كرهني في المناسبات وشي اسمه يوم ميلاد !!!!!!!!

[يآسمينه]

السلااااام عليكم

ومساااكم الله بالخير

الموضوع مبين من عنوانه

زوووجي طفشني :eh_s(16):

و كرهت فيه تقديسه للمناسبات وخاصه يوم الميلاد

و يتوقع مني اسويله شي سبشل مثل مااهوه يسويلي

والمشكله واااايد قاعد يبالغ و يزيد بأسعار الهدايا

و يتعب عشان يفكر بطريقه تفاجئني حتى لو يستعين بأهلي

طبعاً شي حلو بس يضيق الخلق اكثر لأني احسب حسابي إني لازم اردها له بيوم ميلاده بهالمستوى او اكثر :eh_s(16):

فشيت خلقي مقهوره ميلاده الشهر الجاي و ما عندي غير 500 بصراحه في بالي شغلات ابي آخذها لنفسي

طبعاً مايغلى عليه شي لو عندي زياده

بس انا اشوف من الاولى اني اسنع نفسي واكون زقرت جداامه

مو اقط كل اللي عندي عشان يوم واتم بحالتي بعدين !!

يعني رفيجاتي بميلاد ازواجهم يشترون بوك مثلاً وقلم ماركه

او بعضهم طقم عطور :bbbiu:

ويكون اهوه شاريلها مثلاً شنطة ماركه ( أو ) ذهب

مو ذهب و شنط ماركه و عطووور و تلفون وكاميرا و عبايات !!! :eh_s(1):

بصراااااحه صرت اتضاااايق و وااااايد اشيل هم يوم ميلاده :eh_s(11):

ففكرت استشيركم حبيباتي و ان شاءالله ما بتقصرون معاي بردودكم و آرائكم :eh_s(7):

 

[حجيه هيونه]

اممممم

انا لو مكانج شهريا اشيل لي مبلغ مره 50 مره 70

عشان لو جا عيد ميلاده يكون عندي مبلغ سنع يسوى


ونصيحتي لج

اذكري الله واحمدي ربج ترا الى جذي الحين الحريم يحلمون فيه

الحين الرياييل يسوي نفسه ناسي ههههههههههههههه


ماشاء الله عليه خليه جي لاتخربين هالشغله فيه لا تتحسرين عليها بعدين

 

[نـعـومـه]

انا رايي يوم الميلاد حلو موبقيمه الهديه

بطريقه الترتيب والفناتك

عندج ٥٠٠ عادي شيلي ١٥٠ او ٢٠٠ اشتري فيهم ساعه ماركه ولا بوك ماركه والباجي عزميه على مطعم ويسون حركه يحطون ورد وجذي

راح يستانس موشرط هديه ب ٣٠٠ ولا ٤٠٠

 

[رنيم الروح]

حبيبتي حمديربك وانا اقولك فاجئيه بهديه حلوه بسيطه وحفله صغيره بروحكم وصدقينيني اذا يحبك مايهمه و وش جبتيله اهم شي تذكرتيه

 

[Kensington]

حبيبتي دام زوجك مومقصر معك من هالناحيه لاتقصرين معه
الخميسين دينار ماراح تكفي شي
بس عندي فكره
ضبطي نفسك فيها وسوي اللي تبينه فيها
بس جيبي شريطة حمره عريضه وكبيره
ولفي جسمك فيها
وكتبي بكرت
كلام حلو وانو اهديلك نفسي مالقيت شي اغلي مني

نفس هالصوره بس انتي جيبي شريطه وضبطيها علي كيفك

بس كيكه وعصير وشموع وانتهي الموضوع ماتوقع بيكلفك شي
بس سوي حركه الفه بالشريطه
بعد ماتحن=تفلين معه قولي شوي وراجعه وسوي هالحركه

 

[الحللللوه]

الله يعيين حبووبه

مالك الا المجااامله

 

[الحللللوه]

يااختي شييلي الصووووووووووووره الله يهديكي

 

[sh_mashael]

و الله يستاهل الـ 500دينار كلها و ان جان عندج زود لاتترددين
سويله شي يليق بمقامه
و لاتتحسفين
و هاذا اهو قاعد يجهزج و يجيب لج عطورات و عبايات و اغراض
موفقين =)

 

[ام كوثر2007]

ما عليج يمكن انتو للحين باول سنينكم

باجر لا مر علي زواجج جم سنه يمر عيد ميلادج ويخلص وهو ولا يدري لوول

 

[لمى الهاجري]

لبسي اي قميص نوم عندج وب ساشتري اكسسورات والباقي اشتري له هدية

 

[سمسمة كويتية]

يليت اختيKensington تشيلين الصورة ، انصدمت !!!!!!!!!

صاحبة الموضوع الله يتمم عليج هذا دليل انه ريلج يحبج و يعزج
و صج بدامج عارفه طبعه ابدي وفري كل شهر مبلغ معين عشان لي يه عيد ميلاده ما تتوهقين
والله يوفقكم انشالله

 

[popa]

اهو يختب وايد وانتي اختبي اشويه عادي هديه ب١٠٠ وعزيمه عشه باي فندق كل شخص ١٥
والباجي حطيه بجيبج

 

[أم عزيـز]

بالعكس هالشي المفروض يفرحج يا قلبي

حجزي ليله بفندق وطلبي منهم يزينون الغرفه بورد وبالونات وتكونين مجهزة كيكة حلوه
وهم اشتريله هديه عطر وبوك او قلم المهم انج لا تقصرين منه

ومن الشهر الي وراه ابدي جمعي عيد ميلاده خاصه اذا كان دوم مو مقصر
ويذكرج بالغالي وهذا منعاه من كثر ما يغليج

الله يديم المحبه ويتمم عليكم *

 

[Beyoncee]

الله يخليكم لبعض
ريلج رومانسي زياده دلعيه مثل مااهو مدلعج
اذا ع الهديه شرايج بمسباح وبزمات وقلم وميدالية سياره بالاسم مطلى
واعزميه على مطعم وبالبيت حفل اسبشل بينكم

 

[Kensington]

سوري بنات اذا انزعجتو من الصوره
بس ماقدر اسوي تعديل وشيلها كان قصدي افيد صاحبه الموضوع
اسفه بنات

 

[قمري]

مالج غير المجامله وشيلي بشكل شهري

وعلى فكره موضروري تشتريله بنفس القيمه الي خسرها عليج

مثال انا ريلي بعيدميلادي نفس ريلج يخسر وايد حبيبي عشان يبي يونسني

الامهم بعيدميلاده شريت له ساعه قيمتها ١٨٠ دينار وكيكه وتيشيرت مال فريق اهو يحبه انجليزي ماكانت نازله بالسوق طلبتها من بره حقه وحقي وحق بنتي وفاجاناه انا وبنتي كنا لابسينهم له كلفوني تقريبا ٩٠ دينار يعني المجموع اللي دفعته مايوصل ربع اللي اهو دفعه بس استااااااااااااااانس حده من الفكره والساعه اعجبته والحين كل مايلبسها يقول للناس هدية مرتي بعيد ميلادي ولايدري جم سعرها


اللي بوصله لج سوي فكره يديده وحلوه يستانس منها وبس موشرط المبلغ

 

[fatf00ta]

انا انصحج انج تحجزين غرفه بفندق وتضبظينها بالبالونات
وشموع وتطلبين كيكه نفس ومع هديه ساعه ماركه
والله يوفقكم

 

[a7la_7b]

أقووووووووول حبيبتي حمدي ربج ولاتذكرين هالشي جدام احد لايصكووونج عين تخليه مايذكر اسمج

لوووووووووول

 

[kareeb]

حبيبتي حمدي ربج على اللي عندج
دلعيه مثل ما اهو يدلعج

 

[FUSHIA-GIRL]

شوفي ياقلبى انتى دامج عارفه طبع زوجج المفروض انج تحطين ابالج الهدايا اللى بتشترينها
يعنى جان شريتي له كل شهر شى والحين تنزيلات فرصه تاخذين له شغلات حلوه