كل أسإلتكم و استفساراتكـم عن الجامعات والكليات ،، [ للخـريجـآآآآآآآت ]

[ذهـبـيـة ~]

واااي خوفتيني اذا انا علمي ونسبتي ما ادششني لا هندسة ولا طب اصلاا انا ما ابيهم االهم اذا اسنان وابي بره الكويت وين ادش مابي كلية العلوم الكل ما يمدحها ودكاترتها مو زينه والبنات الجامعية بالمنتدى كل البنات يبون يطلعون منهاا قوليلي اذا علمي وين ارووح مكان في شي علمي وما ابي تربية الابلاتنا كلهم يقولوون غلطتنا صرنا ابلات وانا حقهم ماكلينا والكلام من ده عطيني حل بليز ولا تقولين " علوم ادارية " لوول واسفه على الغرغه

انتي علمي

انا أشوف أفضل 3 كليات : الطب / الهندسة / العلوم الإدارية

انتي المفروض يكون عندج ميول حق كلية معينة

تحبين الأحياء و الكيميا .. عندج طب / طب مساعد / علوم بيولوجية

تحبين الفيزيا و الرياضيات .. هندسة / علوم رياضية

تحبين الرياضيات و الحساب .. علوم إدارية

و عندج التربية و الاداب و الشريعة و الاجتماعية فيهم واايد تخصصات

و كلامج عن دكاترة العلوم عدل

انا الحين اخذ مواد علوم و أغلب دكاترتهم X

في شوية زينين عشان ما أظلمهم (=



انتي شوفي شنو اللي يناسبج .. بالنهاية انتي اللي راح تدرسين مو احنا

 

[ذهـبـيـة ~]

اشكرج على الموضوع المفيد
بغيت اسألج يصير ندش الكليه الاستراليه بعدين نحول حق جامعه الكويت؟؟؟
وشنو الشروط ؟​

لا ما يصير للأسف

 

[الحورية الصغيرة]

إلي تسأل عن التحويل من الإسترالية ما يسير لانه الإسترالية دبلوم

اذا دشيتي قست - auk -aum تقدرين لانهم باكلريوس

 

[Ruyaa]

اهاا مشكورة على الافاده
وامتنى للكل التوفيق
ودعواتكم ​

 

[<(بنت ابوها)>]

بناات بلييز ابي احد يرد علي
انا منزله استفسار عن تخصص مادة التريخ بالتربيه الاساسيه او حتى الجامعه
هل هي سهله والا لا
شلون الدكاتره هنااك
شنو الاماكن اللي تقبلني غير التدريس
بلللييييييز ردوووو

 

[آدمنت قربككِ]

اب
اب
اب
عججججججججييب هالموضوع واايد استفدت منه =]

 

[ذهـبـيـة ~]

UP

حيااااكـم بناات

بس بليز لا تسألون أسألة مكررة روحو شوفو الصفحات اللي طافت يمكن تلقون اللي تبونه

و انا جاهزة حق أسإلتكم اليديدة

:ggdw:

 

[رتيل الحب]

السلااااااااااااااااااااااااااام عليكم يا قلبي

شخبارج شمسويه

مشكوره يا قلبي و يعطيج العااااافيه على الموضوع

حبيبتي أنا توني قبل شوي سجلت و الحمدلله قبلوني كليه العلم الإجتماعيه
بس ما طبعت ورقه الإلتحاق بالجامعه ونسيت شنوو الأوراق المطلوبه ويقولون إن ما قدمت الإوراق ما رااح يقبلوني ونسيت التاريخ اللي أودي فيه الأوراق حق الجامعه

 

[الليدي ديانا]

ذهبيه شلونج شخبارج ? < ماكو فكه مني

شكلي راح اصير زميلتج بالكليه .. لازم جم ماده اخذ بالكورس ؟

 

[~ miss NERD ~]

امممم
ما عندكم فكره اذا نزلوا النسب الدنيى ولا لأ!!

 

[الجورى 2007]

ذهبية الله يرزقك الجنة ودى اسال اللى بتدش صيدلة شنو الكلية طب مساعد او فيه مسمى ثانى ؟؟؟

واذا النسبة ما تساعد ممكن التسجيل بشنو وبعدين اقدر احول للصيدلة؟؟

 

[ذهـبـيـة ~]

رتيل الحب

وعليكم السلام روحمة الله وبركاته

الله يعااافيج

أعتقد فيه مواعيد حق تقديم الأوراق على حسب نسبتج

هذا موقع العمادة بشويخ تابعيه عدل

http://reg.kuniv.edu.kw/

دشي صوب ادارات العمادة حاطين أرقام اتصلي وشوفي كل الأوراق المطلوبة

انا أذكر ودينا الشهادة الأصلية " هذي لاازم لان جامعة الكويت تاخذ الأصلية مو نسخة نفس الجامعات الخاصة"

و نسخ من الشهادة عربي وانجليزي .. ورقة من البنك حق حسابج عشان الاعانة .. صور من بطاقتج المدنية

و بطاقة أمج و أبوج " كلهم صور " و صورة من الجواز أعتقد

هذولة اللي ببالي الحين ..

وعالبركة قبوولج تستاهليـن يا حلوة :ggdw:

 

[ذهـبـيـة ~]

هلاااا بالزيييييين كاميليا انتي شخبااارج

بشري جم مكاافئـج ؟!

سواء انقبلتي بالطب أو الهندسة أثنينهم حلوين وخييييييرة لج المكان اللي بتنقبلين فيه والله

اي اي شعليج بتصيرين زميلتي

انتو المستجدين جداولكم ثابتة كلكم نفس الشي ..

بالنسبة للهندسة

اذا ساقطة بالقدرات " انجلش " .. راح يعطونج تمهيدي أنجلش + كالكولاس A

اذا ساقطة بالرياضيات .. نفس حضرتي راح يعطونج تمهيدي رياضيات " بري كالكولاس " + إنجلش 123

اذا ناجحة فيهم

راح يسجلون لج .. كالكولاس A + فزكس 1 + انجلش 123

السنة اللي طافت على دفعتنا عطو هالمواد

يمكن تكونون نفسنا و يمكن يزيدون لكم مادة اختياري أو مقدمة في الهندسة الله أعلم

بس الجدول اللي فوق حلو و حده مريح

هذا بالنسبة للكورس الأول .. بعدين من الكورس الثاني راح تبلشون تسجلون موادكم بالنت

وانتي كيفج في ناس تسجل 4 مواد في ناس 5 مواد على حسب مقدرتج

اذا كنتي ساقطة بالكيميا راح تسجلين تمهيدي حقها واذا ناجحة تسجلين كيميا علطول

و اذا نجحتي بكالكولاس A تسجلين كالكولاس B و نفس الشي مع الفيزيا تسجلين فيزيا 2

و اختياري ولاب .. انتي بعدين راح تصيرين خبرة بالمواد

تاخذين الميجر شيت حق دفعتكم .. هذا فيه المواد المطلوبة و تشوفين شنو تبين تسجلين

أول سنة ونص أو سنتين ناخذ مواد من كلية العلوم

المواد المطلوبة للتخصص : انجلش 123 + كالكولاس a و b + فزكس 1 و 2 + كيميا

تخلصينهم وتتخصصين .. وكل ماخلصتيهم أسرع وتخصصتي بسرعة أحسن لان التخصصات حق البنات

بسرررررعة تسكر خصوصاً اذا كنتي تبين بترول أو مدني أو صناعي


و إذا انقبلتي هندسة و محتاجة أسامي الدكاترة الزينين قولي لي وانا أعطيج أسامي أحسن الدكاترة عشان تسجلين عندهم ^_^

 

[ذهـبـيـة ~]

هلااا نيرد .. ازيــك ؟!

النسب الدنيا حق دفعتكم ماراح تعرفونها إلا بعد ماتنقبلون بالكليات

مني يقولون جم أقل نسبة قبلوهاا

و اللي عرفته إن ماراح ينزلون النسبة عن السنة اللي طافت

الهندسة كانت 82.46 ومالج شغل بالأعشار لان دفعتكم غير ..

و الطب 88.5

و ان شااااء الله تنقبلين بالكلية اللي تبينها

وانتي بعد نفس كاميليا اذا انقبلتي هندسة قول لي خل أعطيج أسامي الدكاترة اللي تسجلين عندهم

ولا سمح الله ما انقبلتي بالكلية اللي تبينها

فيه تحويل وسهاااااالاااات

تقدرين تحولين من أي كلية ثانية و تاخذين نفس المواد اللي ياخذونها طلبة الهندسة بالضبط

وهم اذا بتعرفين شلون تحولين حق الهندسة راح أقولج

بالتوفييييييييق :eh_s(17):

 

[حباري نجد]

كويتيات عفيه جاوبوني تسجيل الخليجيين بجامعة الكويت متى يبدي

ومن وين اخذ المضروف من الشويخ ولا وين عفيه بنات ردوووا علي بسرعه

 

[ذهـبـيـة ~]

الجورى 2007

مشكوورة حبيبتي وياااج ان شاء الله :d

الصيدلة تتبع مركز العلوم الطبية

يبون مكاافئ عالي السنة اللي طافت كان 88.5

تدشون مركز العلوم الطبية وتقعدون سنة كاملة بعدين تدشون الكليات اللي تبونها " طب أسنان / طب / صيدلة"

اذا بتحولين حق الصيدلة يا تدشين طب مساعد أو علوم بيولوجية

بس المشكلة إن التحويل حق الصيدلة شوي معقد لان نظامهم سنوي مو كورسات نفس الهندسة وباجي الكليات

الطب والحقوق سنواات

بس أكيد تقدرين لان أغلب اللي يدشون مركز العلوم الطبية يبون طب أسنان أو طب بشري نادر تلقين أحد يبي صيدلة

عاد عقب ماينقبلون بالكليات اللي يبونها .. اللي معدلة نازل وماانقبل طب قطوه صيدلة

هذولة أغلبهم يسحبون أوراقهم ويرحون يدرسون طب برى

عاد طلبة الطب المساعد والعلوم البيولوجية يحولون صيدلة وتاخذون اماكنهم :d

 

[الليدي ديانا]

هلا فيج .. مكافئي حق الطب 87.67 يعني ما اتوقع يقبلوني .. و حق الهندسه 87.45 .. حطيب الرغبه الاولى طب و الثانيه هندسه انشالله خير .. و مشكووره وايد .. اذا قبلوني راح ايي اسالج عن الدكاتره و قواج الله :*

 

[ذهـبـيـة ~]

كويتيات عفيه جاوبوني تسجيل الخليجيين بجامعة الكويت متى يبدي

ومن وين اخذ المضروف من الشويخ ولا وين عفيه بنات ردوووا علي بسرعه

حبوبة شوفي هالروابط

هذا موقع عمادة الجامعة http://reg.kuniv.edu.kw/


http://reg.kuniv.edu.kw/Announcements/admission_plan_111-ar.pdf

وهذ الجدول وحاطين فيه مواعيد تقديم طلبات الالتحاق بشويخ

الخليجييين 6-7 يعني باجر

واللي ما لحق فيه 24-7 و 27-7 هالايام حق الكل

تروحين الشويخ صالة القبول والتسجيل زين

و موفقة حبيبتي ويارب نشوفج بالكلية اللي يتمناها قلبج

 

[ذهـبـيـة ~]

هلا فيج .. مكافئي حق الطب 87.67 يعني ما اتوقع يقبلوني .. و حق الهندسه 87.45 .. حطيب الرغبه الاولى طب و الثانيه هندسه انشالله خير .. و مشكووره وايد .. اذا قبلوني راح ايي اسالج عن الدكاتره و قواج الله :*

الدفعة اللي قبل دفعتي أعتقد الحد الأدنى كان 87 وشوي بس دفعتنا كان 88.5

على حسب دفعتكم ترى

اذا انقبلتي طب الحمدلله واذا ما انقبلتي هم الحمدلله راح تدشين هندسة

كل كلية أحسن من الثانية و الكل يتمنى يدشهم

العفو حياتي والله يقوييييج :****

ولاتنسين تصوتين هندسية >> بدينا بسوالف الانتخابات

بلطف الجو شوية خوو

 

[حباري نجد]

حبوبة شوفي هالروابط

هذا موقع عمادة الجامعة http://reg.kuniv.edu.kw/


http://reg.kuniv.edu.kw/announcements/admission_plan_111-ar.pdf

وهذ الجدول وحاطين فيه مواعيد تقديم طلبات الالتحاق بشويخ

الخليجييين 6-7 يعني باجر

واللي ما لحق فيه 24-7 و 27-7 هالايام حق الكل

تروحين الشويخ صالة القبول والتسجيل زين

و موفقة حبيبتي ويارب نشوفج بالكلية اللي يتمناها قلبج

يابعد عمري عساني ماخلا منج

انزين المضروف استلمه من الشويخ ؟

واخذ معاي طلبات ولا بعدين مو الحين ؟