كل مادقيت في ارض وتد من ردات الحظ وافتنى حصاه

[مـيـراس]

انا مع سالفة الزواج

وين الامارات؟؟؟ حذفة عصا ؟؟؟اسبوع انتي عندها واسبوع هي عندج


كلها تذكرة سفر ذهاب واياب ب100 دينار

قولي لي لها ما بقى من العمر كثر اللي مضى

الله يكون بالعون عسى الله يلين قلب امج

 

[معكرونه أسبكتى يم يم]

لاحول ولاقوة الا بالله

مدرى شقولج الوضع وايد صعب .......... بس اذا كلش ماوافقت الزم ماعليج اميمتج والله ان شاءالله بعوضج خير منه

 

[*أم*خالد*]

عسى الله يسهل لج اللي فيه الخير والصالح لج يارب

مادري شقولج

الله يوفقج يارب ويسعدج ويهنيج

 

[زوجة متألمة]

لا تتخلين عن رضى الوالده بس برضو حاولي فيها

ويارب تتم امورك بخير ويكتب الله لي ولك السعادة

 

[الاميره]

بعض الأمهات تبدي مصلحتها على مصلحة عيالها .. قولي لها في رب باجر بحاسبج
مو زين تقطع بنصيبج

 

[وردة-الكويت]

اهم شي رضى امج

 

[جذابه بنت ذيابه]

حبيبتي استخيري



واكثري الاستغفار بنية امج ترضا

واذا كلش كلش مارضت


كلمي الرجال قوليله ياولد الناس
امي ماعندها غيري تزوجني وواشتر لي بيت
او اجر لي شقه اهنيه



وبس يا الغلا



وعساه يكون من نصيبج ياررب

 

[زهرة الخليج 81]

ويبيييه الله يكون بعونج ويسرلج
انا اقول انتي اصري وتحني بترضى ان شاالله سوي روحج مريضة ماتبين تاكلين وهيا بترضى بالامر الواقع

 

[فكره!]

تبيني رايي ؟

تزوجيه ... وامج مردها بترضى عنج ... لو حطيتيها جدام الامر الواقع ..
لأنج وحيدتها وماتقدر تزعل منج واايد ,,,
الريال شاريج , وامج من حبها لج مو قادره تتفهم هالنقطه هذي , انتي افرضيها فرض عليها
حتى تقتنع ....

والله يجعله من نصيبج آميــــــــــــــــن

 

[رنه خلخال]

امممممممم اخذيها معاج او حاولي تقنعينها

 

[غلاتي ديرتي]

اللله يكون بعونج

 

[زهرة الخليج 81]

حبيبتي شوفي انا الصراحة فكرت بسالفتج ةقريتها عدل
سمعي وانتي كيفج
ترى محد يعرف مصلحتج الا امج وانتي ياقلبي تقولين تحبين للريال وميته فيه بس كا قدرتي تنسينة وتلهين بشغلج ومستقبلج
وفي زيييين بمستقبلج باجر بتزوجين وبتغربين اعيالج مو كويتين ولاداتج كلها بعيدة عن امج ومتى بتستانسين سنة سنتين تالي تحسفين
لاتقولين حب بعض الريايل ياوصل للي يبيه يعوفة ديري بالج لاتهدمين حياتج عشان حب الحب ياقلبي بالقلب وماسموه قلب الا الانه ينقلب
مي خالف انتي عانيتي وايد بس انا فكرت فيها عدل
اممممج اولا وبعدين مستحيل الله بوفقج وامج مو راضية عليج
والله يوفقج وبوسي راس امج وشاوريها وطمنينا عليج
واستخيييييري لاتحرمين نفسج ولاتبجين

 

[طموحه بزياده]

لا تلومنيها بينتها الوحيده وتبيج

 

[برموشي اداويك]

قصتج تعور القلب

كلمي امج مرة ومرتين لين تلين خاصة اذا الرجال يستاهل

والله يكتبلج اللي فيه الخير

 

[ملامح باهته]

تسلمون حبايبي وجودكم وايد اسعدني
والله يرزقكم ويبارك لكم على هالدعاوى الحلوه

انا قريت كل ردود البنات واكو نقاط يمكن البنات ماانتبهو لها وقلت اشرحها اكثر عسي ان شاءالله انتوصل لحل

على انى حاسه وقلبي قارصنى انها ماراح تنتهى هالقصه مثل ما انا اتمني .... لان امي الله يعافيها رافضه فكرة الزواج من كويتي و غيرى كويتي !!


شوفو يابنات ..... انا مو صغيره انا مره عمرى 32 سنه يعنى المفروض اعرف اتخذذ قراراتى واعرف الزين من الشين بس للاسف امي مجتفتني مو مخليتني اتخذ اى شي مو ضعف مني بس لانها تستخدم دموعها وايد اللى دايم انا اضعف جدامها واهى تدرى بنقطة هالضعف

الريال اللى متقدم بغض النظر عن قصة الحب اللى اربطتني وياها طول هالسنين .... هو ريال كفو ونعم فيه مسمي مصلى والكل يشهد له مو راعي خرابيط وتفاهات بالعكس ريال متزن وشخصية وايد حلوه وقويه ...... وعمره 35 سنه يعنى وايد مناسب لى

هالحين من الناحيه العاطفيه ..... ريال وايد يحبنى وانا بعد احبه ماتزوج للحين ينطرني ..... ياربي يعنى المره شتبي اكثر من جذيه !!!


كلنا حريم وكل وحده فينا اتمني ريال يخاف الله فيها ويحبها ويحترمها ..... والعمر يركض يابنات وانا حاسه انه هالمره اذا رفضت بروح يشوف نصيبه واعتقد ماقصر نطرني 12 سنه وغيره مانطر شهرين مو 12 سنه !!!

انزين هالحين ان يي لسبب رفض امي وخولوني اقولكم الحوار اللى دار بينها وبينه امس وكلامها لخلاتي بالزواره البارح
وراح تفهمون الوضع اكثر ............امي للاسف ماعندها رفض منطقي نهائيا بس جذيه !!


امس يانا وقعد مع امي وقال اللى تبينه امر فيه واى شرط يطرى عليج حطيه في عقد الزواج

قالت ان ماعندى الا هالبنيه وماابيها اتروح عني

قال محد قال بيخليها اتروح عنج اللى يرضيج شنو .......... تبين اشترى لج بيت بدبي واتعيشين معانا حاضر ..... تبينها عندج بالكويت واشترى لها بدال البيت 10 بيوت هم حاضر ...... اللى تامرين فيه بسويه

قالت شحقه ماتسكن عندنا بالكويت .... قال يام فلان انا ريال مو موظف عند الحكومه عشان اقدم استقالتي واى الكويت ادور وظيفه !!!....... انا ريال ادير اعمالى وراعي حلال مقدر اهد كل هذا وايي غريب في ديره غريبه وابني نفسي من جديد مهب منطق !!!..... ومع هذا خلى الموضوع والعنوه على بنتج عندج وانا اللى اروح وارد عليكم ولا تحاتين ماراح اخذها معاى اذا هالموضوع شاغلج وكتبي هالشغله في عقد الزواج .....

اهنيه ويه امي شوى وينفجر قالت خلني افكر ....... قال خذي راحت بالتفكير لو ماتردين على الا عقب سنه انا ريال شاري نسبك وابي بنتكم واللى تامرون فيه انا حاضر


عاد يوم طلع من بيتنا تعالو شوفو امي شقعدت اتقول اتحسب عليه وادعي وياماله ومدرى شنو واخواني ليش يمه جذيه الريال ماغلط قالت ناشبني على هالبنيه هالحين ادقون عليه واتقولون له ماابي اشوف ويهه مره ثانيه !!!

يو خالاتي وقالو لها الريال ماغلط وبنتج مو صغيره ولا ومطلقه والبنات عنسو ببيوت اهلهم مو عاد المطلقات وخليها اتسهل بنصيبها ....... قالت والله لو اتعنس واطيح بجبدى مازوجتها هالريال دمه ثجيل على قلبي بياخذها مني !!

قلت لها انا مابي اتزوج لا هالريال ولا غيره مابي الزواج كلش قالت احسن قعدى عندى وش لج وهالرياييل ماوراهم الا المغثه !!

ياجماعه الخير اكو ام جذيه !!

يعنى كل ام ماعندها الا بنيه وحده تبيها اتقابلها !!

انسوى موضوع هالريال وانه اماراتي انسوى كل هالحجي اللى فوق .... وشوفو لما كنت متزوجه كنت لازم اتغدى وياها قال ريلى يبه مو كل يوم عند امج ميخالف روحى لها كل عصر بس عاد جابلينى على وجبه خلينى احس انى متزوج .... قلت يمه مااقدر ريلى يقول جذيه وجذيه وقامت اتهاوش بحرمني منج اتغدى مع منو خلاص ماابي الغدا وانا غلطانه يوم زوجتج !!

قال ريلى يبه خلاص خليج على وضعج ماابي مشاكل ويع راس

يعنى امي جذيه ماتبي احد يشاركها فينى ......... وحبها هذا خنقني ذبحني كرهني في عمرى !!

عطوني حل اذا عندكم حلول ..... شسوى معاها اذا بطاوعها بقعد طول عمرى وحيده ..... ادرى انها امي وعلى راسي من فوق بس انا بشر ودى اعيش حالى حال هالبنات عندى ريال ويهال حولى لاكبرت فالعمر القا اللى يباريني ويداريني ماابي اكون ابروحي


انا ادرى قصتي مالها حل ويمكن مليتو منها بس ترى الكتابه والفضفضه اتريح احيانا

يعطيكم الف عافيه على الاستماع والتواجد

 

[((shoOoshoOo))]

تزوجي .. عيشي حياتج
وامج حاولي تقنعينها .. يارب توافق !

 

[ToOoTi]

اخذي امج وياج وخليها تشوف عيشتج ويا ريلج صدقيني اذا شافتج مرتاحة اهي من نفسها بترضا
واذا انتي وحيدتهااا خل تعيش وياج مو من بعد الامارات

 

[العاقله]

ياحياتي ياعمري أنا اللي اعرفه ان امج تاخذ ذنبج جذي مايجوز ترفض رجل صالح لسبب انج وحيدتها دوري من هالناحيه الشرعيه قوليلها يمه حتى بالدين مايجوز ترفضين انتي بتاخذين ذنبي وانا ما ارضالج هالشي واستندي بالاحاديث والأدله الشرعيه ودخلي رجل دين بينكم قولي لشيخ وخل يكلم امج ترا والله مايصير جذي !!!

 

[العاقله]

ياحياتي ياعمري أنا اللي اعرفه ان امج تاخذ ذنبج جذي مايجوز ترفض رجل صالح لسبب انج وحيدتها دوري من هالناحيه الشرعيه قوليلها يمه حتى بالدين مايجوز ترفضين انتي بتاخذين ذنبي وانا ما ارضالج هالشي واستندي بالاحاديث والأدله الشرعيه ودخلي رجل دين بينكم قولي لشيخ وخل يكلم امج ترا والله مايصير جذي !!!

 

[أسيرة_أحزاني]

الله يفرج همج ويرزقج على قد نيتج ويلين قلب امج ان شاءالله