:hjy5jewf::hjy5jewf:صراحة الدروس والافكار اكثر من رائعة وما قصرتوا على هذا التعب الواضح اللة يجعلة في ميزان حسناتكم معلمات المبدعات انا درسي كلمة احمر شنو المنبة والمسابقات مع ان هدفي الثاني يحافظ على نعمة البصر ادري انكم ما راح تقصرون معاي وخاصة المعلمة عهود ولبا قلبة
انتي الرائعـــــــه ومروورج الاروع ..
حبيبتي والله
امممممم كلمة احمر ماتصير عندنا :eh_s(11):
بس رفيجتي قدمتها <<مرفوع عنها القلم
بحط لج درسها .. وان شالله عهود بتحط لج درس افضل
المنبه..
دخلت من الرسام بالبوربوينت صورته مجزاءه .. لين تطلع صورة الرسام منو هذا الرسام ماذا يرتدي البالطو وماذا يحمل الفرشاة والالوان لكن ننظر اطفال ماهذا <<في صندوق بالشريحه يتحرك او تحطين له اي تاثير كيففج كان ملون .
الرسام يخبرنا يااطفال انه يوجد صندوث مشابه لهذا الصندوق في فصلنا مارايكم نبحث عنه
وتقومين واحد مع الموسيقى وويبه لج من الفنون
الله اطفال للنظر هذا الصندوق كبير ام صغير ماذا تتوقعون يوجد بداخله ؟ هل تستيعون مشاهده مابدالخله الان !! حسنا من يساعدني في فتحه ؟ ويفتحه راح تطلعين قلم شيني احمـــر ماهذا لون احمر وتطلعين الوان اصابع مالونها احمر لكن اطفال انظروا ماذا وجدت المعلمه ؟؟ ورقه ملفووفه بسير ؟ نفكرر شنو ممكن يكون فيها ..
فاضيه .. ضووره ... كلمه
تفتحينها كلمه احمـــر
فردي وجماعي وتكتبينهاا
اطفال شلون نقدر نقرااا نستخدم اي عضوو ؟؟ العين وما اسم الحاسه حاسه النــــ !! من اعطانا هذه النعمه الله سبحانه وتعالي وماواجبنا تجاه الله نشكره ونحمده انزين اطفال ولان الله اعطانا هالنعمه شنو لازم نسوي نحافظ عليهاا الخ
تبلشين مسابقات ..
1) اوراق اي فوور مكتوب فيها احمر تقصيينها 3 اجزاء وتحطين وراها مغناطيس ؟ وتطلعين طفلين يرتبون الكلمات
2)4 كراسي ورا كل كرسي تحطين ورقه مقلوبه (احمر_احمر _ارنب_*)على راحتج الكلمات القديمه او اشكال كيفج
مع الموسيقى يلعبون لعبة لكراسي
ستوب وكل واحد قعد ييب الورقه اللي وراه وتورين الاطفال فلان كلمة احمـــر شاطر يحطها باللوحه
فلان ورقته فاضيه فلان كلمة قديمه مطر
وفلان كلمه احمر يحطها يم اللي باللوحه الخ
3)كور ملونه احمر واخضر واصفر طلعي 3 اطفال كل طفل يختار كوره .. ووزعي بالصف اضرف او ملفات (احمر واصفر واخضر)ظرفين فيهم كلمة احمر وظرف كلمه قديمه
كل طفل بالدور ييب الظرف المطابق للونه ويفتحه ويوقفون يم بعض تطلعين طفل رابع يرتبهم يطلع المختلف
4)تحطين شفافيات فيها كلمة احمر واحمر وقطه مثلا وتخلين الطفل يووصل بين المتشابهين
او تحطين قطه وقطه واحمر يحط دائره على المختلفه ويقراها
اممممممممممممممممممممممممممممم في وايد مسابقااات بعد حق العدد والكلمه ترى مو كلهم سوتهم انا زايدتلج ؟
منبه رفيجتي : كانوو لما ييبون الصندووق يطلهون ادوات الرسام مع رسمه وكانت الرسمه علم الكويت ناقصها لون احمر ؟وناقشتهم احس شتتهم وبعدين يابو لون احمر ولونته واهيا بتشيل الصندوق شافت الكلمه !! مادري انتي كيففج بس احس تشتتوو قرقوو وايد
درس بسيط بس يمكن يفيد
مووفقه :hjy5jewf:
