اللي دعت لي بالتوفيج والخير ياعل ربي يرزقها الخير كله ويوفقها دنيا وىخره ويسخر لها عباده المخلصين ويجعل لها بكل خطوه سلامه
والاستفسارات بكتبها كلها الحين تاابع لموضوع الهيكله وارد واقوول اللي عندها استفسااااااااار مايردها الا كيبوردها
اليوم الساعه 8ونص الصبح لعنت ابليس وعينت من الله خير ورحت الهيكله ومايوا الموظفات الا عالساعه تسع وشفت حرييييييم كبار وصغار قاعدين ينطرون وانتوا تعرفوني انا كلش ماحب السوالف ههههههههههههههههههه
تيمعوا يمي الحريم ويسألون وانا ارد عليهم ومن ضمن الحالات اللي شفتهم
1- وحده سجلت بالهيكله وماراجعت من زمااان واسمها مسجل بس ماحطولها اي مكان تتوظف فيه ويوم اسمعت باخصائيات التغذيه المجهزات يت تركض علبالها الشغل هين ومايبيله شي خنت حيلي
هذى قالولها انتي مومن ضمن المجهزات لانج ماحضرتي المقابله ولا سجلتي انج تبين التربيه ونطري لين تتوفر فرص وظيفيه تناسب شهادتج ندق عليج
2- مسجله وداقين عليها علشان تحضر المقابله وصار لها ظرف ماراحت بهالحاله الشركه ماعندها علم ولا بيانات عن هالحاله قالولها انتي مسجله بالهيكله بس الشركه ماخذت اسمج لانج مارحتي المقابله طيب والحل شنو؟؟؟؟؟؟؟؟؟؟؟؟؟
قالولها طااااف ماتنقبلين كمجهزة تغذيه
3- الثالثه اللي سجلت بالهيكله وعندها علم مسبق عن مشروع التربيه لانها كانت تراجع مراجعه دوريه حق الهيكله ومن حسن حظها قالولها عن مشروع مجهزات التغذيه واهيا وافقت علي هالوظيفه وسجلوها عندهم وبالمقابله راحت وكل شي تمام التمام هذى تنطر يدقون عليها الشركه علشان تكمل اجراءات الوظيفه من التأمينات والفحص الطبي والتحقيقات علي اسااس تطلع شهادة حسن سيره وسلوك
4- اللي ماتدري عن شي موليه وتوها درت وتبي تسجل بالهيكله تروح تسجل بالهيكله واذا عندها واسطه قويه احتمال كبير يدعسون ورقتها من ضمن المقبولات واذا ماعندها واسطه وربي موكاتب لها نصيب تنطر اي فرصه يديده
هذوله شفتهم اليووم
بخصوصي انا دقوا علي يوم الخميس الهيكله وقالولي اراجعهم ورحت اليوم لانهم حاطيني بوظيفتين
الاولي بالشؤونبس تبع القطاع الخاص مع شركة العيسي والفرصه الثانيه من التربيه تابعه لشركة التجهيزات الغذائيه وقالت لي الموظفه انتي سجلناج مع مجهزات التغذيه واسمج راح الشركه مع المقبولات ولله الحمد ونطري الشركه يدقون عليج
وعالساعه11 الظهر دقوا الشركه عالبيت وقايلين حق ابونا باجر خل تدق علينا علشان نكمل باجي اجراءات التسجيل والله المستعان
اللي مسجله اسمها بالمقابله هذى مقبوله من الهيكله واسمها راح الشركه مع الاسامي علي هالاساس كل وحده تعرف مقابلتها تابعه لاني محافظه واسم الشركه اللي اهيا تابعه لها وتتابع الموضوع مع الشركه لاني سمعت ان اللي تقدموا اعدااااااااااااااااااااااد كبيره وايد ماراح يقبلونهم كلهم لانه العدد المسموح فيه بالتربيه كل محافظه العدد من 140 الي 200 موظفه كحد ادني
فيهم بعض الحالات رافضين هالشغله احتمال تكون اللي ماحالفها الحظ ياخذونها بديله أو ........................... تشوف لها معارف مني مناك بالشركه يظبطون امورها
هذا ملخص اليووم وباجر بإذن الله ان دقوا علي الشركه بكتب لكم اش صار بالظبط واللي عندها سؤاااااااال لا تستحي ترا انا احبكم واحب اخدمكم برموش عيني
