كل أسإلتكم و استفساراتكـم عن الجامعات والكليات ،، [ للخـريجـآآآآآآآت ]

[ذهـبـيـة ~]

^^^

والله مادري للأسف

حاطين بالموقع أرقام .. دقي عليهم باجر الصبح قبل ماتروحين

عشان شغلج يكون جااهز

و كل شي بشويخ ماعندكم شي بمكان ثاني

 

[~ miss NERD ~]

انا مكافئي حده يلوع الجبد اقل من نسبة الهندسة الدنيى من السنه اللي طافت و حدي احس احتريت و الله
انا حطيت اول رغبه هندسه
و بعدين مادري شنو اشياء ما راح يقبلوني فيها مادري شكو نقيتها و بعدين اداريه
اذا انقبلت اداريه و ارتحت فيها بقعد
اذا ما ارتحت بحول هندسه ان شاء الله
و ان شاء الله انقبل بالمكان اللي فيه خير لي

 

[SAHOOM]

اولاا يعطيج العاافيه ع الموضووع انا نسبتتي 83 علمي وامتحنت قدرات يبت بالكيميا44 وانجليزي 41 والرياضيات 50 وانا ودي ادخل صيدله بس مايقبلوني اقدر احول واي كليه احسن الطب المساعد ولا العلوم البيولوجيه وابي اسال عن التسجيل من النت انا لما سجلت قالواا خطاا ؟؟ انا سعوديه وامي كويتيه اقدر اسجل منه ياريت تفيدوني؟؟

 

[ذهـبـيـة ~]

انا مكافئي حده يلوع الجبد اقل من نسبة الهندسة الدنيى من السنه اللي طافت و حدي احس احتريت و الله
انا حطيت اول رغبه هندسه
و بعدين مادري شنو اشياء ما راح يقبلوني فيها مادري شكو نقيتها و بعدين اداريه
اذا انقبلت اداريه و ارتحت فيها بقعد
اذا ما ارتحت بحول هندسه ان شاء الله
و ان شاء الله انقبل بالمكان اللي فيه خير لي

زين تسوين

إذا ارتحتي بالادارية كملي فيها .. و إذابخاطرج التحويل هم تقدرين تحولين

اميييين ان شاء الله

 

[ذهـبـيـة ~]

اولاا يعطيج العاافيه ع الموضووع انا نسبتتي 83 علمي وامتحنت قدرات يبت بالكيميا44 وانجليزي 41 والرياضيات 50 وانا ودي ادخل صيدله بس مايقبلوني اقدر احول واي كليه احسن الطب المساعد ولا العلوم البيولوجيه وابي اسال عن التسجيل من النت انا لما سجلت قالواا خطاا ؟؟ انا سعوديه وامي كويتيه اقدر اسجل منه ياريت تفيدوني؟؟

الله يعافيج بعد قلبي :*


شوفي هالرابط http://reg.kuniv.edu.kw/Announcements/admission_plan_111-ar.pdf

حاطين تقدرين تسجلين بالنت , مادري ليش ماضبط وياج :s

وهم تقدرين تروحين شويخ بس حاطين 5-7 حق ابناء الكويتيات يعني اليوم :s

وعندج 24-7 و27-7 .. حاطين هالأيام حق اللي طافهم التسجيل

روحي شويخ وشوفي شنو الأوراق اللي يبونها منج

اي مايقبلونج صيدلة للأسف .. تقدرين تحولين من طب مساعد وعلوم بيولوجية عادي نفس الشي

انا أقولج الفرق بينهم .. إذا لا سمح الله بعدين ما قدرتي تحولين راح تكملين بكليتج

فاذا بتكملين بطب مساعد دشيها واذا بتكملين بالعلوم دشيها

شوفي شنو تخصصات البيولوجي و شنو تخصصات الطب المساعد واللي ترتاحين له اكثر دشيه

والله يوفقج حبيبتي :eh_s(17):

 

[FrFaSha]

بخصوص ابناء الكويتيات يا جماعه يروحون صاله القبول والتسجيل بالشويخ

روحو باجر ما انصحج لا تتأخرين ترا تحتاسين بعدين واخذي معاج صوره من بطاقتج

المدنيه وصوره من شهاده ميلادج وصوره من بطاقه امج المدنيه وصوره من جنسيه

امج ( واخذي الأصل وياج ) ولا تطلعين من اهناك الامعطينج الباس بعدها تكملين تسجيل

إلكتروني بالبيت لكن انشبي لهم لا تطلعين من اهناك لو شنو يقولونج يصرفونج ترا

لا تطلعين الا معاج الباس وشكــرـآ :eh_s(17):

 

[النجاح هدفي]

حبي ذهبيه والله انج دشيتي قلبي انا ما عندي سؤال بس حبيت اسلم عليج
لووووووووووووووووووووووووووووووووووووووووووووووووول

 

[ذهـبـيـة ~]

^^^

LOOOOOOOOOOOOOOOOOOOOL

ميغسي بعد قلبي :eh_s(22):

الله يسلمج ويسمنـج

 

[بنت ال q8]

تسلمين حبيبتي ع الموضوع المفيد

عندي سؤال صغير عادي اسجل بالجامعة وكلية التربية الاساسية...!
ولا بس مكان واحد...!

ويعطيج العافية يا قلبي:eh_s(7):

 

[nono93]

اولا شكرا ع المووضوع
حبي بغيت صحيفه التخرج وابي اعرف المواد المشتركه وشنو اسهلهم باخذهم الكورس الاول

 

[ذهـبـيـة ~]

بنت ال q8

الله يسلمج حبيبتي

حسب اللي سمعته ان يصير تقدمين عليهم معا بعض

بس جامعة الكويت تبي الشهادة الأصلية !

اذا التربية الاساسية ياخذون نسخة فـ يصيـر

بس اذا يبون الأصلية لازم تختارين وحدة منهم

و نفس ماقتلج اللي عرفته يصير تقدمين عليهم اثنينهم بس روحي سألي فيها أحسن

والله يعافيج



الحنونه دائما

عفوا حبيبتي

انتي أي كلية ؟ صحيفة التخرج غير حق كل كلية و كل تخصص

اول ما تداومين تاخذينه من التوجيه والإرشاد بكليتج

وهم المواد المشتركة قصدج مواد أي كلية ؟ حق التحويل يعني ؟ ولا قصدج الاختياري ؟

اذا اختياري عندج مهارات اتصال سهلة وحلوة قواعد .. سجليها عند زكريا محمد حسن

ثقافة اسلامية عند سعود الدوسري أو عواد برد العنزي

اممم

جماليات أدب هم مادة عربي وشعر عند هيفاء السنعوسي

علم نفس عند ناصر المنيع أو نعيمة الطاهر

انتي بتوقيعج حاطة انج انقبلتي فوري فلا تحاتين كلش من ناحية المواد

اللي ينقبلون فوري أول ناس يسجلون لهم المواد اللي يبونها وهم عند أحسن الدكاترة :eh_s(9):

 

[RocK_StaR]

THANXxX AlOooOT

UP
UPUP
UPUPUP
UPUPUPUP
UPUPUPUPUP​

 

[فلة الحلوة]

هااااااااااااي بنات شلوونكم عفيه ابيكم نساعدوني بشغله انا محتاره وضايعه مادري وين اروح تخرجت هالسنه من ااثنويه نسبتي 79 وبخاطري علوم اداريه بس اخاف مايقبلوني لان امنحنت مرتين قدرات وسقطت ويبت انجليزي 29 ورياضيات 40 وميته ابي العلوم الاداريه بس اخاف مانقبل ابي محاسبه واللي تعرف عن هالتخصص شلونه سهل صعب دكاترهتم دراستهم الانجليزي مالهم قوي ولا يبيلي ادش معهد ولا شنو واذا علتوظيف وين اتوظف وجم معاشاتهم مع الكوادر قوي ولا لا ؟! معاشاتهم بحدود جم ؟! في لهم بونص ولا و بحدود جم ؟!

وهم كان حلمي ان ادش هندسه بس نسبتي ماتساعد قالولي دشي علوم رياضيه وحولي بس صعبه كل اللي اعرفهم ماقدرو يحولون منها وايد صعبه مااادري شسويييي
نصحوني اروح تربيه بس مالي خلق تعب وكد وتعال درسي ويع مابغيت افتك من الثانويه :/
ساعدوني شالحل شسوي
مادري شختار رغبات

 

[ذهـبـيـة ~]

^^^

العلوم الإدارية مستقبلهاا وايد حلوو

كل قطاعات الدولة تحتاج تخصصاتهم والمحاسبة له كادر

بنوك .. نفط .. شركات خاصة

التحويل حق الهندسة يبيله شدة حيل .

اذا انتي قدها دشي علوم وحولي , واذا مترددة و ماراح تجابلين حددددده لاتدشين

خلج عالعلوم الإدارية أحسن

و عن الانجليزي .. كل الكليات العلمية دراستهم بالانجليزي .. طب / هندسة / علوم / إدارية

وما أعتقد فيه مشكله

أغلبنا كنا خايفين بس عقب ماجربنا بالعكس عادي و يمكن أسهل من العربي بعد :d

 

[بنت ال q8]

تسلمين ياحياتي ع الرد
ممكن سؤال ثاني....!
شنو التخصصات الادبية بكلية التربية اللي بالجامعة...!

 

[ذهـبـيـة ~]

^^

اسلامية .. عربي .. انجلش ..فلسفة .. تاريخ .. علم نفس .. علم اجتماع

حيااج الله

 

[احلى ميمو]

بناااااااااااااااات بسجل اختي جامعة الكويت ودخلت البيانات ( التسجيل الاكتروني ) بس طلع لي >>>>


هناك خطأ بالبيانات المدخلة أو لست ممن تنطبق عليه شروط التقديم الالكتروني، إذا كنت متأكد من صحة البيانات المدخلة وانطباق الشروط عليك يرجى مراجعة عمادة القبول والتسجيل

ليش ؟؟؟؟؟؟؟؟؟؟؟؟؟؟؟؟؟

 

[هيافين]

السلام عليكم انا ادبي نسبتي 79 يصير اقدم على التطبيقي كلية التربيه الاساسيه وبنفس الوقت اقدم على الجامعه

 

[NOooOSHA]

السلام عليكم  بالله افيدوني انا كنت بتطبيقي وسبحان الله صارت لي ضروف وماكملت وعدت رابعه ثانويه هالسنه منازل عشان اقدم جامعه باذن الله عادي يقبلون شهادتي الجامعه يعني ماتفرق عن الصباحي !! واذا ابي كليه علوم لازم قدرات ?!? وشكرن 

 

[لاند كروزر]

كلية العلوم الإداريه جم نسب الدخول فيها

ونسبة القدرات الانجليزي جم ؟؟ والرياضيات جم؟؟ ومن جم نسب النجاح فيهم؟؟

واذا تخرجت منها وين ممكن اتوظف ؟؟

وهل اقدر ابدي من الكورس الثاني ؟؟ يعني أطوف كورس عادي؟؟

اسإلتي وااجد الله يعينج. وجزاك الله خيراً