كل ايامي فداك

[ضوى العيون]

البنيه: لو سمحت الغالي...انته حمد؟!
سلطان: لأ غلطانه...مش حمد
البنيه: لا انا متأكده انك حمد
سلطان: اقولج انا مش حمد..شو ما تفهمين
البنيه: لا ما افهم
سلطان: الظاهر يبالج كف عشان تفهمين
البنيه: عادي راضيه ...المهم اييني شي من صوبك فديتك
سلطان: ادخيلج اسكتي لأزع احينه ...انتي سيري شوفي ويهج اول شو مسويه فيه ..اخلاف تعالي ارمسي...والله انج لوعه..سيري سيري دوري رزقج بعيد..الله يهديج ويستر عليج ان شالله (سلطان وهو يرمس الموظفه)غلفيلي اياه لو سمحتي
محمد: عنبوك مقواك الحرمه صاحت
سلطان: اتصيح يعلها لين ما تفنى دموعها وانا شعلي منها
محمد: هههههههه صدقك
سلطان: دقيقه بس(واتصل حق اخته نواري)
سلطان: ألو..مرحبا
نواري: مراحب
سلطان: شحالك منصور؟؟ اقولك قوم خالوه راحوا؟
نواري: حوووووو انا نواري
سلطان: انزين اعرف
نواري: اها حد من ربعك عدالك؟
سلطان: هيه ربيعي محمد تبى اترمسه؟
نواري: مينووووووووون !!!!
سلطان وهو يرمس محمد: يسلم عليك منصور
محمد: الله يسلمه ..رد عليه السلام
سلطان: يسلم عليك محمد
نواري: لا تستهبل
سلطان : انزين رد علي ساروا والا لا؟
نواري: هييه توهم ظهروا..
سلطان: قوووووولي والله حرام طافوني..
محمد: هههه العيمي ...احينه منصور اتقوله قوي..
سلطان: اوووه اقصد قول والله
نواري: خخخخخخخخخ فداعت الله
سلطان: فداعت الرحمن
سلطان سكر التلفون وهو منكسر خاطره ما قدر يوصل الهديه حق حصوص ..ما عليه ان شالله السبوع الياي بعطيها ان شالله
** العيـــــــــن**
اليوم الاحد ..يعني اليوم مانع لازم يوصل الخبر حق مسلّم...نزل مانع الصاله عند امه
سلطان: السلام عليج امايه (حبها فوق راسها)
أم مانع: وعليك السلام والرحمه ...شحالك ولديه؟
مانع: بخير وسهالة اشحالج انتي؟
أم مانع: يسرك الحال فديتك
مانع: عساه دوم الغاليه
أم مانع : شخبارك ويا لطيفه؟
مانع: توب التوب
أم مانع: شووو توبه ..شو مسويه فيك البنيه؟
مانع: ههههه..لا امايه يعني الحمدلله..تسلمين فديتج ع الحرمه
أم مانع: ريحتني والله
مانع: أمايه ترا اليوم برد ع مسلّم ولد عميه ...اكيد حرمة عميه رمستج صح
أم مانع: هيه رمستني ..
مانع: انزين شو رايج؟
أم مانع: والله الريال ما شالله كامل والكمال لله ...وهو ولد عمها واولابها من الغريب..ما عندي مانع
مانع: افا والله افا ..وانا وين سرت
ام مانع: ههه فديتك ..قصدي انه انا موافقه ان مسلّم ياخذ موزه..انته شو رايك؟
مانع: رايي من رايج ...بقى راي العروس..بسير الها حجرتها
وسار مانع صوب موزه ودق الباب..
موزه: منو؟
مانع: انا مانع
موزه: دش انزين
مانع: شحالج موزه؟
موزه : الحمدلله زينه...شحالك انته؟
مانع: طيب طاب حالج
موزه: دوم ان شالله
مانع: موزه !!!! شو قلتي عن مسلّم؟
موزه: -------------------
مانع: شوفي انا عن نفسي موافق وامي موافقه ..ومسلّم ريال ولا كل الرياييل وتراه شارنج
موزه: انا صليت صلاة استخاره والحمدلله مرتاحه
مانع: يعني ؟؟؟
موزه وهي مبتسمه : موافقه

مانع:انتي متأكدة؟؟
موزه:هيه ليش بلاك؟
مانع:موزه انتي موافقة لانج موافقة؟؟؟والا موافقة عشانا؟؟
موزه:موافقة لاني موافقه..لا تنسى ان هو كان خطيبي من قبل..
مانع وهو مبتسم:والله ابويه كان مستانس عليكم..ليتك معانا والله
موزه:الله يرحمك يابويه
مانع:انقوول مبرووك؟؟؟
موزه مستحيه:.....
مانع:مبرووك عروستنا
موزه :الله يبارك فيك معرسنا
مانع: تعالي بنسير انبشر امي والنيره...
موزه:يالله....(وقبضت ايد اخوها وهي نازله معاه الصاله)
ماانع:ام العرووس قولي مبروك :خلاص وافقت
ام مانع: صدق؟
مانع:لا امزح....صدق بعد شو؟
النيره:مبروك مبروك
موزه:الله يبارك في حياتج
ام مانع بعدها مب مستوعبه السالفه الدينا شالتنها...فرحت فرحه ما فرحتها من قبل..موويز اخر العنقود بتعرس...الله يرحمك يا بو مانع كنت تتمنى اليوم اللى اتكون فيه انت واخوك نسايب...كنت تحسب الايام والشهوراللى بقن على العرس...ولكن في اخر لحظه مسلم فصخ الخطبه...وانته بعدها بشهرين فارقتنا....بعد ما سرت رد حلمك مره ثانيه...الحينه بيتحقق ان شالله ....الله يوفقج يامويز وطاحت دمعتها..
موزه ويلست حذال امها) امايه حق شو كل هالدمووع؟
ام مانع: دموع الفرح يا بنتي ...
موزه:انا ما تعيبني هالدمووع...امسحيها(وابتسمت)
ام مانع وهي تمسح دمعتها:حاضر يابنتي ان شالله...
مانع:هييييه يوم انا خطبت ما صحتي ....ولا نزلتي دمعه..
ام مانع:انته ما بتفارقنيه..بتم عندي انته وحرمتك...
مانع ويبى يقهر النيره: انززين هاذي النيره..بتعرس وبتاخد واحد مب من عايلتنا ما صحتي عليها...وهااي اللى بتاخذ مسلم صحتي عليها...
النيره:انا اعرف ان امايه تحبنا كلنا قد الشي انزين ويا راسك..بس لان مويز اخر العنقوود..
ام مانع وهي تصيح: فديتك يامانع انته ما تعرف ليش اصيح..انااصيح عشان ابوك الغالي...ابوك اللى كان يتمنى هاللحظه..ابوك اللى كان يتريا عرس مويز ومسلم..واليوم اليوم استزا هالخبر...انا اصيح لاني بفرح بروحي من غير ابوك ...انا اصيح لانه احس فرحتيه ناقصه وناقصنها ابوك الله يرحمه..
النيره ما قدرت تستحمل سارت اتصيح.....ومويز دمعت ولوت على امها...ما كانت اتعرف ان ابوها كان يتمنى ان هالشي يستوي حست ان امها صدق وحيده مب عقب وفاة ابوها ..امها فرحتها ما تكمل الا ويا ابوها. . يحليلج يا امايه الله يعيينج..
مانع في خاطره يقول...ليتني ما رمست ولا قلت شي...يعني اذا في يوم ابى اغايضها شو بيستوي ...هذا هااه اللسان يباله قص والله يرحمك يابويه..
مانع:خلاص يا امايه...انا عندي لج بشور..
ام مانع:سمعني شورك اشوف...
مانع: كلنا بنعرس في يوم واحد..
ام مانع وصدق فرحانه:والله هذا الشور الزين...بدل الفرحة ثنتين...
موزه:متى تباه العرس...؟؟؟
مانع:انتي ليش مستعليه...؟؟
موزه:لا بس اسال حراام؟؟
مانع: بسأل مسلم وبرد عليج..
موزه:اوكييك..
ام مانع:والله لسويلكم اكبر عرس..بخلي العرب كلها ترمس عنه
ما نع: ان شالله (رن تلفون مانع ..المتصل طبعا مسلم)
مانع:سمعوا بحط اسبيكر...(ورد)
مسلم وهو متنرفز:السلام عليكم...شحالك ؟عساك مرتاح.بخير الله يسلمك انا تمام ..ياخي وينك انته وينك ماترد عليه نسيتني اليوم شوه؟؟
مانع:وعليكم السلام..حشا راديو مب انسان..ارمس عدل والا اقولك رمستك ما عيبتني رد اتصل مره ثانيه وارمس عدل والا والله ما اقولك..
مسلم :لا لا خلاص...الحين بدق...باي(وسكر)
مانع ويرمس موزه: شو مسويه في الريال انتي؟؟(وهني يرن تلفونه)
مسلم :السلام عليكم والرحمه..
مانع:عليكم السلام والرحمه..مرحبا الساع..
مسلم مرحبا مليون..شحالك؟؟
مانع:لا باس ..يسرك الحال..والله..
مسلم وهو متنرفز:يالله خبرنيه شو قالت؟؟
مانع:اخاف لو قلتلك شو قالت تقطع عني بالمره..ولا بشوفك ولا شي...
مسلم وقف السياره ع طرف الشارع ونبرته اتغيرت:ليش شو قالت؟
مانع:السموحه مالك في اختيه نصيب..
مسلم سكت ماعرف شو يقول ..الحين معقوله موزه ترفضني...مستحيل اصلا اعرف انها لين الحينه تحبني ولو تتغلى..ولو تسوي هالحركات..من عيونها ينعرف من نظرتها لي ينعرف انها بعدها تحبني..لكن ليش رفضتني؟؟يمكن اترد لى الحركه؟؟ بس لو شو تسوي انا اللى ياخذها..
مانع:مسلم بلاك ماترمس؟؟
مسلم وببنبره حزن:معاك..خلاص انا بس اتصلت عشان اعرف
مانع:خلاص عيل برايك..بس لاتنسى قول حق عمتيه اتدق حق اميه ويحددون متى ايون يخطبون رسمي..
مسلم :خلاص باي..(وسكر في ويه مانع)
مسلم:شووه يحددون موعد الخطبه؟؟مااااااانع يالهرم ياجذاب قصيت عليه ....موزه وافقت ..والله باذيه(ودق حق مانع)
مسلم:يعني وافقت؟؟؟؟
مانع:هيه عيل شقول انا؟؟
مسلم:الله يغربل ابليسك..حرام عليك وقفت قلبي يوم قلت لي انها رفضت..
مانع:يالله يالرومانسي ..
مسلم: مالك خص فيني..يالله بسير ابشر والديه..فداعت الله
مانع:الحين مالي خص فيك...هاه؟ انا براويك اقوول ترا العرس رباعه بنسويه...
مسلم:لأ .....ابى عروسي اتكرن بروحها ع الكوشه..
مانع: عيل شو رايك...انا واختيه نريد نعرس في نفس اليوم..
مسلم : بفكر ..سلم عليها وايد فديتها وباركلها وسلم على عمتيه ..فداعت الله
مانع وهو يرمس امه: لا بالله الريال ين مب موزه هذي اللي متخبل عليها ..
أم مانع: ههه تستاهل فديتها ..الله يوفقج ان شالله
موزه مبتسمه
مانع: العرووووس شاقة الحلج اشوفج ...سكريه والا ماشي عرس خخخخ
موزه: لا شاقتنه ولا شي بس ابتسم
مانع: براييكم بخطف ع لطيفه
موزه: بديييينننا ما خطف ع الملجه غير اربعة ايام
مانع: يحينا انزين اربعة اريام ...مب مسلّم مالج بعده ما ملج ولا شي وهو متحرقص الله يعين يوم بيملج
ام مانع: خلاص خلاص فداعت الله ولديه
موزه: ان بسير فوق... شي تبين امايه ؟؟
أم مانعك سلامتج فديتج
وسارت موزه فوق وخلت امها اروحها اتفكر في الصاله ..اتفكر في بو مانع اللي صدق حسّت انها محتاجتنه الحينه ..مب بس هيه بعد عيالها محتاجينه .. البارح مانع خطب لكن من دون ابوه سار ويا عمومته وخواله وهو فاقد ابوه..واليوم موزه بتنخطب لكن هالمره عمها اللي هو نفسه ولي امرها بيخطبها ..بيخطبها من نفسه ...
والله اني اتمنى انك تكون هنيه معايه يابو مانع ..عسى الله ان شالله يرحمك ويغمّد ررحك الجنه
في العين وبعيد عن بيت قوم ام مانع ..في بيت قوم بو سيف ...حصوص يالسه ويا ابوها في الصاله تشوف التلفزيون

 

[ضوى العيون]

بو سيف: حصوص يا بنتيه انا بسير..
حصوص: ابويه وين بتسير اتخليني بروحي ؟
بو سيف: بسير بيت عمتج
حصوص : ليييش؟؟
بو سيف: بلاج انتي بعد ...بسير اسلم عليهم !
حصوص : اهاا سلّم عليهم
بو سيف: سلام يوصل ان شالله..ما تبين شي منيه مناك
حصوص: ابدن لا جذيه ولا جذاك ...بس سلامتك...ووو خبز من السويدا
بو سيف: ياهالسويدا ....ما عليه ان شالله بييب ..فداعت الله
حصوص: الله يحفظك.....(رن التلفون)
حصوص: الو السلام عليكم
ميثه: وعليكم السلام.... هلاااا حصوص
حصوص: هلا ميثاني ..علووومج؟
ميثه: ترتيييييب...شو مسويه انتي؟
حصوص: مقابلة التلفزيون كالعاده
ميثه: ايوااا ..انزين وما درستي
حصوص: امبلااااا ..ويا ويهج يالمصرية اللي يسمع ايقول من زمان مب سايره المدرسه تيلس تتخبرني
ميثه: كلتيييني ..هههه
حصوص: يبالي والله وياويله اللي بيلومني ..مصرييه مصرييييه ارحمي حاااااالج
ميثه: يعني عن شو تبيني ارمس؟
حصوص: عن أي شي
ميثه: تبين الصراحه
حصوص: اكيد
ميثه: والله انه اخوي سعيد هو اللي قالي ادقلج
حصوص: ميثووه اظن كلامي اللي قلتلج اياه واضح وضوح الشمس بعد ..
ميثه: انزززين اسمعيني
حصوص: خييير
ميثه: والله انه هذا اخر كلام بينج وبين اخويه بس اسمعيه
حصوص: أي كلام
ميثه: كلام مكتوب في رساله ...ما اقدر اقراه عن يذبحني ؟..عادي ايي بيتكم؟
حصوص: لا مب عادي...تستهبلين انتي والا شو اكييييد عادي...يا مرحبا بج
ميثه: ربع ساعه واكون عندج
حصوص : خلاص تم فداعت الله
** في بوظبي**
شمه: انزين حمدان فديتك ..انا بسكر عنك بسير صوب خالد
حمدان: انا اليوم كنت عنده ..الله يشفيه ان شالله
شمه: ان شالله وما قصرت
حمد افا عليج فديتج ...هذا الواجب...................شمه ..طلبتج
شمه: تــــــم
حمدان: دخيلج لا تاجلين موعد العرس ...انا ما صدقت ع الله انه تحدد
شمه : ان شالله بنشوف خالد
حمدان: خلاص عيل ما اريد اطول عليج ...سلمي ع هلج
شمه: يبلغ وانته بعد
حمدان: يوصل ان شالله ..مع السلامه عيوني
شمه: مع السلامه
سكرت شمه عن ريلها وهي اتفكر شو بيستوي اذا خالد تم في غيبوبه لين يوم العرس..ونا ماقدر اكسر خاطر حمدان اذا اجلنا العرس..بس بعد اذا عرست شو بيقولون الناس...هذي ما تخيّل عرست واخوها مرقد ...لا ان شالله الله بيعافيه
أم سيف: شموم يالله بنتي بنبطي
شمه: ان شالله مريوم وين؟
مريوم :I'm her.... يالله اجهزتوا
شمه: خلصنا
مريوم: قوم خالوه بيوون؟
يزوي: لأ ماظن ...بييون هل ريل نواري..يعني قوم عميه
مريوم: يالوعة الجبد ..الله يعينج يا نواري
يزوي: الله يعيني انا
أم سيف: عيب عليكن هالرمسه
مريوم: زين خلاص
وظهرن البنات ويا امهن وسارن صوب اخوهن خالد وامهن اتصيح
شمه: اميه خلاص يعني كل ما بنسير عن خالد بتمين جذيه
مريوم:اميه خلاص بسج ترى والله اقول حق محي الدين يردج البيت
شمه: خلاص طموننا عليه وان شالله مافيه الا العافيه
أم سيف: خلاص بمسح دموعيه ..بس لا تلومنيه والله ولديه وماقدر اتحمل
شمه: والله حاسين فييج(ام سيف سكتت)
وصلوا المستشفى أم سيف و شمه كالعاده خطفت وتمت تسولف مع السستر المسؤوله عن خالد ..مريوم سبقتهن وسارت صوب حجرة خالد..وهي داخله مريوم طاح الكيس فنزلت عشان تاخذه وطاحت شيلتها فكان عادي عندها لان محد في الحجره غيرها ..طنشت ..لكـــن !!! كان واحد يالس ع الكرسي ومن شافها نش ..مريوم مانتبهت حق الريال
عبدالله وهو مبهت : السموحه الغاليه..
مريوم انصدمت اول ماشافت الريال لاوشحلاتني بعد عاقة الشيله يا ويلي من سواف ولبست الشيله واتغشت وصدت عنه وهي متروعه..
عبدالله ..وخلااااص حاس انه بيستوي شي غير هالحركات بينه وبين مريوم: السموحه مره ثانيه يالغاليه

مريوم: يالله انا كل ما اسيرمكان القاه في ويهي.. بس يخرب بيته ماشالله مش حلاة اللي عليه يجنن...خاطري اعرف منو هذا
أم سيف: بلاج يا مريوم متغشية ولا حد في الحجره
شمه: هههه ينّت بنتج
مريوم وبعد ما عقت الغشوه: حشا عليّه لاتفاولين
شمه:السموحه الشيخه
مريوم بدلع: بالحل
أم سيف: فديت ولديه
شمه: اميه ما خبرتج
ام سيف: هلا
شمه: ربيعتيه موزه...خطبووها
أم سيف: مبروك...منو اللي خطيها؟
مريوم: صدددق؟؟ منو خذها؟
شمه: مسلّم ولد عمها
أم سيف: هيه اللي كان خاطبنها من قبل
شمه: هيه
أم سيف: والله كان خاطريه آ خذها حق سيف ولديه....الله يوفقها ان شالله
شمه: ماشالله شكثرهن البنات ..انتي بس اختاري..
أم سيف: خاطريه في وحده...كنت بخطبها لخالد ...بس دام ما استوى نصيب بين موزه وسيف باخذها لسيف....بس ادريبكن انتن ما بترضن ابها
شمه: ما عليج قولي ونحن بنحكم
مريوم: لا افا عليج امايه قولي
أم سيف: حمده بنت عمكن
مريوم شهقت : شوووووووه؟؟ّّ
شمه: حمده ما لقيتي الا حمده...
مريوم: لا بالله دام ان السالفه فيها حمده ..هوّن سيف عن العرس..
أم سيف: بلاكن اشتطيتن ..انا قلت حمده يعني حمده ..رضيتن والا ما رضيتن
شمه: بس نحن ما نباها
أم سيف: لكن انا اباها..وبتسعد ولديه ان شالله
شمه: يعلها ساحق ماحق
أم سيف: عيب عليج لا تدعين عليها ..هذي حرمة اخووج
شمه: هييه امرررره ..من الحينه وتفضلينها علينا ..عيل شولو خذها سيف صدق؟
أم سيف: بخليها تاج ع راسي
شمه: اتخسي واتعقب الاهيه المعفنه
ام سيف وهيه معصبه: والله يا شموم ان سبيتيها مره ثانيه لأقص لسانج
مريوم: لا اله الاالله ..بسكم...نحن في الستشفى وفي حجرة خالد بعد
شمه وهيه مغيضه ع حمده بنت عمها ...وفي خاطرها .. حمده اللي عمرها ما كانت طيبه ..حمده المغروره اللي تشوف عمرها فوقالناس ..المتكبره اللي ما زد شفتها تحشم احد ...بيخطبووونها لسيف!!!! والله انها من اتشوف اميه تدلع وتسوي عمرها طيبه..اناادريبها والله اتحب سيف ..لكن لو تصيح دم قدامي ما برضابها حرمة لسيف عنبووها زاد...والا اميه من الحين تواقعنا ع شانها لكن والله يأميه ان ما خلتج تندمين ع اليوم اللي بغيتيها فيه..ماعليه..

 

[ضوى العيون]

عبدالله من ظهر من المستشفى وهو مش مصدق اللي شافه ...باربي عليها شو تجنن ..عيونها عيون خالد خشمها خشم سيف..ملامحها ملامح ابوها ..ويهها ويه القمر ..والله انها تجنن
**سرى فكري وخلق اللـــه نياما
سرج قلبي مشاعـــر وجد قلبه
جدى من هــو سلب فكري وشاما
وخطواتي سرت في ليل دربـه
كــثير الشــوق للـمغرم هيـــامــأ
متاهات وضياع وهم وغربه
طريقه صعب وعـــر وما يرامــا
ويبشر بالوهن من هو يمر به
جموح خيول ورماح وسهامــا
رموشه كنــها طعنات حربـــه
ضـــحايا نظرته يامــا ويامــا
ويحــلم من ترى يحــلم بقربـه
عيونه من نــظرها ما يـلاما
اذا منه نســى قوته وشربــــه
بديــع ووجنته تجلي الظلاما
ســطىقلبه على قلبي....وحبّـه
ام عبدالله: فديت ولديه الشاعر انا
عبدالله:تسلمين والله
أم عبدالله :وتعد قصيد ..ما قلتليه في منو؟
عبدالله: اعدّه في عرب عيونهم سود ووساع
ام عبدالله:ومنوهالعرب؟
عبدالله:امممم...لامابقولج
أم عبدالله : افا والله..انا امك وحيدتك مالك غيري في البيت هذا كله ...وماتخبرنيه؟
عبدالله: ههه..فديتج
أم عبدالله: انته تحب والا؟
عبدالله: امم...لا...تقريبا...اممم ..هيييه احب
أم عبدالله : ومنين لك اتعرفها؟
عبدالله:اناماعرفها
أم عبدالله: عيل؟
عبدالله: شفتها مرتين..والله انها ذبحتنيه
ام عبدالله: بسم الله عليك ..شو ذبحتك؟
عبدالله: بعيونها ..هههه
ام عبدالله: بنت منو؟
عبدالله: اخت خالد ربيعي
ام عبدالله:خالد بن محمد
عبدالله : هيه نعم
ام عبدالله: والنعم والله...خالد شخباره؟
عبدالله: ع حاله
ام عبدالله: الله يساعده ان شالله
عبدالله :الله يسمع منج..تراني ببات عنده اليوم بعد..
ام عبدالله : من متى مرد هو؟
عبدالله: من اسبووع تقريبا..
ام عبدالله: يحليله الله يساعده..وانته شد حيلك لا تقصّر فيه..
عبدالله: ى توصين حريص ..انا بسير ارقد انزين,,,وعيني عند آان العشا
ام عبدالله: ان شالله
في نفس الوقت كانت مريوم اتفكرفيه ..يجنن وخاطري اعرف منو هذا..كل ما سرت مكان لقيته في ويهي.. اممم مره شفته عند ابويه والحين عند خالد ...منووو هذا؟
أم سيف: مريوممم ..ياللهنشي
مريوم: ويــن ؟
أم سيف: بنسير بيّون ربع اخوج بيباتونعنده
شمه: حليلهم ماقصروا
أم سيف:الله يعطيهم العافيه
مريوم: انزين محيي الدين برا؟
ام سيف: لامنصور ولد خالتج بيوديينا
مريوم: انزين يالله
ام سيف سارت ولوت ع ولدها وحبته فوق راسه ..وطاحت عليه دمعه من دموعها:الله يقومك بالسلامه ياولدي..
في الدرب....
منصور: خالوه شخباره خالد؟
ام سيف: نفس ماهو يا ولدي ...ليش انته ما سرت له؟
منصور: امبلا ...ببات عنده اليوم انا وعبدالله
ام سيف: منو عبدالله
منصور: عبدالله ولد عيد
ام سيف: هيه يحليله هذا الريال...اليوم يوم نحن سرنا المستشفى كان هو ظاهر من حجرة خالد
(مريوم :طلع عبدالله ولد عيد...اسمييه اتغير وايد)
منصور: هيه والله يحليله ..كل يوم يودر امه وابوه ويبات عند خالد والله انه ريال ولا باقي الرياييل
ام سيف: الله يبارك فيه ان شالله
** في العين**
ام مانع: حيالله من يا...زارتنا البركه
ام مسلّم : الله يحييج .....وشحالج وشحال العيال
ام مانع: بخير وسهاله يسرج حالهم.. علوم شيبتج
ام مسلّم : الحمدلله احسن عن قبل..راح عنه الزكام
أم مانع: عسا دوم يكون بصحه
أم مسلّم الله يسمع منج
(النيره وموزه نازلات من فوق)
النيره: السلام عليج خالوه..
ام مسلّم: مرحبا مرحبا ..وعليج السلام
موزه: مرحبا الساع عمتيه...وشحالج؟
أم مسلّم: بخيير يعلج الخير..علومج حرمة ولدية؟
ام مانع: هههه..ايلسي موزه
موزه: الحمدلله ..اقربي عمتيه
ام مسلّم: عشان خاطرج بس بتقهوى...والا انا يايّه شبعانه
أم مانع: بالعافيه ان شالله
أم مسلّم: الصراحه انا يايتنكم بخطب موزه حق مسلّم
(في ميلس الرياييل)
مانع: والنعم الساع ..مسلّم ريال ومابنلاقى اخير عنه..
بو مسلّم: بارك الله فيك يا ولدي وكملك بعقلك ..هيّها وينك يا بو مانع ..تعال شوف مانع غدى ريال وشوره فوق شور الكل
مسلّم : الله يرحمك يا عميه(ويسمعون زعروطة الحريم ..كلوليييييييييييييييييييييييييييييش)
بو مسلّم: بدن بدن باليباب احينه
مانع: ههههه...حريم خلهن يستانسن
بو مسلّم : حشا يابوك صمخولنا اذنينا
مسلّم: ياااااااااااي..كششششخه...احس اني معرس هههه
مانع: خخخخخخخخخخخخخخخ ..السموحه ما بنزوجك بنتنا..وبعدين اللي يسمع يقول اول مره !!
مسلّم ومن سمع كلام مانع..خطف قدامه كل اللي صار بينه وبين موزه ..كأنه مستوي امس ..بس اللي محيرني من السالفه كلها..كيف موزه رضت؟
مانع: يالله تعالوا بنحدر عند الحرمات
مسلّم : يالله فوووقه
بو مسلّم: شووو ؟ مسلّم يالله يالله انثبر اهنيه ..الحين انته معرس!! اثقل شويه.......اليوم عروسك ما بتشوفها
مسلّم: لاااااااااااااا..ليش؟
بو مسلّم:كيفي ... خلك هنيه ( وظهروا )
مسلم: تم يتحرطم... والله شو ها؟؟عروسي ماخليتوني اشوفها...عنبو احينه معرس اثقل ليش انا من متى شفتها عشان تحتشرون عليه آخر مره شفتهايوم واقعتها يعني في ملجة مانع شو هذا قسم بالله..انا لو بيديه.. وبلصق فيها وما عليه من حد...( كان مسلم صاد عن الباب)
ام مسلم: مسلم ولديه بلاك تتحرطم؟
مسلم يوم صد صوب الباب يبى يرمس امه ماقدر شاف موزه حذال امه اسطن ..من زمااااان ماشفت موزه وهي متعدلتلي لكن من اليوم وساير بشوفها دوووم...
ام مسلم : هذي عروسك...يبتها لك ...استانس ..( وسااارت...)
مسلم تم يشوف موزه وهب طايع يشل عينه عنها: موزه تعالي ايلسي...
موزه يلست عند اول كنبه صوب الباب
مسلم نش وسار يلس حذالها
موزه: انا يالسه في اخر الميلس عشان مايلس حذالك...
مسلم " وهو مبتسم ": بس من اليوم بكون دوم حذالج...
موزه: ماعتقد..اكيد بتسويبي نفس اول مره... بتغازلنيه وبتخليني احبك اخلاف بتودرني....
مسلم " بعده مبتسم": مابرد عليج..لانج تبيني اسمعج كلام هب من قلبي..(سكتوا)
مسلّم: امممم بلاج ساكته؟
موزه: انا اريد اسألك سؤال..ممكن؟
مسلّم: آمري..
موزه: انته ليش ودرتنيه؟
مسلّم: وهذا اللي كنت ابى اقوله (تنهد) بس قبل كل حرف بقوله اباج اتعرفين اني من يوم انولدت لين دقيقتي هذي وأنا " احيج" ولا فكرت انساج.. اما ليش فصخت الخطوبه..عيل والله اني كنت حاس اني مش قادر ع اني اتحمل مسؤولية بيت ..وبعدين كيف آخذج وانا بعدني اخذ معاشي من امي وابوي .....لكن الحمدلله انا الحين كونت نفسي واستويت بزنس مان احم احم ...هذا كله عشانج
موزه: انزين وليش ما فهمتني ...اصلا كنت تقدر اتخليني خطيبتك؟
مسلّم: قلت يمكن اييج واحد احسن عني......
موزه: واتقول انك تحبني....؟؟؟وانته تنازلت عني؟
مسلّم:ونا ابغيج تتهنين في حياتج
موزه: ومنو قال اني بتهنا؟
مسلّم: بعد ماتدرين ...ربّــج
موزه: اصلا هنوه من دون مسلّم مابغيها
مسلّم استانس ..الدنيا ماقدرت اتشله من كثر الفرحه: هااه عيدي؟؟
موزه: ههههه ...الله يغربل ابليسك
مسلّم: فدييييت هالضحكه ...من زمان ما شفتج تضحكين
=====================

 

[ضوى العيون]

اما في بيت قوم بو سيف....
بو سيف: هاه بنتيه بتسيرين ترقدين؟
حصوص: هيه ابويه ..بغيت شي؟
بو سيف: لا فديتج برايج
حصوص : تصبح ع خير
بو سيف: وانتي من اهله
دشت حصوص حجرتها وهي متحرقصه ...ذابحنها الفضول تبى اتعرف سعيد شو كاتب لها في الرساله ..مادري كيف ما قدرت افتحها من يومييين خلني افتحها احسن..فتحت الرساله لقت مكتوب:
بسم الله الرحمن الرحيم
حصه....
مشكورة ع الكلام اللي طرشتيه مع ميثه... وانا قصدي شريف ما يعلم به غير الله سبحانه وتعالى....
*** لا تكتب همومي وترسم عذابـــي..وانا تركت الناس واخترتك انته
قلبي فتح لعيونك السود بابــــــي..من عقب مافي ويه غيرك علقته
لا تقول معلن في الغرام انسحابي...وانا لــجل حـــبك فؤادي فتحته
حبك خطف قلبي وضيّع صوابـــي...واضـح لو عنك شعوري كتمته
والله لو تـــعلم بـــحب عذابــــي... ان جان عمرك لجل عيني نذرته
لكنني مخفي عن الناس مابـــي..والحب ترخص جيـمته لو نشرته
مع كل الغلا والحب:
سعيد...
*** في بوظبي***
الساعه ثنتيت فليل كلهم رقود ....وتلفون الصاله بينفجر من زمان يرن ومحد يرد عليه..وام سيف مب قادره ترقد عن الحشره ....ظهرت الصاله وردت ع التلفون
أم سيف: ألو؟
منصور: خالوووووه..خالد
أم سيف وهي خايفه: بلاااه خالد؟
منصور وهو منهار:خالــوه...خالــــ...........(انقطع الاتصال)أم سيف في ذيك اللحظه تفكيرها مش معاها ..تفكيرها مع ولدها خالد اللي يمكن صابه شي..ليش منصور جيه سوابها ليش ماقال لها خالد شو فيه ..آه ياقلبي انا ماقدر اتحمل مستحيل ايلس في هذا البيت دقيقه وحده وولدي مادري شو صاير له هناكي..سارت ام سيف وخذت عباتها وظهرت من البيت..كان سلطان توه ظاهر من الميلس اللي برع..فشاف حرمه تمشي في حوشهم سايره صوب الباب الخارجي...تم يفكر منو هذي الحرمه اخلاف زقرهاشلطان: حوووهام سيف ماسمعت سلطانسلطان سار صوب الحرمه وهو يزاقر: حوو...ام سيف سمعت حس حد فصدت اتدور منو الا واتشوف سلطان في ويهها: سلطان الحقنــي ياولدي ..اخوك اتصل ابيه وتم ايقوليه خالد واخلاف سكر..خوفيه ولديه في شيسلطان ارتبك من كلام خالته لان خالته شكلها مايسر : انزين خالوه انا الحين بوديج بس خلني البس كندورتيهأم سيف: لا خلك بوزارك وفانيلتك..انته تتأخرسلطان: خلاص ان شالله ..يالله تعالي اركبي............سرحوا** في المستشفى**الدكاتره كلهم متيمعين عند خالد ..خالد اللي قلبه ماعاد ينبض ..اللي من نص ساعه يحاولون معاه لكن!!!! برع الحجره عبدالله ومنصور مختضييين فوق وتحت وقالبين المستشفى يتريون الدكتور يطلع من عند خالد ع نار...عبدالله: والله اني خايف عليك ياخالد ..الله يسهّل عليك ويقومك بالسلامه ان شالله(كان عبدالله يردد هالجمله فوق المية مره ساير راد محتاس ع ربيعه اللي عمره ما ودره في وقت الشدايد ...اما منصور يقرا كتيّب كله ادعيه وايات عسى الله يشفي خالد والله يفرجها عليه ....ما خطفن دقايق الا سلطان وخالته في المستشفى..أم سيفوهي تزاعق: منصور..منصور..يامنصور..بلاه ولديه خالد خبرني..سلطان: منصووور بلاه حالك كذيه ..خبرني شو صار ع خالد(ولكن منصور ماطاع يصد صوب خالته ولا صوب اخويه يخاف دموعه لا اتخونه اكثر) سلطان صد عند عبدالله وقاله نفس الكلام ولكن عبدالله هو الثاني ماقدر يرمس..أم سيف: ياويل حاالي عليك ياولدي..الله يشفيك ان شالله ..وبعد ربع ساعة بالضبط ظهر الدكتور من حجره خالد...منصور ربع صوب الدكتور: دكتوور بلااااه خالد..عبدالله وسلطاان: دكتووور ارمسأم سيف كانت واقفه بعيد عنهم ومتسانده ع اليدار وقابضة الكرس بقوو تتريا الدكتوور يرمسالدكتور وهو قابض كتف منصور: الحمدلله على سلامة اخووك يابني (وابتسم)منصور من سمع كلام الدكتور يلس ع ركبته يتحمد ربه ....اما عبدالله لوى ع سلطان اللي حس ان اليبل اللي كان متحملنه انزاااح ...وام سيف اتخبلت ..الدنيا ماقدرت اتشلها من الفرحه ..أم سيف: يادكتور نقدر ندخل عنده..الدكتور: دالوأتي ما تقدروش ..عاوز ساعتين يرتاح فيهم..أم سيف: ينفع الصبح انييه ؟الدكتور: ايوه...عن اذنكو ...مع الف سلامهسلطان سار لوى ع خالته واتحمد لها ع سلامة خالد ..ومنصور شل بعمره وسار غسل ويهه عشان يسيرون البيت ويردون الصبح...في البيت مريوم كانت واقفه في الحوش ويا اخوها سيف يدورون عن امهممريوم: هزرك اميه وين سارت في هذا الليلسيف: وانا شو دراني ..دورتيها في كل مكان متأكده؟مريوم: هيه اقولك ..ما خليت مكان الا ودورتها فيهسيف: خلني بتصل في سلطان بتخبره(شوي الا وتدخل البيت سيارتين ..سيارة سلطان وسيارة عبدالله..وميروم وسيف بعدهم واقفين في الحوش وما انتبهوا حق عبدالله..سيف شاف سيارة سلطان وشاف حذاله وحده مبرقعه وارتاااااح..اما مريوم سارت صوب السيارة وفجت الباب...مريوم: اميه وين سرتي؟؟أم سيف: .....................مريوم اترمس سلطان: انته وين وديت اميه من دون ما اتقول لنا؟نزل سلطااان من السياره وهو يصااارخ: ياناااااااس يا عاااااااااااااالم خاااااالد نش من الغيبوووووووبه سيف واول ما قال سلطان هالجمله فرح وسار صووب سلطان: قوول واللهسلطان: والله سيف: قووول قسم باللهسلطان: واللــــــــــــــه العظييم سيف: متى وكيف؟سلطان: توه الا من ساعه قبل شوي كنا عندهمريوم ربعت صوووب سيف ولوت عليه وهي اتصيح ويت امها وقفت وياهم ولوت عليهم الاثنينه"سيف ومريوم"وكلهم يصيحووون وعبدالله كان واقف يشوفهم ويحمد ربه ع انه خالد ما استوا به شي يخرب فرحة اهله الطيبييين والله يسعدهم طول عمرهم ان شالله..سلطان انتبه لعبدالله يشوف قوم سيف..سلطان: حياك عبدالله في الميلس..عبدالله: لا فديتك مشكوورانا بسير احينهسلطان: افا واللهعبدالله: دام ان خالد صحى والحمدلله بسير عند شوابي يبوني..سلطان: السمووحه والله عبلنا عليك ..والله يخليلك شوابك ان شاللهعبدالله: مسموووح فديتك والله ييسمع منك ان شالله...فداعت اللهخوات سلطان سمعن الحشره برع جان ينشن متخرعات...يزوي اتشوف نوره ع الدري بتنزل: بلاهم نواري؟؟نواري بخوف: ماردي والله ..تعالي يالله بننزل ..."نزلن البنات وشافن امهم توها ظاهره من حجرتها"أم منصور: الله يستر عسى ما من شر نواري: ان شالله ......وظهرن برع ..وشافن ام سيف اتصيح وسيف ومريوم نفس الكلام كلهن قلوبهن دقت بسرعه تحسبن شي مستوي في خالد ....سارت ام منصور صوب اختهاام منصور وهي زايغه: بلاج فديتجأم سيف لوت ع اختها بقووو وبعدها اتصيحام منصور فهمت شي ثاني وتمت اتصيح هيه الثانيهنواري سارت صوب اخوها سلطان وقبضته واتصارخ عليه بخووف : خالد بلاه...خالد بلااااه؟؟سلطان بكل برووود: فديييت خالد والله ...نشششش من الغيبوبه..نواري اتصيح وهي مستانسه لوى عليها سلطان وهو يهديها...اما لويزي اتيبست مكانها واتصيح من فرحتها ع ولد خالتها وفي خاطرها" فديييتك ياربي خالد ...لا نهاري نهار ولا ليلي ليل من غيابك"...اما ام منصور صح انها تمت اتصيح لكن ماتبى اتعب اختها واتخليها اتصيح اكثر فمسحت دموعها..أم منصور: ام سيف فديتج بسج ..بدل ما تتحمدين ربج تيلسين اتصيحين؟؟؟أم سيف:.........................أم منصور: يالله نشّي اغسلي ويهج (وتوها نازله شمه من فوق)شمه: بلاااااكن كلكن اتصيحن..شو مستوي ؟سلطان ضحك من خاطره : ماشي يالعروس ..بس خالد اخوج نش من الغيبوبهشمه ودمعن عيونها:جذااااااااااااب ..قول والله متى وكيفسلطان: والله قسم بالله ذليتوني تراكممنصور: هيه ما يكذب عليج...(يرمس سلطان)شوف شوف الحين هاي بتصيح بعد...سلطان:اكيييد مبيّن اصلنشمه وهي مستااااانسه ولا صاحت: فديييييييت اخويه حبيبي..يالله ودوني عندهمنصور: مب جنها ما صاحتسلطان : هيه اتصدقمنصور: ماصدقشمه: ودوووووني عنده والا بصيحسيف: فدييييتج شمووه ....ان شالله الصبح كلنا بنسير

 

[ضوى العيون]

ومن فرحتهم كلهم ....محد طاع يرقد..الرقاد طار عن بالهم كانوا كلهم ياليسين يسولفون في الصالة....
سلطان: الا انتوا ما شفتوا مريوم...سوت فلم هندي...
منصور:أي فلم هندي....يحييه الفلم عنها..
مريوم(وهي تتطنز) :هههه...تضحكون وااايد..
سيف(وهو يضحك) : انا محد ضحكني كثر نواري قلبها شوي ويطيح بين ريولها...
منصور:والله انكن يالبنات تحفه..
نواري:احمدو ربكم ما كنا وياكم في المستشفى.. والا براويكم..
مريوم:اسمينا بنطيح طيحه فيكم..
يزوي:الااا؟....
سلطان: اصلا الوحيدة الرياله فيكم شمه...
شمه:احم احم...
سيف: لازم هاي اختيه..
مريوم:شو قصدك يعني...؟؟؟؟نحن مب خواتك؟؟؟
سيف:امبلا....اووووووه ذكرتوني...حصوص وبويه محد اتصل ابهم..؟
ام منصور: صدقك يا بويه قم اتصل ابهم..
ويوم سيف يتصل...............
ام سيف:انته ينيت؟؟شو تتصل شو الساعه 3,30 الفير...بيزيغوون وبعدين ابوك مايعرف يسووق..
سلطان:خلاص انا عندي لكم بشوور..
سيف:هات اشوف..
سلطان:نشل بعمرنا انا وانت ونسير انييبهم...
ام سيف: والله زين..
ام منصور:والله فكره حلوه..
سيف:خلاص تم..
منصور:انزين شو تتريون؟؟ههه.....
نواري:افاااا طردة...
منصور(وهو يستهبل) :تقدرين اتقولين
سيف:انا بسكت عنك لاني محترمنك..هههههه
سلطان(وهو يقلد منصور) :"شو تتريون" لعنبو ذا الوييه...
منصور: احترمني انا اكبر عنك...
سلطان: السموحه الشيخ...وحقك على راسي..
سيف: يالله سلطان شد الهمه..اوقف وقفة العسكري الصح ...ايوووه...انفخ صدرك..لليمين در..
سلطان صدق السالفه وخطف بس قبل عن يظهر راح وحب امه وخالته...وسيف شراته خطفوا واتوكلوا....
@++وفي الدرب++@
سلطان:فديت خلود والله...
سيف:الله يعافيه ان شالله.
سلطان:سيف..
سيف:عونك....
سلطان:انا بتخبرك...بتقول لي الصراحه؟؟
سيف (حس ان سلطان جاد) :قول لي شو عندك..؟
سلطان:من متى وانا في خاطريه هالشي..
سيف يتريا سلطان يرمس..
سلطان:والا اقولك ماشي...
سيف:عيل والله اتقول لي اللى بخاطرك..
سلطان:لاا...مافي شي فخاطريه
سيف:متأكد؟
سلطان:نعم متأكد...
(وصلوا الشباب العين..نزل سلطان من السياره وهو يمشي بكل ثقة)..
سيف:وين وين الرياال؟؟؟
سلطان(وهو يشوف سيف..مستغرب) : داخل بعد وين؟
سيف:هههه...ماخذ ملقب انته ومشيتك هاي....اصبر بقى دقيقتين عالاذان ابويه بيظهر..بنصلي وياه اخلاف بخبره...
سلطان:وتباني اتم دقيقتين برع؟؟
سيف:عنبو ذا الراس قلنا دقيقتين هب ساعتين..
سلطان(بدون قصد) :آآآخ لو تدري انه هالدقيقتين عندي ساعتين...
سيف: بلاك تهذرب انته؟؟؟
سلطان:ههههههه...ماعليك منيه تراني مينون...
سيف:هههه..انزين قول لي.الحينه انا بيخطبولي..ومنصور بعد بيخطب....وخالد نفس الشي...بس انته ما قد سمعتك طاريك فهالسوالف...
سلطان ويشوف سيف وفي خاطره "والله لو اختك توافق جان اليوم العرس بس انا اترياها لين ما تخلص وخلاف مب برضاها غصبن عنها باخذها"..
سيف:بلاك تشوفنيه جذيه...اعوذ بالله من هاي النظره...
سلطان:هههه..لا فديتك....بس اصبر 8 شهور وبتسمع ان سلطان عرس...
سيف: ان شالله..
وسمعوا الشباب الآذان ورددوا وراه...
سلطان(وتوه مخلص من الدعاء) :ها شو ندش والا؟؟؟
سيف:اتريا خل ابويه يظهر من البيت...
سلطان:انزين قم بنسبقه المسيد...
سيف:يالله..
ساروا الشباب المسيد وسيف يتريا ان يوصل ابوه ويرمسه ويخبره عن خالد..عشان يفرحه مثل ما فرحوهم..وسلطان في باله حصوص....آآآخ يا حصوص لو تدرين كم ذبحني الشوق....خلصوا الشباب الصلاه.....وظهروا من المسيد لكن سيف ما شاف ابوه وباب البيت مسكر بعده...يعني محد ظهر..اتروع سيف على بوه وعلى اخته...خوفه لاستوابهم شي ومحد يدري...سار هو وسلطان صوب الباب يدقونه من ربع ساعه ومحد فتحه..
سيف (وهو يتنافض) : حوووو سلطان...ظنتيه شي صار لهم...مب من عوايد ابويه يترك صلاته...
سلطان(وهو بعد مرتبك) : لا يا ريال...خلني بعفد سوركم...
سيف:مابتروم....اصبر بهرن بالسياره عسب يظهرون..
سلطان:انته منيون....وماشي ييران حذالكم؟؟؟
سيف:اوووه...والحينه شوه؟؟؟
سلطان ساكت ويفكر شو بيسوون...
سيف:الله يعين والله...نفتك من وحده تيينا الثانيه....
سلطان :فرقت خشمك تيلس تفاول انته بعد..تعال ليش ما تتصل حق حصوص...
سيف:اتصلت محد يرد...
سلطان:ما عندها موبايل صح؟؟؟
سيف:لا....
سلطان: انزين موبايل الشيبه...
سيف:احيد ابويه تلفونه دوم مغلق...
سلطان:انته جرب شو بتخسر؟؟
جرب سيف وتصل حق ابوه بس الموبايل كان مغلق..
اشويه الا يشوف سياره ابوه داشه الحاره...نزل بوسيف...
بوسيف(وشكله تعبان) : السلام عليكم...
سلطان وسيف:وعليكم السلام...
سيف:ابويه الله يهداك وينك انته من متى ونحن نترياك؟؟
بو سيف(وهو خايف) : ليش فديتك شي استوى بخالد؟؟
سيف (وهو مبتسم) : بويه...خالد نس من الغيبوبه..
بو خالد استانس ع الخبر وتم يحمد الله ع سلامة ولده...ودمعت عينه...
سيف:خلاص يابويه ماله داعي لها هالدمووع..
سلطان:شحالك عميه؟؟؟
بو سيف(يتنهد) : والله حاليه لا يسر عدو ولا صديق...
سيف: رب ماشر ابويه..؟؟؟
بو سيف:والله اختك توها الا ترقدت فيها...هاذي الدودة الزايدة مادري شوه...
سلطان:حصووووووووص!!!
بو سيف:هيه والله..وباجر عمليتها...
سيف:لاحول ولا قوة الا بالله...الله يكون في العون ..
بوسيف: والله انها كسرت خاطريه...بالها في امتحان اليوم..
سيف:ومن متى هالكلام ؟؟
بو سيف:الساعه وحده فليل كذيه ها....وتوني راد والله تعبان...
سيف:خلاص بويه..رح ارقد..وانا وسلطان بنسير صوب حصوص ..
بو سيف:يزاكم الله الف خير (ودش البيت)ما بتدخلون ياعيالي؟
سلطان: سلمت عميه ..مشكوووور مستعيلين بنسير صوب حصوص..
سيف: القوم القووووم..شعنه مستعيل؟ احيدها ختيه هب ختك
سلطان: يارياااال "الدم ما يستوي ماي"هههه
سيف: يا هالدم اللي ترمس عنه..حشا ماصارت!!ههههههه
سلطان:لاتتحرطم..ويالله ..فداعت الله عميه
بو سيف: الله يحفظكم

 

[ضوى العيون]

اروا سيف وسلطان المستشفى صوب حصوص.. ودش سيف وسأل الحرمه اللي في الرسبشن عن حجرة حصوص..وخبرته ...وسار سيف صوب الحجره
سيف ويدق الباب بس محد فتح له
سلطان: شو يعني بتّم واقف هنيه؟
سيف: اكيد لا ...بدش (ودش سيف لكنه ما كمل اكثر عن عشر ثواني وظهر)
سلطان: بلاك؟ليش ظهرت؟
سيف وبعده مبهّت...
سلطان: سييييف ...بلااااااك؟
سيف: هههه استغفر الله يارب تسامحني ماكان قصدي...يارب انك تسامحني استغفر الله استغفر الله ههه
سلطان : !!!
سيف: دشيت على وحده بالغلط ..اخطف اخطف عن نتصفع
سلطان: خخخخ شرررده
ورجع سيف مره ثانيه صوب الرسبشن وسلطان قال بيترياه عند الكراسي..
الحرمه: انت تريد حصه محمد مبارك والا حصه محمد سيف؟
سيف: حصه محمد سيف
الحرمه: اهااه..هيه في حجره رقم 12
سيف: مـتأكده؟
الحرمه: ههه ..اكيد خيوو
سيف مبتسم: مشكووره
الحرمه..لحه لحظه لو سمحت (وقف سيف) ابتسامتك جميله ..خليها دايمن على وجهك..
سيف حمر وابتسم مش عارف شو يقول: تسلميين ..وخطف صوب سلطاان..وهم يمشوون
سلطان: هاه العود بلاك ياي متشقق ومحمّر ؟
سيف: صدق ابتسامتي حلوه؟
سلطان: ههه منو قص علييييييييييك؟
سيف وطالع سلطان بنظره: اصلا من سألك عشان ترمس
سلطان: خخخخخ
سيف: يالله هذيه الحجره ..خلنا ندش(ودش سيف ..كانت حصه مقابله الدريشه ومعقصه شعرها ومب لابسه شيلتها ولابسه بيجاما ومانتبهت عليهم لكن صدت صوب الباب وشافتهم...سلطان من شافها لفت صوبهم ظهر برع
حصوص: صدق ما تستحوون ليش مادقيتوا الباب؟
سيف: اشدراني انج كذيه بتكونين
حصوص: انزين بتلبس الشيله ارجع مره ثانيه..بعد دقيقه
سيف: خخخخ..اوكيك
(بعد دقيقه)دق سيف الباب
حصوص: ادخلوا..شو تتريوون
سيف وسلطان: السلام عليج الشيخه
حصه كانت مستحه من الحركه اللي استوت بينها وبين سلطان بس اخر شي قالت عادي بيعيها بخساره ياحصوص: وعليكم السلام والرحمه..مرحبا ...ولاكم الساع
سيف: من رحب لهااان
سلطان: شو هاي بعد ولاكم الساع يديده ..خخخخ
حصه: انته شدراك دمج بين لغتييين
سلطان : اهاا ya ya ofcours ofcours =====<وهو يتمصخر
سيف: وشحالج اختيه؟
حصوص: ابخير وسهاله ..اخبارك الا انته؟
سيف: يسرج الحال ولا يضرج
سلطان: وانا مالي رب
حصوص:والله انته اللى ياي عندي...يعني انته اللى لازم تتخبرني
سلطان:اوهوووو..شحالج؟؟
حصوص:الحمدلله بخير وعافيه..
سلطان:ليش ما تسأليني؟؟
حصوص:لا لا ما بسألك...
سلطان:ليييش؟؟
حصوص: كل ما تخبرتك قلت لي بخير دامج ابخير...
سلطان:ههههه...حفظتي الموال يعني..
حصوص: هييه...والا انتوا هذي علومكم؟؟
سيف:بالتمام والكمال..انزين شو قالولج فيج الزايده هاه؟؟
حصوص: لابسم الله عليه...اونهم شاكين..وقالوا بيرقدوني لين مادري شو
سيف: يعني مطوله؟؟
حصوص: مادري...السموحه والله ما قهويتكم ولا شربتكم شي...اليوم اليوم مترقده
سيف:اونها مسويه عمرها عيوز...فرقت خشمج ترانا خوانج..
سلطان:لا منو قال انا اخوها....؟ ..انا ولد خالتها...
سيف: بس بحسبت اخوها...
سلطان: لا اسمحلي انا اخو حصوص؟؟؟ لا لا اسمحلي
حصوص: بسكم فكونا..قذيتونا..ما ريتوا ابويه ع دربكم؟؟؟
سيف: امبلا ..عند الباب وقال لنا انج في المستشفى
حصوص:انزين ما قلت ليه...منو يا معاك العين؟؟
سيف: هذا الدعله ما غيره...
سلطانك انا دعله يالخديه
حصوص:اففففففففففف...يايين بيصقعون لي راسي...اتعرفون شي اثنينكم برع..
سيف:افا والله افا...انا اتقولين لي برع..؟؟
سلطان وهو يقلد سيف: افا والله افا..انا اتقولين لي برع...(وشوي ومايحس غير قوطي الكلينكس يضرب ع راسه
سيف:اتقلدني يالزقت هااااااه؟؟
حصوص:بسسسسسسسسس اقولكم...
سيف:حاضرين للطيبين..سلطان بس اصطلب...
سلطان:ان شالله...(وسكتوا خمس دقايق)
حصووص وهي ناقعه من الضحك عليهم:نيههههااااااااااي تدرون ان اشكالهم تضحك
سيف:هههه....والله سلطان اللى شكله يضحك
سلطان:ههههه..براويك يالطفس...
حصوص(تتمصخر) : لو سمحت لا تسب أخويه ..انته الطفس انزين
سيف:عاااشت حصووص..زياده
حصوص:والمفروض تحترمنا انزين مب اتسبنا
سيف:سمعت كلام شيختك والا أعيده؟؟؟
سلطان مبهت: بل انا شو قلت أحينه بدال ما تدافعين عني تدافعين عن سيف؟؟؟
حصوص:انا واخويه ع ولد عمي...بس للاسف انته ولد خالتيه...
سلطان:والله مش منج منى انا اللى متعبل وصاك درب بوظبي عشانج...صدق ما تستاهلين...(وشل عمره عسب يظهر برع)
قبضه سيف من ايدينه:حووووه بلاك اشطتيت عليها...تمزح معاك...
سلطان:كذيه تمزح ها.....الكلام ظهر من خاطرها..
حصوص منصدمه ما تعرف انه سلطان استوى حساس لهذي الدرجه وبعدها مب مستوعبه السالفه:؟!؟؟!
سيف:يالله عاد سلطان....اونه بعد..
حصوص:بو قلب حساس...ايلس ايلس
سلطان: تتطنزين بعد هاه؟؟؟بتشوفين...
حصوص: لا والله ..انا......(وحد يدق الباب)
الدكتوره:السلام عليكم
سلطان وسيف:وعليكم السلام
الدكتوره:شحالكم؟
سيف:الحمدلله تمام الله يسلمج انتي شحالج؟؟
الدكتوره:زينه...حصه شحالج؟؟
حصه:الحمدلله..
الدكتوره: خف الالم والا بعده؟؟؟
حصه:خلاص انعدم...بس شطووونه يعورني
الدكتوره:هه...منو خوها فيكم؟؟
سيف:انا اخوها...خير في شي؟؟
الدكتوره:لا بس بغيت اقولك ان خلاصنا من الفحوصات..وتأكدنا انا اختك ما بلاها شي...بس بعطيها دوا خلها تأخذه كل يوم الصبح وقبل لا ترقد فليل..
سيف : ان شاءالله
الدكتوره: الحمدلله على سلامتج يا حصه ..مع السلامه
سيف: فداعت الله (وظهرت الدكتوره)
سلطان: الحمدلله على سلامتج
حصه: الله يسلمك
سيف: خلاص حصه انا وسلطان بنسير انييب الورقه ودواج وبنرجع..
حصه: خلني ألبس عباتي
سيف: فرقت خشمج ييتي بالبجامه
حصه: هيه والله يالقفطه ..
سيف: ما عليه ..براويج انا
حصه: خخخخ تمام عيل
ظهر سيف اييب الورقه وطبعا ما نسى يبتسن حق الحرمه اللي ف الرسبشن(صدق عمره الريال)
** في بيت ام مانع**
أم مانع يالسه اتشوف اخبار الجزيره في الصاله ومب منتبهه حق التلفون ...تيي البشكاره من صوب المطبخ
سيزيتا: ماما آنسر ذا فون؟
ام مانع ومب فاهمه عليها: هيه هيه
سيزيتا: ألوه..وأليكم سلام..ماما..لحظه وحده (وتكلم ام مانع) ماما تلفوون
أم مانع: هاتيه (وبعد ما قبضت التلفون) السلام عليكم
أم سيف: هلا وعليج السلام والرحمه
ام مانع وهيه مستانسهك مرحبا مرحبا ملايين في ذمتيه ما يسدن
ام سيف: مرحب باقي فديتج..وشحالج؟
ام مانع: يسرج الحال ولا يضرج ...عاش من سمع صوتج
ام سيف: عاشت ايامج فديتج .. مشغوله والا شي؟
ام مانع: لا والله اني فاضيه ...علوم ولدج خالد؟
ام سيف : فديت ولديه والله ..نش من غيبوبته اليوم
ام مانع: واللــــــــه؟ الحمدلله الحمدلله ..عسى الله يحفظه الكم ان شالله
ام سيف وهي اتصيح: الله يسلمج فديتج
ام مانعك شعنه الصياح انزين؟
ام سيف الله ان الدنيا مب شالتني من الفرحه ..انا من سمعت الخبر انتفض قلبي والحمدلله الحمدلله ان ولديه نش من غيبوبته بس والله اني امنّي خاطري في شوفه فديته (تقطع عليها ام مانع)
أم مانع: الحمدلله عل سلامته ..اشكريه واحمديه
أم سيف: الحمدلله الحمدلله ..خلاص عيل فديتج انا داقه افرحج
ام مانع: يعلم الله اني فرحت من خاطريه ..الحمدلله على سلامته
أم سيف: الله يسلمج غناتي..سلمي على العيال
أم مانع: يوصل ان شالله فداعت الرحمن
أم سيف: فداعت الله

 

[ضوى العيون]

وام مانع من سكرت عنها ام سيف وهي اتفكر في المرحوم ريلها ..لكنها فرحت فرحة ما يعلم بها غير الله سبحانه وتعالي
موزه نازله: أمــــــــايه ..أحبـــج
أم مانع وهي مبتسمه حق بنتها: حتى انا فديتج ..وصلني خبر يطير من الفرح
موزه: وشو هو؟؟؟ فرحيني معاج
أم مانع: خالد ولد محمد نش من غيبوبته
موزه وحركه لا اراديه اتصارخ مب مصدقه: ياييي الحمدلله الحمدلله ..وهي مستانسه هي ماكان قصدها شي من الحركه اللي سوتها بس استانست لان فرحة شمة من فرحتها ..ثنتيناهن على قلب واحد ..كل ما يستوي شي يفرح موزه يفرح شمه وكل شي يزعل موزه يزعل شمه والعكـــس
أم مانع: بلااااج ؟؟؟ اثقلي
موزه: امايه انا مستاااانسه يعلني فدا شمه ..بتصل ابها
ام مانع: سلمي عليها
موزه: ان شالله
** في درب العين – بوظبي**
في السياره حصه يالسه مع ابوها ورا...واخوها وولد خالتها سلطان قدام..والصمت كان يسود السياره لين ما نطق بو سيف..
بو سيف: تستاهلين سلامة خالد يا بنتيه
حصه وهي مستغربه : شوووووه؟؟؟
سلطان: قصده عمي سلامتج سلامتج
حصه: لا بس كني سمعت اسم خالد
بو سيف هو بعد مستغرب: ليش ما قالولج ان اخوج نش من غيبوبته؟
حصه وهي فاجه عيونها وحلجها: شوووه ؟؟ اخويه؟؟؟ قولوا والله قولوا والله ..وليييش ماحد خبرني ..يالسبلان سواااف وسلطووون!!!!
سيف: خخخخ كنا نبى نسويلج مفاجأه بس ابويه خربها
حصه معصبه: مفاجأتكم مثل خشششمكم..وانت يا سلطان والله اني براويك .."خايف عليك" هاااه ؟ وشافته بنظره (كانت تقصده اهداءه)
سلطان: هههههههههههههههههه مالت عليج احمدي ربج اني صارحتج
سيف: شوو مستوي..؟؟؟!!!
حصه: اتخبر ولد خالتك العزييييز
سيف: شو مستوي سلطان؟؟
بو سيف: نزلني يا ولدي هنيه قرب هذا المسيد ..بدش الحمام
سيف: ان شالله
سلطان حمد ربه انه ابوه قال بينزل والا كان بينفضح عندهم كلهم ..آآآآخ منج يا حصووووص ..ماحد يقولج شي...واتعاير بعد ما عليه ماعليه...رن تلفون سلطان وطلع التلفون من جيبه ولكن كان الرقم غريب...
سلطان :ألـــوه؟
المتصل: ---------------
سلطان: ألووه ألوووه
المتصله: يعلني ماخلا من هالصوت ياربي
سلطان منصدم: منو معاي؟
المتصله: قلت لك بييب رقمك يعني بييبه...ويبته
سلطان وهو مغيض من اسلووبها: ولا والله ....انزيين انته يبت الرقم بس ما خبرتني منو انته؟
المتصله: اممم انا ...قلبـــــــــــك وروحك وعقـــــ-----
سلطان قاطعها: اتخسي واتعقب الا انته يالهرم (كان سلطان يرمسها ع ساس انها واحد علشان حصوص ما تاخذ فكره عن سلطان..والا هو عند سيف عادي)
المتصله: الظاهر حد معاك؟؟
سلطان: اتصل بي اخلاف نص ساعه ..داق خط بوظبي
المتصله : فدييييتهم فدييتهم اللي داقين الخط ياربي..شوي شوي على عمرك
سلطان: فداعت الرحمن..
سكر التلفون في ويهها لكن اللي ما كان يعرفه سلطان ان صوت البنيه كان ينسمع وكل شي استوا بينهم كان ينسمع وواضح وضوح الشمس..سيف ما رمّس سلطان عن الموضوع ولكن حصه اللي تلعثم لسانها من سمعت حس البنيه واسلوبها مع سلطان...هل معقوله انه سلطان يرمس بنات....كيف يرمسهن وهو يحبنــي؟؟؟وانا ماعرفت انه يرمس بناات غير يوم اكتشفت اني أميل له؟؟؟ فرقت خشمه قص عليه...كان يلعب عليه ..ما عليه الهرم يلعب ع بنت خالته صدق انه ما يستحي ..لكن والله دواك عندي ياسلطان ..ان ما خليتك اتشوف نجوم الليالي ف النهار ما كون انا حصه بنت محمد...وحملت دموعها
بو سيف بعد ما ركب السياره:يالله توكلوا يا عيال....
سيف : ان شالله ....
كان سلطان ايفكر في منوه هالبنيه اللي داقتلي والله انها وقحه ما تستحي...والا انتوا كيف ترمس كني ربيعها صدق ؟؟؟ بس اخ يالقهر اريد اعرف من وين يابت رقميه وانا بأدب اللي عطاها الرقم ...والله اتشوف...بعد كل هالتفكير ..فكر في حصوص يوم شافها في المستشفى ..اول مره من اربع سنوات يشوفها بليا شيله ..
** شفت غر مكتسي سحر ودلااال ..ما خلق مثله شبيه في الورى
من حسن يوسف خذا اوصلف الجمال..والعجب شفته وعيني ما ترى**
بعد ربع ساعه وصلوا بيت ام منصور..نزل بو سيف وحصه من السياره ..وسلطان وسيف قالوا بينزلون اغراضهم..
سيف: انته يالهرم صدق ما تستحي...منو هذي اللي داقتلك؟
سلطان: منو هاذي؟؟
سيف: اللي رمستها ونحن في السياره
سلطان منصدم: وانته شدرااك؟؟
سيف: كل شي كان ينسمع ...فرقت شيفتها كيف ترمس
سلطان: سمعتوا كل شي؟؟
سيف: اقولك كل شي كان ينسمع ..حتى دقات قلبك كانت تنسمع....ماقول غير الله يستر من لسان حصوص

سلطان: حصوص بعد سمعت كل شي؟

سيف: تستهبل !! اقولك الله يستر من لسانها

سلطان سكت عن سيف كان يفكر في حصوص اللي شو بتفكر عنه وعن البنيه اللي اتصلت به ..وعن اسلوبها اللغن

سيف: حووه سلطان..وين سرحت؟

سلطان: لالا معاك

سيف:بلاه شكلك متغير ؟؟كل هذا لاني قلت الله يستر من لسان حصوص ..لهدرجه يعني تخاف من لسانها..هههههااااي

سلطانك كاتنكت..اخطف اخطف قدامي

دشوا الشباب البيت ..كان جو البيت ربششه البنات كلهن يالسات ومستانسات عن سلامة خالد وحتى ام منصور وام سيف كاانن يضحكن بصوره ابدن لا صارت ولا استوت

سيف وسلطان مستغربين: السلاام عليكم

الكل: وعليكم السلام

سيف: ماشالله ماشالله ياكيف مستانسين ..عساه دوم ان شاءالله

أم منصور:ان شاء الله...الله يسمع منك..!!

سلطان:يدور بين البنات...يدورحصوص بس مالقاها...تم يفكر كيف يرمسها وكيف يراضيها..صدق البنيه اللى دقت ما تستحي..

ام سيف:يالله فديتكم..هذوه بو سيف..وصل بوظبي خلنا نسير...

ام منصور:صدقج..يالله البنات سيرن ويا سلطان وانا وام سيف بنسير مع سيف..انزين..

شمه:خلاص تم

ام منصور:خلني اسير اييب عبايتيه..

ام سيف:هاتي عبايتيه وياج..

ام منصور:ان شاء الله..

مريوم:خلني ازقر حصوص عيل..

سلطان من سمع طاري حصوص رد يفكر في السالفه...

ام سيف:يالله بسبقكم عيل...فداعت الله

البنات فداعت الله..

 

[ضوى العيون]

حصوص نازله مع مريوم

حصوص:لحظه امايه

ام سيف:هاه بنتيه؟؟

حصوص:بيي معاكم

ام سيف:شعنه ما تسيرين ويا سلطان ولد خالتج؟؟

حصوص وشافت سلطان بنظرة كره وحقر:مابغي

ام سيف:خلاص عيل تعالي...فداعت الله(سارت حصوص)

سلطان وتيبس مكانه من نظرة حصوص ما كان يتوقع ابدن ان حصوص هالنظره تظهر منها..(ياربـــي اكيد زعلت...الله يخس الله دقت ان شاء الله...اشوي ان رن تلفونه...ونفسه رقم البنيه

سلطان وهو كاتم عيظه:الوه

المتصله:وصلت فديتك؟

سلطان وهو ساير صوب الحوش:يعل يفداج يني ازرق انشالله

المتصله:افا والله..ليش؟؟

سلطان وهو يصارخ:انتي ما بتقولين شو تبين وليش متصله؟؟؟

المتصله ومنصدمه من اسلوب سلطان:انزين شوي شوي عليه

سلطان باستهزاء:اووه نسيت اني ارمس "ملكه"

المتصله:لاتتطنز عليه..انزين؟

سلطان:وانتي منو عشان ما اطنز عليج؟؟

المتصله:انا قلبك وروحك وعقلك بعد..

سلطان:قلتلج اتخسين واتعقبين

المتصله:صح اني الحين مش قلبك ولا روحك ولا شيء..ولكن مع الايام اليايه بثبت لك..

سلطان:ههههه....دخلييج..لا تضحكيني...

المتصله وحست ان سلطان صدق قفطها:اسمعني زين...انا ادربيك وادري بحركاتك وادري انك مب راعي بنات...بس والله العظيم انك لو تدري بكثر حبي لك...والله انك ما بتنطق ولا بترمسني...

سلطان:...................

المتصله:انا لو ادري انك جذيه كنت بترمسنيه جان ما اتصلت ولكني دست كرامتيه بس عشان اسمع صوتك...

سلطان وبسرور:انتي من وين تعرفيني؟؟

المتصله:قدني شفت من المول

سلطاان:ليكون انتي ام اصباغ والوان..ههههههههههههه

المتصله:مقبوله منك..

سلطان:تتحسبيني برضاها اني ارمس وحده ومافي واحد ما رمسها ولاااا يايتني اتقول لي احبك؟؟؟

المتصله:.........................

سلطان:شوفي يا بنت الناس..استري ع عمرج واستري على غيرج معاج...لاني مب راعي بنات ..وعلى فكره..انا احــب وبخطب بعد...لا تفكرين تتصلين بي اوكيه؟؟؟

وهني سلطان سكر التلفون وصد ورا عسب يسير داخل...وشاف منصور في ويها..

منصور: ومنو هاذي اللى تحبها؟؟

جان تييهم يزوي

يزوي:اوهووو يااا هالشباب..يالله فكونا...

منصور وفي خاطره"والله يا يزوي توقيتج غلط"اما سلطان"توقيتج مناسب"

سلطان:يالله انزين اركبن السياره

يزوي:اوكي ...منصور تعال شغل السياره

منصور:يالله اخطفي انزين...

 

[ضوى العيون]

*في المستسفى*
دشوا منصور وسلطان والبنات معاهم سايرين صوب غرفه خالد...وصلوا صوب الحجره شافوا العيايز برع وسيف وبو سيف وحصه بعد يتريون

منصور:السلام عليكم

الكل:وعليكم السلام

ام سيف:ليش تاخرتوا يا ولدي؟؟

منصور:ما تاخرنا...انتوا ليش ما دشيتوا؟؟؟

ام سيف:نترياكم

سلطان يشوف صوب حصوص....لكن حصه ما كانت اتشوفه كانت منزله راسها وتشوف الارض..وكلهم دشوا الغرفه....تقدم سيف عن الباقين...سار يفتح باب الغرفه.....واول ما فتح الباب حس برعشه...ام منصور وام سيف بعد نفس الشعور...دشوا العيايز اول شي تسمرن مكانهن..ام سيف ماكانت تتوقع ان هالحادث كذيه بيسوي في ولدها ..اللي قالوله اياه ان الولد ما عليه شر ..ولكن اللي تشوفه غير عن اللي سمعته !! اخلافها دشن البنات كلهن بعد كانت ردة فعلهن نفس ردة فعل ام سيف...كلهن كانن مستغربات معقولة هذا اللي يشوفنه خالد!كان لابس فانيله داخليه (كت) وايدينه تنبان ان فيها حروق وفي خدّه اليمين بس ع الخفيف..بس كلهن سون عمارهن مش مهتمات ..اول شخص سارصوب خالد هو سلطان...سلطان من شاف خالد فرح من داخله لكن كان باين الحزن ع ويهه ..سار صوبه ولوى عليه بكل ما فيه من هبّه ونسى العالم وما فيه وتذكر أنحس لحظه خطفت عليه في حياته كلها من بعد وفاة ابوه..تذكر يوم اتصلبه الشرطي وخبره عن الحادث اللي صار لخالد...


ولا اراديا ذرقن دمووع سلطان ونزلت وياهن حرارة اشواقه في غياب خالد ..سلطان حب خالد ع راسه وظهر برع الحجره..اما سيف وبوه ساروا صوب خالد حبوه ع خدوده وفوق راسه وخواته نفس الكلام..واخلافها سارت ام سيف ولوت عليه وتمت اتصيح وقبضت ايدين ولدها اتبوسهن ومن نزلن دموعها فتح خالد عيونه..طاحت عيونه في عيون امه ومن فرحته نش ولوى عليها .....

خالد:فديتج اميه ..يعلني ماخلا منج ان شاءالله (ويبوسها)

ام خالد اتصيح: فديتك يا ولديه ..يعل ان شالله اتقوم بالسلامه

خالد ويمسح ادموعها: لا تصيحين فديتج

أم خالد: فالك طيب فديتك (وتبتسم)

انفتح باب الحجره وان سلطان داش عليهم

خالد يوم صد صوب الباب شاف سلطان بنظره وصد مره ثانيه صوب ابوه..

بو سيف: فديتك يا خالد..امسح دموعك..الرياييل لو شو ما يصير لازم ما ينزلون دمعه من عينهم

خالد ابتسم لابوه: انته تامر أمر ياغلى ابو في الدنيا

حصوص سايره صوب خالد: وشحالك يالزفت..خخخخخخخخخ ولوت عليه

خالد: ههههههه..فرقت عدوينج بعدج دفشه

حصوص: الدفش طووول عمره دفش (وظربته بكس خفيف ع كتفه)

خالد: اخ (يكذب عليها)...

ام سيف:حصوص يالسباله نتي ماتستحين تضربين اخوج وهو مريض...عيل لو ظهر ظنتيه انتي بتريدنه هنيه مره ثانيه...

الكل ضحك ع خالد...

شموم: فديت خلود انا ...شوي شوي عليه..

خالد: توكن تتفدنيه والا لول محد يتفداني غير مريوم..فديتها انا..

مريوم وهي تمسح دموعها: تسلم ( ابتسمت له)

خالد يوجه كلامه حق مريوم: تعالي انتي تعالي هنيه (وياشر ع الشبريه) يت مريوم ويلست حذاله..

خالد: تدرين انه القمر حلو يوم يكون مبتسم ...لكن يوم يزعل مب شي....وانتي فديتج والله تخبلين بس دموعج تخرب عليج...

مريوم: خلاص زين مابصيح...

شمه:كل هذا حق مريوم ....وانا وين سرت.؟؟؟

خالد: هههه بغازلج يوم بتسير مريوم...

مريوم: يعني تباني اظهر؟؟

خالد: لا يبوج ماقلت كذيه هههه

سيف:لا بالله اليوم التفدي كله حق خالد...ويعني انا لازم اسوي حادث واترقد عشان تتفدوني؟

بو سيف: عنبو ذا الفال اللي عليك....غربلا عدوينك يالهرم....

ام سثف: اوهووووووووووو بدينا الحين؟؟؟ سيف كله سيف...اصلا بو هناد يدري بعمره..بس يستهبل...

ام سيف...هههههههههه بسكم...

خالد: خلاص اوكي ....خالتيه فديتها اشحالها ام منصور؟؟

ام منصور: ابخير فديتك دامك ابخير...

خالد : عساه دووم فديته منصور وشحالك الغالي؟؟؟

منصور...ابخر وسهاله انت شحالك بالوليد؟؟؟

خالد: يسرك ولا يضرك فديتك...علومهن هالبنات؟

نواري..علوم الخير والله من صوبك؟

خالد: زين زين....عيل وين يزوي؟

يزوي كانت يالسه ورا بو سيف يعني تقريبا من مكان خالد مايقدر يشوفها بس هيه طول الوقت تكحل عينها بشوفته...

 

[ضوى العيون]

ام منصور: وينج يزوي؟

يزوي:هاااه انا هنيه..

ام منصور: شعنه ماتردين ع ولد خالتج؟

يزوي: ليش هو شو قال؟

ام منصور : يتخبر عنج..

خالد: لويزي اشحالج؟

يزوي: الحمدلله تمام...ربي يسلمك..اخبارك انته؟؟

خالد: والله نفس ماتشوفينا..اتشوهنا....واااااااايد

يزوي: اهم شي سلامتك...

خالد: الحمدلله ع كل حال...ظنتج اللي كانت تحبني من زمان وشافتني اليوم بتغير رايها فيني؟؟؟

(هو كان يقصدها برمسته)

يزوي فهمت نغزه خالد ولكن سوت عمرها عاديه: امممم ...أكيد وابتسمت...

سلطان: شو انا مالي رب تسال عني وعن احوالي...

خالد صد صوب سلطان: انا اصلا زعلان منك ....والا لاني اليوم نشيت ومالقيت حد عندي غير عيدالله المزروعي ومنصور...وانته وين عنهم؟؟؟؟

سلطان: كنا تونا ظاهرين من عندك.. سايرين البيت اصلا حنا صبح ومسا عندك

خالد: فديتك انت حياتي ولد خالتيه...تعال تعال في الاحضان...

سلطان سار عنده وحظنه خالد بكل ماعنده...ودقوا سوالف طبعا ..ام سيف مانست تطبخ حق ولدها خالد لازم تغديه...وقت الغدا كلهم ردوا البيت الا ام سيف ومريوم ....طبعا ام سيف يالسه تغدي خالد وخالد يدلع على امه وامه مستانسه ع دلعه...مريوم كانت تقرا المجله وهي يالسه تقراها ام سيف يالسه تزقرها....

ام سيف: مريوم

مريوم: هلا اميه...

ام سيف: شوفي منو يدق الباب...ظنتيه اللي يوزعون الغدا.قٌوليلهم مانبا

مريوم :اوكي:فسارت صوب الباب...اول مافتحته امها زقرتها :ها مريوم هم والا لأ؟؟

مريوم بعدنيه ماوحالي اشوف منو....اول ماصدت صوب الباب انصدمت بهذا الريال اللي تشوفه في كل مكان ..كل ماراحت مكان اتلاقت وياه....فخلت الباب مفتوح وسارت صوب امها....

مريوم:اميه ...ريال عند الباب...

خالد: منو هذا؟؟؟

مريوم: حنطاوي....طويل....حليو ..ههههه

خالد ..لا والله...بصفعج...

مريوم....امزح معاك زين....

ام سيف بعد ماوايقت: ويييه ..يا مرحبا يا مرحبا بك عبدالله (اتقول حق خالد) هذا عبدالله المزروعي...

خالد وهو يصرخ عشان يسمعه: مرحبا الساع ....اسفرت وانورت...واستهلت واشرقت..واتعطرت بك....مرحبا مرحبا اقرب..(ويهمس يقول حق مريوم..دشي الحمام بسرعه)

مريوم: ادش الحمام...؟؟؟

خالد:بسرعه بسرعه دشي احسن لج...

مريوم اونها بتصيح: اوكيه ..ههههه(ودشت الحمام)

خالد:مرحبا واالله عبدالله...

عبدالله:مرحب باقي فديتك...الله خلوودي....وسار لوى عليه وهو يضحك...فديتك انا خلودي..

خالد: هههه بعدك تذكر سالفه خلوودي هاااا؟

عبدالله :افااا عليك...بذكرها لي المماتي بعد...ِحالج عمتيه؟؟؟

ام سييف: الحمدلله ربي يسلمك...علومك انت الغالي؟؟

عبدالله :علوم الخير والله

خالد: اقرب اقرب ويانا؟

عبدالله:لا فديتك توها عيوزي ماكلتنيه ذبيحه...

ام شيف: هههه الله يخليك إلها.. واخبارها هيه؟؟؟

عبدالله: تسلم عليج..والله انها استانست يوم درت عن خالد قالت بتييكم

ام سيف: حياها الله ...من زمان ماشفناها...

خالد..لحظه لحظه...انا واحد يوعان اكليني اللقمه اخلاف سولفي معاه....

ام سيف:فديتك انا..( وشوي الا مريوم ظاهره من الحمام متغشيه...وسارت صوب باب الحجره بتظهر..)

خالد:ههههههه تعالي مريوم..

ام سيف: وين تبين؟

مريوم:والا هذي حاله بالله عليكم ميلسيني في الحمام وانتوا تسولفون ..

عبدالله : السموحه والله..خلاص بييكم وقت ثاني...

خالد: لا فديتك والله ايلس حياك.. حوووو انتي سيري ورا الشاره هذيك ابرك...

مريوم: احسن عن الحمام..

× في بيت ام منصور ×

البنات الاربع يالسات يسولفن في الحجره الفوقانيه ....وام منصور سارت ترقد من التعب ...أما الشباب كانوا في الصاله تحت...

 

[ضوى العيون]

بوسيف: ماشالله على خالد ولا كنه مريض....

سيف: هيه ماشالله

بو سيف: الله يحفظه انشالله..

الشباب :آآآآآآآآآآآآآآآآآآآآآآآآآآآآآآآمين

منصور: يعلني فداه والله ....محد ناقصنا غيره هوه...

سلطان : قريب امبينا انشالله

نزلت حصه من فوق....كانت تبتسم حق ابوها واللي كان يشوفها ومبتسم الها...ولكن حست عيون تناظرها بنظره قويه....صدت شافت " سلطان " لكت اول ماشافته صدت...وسارت تيلس حذال ابوها...

بو سيف: مرحبا مرحبا...

حصوص: مرحب باقي يعلني فداك...

سيف: مالت عليج ..والله يابويه مالقيت غير حصوص ترحب بها؟؟

بو سيف: والله بنتيه تستاهل..

حصه تغايض سيف في ايدينها"حررررررررررة"

سيف:ابويه ابويه...شوف شو استوي في ايدينها...

بو سيف:خلاها انزين...تراها آخر العنقود..

سيف:انزين وانا البكر وين حقوقي؟؟

بو سيف: اي حقوق واي خرابيط؟؟

كانوا طول الوقت يسولفون ويتضاربون حتى منصور عيبته السالفه فدخل عمره فيها الا سلطان الوحيد اللى كان في وادي ثاني كان يفكر ان بعد ما يحب حصه شو بيسوي...بيسير يخطبها وبتوافق عليه؟؟؟؟والا انها بترفضه وبستوي اللى بيستوي....

سيف:خلاص انا بسير الميلس

منصور: بخاويك...(وساروا)

بو سيف: حصوص فديتج....بويه سيري سويلي جاهي...

حصوص: بغيته ويا حليب والا؟؟

بو سيف:هيه نعم...سوي حق ولد خالتج بعد

حصوص وشافت سلطان بنظره....:ان شاء الله ابويه...(وسارت صوب المطبخ)

بو سيف:سلطان فديتك...انا بسير ايلس داخل...خل حصوص اتيبلي الجاهي

سلطان(اتشقق):ان شاء الله...(دش بو سيف داخل)وسار سلطان صوب حصوص في المطبخ...

سلطان:حصوص

حصه:نعم

سلطان:عميه ايقول وديله الجاهي في الحجره

حصوص: ان شاء الله

تم سلطان واقف ما يعرف كيف يفاتح حصوص في السالفه...

حصوص:سلطان شي بغيت؟؟

سلطان:لا ...يعني....والا اقولج هيه..ابغي اكلمج في سالفه....ممكن؟؟

منصور: القوم القوووم ..حصوص وسلطان ..يعني شو السالفه اكيد تتواقعوون

حصوص: لا والله لا نتواقع ولا شي..بس الاخو يتريا الجاهي

منصور: كنت بعبّل عليج...بس اشرب لي عصير برتقال فرررش احسن

حصوص: By The Way انا مسوتنه ..ههههههه

منصور: خخخ ما خليتي شي ..حشااا

حصوص: كيييفي

سلطان: هييه لازم كيفج وشعليييييج!!



منصور: سلطان شوي شوي على عمرك


سلطان مستغرب: شو قصدك؟

منصور: افهمها وهي طايره ياخي..ههههه طلع برع المطبخ

حصوص: جاهيك جهز....وشلت جاهي ابوها وياية بتظهر

سلطان: حصوص

صدت حصوص صوبه: خيير؟!



سلطان: عادي ارمسج والا لا؟


حصوص: بسير صوب ابويه..وظهرت

 

[ضوى العيون]

تنهد سلطان ويقول: شو هاي حصوص تتهرب مني مادري ليش..خوفي حاطه في بالها حد ..ويمكن ما تباني احبها..اوهووووو (وجان يعني) "مشكللني حبج يا حصوووص مشكلني" خخخخخخخ صدق اني مينون

البشكاره سمعت سلطان شو يقول تمت اتطالعه ..يعني شكله صدق يضحك ..يتكلم وهو بروحه في المطبخ..يكلم نفسه بصوت عالـي!! سلطان ما انتبه لوجود البشكاره..



تم يضحك بصوت مب عالي ولا منخفض وقال: فديتها وفديت طول شعرها يعلني ماخلا من شوفها..يالله يارب انها تكون من نصيبي..(واتذكر لما شافها في المستشفى)





البشكاره ما قدرت تتحمل: ههه بابا شو هذا؟


سلطان صد صوبها وهو متفاجىء: انتي هنييه؟

البشكاره تهز راسها مستانسه: ايوه

سلطان وقرب صوبها: سمعتي كل شي؟

البشكاره: ايوه بابا

سلطان: دخييييييلج لا تخبرين حد عن اي شي سمعتيه وخاصه حصوص

البشكاره وتبى تتذاكى ع سلطان: كم تدفع؟

سلطان: كفين و7 بكوس فرقت خشمج..يويلج خبرتي حد تفهمين ..(جان ياخذ السكينه يبى يخرعها) اتشوفين هاي بتقص رقبتج تفهمين والا لا

البشكاره اشوي اتصيح ولاصقه ع اليدار: انزين انزين بابا

سلطان : بشاكير آخر زمن........ظهر من المطبخ وهو يضحك

**في حجرة منصور**

منصور توه ظاهر من سبوحه..سار وانسدح ع الشبريه يفكر في "فاطمه" حرمته اللي توفت وخلته في هالدنيا بروحه..اللي من يحاول يشوف بنيه ابدن ما يشوف غيرها ..فاطمه اللي حبته من كل قلبها ..فاطمه اللي عمرها ماكانت تزعل من منصور ولو ان السالفه تزعلها كانت تتحمل المستيل لكن ما كانت تتحمل تشوف منصور من غير ابتسامته اللي تذبح..كان يتذكر لحظاته معاها يتذكر يوم يسير البر هو واهلها يوم يركب البانشي واتصرخ" منصوور اترياني بركب معاااك " بس اخوها العود ماكان يخليها..كان يتذكر يوم ايسير بيتهم اتدور أي حجّه بس عشان اتشوفه وتسلم عليه....بس في النهايه "المــوت كــان أقــرب وأرحــم " ونزلت دموعه وهو مب حاس فيهن..صح اني انحرمت من اغلى شي كنت أملكه في الدنيا وانحرمت من فاطمه اللي بموتها حرمتني عن احلاام كثيره كانت امبينا..ولكني الحمدلله ايماني بالله قوي ..تنهد...بس انا ظلمت امي وخواتي معايه ...امي يحليلها تتريا اليوم اللي تشوفني به معرس وخواتي نفس الشي..ماقدر احرم امي من شوف عيالي..قبض تلفونه ياعسى يلاقي فيه شي يسليه ولكنه لقى في الارقام رقم لين احينه ما فكّر يمسحه وهو رقم حرمته الله يرحمها وكان مسجلنه باسم"نبض قلـبي" تنهد مره ثانيه..تذكر سالفة اخوه سلطان مع البنيه اللي اتصلت به

منصور: اووووووه نسيت اتخبر سلطان عن السالفه ..خلني بسير صوبه...طبعا ما نسى يشوف شكله في المرايا اذا يدل ع انه كان يصيح والا شي...



ظهر برع حجرته وسار حجرة سلطان ولكن مالقــى حد في الحجره ..نزل الصاله بعد نفس الشي الصاله فاضيه يسمع صوت ضحكات العيايز وكلولووووشهن J من صوب الميلس..فيوم سار صوب الميلس برع..شاف العيايز والبنات والشباب كلهم في الميلس


أم منصور: تعال تعال يا ولديه ما باركت حق سيف ولد خالتك

منصور: مبروووك بو هناد..بس ع شووه؟

ام منصور: خطبوله بنت عمه حمده

منصور: لالا مبروووك..تستاهل..مبروك خالتيه

سيف: الله يابرك في حياتك

ام سيف: الله يبارك فيك الغالي..عقبالك فديتك "اتذكر سالفه فاطمه لكن ما حب انه يخرب الجو"



حصوص: مالت عليك يا سواف ما لقيت غير حمدوه هاللغنه تاخذها؟


أم سيف: عيب عليج شو هالرمسه

حصوص: انا بتم ارمس هالرمسه ..دام انه هاللغنه الغلسه بتاخذ اخويه

سيف: حصوص اصطلبي..هاللغنه الغلسه ع قولتج بتستوي حرمتيه

حصوص: عله تعلها

سيف معصب: حصووص قلتلج جـــــــب

مريوم: نحن قلنا حق اميه ما تاخذلك هالسباله حمدوه بس ما رضت

شمه: خلاااااااااااااص بلاكن !!! اخوكن خطبها وانتن ما تقدرن اتسون شي احينه

سيف: مب منكن..من اللي يبغي يفرحكن ..مالت عليكن

حصوص ظهرت من الميلس سايره صوب البيت..لحقتها اختها مريوم ..سارن الحجره يتحرطمن يتهن يزوي..وخبرنها ليش هن ما يبنها وعن حركاتها اللي تسويها

يزوي: قووووولن والله؟

حصوص: والله ..شو بنكذب عليج نحن ؟

يزوي: مالت عليها..ما تستاهل ولد خالتيه..انزين خالوه تدري؟

مريوم: اتسوي عمرها طيبه قدام اميه ..بس انا براويها

يزوي: خلكن انتن احسن عنها ولا تسون شي

حصوص: حشاااا علينا ولا بنسير صوبها الزفته هذي..فارقت عدوينها

مريوم : ليش عدوينها..فارقتها هيه

دشت عليهن شمه الحجره

شمه: استانستن احينه؟؟ خربتن ع الريال فرحته

حصوص: تراه الا بيفرحج كم من يوم اخلاف بتراويه الويل هذيك اللغنه

شمه: بدال لا تدعين حق اخوج اتقولين هالكلام؟؟؟ تراج صدق قليلة ادب(سكتت حصوص ونزلت راسها) وانتي يا ست مريم؟

مريوم: شووه؟

شمه : انتي ويا حصوص بعد

مريوم: نحن ما قلنا هالكلام الا لان نبا مصلحة اخويه وبعدين اميه ليش اصلا كييف تخطبله وخلّود مرقد؟ شو بيقول بيقول عنّا؟

شمه: عاد انتي مالج خص في اللي تسويه اميه ..ومصلحة اخوج محد ادرابها كثر اميه..وخالد اخويه بيتفهم هب شراتج

مريوم: لازم اتقولين هالكلام ..تراج الا بتعرسين وسايره عن البيت

شمه: شوفي مريوم..صح اني ماريد حمدوه اتدش بيتنا..لكن والله اني فرحت لان اخويه قرر انه يعرس..ومب يعني لان قال بيعرس انخطبله حمدوه..لأ اتعرفين انّا كنّا نبغيله موزه ولكن موزه انخطبت..واميه تريد حمدوه ومااريد اخرب فرحتها..

 

[ضوى العيون]

مريوم: فرخت امي في حمدوه ما بتدوم والمفروض انج توقفين ويانا واتقولين حق اميه ان حمده ابد ما تصلح لسواف


شمه : عاد انتي شدراج..ما تدرين يمكن اخوج هو اللي بيأدب حمدوه

مريوم: ليييييييييت امي ما خطبتلك اياها..الطفسه ما تستاهلك

حصوص: اكثررر عن شهررررررر سيف ما بيتهنا..يعلهها سااااااااحق

شمه: بسسج دعاوي..وبدال لا تدعين عليها ..ادعي ان الله يوفق اخوج

يزوي: خلاااااص سكرن السالفه ..انتي ما بتقدرن اتغيرن شي خلاص سيف خطبها ومافي شي باقي غير انهم يحددون موعد الملجه

شمه: ماشي ..الملجه والعرس في يوم واحد

شهقت حصوص: لاااااا ...



يزوي: مبروك عليهن..خلاص فديتكن


مريوم: عاد نحن قلناله ومالنا خص

حصوص : الله يوفقه ان شالله

** في العيين**

مانع: خلاص عيل فديتج يوم بتوصلين اتصليبيه..فداعت الله (وسكر التلفون)



ام مانع: علووومها لطوووف؟


مانع: علوووم الخير والله...ساييرين البر

ام مانع: الله يحفظهم ان شالله

مانع: سار وحب امه على راسها: تسلمين فديتج ع الحرمه السنعه

ام مانع مستانسه: الله يسلمك الغالي


مانع:انزين اميه بغيت اقولج..


ام مانع: عسى انه خير ان شالله

مانع: ترا دكاكينا اللي احترقن ..بيعوضونا عنهن...ساروا الجماعه واحتشروا عند الشيوخ

ام مانع: صدق والله ؟عاد امتا بيعوضونا؟

مانع:قريب ان شالله

ام مانع: ان شالله الله يسمع منك

مانع: ونسييت اقولج

ام مانع: اللهم اجعله خيرا

مانع: خير خير ان شالله...ترا عميه اتصل بي وقال انهم بيون باكر وبيحددون يوم للملجه وهالسوالف..

ام مانع: حياهم الله ..السعه المباركه

 

[ضوى العيون]

وان نازله النيره من فوق

النيره: مرحب السااع مانع

مانع: مراااحب كبار..وشحالج؟

النيره: احسن عن حالك

مانع: بلاج؟

النيره: ما بلايه شي

مانع:غربلات العدو

النيره: بلاك؟

مانع: ما بلايه شي

النيره: يالززززفت لا تقلّد

مانع: متفيق ما لقيت الا النيره اقلدها

النيره: ودك انته اصلا

مانع: امايه ياخي شو هذا متى بيحددون عرس هذي ونفتك منها (كان يالس يغلس ع النيره)

النيره : امرره اليوم عرسك بالباجر انا بعرس

ام مانع: ههههههه (ام مانع كانت دوم تستانس يوم تشوف عيالها يغلسون ع بعض ...وكل ما يمزحون كانوا يرمسون ام مانع ع ساس انها ربيعتهم وهالشي اللي كان صدق يفرحها...سرحت عنهم ولا سمعت شو قالوا وعيونها كانت مليانه دمووع)

مانع: هههه اصلا انتي يالسباله ما تسوين مويز...وين وين مويز؟

النيره من ورا خاطر : فوووووق

مانع يقلدها: فوووق...انزين ازقريها

النيره : اوكي (اتشغل النيره الونان وتزقر مويز وهي تصاارخ باعلى ما عندها مووووزه)

مانع عاقد حياته: لعنبووو ذا الصوت من وين تسلفتيه احيدج دوم ع السايلنت

النيره: ههههه

مانع: ويا راسج يالعيوز حتى متعايزه تزها..امايه امايه متى بتعرس هاي وبتفكنا

ام مانع:ههههه بسك لا تطفر ابها

موزه وهي ع الدري: خييير منو زقرني؟

مانع: الشيخ مانــع طالبنج

موزه: مررررررحبا ملايين وان زادن فلا باس..متى رديت من دبي؟

مانع ويكلّم النيره: هالناس مب انتي...ويرد صوب موزه..والله الا اليوم

موزه: مرحبا والله ..ونا اقوووول العين منوره ثرك موجود والله

مانع : احم احم اخجلتيني

موزه: ههه وشحالك؟

مانع : يسرج الحاااال والله ....رقييييص

موزه: حيك والله..والا اونك مخلّي الونان يزقرني هااه؟

مانع: ما كنت اعرف ان صوتها كذيه ...والا قسم بالله ما خليتها تزقرج

مويز: خوفي لا تسوي فيني حركة نذاله وتخليها تزقرني وانته تشرد برع البيت

مانع: اتصدقين فكرة ذكية ...بسويها المره اليايه ان شالله

موزه: جرب انته بس..زين ما اقبضها من شعرها واخليعا تربع وراك

مانع: ههه لا دخيييلج

النيره وبكل برود: امايه شوفي عيالج

ام مانع: بلاكم ع النيره؟

مانع: ماشي ماشي..ماكنا نرمس عنها

النيره: هيه اوني عاد صدقت

موزه: كنا نرمس عن الونان مب عنج

النيره: ع العمـــوم ما هميتووني

مانع: احسن بعد ..مويز شو كنت بقولج....امم والله نسيت ..الونان من صوته نساااااني ههه

مويز: خخخخ السبال اسكت

النيره: ترااك سخيف

مانع: هيه سخيف لاني اخووج

النيره: حشااا عليه

موزه: اوهوووو بدوا ألحين منو بيسكتكم؟؟؟(وهي تمزح) امايه تراهم ما يحشمونج

ام مانع: شفتي عاد ..مساعه انتي واخوج ما فكرتوا فيني طايحين ع النيره ..حشمتوني؟

النيره: هههه قفطووها

مانع: ويييييو ..كفج النيره

النيره: رح رح ..امررره ما عيبتك مويز ييتني؟

موزه: ههه قفطوووه

مانع: فارقتكن..ع العموم موزوه ...باجر بيون قوم عميه

مويز مستحيه: اها مرحبابهم

مانع: ياوللللد يا خطيير..عن يستويبج شي ..ههه طالعوا كيف اتغير ويهها

النيره: عاد اللي يسمعك يقول انك في يوم ملجتك ما كنت مستحي

مويز: عااااااشت النيييره

مانع: فرقتكن....فداعت الله (وشرد)

 

[ضوى العيون]

**في بوظبي**

ام سيف يالسه مع بو سيف في الميلس

ام سيف : والله انته شفت بناتك بنفسك..كلهن محتشرات

بو سيف: انتي ما عليج من البنات .خلاص نحن رمسنا العرب وان شالله مابقى غير تحددون الملجه

ام سيف: بنسوي العرس والملجه في يوم واحد

بو سيف: ونعم الشور ..وولدج شو رايه

ام سيف: فديته والله ....هو شار عليه هالشور

بو سيف: عسى الله يهنيه ان شالله

(اشويه وان سيف وسلطان داشين)

سيف: ماشالله الشياب..شو اللي موعنكم لين احين؟

بو سيف: هب عليك هبااب..جان امك عيوز..ترا الحمدلله بعدني شباب

سلطان: هه خالتيه طيحي به

ام سيف: وايه انا...علموهم الشياب يكذبون

بو سيف: منو الشايب يالعيوووز

ام سيف: مغيرررك انته الشايب..بعد ياليت شايب وبسس....لا شايب متشبب

سيف:خلاص خلاص..(يكلم سلطان) وانته يالدعله ما تصدق (يقلده"خالتيه طيحيبه")

سلطان: ههه حشا

بو سيف: افا عليكم والله..فديت عيوووزي انا ..تدريبي امزح معاها

ام سيف: لا هالمرخ خذيت في خاطريه

بو سيف: لالالا ادريبج انتي ما تاخذين في خاطرج عليه

سيف: عاد الشيبه متعلم كيف يقردن العيووز

سلطان:ههه

بو سيف: بتخبرك سلطان

سلطان: آمر

بو سيف: انته سيف يايبنك تضحك بس والا شو؟

سلطان فقط ويهه ونزل راسه

ام سيف: خلاص عيل...شوفوا الساعه كم ..الساعه وحده ونص خليني بسير ارقد احسن

بو سيف:لحظه فديتج بيي وياج

سيف وسلطان يشوفون بعض يبووون يضحكون بس زاخين عمارهم

ام سيف: فداعت الله ياعيال(سيف وسلطان ما ردوا عليها بس اول ما ظهروا ..نقعوا صدق من خاطرهم وبعد ما شبعوا)

سيف: حووه ..بسك تراك تضحك على امي وابوي

سلطان: توك الا تذكرت

سيف: لاوالله صدقني من زمان اعرف..بس نسيت اليوم

سلطان: كنت تنكـــت؟

سيف صد صوب سلطان يضحك: هاي حصوص معلمتنك اياها؟

سلطان من قال ولد خالته اسم حصوص تذكرها وتذكر سالفته مع البنيه اللي دقت وفي خاطره انا لازم افهمها السالفه

سيف: حووو سلطان...يالله برايك بسير ارقد

سلطان: خلاص برايك..وبعد ما ظهر سيف تم سلطان يفكر في حصوص ...يتذكر المقلب اللي سوته له يوم اتصلت بيتهم وتذكر يوم يسيرلهم العين كيف كانت دوم تتناقع معاه..وفز قلبــه يوم تذكرها في المستشفى ..وهو ساير صوب حجرته فوق كانت حصوص توها طالعه من حجرة نواري سايره صوب حجرة يزوي ..شافته بس خطفت عنه من دون ولا نفس بس قبل لا توصل الحجره زقرها

سلطان: حصه ما قلتيلي ممكن اكلمج والا لا؟

حصه وقفت مكانها: خير ؟ شي مستوي

سلطان: هيه شي مستوي ..بس قبل ممكن تسويلي عصير برتقال؟

حصه: لا والله ..كم تدفع؟

سلطان: اللي تبينه

حصه: اوكي ثواني واييبه

سلطان: لالا انا بيي وياج

حصه مشت وماعطته ويه..دخلت المطبخ وطلعت كم حبة برتقال وبدت تسوي

حصه: سلطان شالسالفه؟

سلطان: حصه..ماعرف كيف ابداها

حصه:ابداها من بدايتها بعد كيف

سلطان: ههه..اوكي (تنهد) يوم كنّا في درب العين ورن التلفون ..ظنتيه سمعتي كل شي

حصه: أهاا

سلطان: سمعتي البنيه؟

حصه: هيييه

سلطان: شو خطر في بالج؟

حصه: مايبالها شي "ربيعتــك"

سلطان: هذا رايج فيني

حصه: عيل في وحده تتصل حق واحد وتتفداه وتسولف وياه وآخر شي مب ربيعته ولا شي

سلطان: عيل قسم بالله ياحصوووص اني مارمس بنات

حصه: لا والله عيل كيف بتعرف اسمك ورقمك؟

سلطان : والله علمي علمج

حصه: اهااا ..اوكي وليش اتقولي السالفه

سلطان: لاني احببببج ومابغيج تشكين في حبي لج

حصه وصدت صوبه: اتصدق عاد انك رومنسي..لا ورومنسي متفيق

سلطان: ههه

حصه: شووف يا سلطان اللي تفكر فيه عمره ما راح يستوي..لا انا اقدر احبك ولا انته تقدر تحبني

سلطان: بس انا والله احبج..وأنا حلفت..والله عزيز وغالي

حصه: انته تقس ع روحك ..انته ما تحبني ولا تعرف معني الحب...انته راعي بنات وبس"وحطتله كوب العصير " وتوها بتظهر

سلطان: والله قولي اللي بتقولينه وفكري اللي بتفكرينه..بس قلت احبج ..برضاج وغصبا عنج ..تفهمين والا لا

حصه تيبست من سمعت كلام سلطان بس ما حبت توضحله وقالت: حتى لو تحبني ..انا ما يشرفني ان يحبني واحد " لـــعّاب"

 

[ضوى العيون]

سلطان بعد ماقالت له حصه هالكلام ....صح انه شل ف خاطره لكنه بعد تم يحاول لين ما يقنع حصه ان تصدق انه يحبها ظهر من المطبخ وزعل الدنيا كلها فيه...سار صوب حجرته ويلس بعده يفكر في سالفه حصوص..دش عليه اخوه منصور ...
منصور:سلطان بلاك؟؟؟؟شكلك معصب.؟؟؟
سلطان : مابلايه شي...
منصور: صقد؟؟؟
سلطان من ورا خاطر:هيه
منصور : انزين ماقلت لك يقول الدكتور يمكن بعد اسبوع بيظهر خالد...لان الحمدلله صحته استوت زينه..
سلطان: الله يبشــرك بالخير في حياتك كلها ان شالله
منصور: ان شالله..(سكتوا شوي) سلطان انته متأكد ما بلاك شي
سلطان: هيه ..قلتلك هيه ياخي
منصور: متأكد
سلطان معصب: خلاص قلتلك ما بلاني شي لا تزيد عليه وتطفر بي
منصور انصدم من طريقة اخوه في الكلام ..سلطان الحبوب اللي دومه مفرفش عمره يوم تضايف ابد ما صارخ ع حد ..بس شو اللي خلاه يعصب ويصرخ مره وحده
منصورماخذ في خاطره: خلاص برايك ....وظهر
سلطان كان معصب وزعلان ..صح انه فرح يوم قالوله عن خالد بس بعد هوه مضيّق من حصه وضاق اكثر يوم اخوه طلع زعلان عنه..بس محد يقدر يلومه لان هو بروحه معصب وزاد عليه اخوه يوم رد سأله اكثر عن مره..تذكر اخر جمله قالتها حصه" انا مايشرفني ان يحبني واحد لعاب" جملتها كانت قويه لكن والله اني براويها منو اللعاب هاي اللي ما تستاهل حد يحبها.والله انها ما تستاهل اني ازعل عمري عشانها ..انا اللي البنات يركضن ورايه ركيض الحين هاذي بتي تذلني ...رن تلفونه
سلطان: الو
المتصله: السلام عليكم
سلطان: وعليكم السلام والرحمه..حيبه ذا الصوت
المتصله: الله يحييك..عرفتني
سلطان: لا والله ..منو معايه
المتصله: عفره معاك
سلطان: عاشت الاسامي الشيخه
عفره: عاشت ايامك..انته سلطان صح
سلطان: هيه نعم
تم سلطان يرمس البنيه حوالي نص ساعه وهو يتفداها ويقردنها لين ما قالت بتسكر عنه
سلطان: خلاص فديتج ..متى برمسج مره ثانيه؟
عفره: اي وقت تباه فديت روحك
سلطان: خلاص عيل بنبقا على اتصال
عفره: ان شالله
سلطان: ربي يحفظج
سكر سلطان وهو بعده منصدم من نفسه كيف قدر يرمس البنيه بهالطريقه ..كان يتفداها ويقردنها وكأن يعرفها من زمان ..مع ان هذا كان اول اتصال امبينهم ..فكر انه يسير صوب اخوه منصور اللي ظهر وهو زعلان عليه..وهو توه طالع حصه كانت طالعه من حجرة يزوي نازله تحت ...لكن سلطان حتى نظره ما عطاها ..سار صوب حجرة اخوه ..دق عليه الباب ودخل
سلطان: منصور انته مشغول
منصور:لأ
سلطان:عادي ارمسك
منصور: اكيد عادي ..تعال تعال ايلس حذالي (واشرله ع الشبريه)
سلطان ابتسم حق اخوه وسار يلس حذاله وهو مريح ضميره
منصور: ادريبك زعلان ..وحصه اللي مزعلتنك ..وشي قايلتلك وخلتك اتعصب
سلطان : وانته شدراك!!!
منصور: انا في حياتي كلها ما شفتك لا زعلان ولا معصب مثل اليوم
سلطان تنهد
منصور: ماعليك يا سلطان..مش يعني اذا حصه زعلتك يعني ما تحبك يمكــ......
سلطان قاطع اخوه: لا انا متأكد انها ما تحبني...وتقزني بعد
منصور: لا لا ..انا اشوف ان حصه وايد تهتم فيك..اتسويلك جاهي وعصير برتقال وهلحركات وما تحبك؟
سلطان: مالت عليها وعلى اللي يفكر يحبها..وايد رافعه راسها والا انا اتقولي انا ما يشرفني ان يحبني واحد لعاب(كان يتنطز عليها) اتهبي واتعصب الا هي مادري شو تتحسب عمرها ..انا غيررررها مليوووون يتمناني
منصور: ومن هالمليون ..في وحده بتحبها كثر حصه ؟؟؟ سلطان بسك ترى اللي ترمس عنها وتسبها تستوي بنت خالتك ..وجان ما تبى تحشمها ولا تحشم خوانها احشم امها وابوها ع الاقل.
سلطان: افففف والله انه غصباً عني ..مادري مادري كيف ظهر هالكلام
منصور اتنهد: والله يا سلطان انه احلى شي في الدنيا كلها اللي اسمه "الحب" قسم بالله انك تعيش لحظات محد يقدر يعوضك عنها ..الله يرحمها حرمتيه فاطمه احس اني لين الحين اعيش لحظات عمري معاها..اتخيلها كل يوم معايه ..كل يوم ارمسها احس انها يالسه ع هالكرسي مقابلتني تنصحني اتقولي سوي هذا ولا تسوي هذا ..يعني انا عمري كله ما بنساها ..اتذكر يوم اكون معصب منها اتقولي منصور لا تزعل مني لانك حياتي كلها وما فيها ..من اتقولي هالجمله انسى الدنيا وما فيييييييها ..ليتها بس ليتها تكون موجوده ..عايشه معايه ..ما تفارقني ...ياليـــت ..سكت منصور لانه ما قدر يكمل ..ما قدر يتحمل ..عيونه كانت مدمعه وحالته حاله ..سلطان انصدم يوم شاف منصور بهالصوره ..ياحليلك يا منصور هذا كله فييك ..كم عانيت وكم شقيت وكم تعذبت من وفاتها ..سلطان ما حس بعمره الا وهو لاوي على اخوه منصور ويصيح في حضنه..
اليوم الثاني الكل ناش من وقت ..لانهم بيسيرون صوب خالد في السمتشففى
ام منصور: حصووص
حصه نازله من فوق: هلا خالوه
ام منصور: سيري الميلس شوفي ابوج جان زهب والا لا
حصه:البنات سارن؟
ام منصور: هيه ويا سلطان..علني فداه
حصه : الا علني بلاه
ام منصور: شو قلتي؟
حصه: قلت ان شالله الحين بسير صوبهم
"سارت حصه صوب الميلس"
بو سيف: مرحبا ملاين وامثاله عشر وان تضاعفن هوب بالنسبه كثييير
حصه: المرحب لها..
بو سيف: وشحالج؟
حصه: بخير وسهاله ..علومك الا انته؟
بو سيف: علوم الخير فديتج
سيف: شحالج حصوص؟
حصه: يسرك الحال ولا يضرك...كيف اصبحت؟
سيف: الحمدلله ..يالله ما بتسيرون المستشفى
حصه: امبلا تراهم مطرشيني عشان اشوف جان خلصتوا والا لا
سيف: خلصنا بس نترياكن انتن
حصه: الحين بنلبس عبينا وبني..اوكي
بو سيف: اوكيك
سيف: ياويل حالي ع الشيبه..منو معلمنك؟
حصه: ههه ..شو قصدك؟
سيف: مالج خص..اذلفي انتي
بو سيف: لا تقول حق بنتي اذلفي
سيف: ليش يعني؟
بو سيف: لانها آخر العنقود
سيف:وانا البكر..
بو سيف:هههه..فديتكم كلكم والله...غلاتكم وحده..
حصه:وانته بعد غالي
سيف:انتي بعدج هنيه..سيري والا بنتأخر على خالد..
حصه:اوكيه وسارت حصه صوب امها وخالتها وظهرن الحريم وسارن صوب خالد...دشوا الغرفه..
تم سيف+ام منصور:السلام عليكم
الكل:وعليكم السلام..
بو سيف+سيف+حصه:السلام عليكم
الكل :وعليكم السلام..
ام سيف:هلا وليدي...شحالك؟؟
خالد:الحمدلله فديت روحج...
بو سيف:كيف اصبحت؟
خالد:ابخير وسهاله..شحالكم انتوا
بوسيف:الحمدلله..يسرك حالنا
خالد:عساه دوم
حصوص فرحانه:خووويه...وشحالك الغالي؟؟
خالد:ههههههه....تمام ربي يسلمج...شحالج انتي؟؟
حصوص:يسرك...اشقح وانطح
خالد:شكلج مستانسه؟
حصه:الا مستانسه..شالتني الدينا من الوناسه.
خالد:ليش يعني عشان الامتحانات قربت؟؟
حصه:هههههههههه..والله لو السالفه حيه...جان ماشفتني شاقه حلجي جيه
خالد:هههههههههههه
شمه:وحد بيبتلي فيها غيرنا؟
حصه:وانتي شو لج؟؟تراج قريب بتعرسين...
خالد:هييه صح شو استوى عن عرسج
ام سيف: ماغيرناه بعده
خالد:يعني تقريبا بعد 3 اسابيع
شمه:هيييه
ام منصور:وبعدج لا نقيتي فستان العرس ولا شي
شمه:الله كريم
خالد:حوووووووووه...صدق والله ما نقيتي فستان عرسج ولا شي؟؟
ام سيف:هييه عيل بتكذب عليك؟؟
خالد:يالله انا اليوم ظاهر ..وبوديج دبي...والا اي مكان يعيبج
شمه:لا فديتك مشكور
خالد:عيل متى بتخلصين؟
شمه:بلاك مشتط؟
خالد:لا والله..عرسج وانتي بعدج ما سويتي شي وتبيني استانس
شمه:لا عادي فديتك...المصممه عندها الموديل والقياس بس باقي اختار الرقعه
خالد:انزين يالله نشي
شمه:وين انش
خالد:بعد وين...سيري شموه.من اليوم مابقى لج الا 21 يوم
ام سيف:خلاص انا اليوم العصر بسير وياها
شمه:خلاص تم..ارتحت خالد؟؟
خالد :هييييه
بو سيف:الله يحفظكم لبعض ان شاء الله...
ام منصور:الله يسمع منك
خالد:وانتي الدبه متى عرسج؟؟؟فكينا ياخي.....ملينا منج...
الكل:ههههههه
نواري:عيل عنااااااد مابعرس وبتم على قلبك
خالد يمزح:الله لاييب ذاك اليوم
نواري:ودك اصلا...
بو سيف:البنات غلبن الشباب..يالله ان شاء الله ....الله يوفقكن كلكن وتعرسن في سنه وحده وتفكنا...
خالد:كلهن الا حصووووص...ظنتيه كل يوم طايحه مشكل ويا ريلها
سلطان وظهرت من خاطره:وانا اشهــد
حصه:مب لازم حد يشهد...اصلا يوم بنتمشكل بيكون هو السبب لاني مااحب امشكل ولا اتمشكل..
منصور:واذا فهمتيه غلط...وزعلتي عليه...
حصه سكتت وما ردت على منصور
خالد:انا اعرف اختي وما تزعل اصلا...ولو بتزعل اللى بيزعلها شي قوي
حصه:هلا والله باللي فاهمني
بو سيف:حصه وخالد الحين ما يتفارقون...لول سيف ويا حصه...وخالد ويا مريوم...وشمه بروحها ...الحينه العكس...

 

[ضوى العيون]

شمه:لازززم تراني بنت البطه السوده
سيف:لا والله لا سوده ولا حمرا...انتي عندج حمدان ...هن خليهن منو عندهن؟؟
خالد:ع طاري حمدان تراه اتصل بي واستسمح لانه ساير يشوف شو صار عن حجز الخيم وهالسوالف...
شمه:ادريبه قال لي...
ام منصور: يعل الله يوفقكم ويهنيكم
خالد:وشو المعرس مستانس الحينه هااه؟؟
سيف:الحمدلله ع كل حال يا خويه..عقبالك
بو سيف:اميين
حصه:من بؤك لباب السما
خالد:انا لو ابا اعرس بأخذ وحده فبالي
ام سيف:افا والله...وشوري وين سار؟؟
خالد:والله يااميه اني بتم احلفلج من اليوم لين باجر انه البنيه بتعيبج..
شمه:ماشالله متأكد من شور الوالده يعني هاااه؟
خالد غمز حق شمه وابتسم بخبث وصد وشاف يزوي لكن شافها بنظره غربيه حتى يزوي من يوم شافها خالد نزلت راسها
بعد هاليلسه الحلوه اللى كان الكل موجود فيها قالوا بيردون البيت....
بو سيف:البنات يالله سيرن ويا سلطان ونحن الشواب وسيف ومنصور فسياره
حصووص:لا لا لا....انا بيلس ويا اخويه..ويزوي بعد
ام سيف:ماشي خليه يرتاح
خالد:لا اميه فديت اللى بيلس عندي اصلا هم اللى بيريحوني
حصه فهمت تنغيزة خالد وعرفت انه يقصد يزوي بكلامه
حصه:شفتي اميه..اصلن انا من يوم انولدت لين اليوم ما قذيت حد
سلطان فخاطره:هيييه واضح..وانا اللى جدامج..عمرج ما حسيتي فيني(كان يقولها وهو يتقطع فخاطره)
ام سيف:خلاص عيل برايكن..شي تبى فديتك خالد؟؟
خالد:ابدن سلامتج فديت روحج
ام منصور:هالله هالله فعمرك عاده...جان بغيت شي هكن البنات حذالك ما بيقصرن
خالد:ان شاء الله خالوه.من عيوني
بو سيف:فداعت الله
الكل :فداعت الرحمن
خالد:شموووه
شمه وهي بتظهر:هلاا
خالد:لاتنسين تشترين..
شمه:ان شاء الله
خالد يرمس يزوي وحصه:وانتن خلصتن
يزوي:لأ
خالد:شموه...لاتنسين تاخذينلهن...
شمه:عاد ماعرف الالوان اللى تناسبكن
خالد:انا اقولج السماوي وايد ينفع على يزوي....وهاي حصووص خذي لها وردي
يزوي:انا احب اللون السماوي شدراك؟؟
خالد:لاني انا احبه بعد...وابتسم
شمه:خلاص عيل فداعت الله..وظهرت
كان خالد مستانس في يلسته مع حصه ويزوي..صح كان مستانس لانه خته حصوص معاه...واتفرفش لكنه استانس اكثر مع يلسته لان يزوي يالسه وياهم ومستانس بشوفها...اما يزوي ما كانت تتوقع انها يوم بتيلس مع خالد وحصه بروحهم..دوم يوم تيلس معاه بيكون اخوها سلطان موجود..ولكن هالمره تحس غييير تحس خالد كلامه طريقة حركاته ونظراته غيييييير...خالد ما كان جييه شي غيراه....اما حصه كانت طول الوقت شاقه الحلج...اتشوف الحركات اللى بين يزوي وخالد....
حصوص:اقوول...انا بنزل الكفتيريا بشتري عصير لاكنور ممنقا
خالد:ليش ماشي في الثلاجه
حصه:لا
خالد:لازم لاكنور يعني؟؟
حصه:هييه
خالد:انزين سيري وردي بسرعه عن المشاكل
حصه:شو قصدك يعني؟؟؟؟تشوفني شاله بكسات في ايديه؟؟
يزوي:ههههههههه
خالد فخاطره(فديت الضحكه وراعيتها):ههههههه..روحي روحي
يزوي استحت انها بتيلس ويا خالد بروحها:بيي وياج...
حصوص:لا والله واخويه؟؟؟...ومنو بيقابله ايلسي عنده يالله وعطيني نقابج بسير اسوي لهم نينجا..نينجا سلاحف النينجا
خااالد::كح كح..غباااااااااااااااار بعدج تذكرينه؟؟
حصوص:وكيف انساه وانا احب راعي العيناوي..هههه
خالد:ههههه والله انج
حصوص بعدها ما اتنقبت :خالد عطني عطني شريطه عيناويه بربطها ع راسي...
خالد:لا دخليج يكفينا فضايح
حصه وفاجه باب الغرفه بتظهر:يالله شباب بررررررررررب وظرهت
يزوي تمت ساكته كا تعرف شو اتقول ولا حتى تعرف شو اتسوي اصلا يزوي كانت ناسيه كيف يتنفسون...كانت تتمنى الدينا تبلعها ولا تحط في هذا الموقف...وخالد كان ناشي الدينا من الوناسه اللى فيه..ويقول فخاطره...عقبال ما نعرس يارب
خالد:يزوي..ممكن اتيبين لي الدوا ؟؟
يزوي:اي واحد..اللى كرتونه اصفر والا ازرق
خالد :الازرق
يزوي:ان شاء الله(نشت يزوي اتيب له الدوا وعطته على حسب ما طلب منه الدكتور)
خالد:ما بتعطيني اياه..
يزوي :تراني عطيتك
خالد:اقصد تشربيني الدوا
يزوي انصدمت من خالد وفي نفس الوقت تغير لون ويهها وخلاص حست ان ويهها استوى صغير:هاه؟؟
خالد ضحك:ماشي ....سلامت راسج الشيخه
يزوي:الله يسلمك(فخاطرها...وينج ياحصووه يالخاامه)
خالد:يزوي بسألج ممكن؟؟
يزوي:نعم
خالد:شو رايج فيني؟؟
يزوي انصدمت من السؤال ولكن جاوبت:ريال والنعم الساع فيك...
خالد:صح اني مرقد في المستشفى ويمكن مقدر امشي لمده سنه او اكثر بس انا ابى اخطبج وانتي تعرفين....بتوافقين والا لا؟؟؟
يزوي:ان الله اراد ان شاء الله
دشت عليهم حصوص وهي تضحك ناااقعه من الضحك..
خالد:شو فيج؟؟
حصووص:ههههههههاااااااااااي...وبعدها تضحك
يزوي:يالسباله شو فيج؟؟
حصوص:شفت لكم كتاكيت هنود صغار يشوفوني وخلاص بيصيحون..جان اعطيتهم حلاوة ..استنانسوا وخفطت عنهم جان اسمع واحد يقول this is ninjaوالثاني لا هاي بابا نويل
خالد:غربلات العدو
رن تلفون خالد
خالد:السلام عليك.تمام ربي يعافيك....خلاص تم حياك
حصه:خييبه ما كمل نص دقيقه
يزوي :قولي ماشالله
حصوص:ويل حالي
انفتح الباب ودش سلطان..انجلب ويه حصوص 180 درجه وكرهت اللحظه اللى دش فيها سلطان..ما ادري شو يتحسب عمره وايد مصدق نفسه..لكن يهبي الا هو يذلني..وانا براويه الويل
سلطان: السلام عليكم
الكل: وعلكم السلام والرحمه
خالد: اسفرت وانورت واشرقت واستهلت وامطرت بك
سلطان:هلا والله كل هذا حقي انا
خالد:عيل حق حصوص
سلطان :شحالك ربك ابخير
خالد: بخير وسهاله..علومك ؟
سلطان: عليوم الخير والله …من صوبك؟
خالد: انت ادرى بالحال…اقرب
سلطان: عاد منو بيقرب بي؟
خالد : فالك طيب ..حصوص هنيه ..ما بتقصر
حصه تبغي تقهر سلطان: نعم نعم نعم..تباني انا اقرب بسلطان
خالد: هيه نعم
حصه: سمحلي ياخويه …ماحيده غريب والله
سلطان: صدقها والله ومحد غريب الا الشيطان يا بنت خالتيه
خالد: يالله عاد قومي
حصه : عشان خاطرك بس
نشت حصوص وسارت صوب الفواله
سلطان: الا ما خبرتك
خالد: خير ان شالله
سلطان: سعيد ولد عم محمد ربيعنا
خالد: هههه ..القرفه ..بلااه؟
سلطان: يسلم عليك سلامن كثير قبل شوي شفته هنيه
خالد: الله يسلمه ويسلمك من الشر..خير ان شالله شي بلاه هو ياي المستشفى؟
سلطان: مادريبه عاد..بس شكله كان عنده موعد
خالد : الله يعافيه ان شالله..ماشالله عليه هوه ريال والنعم فيه ما عنده حركات منيه مناك
حصه من سمعت طاري سعيد ..تذكرته يوم اخته ميثه تخبر حصوص يوم سعيد شافها في المول ويوم طرشلها الرساله ويوم ردت عليه..لبتسمت وفي خاطرها صدق ماستحي..

 

[ضوى العيون]

قربت حصه بسلطان
سلطان وهو يشوف حصه وخلاص حاس انه ماله امل فيها: سلمتي حصه
حصه: الله يسلمك من الشر ..(وصدت عنه)
**ما عاد باقي بقلبك شي ما قلتــه
الله يا كـــثر منت بنيــتك قاســــي
يمكن لو اني سمعت ما تجاهلتـــه
كان الله اعــلم وش دار في راسي
لكني تحملت منك اللــي ما تحملته
واقول لحظه غضب وترد لي ناسي
والحين اشوفك حبطت الشك واشعلته
كنك تـــحاول بنارك شد هوجاســي
بالهون يا صــاحبي تــــراك طولته
لا ماتحمل ابد تــــكذّب احساســـي
فلب يحـبك وبك بالحيل مشغلــــته
لا تجرحه وان جرحته آه يا ياسي
دام الـــثقه بيننا بالشـــك بدلتــــــه
ما باقي الا تصب المر في كاسي
وان كان هذا غلاك اللي تأملتـــه
الله يعين الخفوق اللي ما هو ناسي

**اليوم الثاني**
البنات كلهن ناشات من وقت ...بيسيرن دبي مع شمه يتشرن حق زهبتها..وطبعــا قبل لا يسيرون دبي ساروا صوب خالد المستشفى..عند باب الحجره
شمه : لحظه لحظه لا تدشون
مريوم:ليش ؟
شمه: بسير اخذله باقه وكافي عاد موته ع الجلكسي..خلنا نسير ناخذله
مريوم: انا عن نفسي بدش عنده ..وبترياكن لين ما تن..منيه بتدش معايه؟
يزوي: انا
حصه خزت يزوي بعين وهيه تضحك..ويزوي حمرت بس محد يدري بالسالفه غيرهن الثنتين
شمه: خلاص عيل انا وحصوص ونواري بنسير كارفور وبني
مريوم: اوكيك
يزوي: شو رايج اتسوين في خالد مقلب..
مريوم: هلا هلا ..فكره حلوه..شوفي شو بسوي به
ما دقت الباب ...فجته بقو ودشت وهيه تقلد المصريات
مريوم مغلضه صوتها: يا قدع يا خالد ..فينك ؟؟ مستخبي ليه ..حاسب اني ما بشوفك؟؟
كان خالد مسكر ليتات الحجره ..وعاد يوم فجت مريوم البا واقفه وراها يزوي..والظل ينبات انها وحده ضخمه..خالد استغرب منيه هالمصريه اللي دشت عليه..
خالد: منو انتي؟؟
مريوم بعدها واقفه عند الباب وانشقت من الضحك يوم خالد قال منو انتي
جان اتقول: هههههه يالخوااااااااف انا مريوم
خالد ما عرف شو يسوي ..استحاااا لان كان عنده ربيعه عبدالله ..ومريوم ويزوي دشن ..والغرفه نفس ما قلت كانت ليتاتها مسكره ...سارت مريوم وفتحتهن واتيبست اول ما شافت عبدالله ربيع اخوها خالد.....جان تتغشى بسرعه وظهرت هي ويزوي
يزوي: غربلات العدو نحن شو سوييييييينا؟؟؟يويلنا من خالد !!
مريوم: اسكتي بروحي ميته من الزيغه
يزوي: الله يستر..اتصلي اتصلي بخواتج خلهن اينّا...نسير دبي ابرك النا
واتصلت مريوم حق شموه وقالت لها السالفه
شموه: انتي مينونه؟؟والا صاحيه
مريوم: لييش انا شو سويت
شموه: مالت عليج ما تستحين
مريوم: ترا جيه والا جيه كنا بندش وانتوا كنتوا ويانا بس الله كتب ان انا ويزوي ندش..يعني شو اسوي
شموه: خلاص سكروا السالفه(ويرن تلفونها "خالد يتصل بك") شمه هذا خالد الله يستر
خالد : الووه
شمه: هلا خالد
خالد: انتن غبيات؟؟ والا مينونات
شمه: ليش؟
خالد: والله انكن ما تستحن ..يعني ييتني المستشفى ما تعرفن تتصلن يمكن يكون عندي واحد من ربعي والا شي...
شمه:---------------
خالد: وهاي الغبيه مريوم مادري كيف داشه عندي...يعني صدق ..اففففففففف
شمه: انزين هيه ما تدري ان عندك حد
خالد: حتى ولو
شمه: شو حتى ولو ..دوم نحن يوم نيييك ما عندك حد...
خالد: لانكن تتصلن واتقولن انكن بتن
شمه: هالمره حبينا نسويها مفاجأه
خالد: مثل ويهكن طلعت..
**في الدرب**
سيف يسوق السياره وهو يسولف مع حصووص عن السيايير والدعاس طبها حصوص كانت شاقه الحلج..وخطفت عدالهم "كريل"
حصه: اصلا انا يوم باخذ لي سياره باخذ لي كريل
سيف:ههه كريل عاده
حصه:ودك به والله
سيف: احيدج ع الفتك والنيسان الكبسوله
حصه:اتقوولك الشاعره حصه بنت محمد..
" والله ماشريك يا وارد النيسان ..دام الكروزر في الوكاله يبيعونه..عزاه يا بو هناد لو شفت ما شفته..كرز جديد عليه مدعوج الاعياني"
سيف:صح لسانج
حصه" صح بدنك
سيف: منو نقلج هالقصيده
حصه: ههههه ..مظهرتنها من ألبي ماحدا نألني اياها
سيف: اوني عاد صدقت
حصه:خخخخخخخ سبال
شمه: اوهوووو انتوا لعوزتونا..وانتي لو ريال مادري شو بتسويين؟
سيف: والله كششششخه..خطيره بتطلعين لو ريال
حصه: احم احم لا تحاول ما بوقعلك
سيف:هههه..خقاقه
حصه: لازم اخت سيف بن محمد
سيف: والنعم والله
حصه: والنعم بحالك
مريوم: انت بدال ما تواقعها تشجعها ع انها تستوي شبابيه اكثر
سيف: يلي يسمعج احين يقول يفيد فيها الكلام
حصه: ليشش الشيووووووخ قالولكم عني رياله انا ..تراني الا بنيه واهوى السيايير واعشقهن ما فيها شي
وفي شباب ما يحبون هالسوالف حياالله شي ويمشي معاهم..يعني مب شرط كل من يعشق السيايير قلتوا عنه ريال
مريوم : بس الاغلبيه شباب
حصه: وانا مش من الاغلبيه
مريوم: بس انتي مينوووووونة سيايير!! ما تفهمين
حصه: هواويه
سيف: ياخي مالج خص في ختيه ..
حصه:هههههه ..لو خالد هنيه والله ليغسل شراعنا يا سيف لو درابنا جيه انقول حق مريوم
سيف: صدقج والله

 

[ضوى العيون]

**في بوظبي بيت بو عبدالله**
عبدالله يالس في الحوش عند الزراعه يفكر في مريوم ...ولما شافها اليوم..
ام عبدالله: عبدالله فديتك بلاك؟
عبدالله صد صوب امه: ماشي ما بلاني شي..الا انتي من متى واقفه..تعالي ايلسي
ام عبدالله تضحك: اللي ماخذلك عقلك يتهنا به
عبدالله: محد في بالي هههه
ام عبدالله: عليّه انا ..انزين انزين ..شخبارهم هل خالد؟
عبدالله في خاطره والله امي فهمتني : بخير امايه يسرج حالهم..الا ما قلتلج
ام عبدالله: عن المزيونه
عبدالله : شوو؟
ام عبدالله : قلتلك قول قول
عبدالله: هييه ...خالد اخلاف باجر بيظهر
ام عبدالله فرحت من خاطرها وتعتبر عيال محمد نفس عيالها ..يوم كانوا ساكنين في العين دوم كانوا اييون هم والشباب يسهرون عندهم ومع بو عبدالله وتذكر اخر مره سهروا عندهم دش عندها خالد وعد فيها قصيده الا يبى يغايض بو عبدالله
ام عبدالله: الله يبشرك بعروس ما تملك
عبدالله: آمييييييييييين
ام عبدالله تبى تنغزه: عبدالله
عبدالله: هلا
ام عبدالله: متى ناوي تعرس؟
عبدالله: والله باجر...شو بعد متى بتعرس
ام عبدالله : رمسني عدل
عبدالله: السموحه
ام عبدالله : اتكلم صدق انا ...انا حاطه في بالي وحده
عبدالله :----------
ام عبدالله: باخذلك روضه بنت خالتك
عبدالله ماكان متوقع ان امه تذكرله اسم وحده غير اسم مريوم..مع ان عبدالله كان مرمس امه من قبل عن مريوم..معقوله امي نست السالفه..لا والله هب من زود عيالها ولا من زود المشاكل...كيف تنسى سالفة ضناها الوحيد اللي يسوى الدنيا كلها من عقب بو عبدالله
ام عبدالله :شو قلت؟
واييهم بو عبدالله...: يقوول عن شووه وفي شووه؟
ام عبدالله: ولدك بيعرس يا بو عبدالله
بو عبدالله: هذا الخبر الزيييين !! مبروك يا ولدي واخيرا حسيت بنا
عبدالله متضايق: الله يبارك فيك
بو عبدالله: عاد منو بتاخذ؟
ام عبدالله: روضه بنت خالته وانا رمست ختيه عذيجه
بو عبدالله:والنعم الساع فيهم
عبدالله كان متضايق وحااس بعمره مب قادر يتنفس يعني سالفه روضه صدق احينه والا اميه سارت ورمست العرب الحين اذا قلت انا لا شو بيقولون عني الناس..عاااد انا ما صدقت يوم عرفت انه مش هيه العروس ..اختها العوده يلي بتعرس..والحين يعقون عليه انا السالفه..والله انــــي ما باخذ غير مريوم ..واللي في لسانه اي كلام يقوله..نش عبدالله
ام عبدالله: وين ساير ايلس ..خلنا نحدد متى انسيرلهم ونخطب بلاك ؟؟ مب موافق؟
عبدالله بصوت واطي: راسي يعورني بسير ارقد
بو عبدالله : اسمع كلام امك وايلس
عبدالله يلس وهو خلااااص منقهر
بو عبدالله: حد حاط في بالك انته؟؟
عبدالله: هييه
بو عبدالله (اتشقق من داخل بس ملامحه جاده ما تعيرت): من وين تعرفها
عبدالله: شفتها في بيتهم
بو عبدالله: يلي ما تستحي في بيتهم مره وحده؟
عبدالله: بويه بالغلط
بو عبدالله: بنت منوه؟
عبدالله: بنت محمد بن سيف ...هل العين
بو عبدالله: والنعم..ترمسها في التلفون انته
عبدالله: بويه انا ماخون ثقة ربيعيه فيني ..وحتى لو انا فكرت اني برمسها مستحيل هيه ترضا..هلها مربينها ونعم التربيه
بو عبدالله : قبض ايدين ولده..الله يوفقك يا ولدي ان شالله
ام عبدالله: انا ما بخطبلك الا...........
عبدالله: مريم!!!!!! (قالها وكله امل)
ام عبدالله ابتسمت: مريم بنت محمد..مبروك
عبدالله: هييييه ..وسار وحب واليه ع راسها ..فديتكم تسلمون علني ما خلا منكم
ام عبدالله: حبتك العافيه
عبدالله: الله يعافيج متى ان شالله؟
ام عبدالله: عبدالله شو هو؟
عبدالله : بتخطبيلي
ام عبدالله: خلاف عرسهم ان شالله
عبدالله: انزين انا بترخص الحين ..تعبااان وبسير ارقد
ام عبدالله: ربي يحفظك
عبدالله: ابويه بغيت شي؟
بو عبدالله : سلامة راسك
عبدالله: الله يسلمك الغالي(وسار عبدالله)
بو عبدالله: كفففج ام عبدالله نجح المقلب
ام عبدالله: ههههه..ان شالله على خير..وولدك هذل يستهبل ما عند عذيجه بنيه اسمها روضه

 

[ضوى العيون]

** في بيت ام منصور**
بو سيف: والله يا منصور يا ولدي..هذي الدنيا مثل ما تعطي تاخذ..ومكتوب عند الله كل شي..والناس تقول الحمدلله على كل حال..كل هذا امتحان ..واذا اليوم صليتوا على ابوك باجر بيصلون علينا
منصور: الموت حق
بو سيف: صدقت يا ولدي..نحن لوّل ما كنا نشوف ابونا وايد..كان يشتغل ويكد علينا..ونفرح يوم بس نشوفه كنه يوم عيد
منصور: زمانكم غير زمانا
بو سيف: هيّها ..ايام الاول احلى ايام والله ..كانت ايام بسيطه والحياه سهله..قبل الدرهم اييب اربع بيبسي..كنا دوم نتعازم انا وربعي..والعروس كان عندها سبوع بالكثير تتزهب ولباسها بسيط..هب مثل اليوم عوذ بالله مب فستان عرس هذا هالكبر...اتقول حاطين دش تحته..وشميم سايره تتزهب من دبي وباجر مادري وين ..والفستان عند المصممه الفلانيه..
منصور: ههههههه كل هذا في خاطرك؟
بو سيف: ما بقول غير لا حول ولا قوه الا بالله..ا العيال لين الحين ما وصلوا ؟
منصور: لا بعدهم
بو سيف: كيف الحين الساعه 11.30 ف الليل
منصور: خلاص الحين بتصل بهم..(واتصل)
سيف: مرحبا مليوم وامثاله عشر بالشيخ منصور
منصور: هلا هلا..المرحب لهان فديتك..وشحالك , ربك بخير؟
سيف: يسرك الحال ولا يضرك ..علومك؟
منصور: علوم الخير..وينكم؟
سيف: ع اللفه..ليش؟
منصور: لا بس عمي يتخبر
سيف: مشتاق للبكر والا اخر العنقود
حصوص: اكيد اخر العنقوود
منصور: عوذ بالله ..هاي حصوص صح
سيف: هيه
منصور: اووه نسسيت انها وياكم ف الرحله..هههه
سيف: هههه يالله نحن عند الباب
منصور: مع السلامه
بو سيف: وينهم
منصور: هكم ها عند الباب
بو سيف: حلفت عليهم جان بطوا اكثر
منصور: عمي ...خلهم ايام وبتعدي..البنيه تتزهب
بو سيف: فديييت بنتي بتسر عني
في هاللحظه دش سيف
سيف: السلااااااااااام عليكم
بو سيف +منصور: و عليكم السلام والرحمه
سيف وخى وحب ابوه: شحالك الغالي؟
بو سيف: بخير ربي يسلمك..ليش بطيتوا؟
سيف: والله لو الود ودي جان رجعت ساعة ما سرنا..بس تدري كلهن اللي سايرات معايه بنات
بو سيف: هههه الله يقطع بليسك عن تدش علينا وحده منهن وتسمعك واتسوي لك سالفه
منصور: اتمنى تكون حصوص..خخخخخخخخخ
سيف: نذل
منصور: نذل هاه..الحين بسير اخبرهن
سلطان: السسسسلام عليكم
الشباب:وعليكمم السلام والرحمه هلا
سلطان: شحالكم.. عساكم مرتاحين
سيف: تمام التمام
منصور: كويسين
بو سيف: ترتوبيشن
الكل صد صوب بو سيف..سمعوا كلمه غريبه ظاهره منه
سيف: شو قلت؟
سلطان: منو معلمنك
منصور: شو معناها؟
بو سيف: شفييييييكم بسم الله كلهم بهتوا...قلت ترتوبيشن..اللي معلمني خالد ..معناها مادري ..بس اسمعه يقول حق ربيعه ترتوبيشن
الشباب من سمعوا بو خالد محد قدر يتحمل: ككككككككككككككككككككككككك...ههههههههههههههههههه..خ خخخخخ
بو سيف: هب عليكم هباب ما تستحوون.ههههه..
سيف: بسكم عاد شباب..تراه ابوي
بو سيف: لاوالله ..انا ابوك هاه وقبل شوي تضحك معاهم هاه؟
سيف: لا ابويه ماكنت اضحك
بو سيف: عيل شو تسوي؟ترقص
سيف: حشا عليه
كانت يلسة بو سيف والشباب دوم حلوه ..صح انه مان شيبه يعني مب في عمرهم ..بس سوالفه كانت سوالف شبابيه"عكســه" كانت يلساتهم كلها ضحك وفي نفس الوقت دروس ونصايح حقهم وحق مستقبلهم
** عند البنات**
البنات يالسات ويا شمه فووق يرتبن الاغراض اللي اشترتهن شموم حق زهبتها
حصوص: ياااااي ..شموه عطيني الشيله عايبتني
شمه: واصل..بس بعد ما البسها
يزوي: ياااااااي ..شموه عطيني هالرقعه بفصل فيها
شمه: وصل ..بس بعد ما البسها
نواري: ياااي ..شموم انتي عايبتني
شمه: واصل بس بعد ما البسها
البنات: ههههههههههههههههههااااااي
شمه: بلاكن؟
مريوم: انتي اللي شو بلاج؟
يزوي : يوم قالت نواري شموه انتي عايبتني انتي قلتي اوكي واصل ...ههه
شمه: خخخخخ..عذرني بالي هب معايه
مريوم: اللي ماخذنه يتهنا به
حصوص: انتن لازم تعذرنها..تراها عرووس...والعروس لازم اتكون متوتره وخايفه قبل عرسها ..وبعدين لا تنسن ترا شميم ما لحقت تتزهب ولا تشتري شي الا اليوم
نواري: ويل حالي ع اللي تتفلسف
حصوص: احم احم..الشيخه
شمه: تعرفن.. انا باجر بسير اخيط هنيه في بوظبي وبخليه يخلصهن هالسبوع وبفر عليه كم من درهم بيسكت..والعطور بخلي الشباب يشترونهن ..طبعا مع خالد ..امممممم اما الملابس الجاهزه وهالسوالف باجر بنحوط في المولات الصبح مع حد من الشباب
حصوص: خلااااص تم..دامنه المول تم والله...بس تعااالي انا باجر لازم ارجع العين
مريوم: ليش؟
حصه: لا تستهبلين السبت مدرسه
يزوي: تعااااالوا حتى انا
شموه: ما عليه ع خير ان شالله
ويلسن البنات يسولفن عن فساتين العرس ووين بيفصلونهم وعند منو بيسوون ميكابهم
مريوم: حووه نسينا...الخيمه شو شغلها ؟؟شو الكوشه؟؟
نواري: صدقج نسيينا
حصوص: غربلات العدو ..مسويين عرس ومتزهبين ومرتبشين اخر شي لا خيمه ولا شي كوشه ولا خدمه ولا مقهويات ...واللا اقولكم مب لازم انسويه مختلط ..هههههه بسير انعش عند الرزيفه
مريوم: عشان بنلعن قفدج
شمه: حمدان متصل بي وقال عن الخيمه والكوشه هو مختارهن خلاص وحجز كل شي
حصوص: بس يمكن الفستان ما يناسب الكوشه
شمه وغمزت: افا علييج كل شي مرتبينه
مريوم: آخ يالخاينه من ورانا!
يزوي: انزين بتخبركن..ياخي شبابنا لا هم مرتبشين ولاشي حتى ما اتجهزوا ولا فصلوا ولا شي...الا نحن
مريوم: افا عليج يتريون الشيخ خالد بن محمد
يزوي: منوووه ؟؟ولد محمد بن زايد؟
شمه: الله يغربل عدوينج ..قصدها اخويه خالد
نواري: ومن متى استوا شيخ ان شالله!!
حصوص: ودج عاد به..الشيخ بمعانيه يطولّي بعمرج...=====> يعني اخوي شيخ
نواري: ههههه حشا كلتيني
حصوص: لازم تراج ترمسين عن خالد
نواري: خلاص آسفه والله آسفه
حصوص: هههه ..لا فديتج امزح معاج
نواري: حشا جيه تمزحييين
البنات: ههههه
حصوص: اقولكن بنزل تحت ..شي تبن من المطبخ؟
شموه: جاهي حليب لو سمحتي
حصوص: ان شالله عروسنا,,,, حد ثاني؟
نواري: لمممممم نسكافيه
مريوم: حتى انا
حصوص: ليش عويناتي..ما وراكن رقاد؟
مريوم: نسيتي سالفة البطايق؟؟ لازم نكتبهن تعالي حسبيهن كم وايد
حصوص: بطايق شووه
مريوم: العرس والا تستهبلين
حصوص: شووووووه ؟؟العرس...يالخاينات ولا حد خبرني ولا شي !! معلوم بنت البطه السوده ...انزين منو يابهن
مريوم: حمدان ..اليوم الصبح
حصوص: واكيد ع ذوقه
شمه: اكييد
حصوص: كــــــــــخ عيل اكيد بايخات
شمه: ايييه ..كله ولا ريلي..شوفيهن بتغيرين رايج
سارت حصوص صوب الصناديق اللي حاطين فيهن البطايق وظهرت بطاقه وحده يعني صدق البطاقه كانت حلوه ولونها كان ع الوردي الفاتح
حصوص وخاطرها تغايض شموه: وع ..شو هاللون؟
شمه: والله انه يجنن
حصوص: اع
شمه: انتي اصلا شدراج سيري هاتي الجاهي وتعالي بسرعه
حصوص: اوكي اوكي..يــزوي تعالي معاي
يزوي: اوكي
نزلن يزوي وحصوص وهن يتكلمن عن البطاقه وعن ذوق حمدان
يزوي:والله البطاقه تجنن
حصوص: ادري بس قلي بقهر شموه شويه
يزوي: حليلها بتسير عنها....ما اتخيل الشله بدونها
حصوص: لالالا تكملين في هاي السالفه...مافيني اصيح
يزوي:صدق بتصيحين؟؟
حصوص :لآ
يزوي:امبلا
حصوص:لآ
يزوي:اوكي بنشوف يوم العرس(ووصلن المطبخ شافوا سيف وسلطان ومنصور يالسين على طاوله الطعام اللى في المطبخ وسلطان صوب الفرن)
يزوي: سلطان شو اتسوي؟؟
سلطان:صد ويتحسب يزوي بروحها وكان بيرمس بس من شاف حصوص سكت
منصور:اونه يبى يسوي لنا نودلز
حصوص:عااد امره النودلز ما يباله
سيف:لا خلوه يتفنن ع كيفه
يزوي:ههههه