييييييين يامندوبة ام بندر ياحلاتج ويااااااحلو طلتج

 

["*آآآنؤؤؤقهـ*"]

مشاء الله لاله الاالله

بسألج مافي معاش تقاعد لنااا؟؟؟؟؟؟؟؟؟؟؟؟

 

["*آآآنؤؤؤقهـ*"]

يالبت تردين بسرع وقت

 

["*آآآنؤؤؤقهـ*"]

اب
اب

نونو.ردي

 

[الغاليه نونو]

اب
اب

نونو.ردي

بالنسبه حق التقاعد قالولي فيه لانج راح تسجلين بالتأمينات واذا تبين تقاعد تتفقين معاهم علي النسبه اللي يقصونها منج واذا كنتي موظفه من قبل ومستقيله تقدرين تضيفين مدة الخدمه اللي اشتغلتيها علي المده اليديده اللي بالعقد ويطلع لج من التقاعد شي محترم

 

[عزف المشاعر]

رد : رد: كل مايخص مجهزات التغذيه بالتربيه والحاضره تعلم الغايبه

قوه عندي استفسار يالغاليه نونو

حبيبتي انا دقوا علي الشركه ورحت المقابله الشخصيه وكل شئ اوكيه واقبلوني قال المدير "" كدا اوكيه موافق مبدئيا ""
بس طلب مني اجيب اوراق وبعدها خلاااص انقبل 100% بذن الله

المشكله الحييييييييييين ؟؟؟

اطلبوا مني ورقه من محكمه او ادله جنائيه ان ماعلي حكم او قضايا او سوابق

رحت علي طول المكان اللي قالولي عنه بالفروانيه مالت المحكمه وهناااااك عيوا يطلعولي ورقه قالوا ماااايصير لازم الشركه تعطيج امر ان الشخص فلان فلان اتشيكون عليه ماعليه شئ واحنا نعبي لج

رديت الشركه وقلت لهم هالكلام قالوا لا عادي وايد ناس جابوا لنا
ردينا الفروانيه وكلمنا المدير ونفس الكلام قاله ماااايصير انطلع ورقه ان ماعليها شئ الشركه تعطيكم اورقه واحنا نعطيج

ورحت الجهرا لاني ساكنه هناك قلت خل اشوف المحكمه ورحنا نفس الكلااام مايصير انطلع
حاول زوجي فيهم واسطات وسوالف قال لنا واحد خلاص روح باجر حق واحد بالهجره اسمه فلان فلان وقوله من طرف فلان وان شاء الله يمشيك

وراح زوجي والريال اللي قال لنا عليه ماااااارضا قال مايصير

حاولنا بشتي الطرق قال روح مكان يطلعون حق الخدم يطلعون لك ورقه
راح زوجي وكلمهم وطلع ورقه بس المشكله ان قال احتمال مايقبلونها الشركه

السبب : ان عندي منع سفر من 4 اسنين لان كان جوازي ضايع وطلعت واحد جديد وسافرت فيه عادي شلووووون الحين ماشالوه ويقولون علي منع سفر

والمشكله الثانيه ان الريال يقول احتمال مايقبلون الورقه هذي

ابي اعرف انتي طلعتي ورقه ان ماعليج شئ قضيه حكم شئ ؟؟؟ ومن وين طلعتيها ؟؟؟ تكفين ماخليت مكان مارحت مو راضين يطلعونها لي

والفحص الطبي الشركه ماعطتني اوراق افحص قالوا ليييين يكتمل العدد ونعطيكم اوراق مره وحده

بس المشكله لما رحت المقابله بالشركه ماعطوني اوراق نفسج امليها ولا طلبوا شهادتي ولا جنسيتي ولا اي شئ بس قالوا بطاقه مدنيه

وقالوا لما اتطلعين ورقه المحكمه جيبي 6 صور بس وبعدها اتسوين البصمااات

زهقت والله زهقت الورقه مالت المحكمه معطليني عليها ومافي وقت شسوي قوليلي شلون طلعتيها ؟؟؟؟؟

ادري قرقت واااايد بس علشان تفهمين وضعي وتساعديني

محتااااجه الوظيفه حيييل وموقفه علي عالورقه !!!!!!!!!!!!

تكفين ردي علي بسسسسسسسسسسسسسرعه فديتج والله

 

[رنين]

رد : رد: كل مايخص مجهزات التغذيه بالتربيه والحاضره تعلم الغايبه

ماشاءالله الف مبروك

تقولين انتوا حق مدارس البنات و مدارس صبيان مدرسات طيب سؤال بالنسبه لمدارس الابتدائي رياييل يدرسونهم شلون؟
بيحطون ريال يجابلهم عالوجبه و الا مشرفه و الا شلون؟

و بعدين يا الغاليه 100 ياهل تستلم المجهزه الوحده شنو مهمتج معاهم؟
ودي اعرف وضع الياهل نفسه شلون؟

 

[رمـ شمر ـش]

الله يوفقكم :fun:

 

[الغاليه نونو]

رد: رد : رد: كل مايخص مجهزات التغذيه بالتربيه والحاضره تعلم الغايبه

ماشاءالله الف مبروك

تقولين انتوا حق مدارس البنات و مدارس صبيان مدرسات طيب سؤال بالنسبه لمدارس الابتدائي رياييل يدرسونهم شلون؟
بيحطون ريال يجابلهم عالوجبه و الا مشرفه و الا شلون؟

و بعدين يا الغاليه 100 ياهل تستلم المجهزه الوحده شنو مهمتج معاهم؟
ودي اعرف وضع الياهل نفسه شلون؟

مدارس الصبيان اللي يدرسونهم رياييل في شباب كويتين مجهزين تغذيه لا تحاتينهم يمه


الياهل بيكون بالحفظ والصون يكفي ان احنا كويتيات وندير بالنا علي عيالكم ياكلون ونسولف معاهم ونشجعهم يخلصون وجبتهم
والشاطره اللي تسوي برنامج حق الياهل تحببهم فيها علشان يسمعون كلامها وقت الاكل<<< خبيره يهال

 

[الغاليه نونو]

رد: رد : رد: كل مايخص مجهزات التغذيه بالتربيه والحاضره تعلم الغايبه

قوه عندي استفسار يالغاليه نونو

حبيبتي انا دقوا علي الشركه ورحت المقابله الشخصيه وكل شئ اوكيه واقبلوني قال المدير "" كدا اوكيه موافق مبدئيا ""
بس طلب مني اجيب اوراق وبعدها خلاااص انقبل 100% بذن الله

المشكله الحييييييييييين ؟؟؟

اطلبوا مني ورقه من محكمه او ادله جنائيه ان ماعلي حكم او قضايا او سوابق

رحت علي طول المكان اللي قالولي عنه بالفروانيه مالت المحكمه وهناااااك عيوا يطلعولي ورقه قالوا ماااايصير لازم الشركه تعطيج امر ان الشخص فلان فلان اتشيكون عليه ماعليه شئ واحنا نعبي لج

رديت الشركه وقلت لهم هالكلام قالوا لا عادي وايد ناس جابوا لنا
ردينا الفروانيه وكلمنا المدير ونفس الكلام قاله ماااايصير انطلع ورقه ان ماعليها شئ الشركه تعطيكم اورقه واحنا نعطيج

ورحت الجهرا لاني ساكنه هناك قلت خل اشوف المحكمه ورحنا نفس الكلااام مايصير انطلع
حاول زوجي فيهم واسطات وسوالف قال لنا واحد خلاص روح باجر حق واحد بالهجره اسمه فلان فلان وقوله من طرف فلان وان شاء الله يمشيك

وراح زوجي والريال اللي قال لنا عليه ماااااارضا قال مايصير

حاولنا بشتي الطرق قال روح مكان يطلعون حق الخدم يطلعون لك ورقه
راح زوجي وكلمهم وطلع ورقه بس المشكله ان قال احتمال مايقبلونها الشركه

السبب : ان عندي منع سفر من 4 اسنين لان كان جوازي ضايع وطلعت واحد جديد وسافرت فيه عادي شلووووون الحين ماشالوه ويقولون علي منع سفر

والمشكله الثانيه ان الريال يقول احتمال مايقبلون الورقه هذي

ابي اعرف انتي طلعتي ورقه ان ماعليج شئ قضيه حكم شئ ؟؟؟ ومن وين طلعتيها ؟؟؟ تكفين ماخليت مكان مارحت مو راضين يطلعونها لي

والفحص الطبي الشركه ماعطتني اوراق افحص قالوا ليييين يكتمل العدد ونعطيكم اوراق مره وحده

بس المشكله لما رحت المقابله بالشركه ماعطوني اوراق نفسج امليها ولا طلبوا شهادتي ولا جنسيتي ولا اي شئ بس قالوا بطاقه مدنيه

وقالوا لما اتطلعين ورقه المحكمه جيبي 6 صور بس وبعدها اتسوين البصمااات

زهقت والله زهقت الورقه مالت المحكمه معطليني عليها ومافي وقت شسوي قوليلي شلون طلعتيها ؟؟؟؟؟

ادري قرقت واااايد بس علشان تفهمين وضعي وتساعديني

محتااااجه الوظيفه حيييل وموقفه علي عالورقه !!!!!!!!!!!!

تكفين ردي علي بسسسسسسسسسسسسسرعه فديتج والله

انا عقب ماخلصت من الهيكله عطوني اسم الشركه اللي اقبلتني رحت الشركه واطلبوا مني الاوراق اللي ذكرتهم لج كلهمممممممممممم وعطوني بنفس الوقت ملف كتبت فيه بياناتي كلها والاسئله الموجوده كتبتها


وقالولي بندق عليج حق الفحص الطبي وحق شهادة حسن السيرة والسلوك وحق التأمينات بس ناطره مديرنا المباشر يرجع اليوم من السفر وموعدي معاه يوم الاحد بإذن الله تعالي بروح الشركه واشوف شكو ماكو بالظبط



وكلامهم صح ترا يعطونج الشركه ورقه حق الفحص الطبي تودينها للجهه اللي محددينها لج الشركه تسوين الفحص الطبي ويكتبون لج فيها لائقه صحيا
والورقه مالت الادله الجنائيه اعتقد بالتحقيقات يطلعولج حسن سيره وسلوك لان اذا عليج احكام ماتمشي الورقه بالشركه

وورقة حق التأمينات تروحين تسوين فيها استقطاعج الشهري علشان لي انتهي العقد يعطونج مستحقاتج



ماقلتيلي انتي اي محافظه حبوبه

 

[q8y-moon]

رد: رد : كل مايخص مجهزات التغذيه بالتربيه والحاضره تعلم الغايبه

مببروووووووووووووووووووووووك يالغاليييييييييييييييييه
الف مببرووك عالوظيفه وما اوصيج علي بناياي لي صرتي بمردستهم هههههههههه
بس سوال خارج النص الوجبات لي اي مرحله بيعطونهم؟؟

 

[الغاليه نونو]

رد: رد : كل مايخص مجهزات التغذيه بالتربيه والحاضره تعلم الغايبه

مببروووووووووووووووووووووووك يالغاليييييييييييييييييه
الف مببرووك عالوظيفه وما اوصيج علي بناياي لي صرتي بمردستهم هههههههههه
بس سوال خارج النص الوجبات لي اي مرحله بيعطونهم؟؟

وي وي وي الساااااااااااااعه المباركه ياهنا عيني لي شفت عيالج والله محظوووووظه المدرسه اللي بشتغل فيها بس ليما الحين ماعطوونا خبر وين بنكون بالظبط


الوجبات بتكوون حق كل مراحل الابتدائيه ليما الصف الخامس اظن والله يسهل اموري وامور كل البنات المسجلين بكل المحافظات قولوووووووولي امين:rerrerek:

 

[قويت انسساه]

رد : رد: رد : كل مايخص مجهزات التغذيه بالتربيه والحاضره تعلم الغايبه

السلام عليكم

قوه اختي
انا سجلت بالهيكله
ودقوو علي وقاالو ان في مقاابله بوزارة التربيه وبعدين قاالو حطي اسمج وكتبت اسمي عند الي براا
وبعدها دقت علي رفيجتي وقاالت دقوو عليهاا الشركه الي بصناااعيه

واليووم الثااني على طوول ركبت ورحت لهمم وقلت لهم انكم ماادقيتو علي وقاالو مااكو مشكله انتي مسجله اسمج قلت ايه وقاالو خلاص تعاالي جسلي اسمج اهني وسجلت اسمي وكملت بيااناااتي وصوورتي يعني كل شي

وبعدهاا قاالو ندق علييج

والحين انتي تقولين ان عطووج ورقة للفحص ودقوو علي ومدري شنوو << ترا مو فااهمه شي لووووول

ابيج تفهميني عفيه الله يرزقج لهلوظيفه

 

[جورىة2]

بنات انا فى مبارك الكبير
ودقوا على رويال موفنبك ,حق الديرة شسوى ماشين على عنوانى البقديم بالشاااااااااااامية
وانا الحين بمبارك الكبير شسوى ساعدونى الله يوفقكمممممممممممم:ssssso: