كل مادقيت في ارض وتد من ردات الحظ وافتنى حصاه

[ملامح باهته]

السلام عليكم ورحمة الله وبركاته

طبعا انا مو عضوه يديه ولاشي بس لانى معروفه فالمنتدى واغلبية البنات صديقات لى اضطريت انى اسجل عشان اقدر اتكلم على راحتى واقول مشكلتى اللى محد يدرى عنها















احداث قصتى ترجع لسنة 98 يوم كنت ادرس برا ........ في ذيج الفتره تعرفت على طالب اماراتي ارتبطت معاه بعلاقه مبنيه على الحب والتقدير والاحترام وكانت احلا واروع 4 سنين بحياتي ....... بدون الخوض في التفاصيل بعد ماخلصت دراسه قالى بيكم بالكويت وبتقدم لج طبعا انا طرت من الفرحه لانه بالنسبه لى الدنيا ومافيها

عاد قلت حق الوالده قالت شنو اماراتي يعنى بتسافرين واتخلينى وسوت لنا قصه طويله عريضه ياكثر ماترجيتها قلت هالريال احبه ويحبنى وماتكرهين ان بنتج تكون سعيده مع انسان يحبها ويقدرها بس ماكو فايده عاد قالت لى عندى تكونين تعيسه ابرك من انج تكون سعيده وبعيد !!

عاد اهو يا وقعد مع امى وكلمها بس مارضت قال خلاص انا ماعندى مانع اشترى لها بيت بالكويت واروح واى عليكم ...... قالت لاء اكيد بساحلنى سنه والا ثنتين وتالى بيقول باخذها واتخلينى ...... واذا تبينه تزوجيه بس ترى قلبي مو راضي

الموهم سنه وانا اساحل امى لحد ماوصلت لطريج مسدود قلت ياولد الناس ماكو فايده روح ويعلم الله ان فراقك مثل طلعت الروح

قال خلينا نحاول قلت الموضوع انتهى وخلاص تيسر وكل من يروح بنصيبه

ومرت جم سنه وتزوجت وتالى تطلقت مو من ردى الريال اللى تزوجته بالعكس حبيب بس سبحان الله ماعرفت اتوالم معاه عشت معاه 3 سنين اعتبرهم طاحت من عمرى مقدر احسبها ..... حاشتنى فيها انواع النفسيه اتعرفون شنو انج تنجبرين اتجاملين حتى بفراشج !!!

حسيت حياتى معاه كلها مجامله في مجامله .... اكون جذابه اذا قلت لكم حاولت احبه بالعكس كنت اخر شي افكر فيه انى احبه ....... العيب مو منه حرام ظليمته شينه العيب مني بس عيب غصب عنى مو بكيفي

الموهم تطلقت ومابينا يهال والحمدلله ...... ورتبت حياتي انى ابنى مستقبلي واحاول انى اركز بشغلي وبس

وبدون سابق نذار طلع الريال اللى حبيته من جديد ...... ورد يخطب وقالى انا ماتزوجت ومابي غيرج .....

طبعا قلت لامى وقعدت تبجي بتخلينى حق منو هالريال شيبي خل يدور له مره من ديرته وحجى وايد .... وعرفت انى بوصل لنفس الطريج المسدود !!!

قال لها لج مني وعد متي ماتبين اتشوفينها ايبها لج واذا تبينها عندج بالكويت هم حاضر .... قالت لاء بنتي ماتزوج الا كويتي

قلت يمه ممكن اتزوج كويتي واسافر معاه برا قالت بس مردت لديره خوالى كلموها اخوانى ماقصرو قعدت تبجي الله ماعطاني الا هالبنيه وبياخذونها مني ......... احس قلبي عورني مدرى شسوى

بنات قولو لى شسوى ............ هالريال انا احبه واهو بعد بس امى ماتقدر تفارقنى انا وحيدتها ماعندها بنات غيرى

شسوى اقوله مالك نصيب .... والا شقول حق امى ....... احس تعبت والعمر يركض واذا راح هالمره ماضنتى بيرد

 

[يوآش يوآش]

امبيه قصتج تكسر الخاطر : (

حبوبه قنعي امج حاولي فيها ..

وقوليلها انا سمعت حجيج وتزوجت

اللي انتي ما تعارضينه وكاني تطلقت ..

خليني هالمره اجرب حظي مع اللي احبه :68_asmilies-com:

بس انا اقولج اهم شي امج ترضى ..

ونصيبج بتاخذينه : )

 

[الرشوف]

بعد عمري والله

ربي يرزقج باللي فية الخير


اول شي عليج بالاستخاااارة

ثاني شي حاولي بأمج وقوليلها انج تعبانة

ادري انج قلتيلها وتعبتي
بس قوليلها بوقت تكون امج هادية ومو فاتحه وياها الموضوع
اول ما تفتحينة وياها قوليلها يمه تعباااانة

والله اذا بديتها بتعبج بينكسر خاطرها على بنتها

وقوليلها اهي تصلي الاستخارة

وقوليلها انة يكتبلج بالعقد انج تقعدين بالكويت
عشان تقتنع
لا تيأسين حبيبتي لا تيأسين

صدقيني ان كان نصيبج بتاخذينة الحين او بعد حين
ويمكن رفض امج خيرة لج؟؟
وعليج بالقرآآآن

وانا ادعيلج
روووحي بهالجمعه ربي يوفقج وييسر لج امرج
ويسمحلج دربج

ويهدي امج
ويهديج للخير اللهم امين

 

[غالية زمانها]

هلا حبيبتي .. انا عن نفسي كلش ماؤيد سالفة الزواج ..
لان حتى لو صار بينا يهال .. وصار خلاف .. راح يتشتتون اليهال ..
هذا رايي واتمنى اني مازعلتج ..

 

[أإلع ـشق دلع ـهـأإ]

أستخيري بلآول ..


ولآتتزوجين وأمج مورأضيه ..

أللي كأتبه ربج بيصير ..

أنتي أدعي ربج يرزقج الزوج الصألج اللي يسعدج وبس ..




والله يكتب اللي فيه الخير ..

 

[Un-6be3iya]

انزين ماكو مجال ان اهو ينتقل هني ؟

 

[( المـلاك )]

حاولي بالريال
يضبط اموره بالكويت
من وظيفه و سكن و من هالامور

و تعيشون بالكويت
و اهو ياخذج بين فترة وفترة و تروحون الامارات تزورون اهله


وبجذي
امج راضيه و متطمنه و مرتاحه
وانتي تاخذينه وانتي مرتاحه بعد و امج راضيه عليج و داعيتلج من قلبها

و الريال لو يبيج يسوي المستحيل عشا ياخذج
قوليله عن هالموضوع وشوفي شيردلج خبر

وانشالله خير


وعسى ربي يرزقج راحه البال والسعاده يارب =)

 

[الليدي ديانا]

مادري و الله شقولج

بس رضا امج الله يحفظها اولى

الله يكتبلج اللي فيه الخير

 

[روآآن]

عليـج بالدعـآء .. والله ان الدعـآء يرد القضـآء وعليج بقيـآم الليل < شي مو طبيعي

انـآ اعرف وحده نفس حالتج وكانت تدعي بصلأتها بالسجود الاخير وتقيم قيام الليل وتدعي , شهر واحد بس ولا اهييه متزوجته وعايشين بنعمه والحمدلله

الله يوفقـج حبيبتي ,, وان شاءالله امج توافق وتستانسين بحيـآتج ,,

 

[Lemon Juice]

ماني شايفه سبب الرفض مقنع بهالوقت .. إماراتي منا وفينا كلنا أهالي الخليج عاداتنا وحده

بس الأم تفكيرها ثاني وقلبها عليج وخايفه من بعادج عنها وما تنلام الله يخليها لج

ادعي رب العالمين ييسر ويسهل أمورج وان جان فيه خير يقربه منج .. ما تدرين كل هالفرض خيره لج وله

إذا الله أراد لج الزواج من هالريال بتزوجينه لا تحاتين وان ما صار فالخيره فيما اختاره الله

الريال قعد يسعي ويبادر ويسوي كل اللي يقدر عليه وانتي نفس الشي والباقي على رب العالمين

فوضي أمرج لله والله كريم

 

[! هُوْ وِينِه !]

يا حياتي والله قلبي عورني


حاولي معاها والرجال واضح شاريج


قولي دور وظيفة مني مناك


أدعي أخر الليل أبجي بينج وبين الله قولي يارب إذا كان فيه خيره لي سهل زواجنا وإذا فيه شر لي أبعده عن طريجي صدقيني راح ترتاحين


الله يكتب لج ألي فيه الخيره

 

[om deaj]

واااااااااااااااااااااااااي الله يكون بعونج يعني يالج مرة ثانية ومو راضية خل اخوانج يحنون عليها وخوالج لحد يقصر ودام انه راضي يشتريلج بيت هني
يبا اقنعيها تعيشن عندها في البيت وهو الي يدفع اجاركم بس تكفين لي صار شي برينا عورتي قلبي

لانه نادر تلقين حب صادق وريال شاري بهالوقت

 

[إبشر بعزك]

انا اللي اعرفه دايم ان الام دايم تتمنى السعاده لبنتها ولي شافت بنتها سعيده اهيه بتكون سعيده بس الجمله الي قالتها انج لج عادي تكونين تعيسه بس المهم يمي مع احترامي لج هذي انانيه منها امج انانيه ما تفكر الا بنفسها انج ما تبعدين عنها مع كل هذا تطلقتي والريال رد يخطبج مره ثانيه وهم رافضه ما كفتها تجربتج من زواجج بالكويتي؟؟

مادري شقول لج ماودها تشوف عيالج؟

وهم مايصير تزوجين من غير رضاها لانه رضى الام اهم شي حتى لو كانت انانيه


الحل يا انه ريلج يستقر معاج بالكويت
أو انه امج تروح معاج الامارات وتستقر

الله يكتب لج اللي فيه الخير لو ماكان يحبج جان مارضى ياخهذج بعد زواج 3 سنوات واهوه لي الحين ما تزوج وباقي على ذكراج صعب تلقين انسان صادق بالزمن انتي حاولي واكثري الدعاء والاستغفار ترى الحياة فرص وانتي اغتنمي الفرصه وترى الواحد بيعيش مره وحده والله يهدي امج ويحنن قلبها علج وتوافق يارب

 

[عيش و مرق]

تزوجى وامج مع الوقت بتاقلم مع الوضع

 

[سعودية!!!]

الله يكون في عونكـ ـ

 

[*الشيـــهـانـة*]

الله يفرج همج يارب وتتسهل امورج

 

[حنوونة الكندري@]

واااااااااااااااااااو الله يكون بعونج حبوبه واهم الشي رضا امج عليج وعليج بقيام الليل ادعي وربي يسهل امورج كلش كلش قوليلها اتزوجة برضاج واكون مرتاحة وماراح افارقج طو ل العمر هذي اميمتج يالغاليه لا تطلعين من شورها اهي خايفة عليج وانتى وحيدتها فديتج وربي يكتب لج ما فيه الخير يا غلااتي @@@@

تقبلي مروري اختج @@حنووووووووووووونة @@@

 

[~.ąvȍƈaȚ.~]

قصتج عورت قلبي

بس صج شي غريب اول مره اشوف ام ترضى ان بنتها تكون تعيسه

ما كفاها انج تزوجتي و تطلقتي لأنج ما قدرتي تجاملينه ؟! انا عارفه ان هذا نصيبج و قضاء و قدر و مكتوب بس عاد مو جذي الله يهداها !!

ادعي ادعي دايما

و سوي روحج مريضه و ما تاكلين و انج بتروحين منها و بتلقين قلبها يحن عليج

و الله يوفقج و تاخذينه آميـــــــــــــــــــــــــن ياارب

 

[مرهفة الأحساس]

ألحين ترضي أنج تدرسين بالخارج وماترضي تزوجين أماراتي واذا بغت أتييلج وأذا بغيتي أتيلها..سهله

 

[::كيك وعسل::]

مدري شقول @