كرهني في المناسبات وشي اسمه يوم ميلاد !!!!!!!!

[يآسمينه]

اممممم

انا لو مكانج شهريا اشيل لي مبلغ مره 50 مره 70

عشان لو جا عيد ميلاده يكون عندي مبلغ سنع يسوى


ونصيحتي لج

اذكري الله واحمدي ربج ترا الى جذي الحين الحريم يحلمون فيه

الحين الرياييل يسوي نفسه ناسي ههههههههههههههه


ماشاء الله عليه خليه جي لاتخربين هالشغله فيه لا تتحسرين عليها بعدين

على جذي طار مصروفي

انا مااشتغل

واهوه نظامه ان يشتريلي اللي ابيه لما اطلع معاه

و مصروف جيبي يروح على الصالون والعيادات لليزر و البشره ، ماحب اهمل نفسي من هالناحيه

قبل بفترة الملجه ( كانت سنتين ) لما يجي يوم ميلاده استنجد بأهلي و آخذ منهم التكاليف

وهذي اول سنه بيمر ميلاده واحنا متزوجين فتوهقت

وعلى طاري اللي يسوي روحه ناسي ، هذا بالضبط زوج رفيجتي بتنجن منه هههه مافي حال وسط

تشكرااات حجيه هيونه على ردج ماقصرتي :eh_s(7):

 

[يآسمينه]

انا رايي يوم الميلاد حلو موبقيمه الهديه

بطريقه الترتيب والفناتك

عندج 500 عادي شيلي 150 او 200 اشتري فيهم ساعه ماركه ولا بوك ماركه والباجي عزميه على مطعم ويسون حركه يحطون ورد وجذي

راح يستانس موشرط هديه ب 300 ولا 400

و أنا من رايج

حتى دوم أبينله هالشي بنغزات خخخ

أقوله الهديه مو بقيمتها ولو تجيبلي أي شي بسيط بس من خاطرك و ذاكرني فيه يسوى عندي الدنيا

حتى مره ببرنامج اوبرا كانوا مستضيفين ممثل كوميدي و غني

عاد كانت هديته لزوجته بذكرى زواجهم قميص نوم

جان أقوله شوف حلاة الاجانب وبساطتهم ما يخبون عمرهم هداياهم رمزيه بس معبره :hjy5jewf:

بالنسبه للساعه ، خذيتله قبل ساعه ماركه و غاليه كانت بس مميزه يحبها وللحينه يلبسها

مادري بشوف لو لقيت ساعه بسعر 200 و تكون حلوه

مع ان بتكون مكرره بس ما ببالي شي احس هديته كل شي

مشكوره نعومه على مشاركتج بموضوعي :eh_s(7):

 

[مسؤولة تعيين]

حمدي ربج واشتركي بجمعيه بو 1000 دام مايبخل عليج لا تبخلين علي ترا ربج ماعطاج مثل ماعطاني اسوي واشتري واحجز ويوم عيدميلادي ببساطه اي يقولي حبيبتي ماكان عندي فلوس

 

[ابـيـض واسـود]

نفس رجل اختي , وناسه بس صج لاازم تردينها له

 

[سعوديه شرقاويه]

استغفر الله واتوب اليه مافيه الا عيدين الفطر والاضحي

 

[جوري 2007]

وي الله يعينج والله وهقه مو متوقعين من بوسروال وفانيله هالسوالف ههههههههه

 

[ملح الدنيآ.]

حبيبتي المفروض كنتي حآسبه حسابج على الهديه لو موفره من فلوسج كل شهر احسن واهوه ماقصر معاج فأنتي لاتقصرين وبالعكس شي حلو وهذا دليل انه يموت فيج

عسى الله يخليكم حق بعض ويبعد عنكم العين ​

 

[زوجة عزيز]

عطيه المبلغ احسن من الهديه واهو يشتري له على ذوقه

 

[حبيبه هيثم]

عمه حمدى ربج فى رياييل يسون نفسهم نسوا والا سبحان الله يوم عيد ميلادج يحرم الاحتفال بالمناسبات والله ايبلا وانا اضحك صج يعطى الحلق للى ملوش ودان

 

[ليتني مـآ كبرت]

شوفي ياقبلي حجزي بـ فندق ميسوني

ليلة وحدة

هـ النفدق حيل راقي و ذرب و رومانسي يصلح لمزاج زوجج

و جيبي شغلج شموع وبوكية ورد

وكيكة صعنطوطة تكفي شخصين

ولبسي قميص طويل راقي ومستر..

يعطيج مظهر انوثوني اكثرمن المشخلع

و اشتري له سبحة من محل بالافنيوز شغلهم حلو

و اسعارهم متفاوته عاد انتي و ميزانيتج

واشتري له شي ثاني معاها..

يعني هديتين او ثلاثة بس كلهم جذي خليهم مجكنمين ومايكلفون

سبحة , عطر , قلم , ميدالية , بوك ,

وغلفيهم كلهم نفس الشي خلي ألوان التغليف متناسقة

مع لون البوكية و القميص ..

خلي الجو كله متناغم ..

( أسود و بنفسجي غامج حلوووو )

وحطي بالونات عبي الغرفة ..

يعني أهتمي بـ الجو أكثر من الهدايا عرفتي..

وبس ... !!!

لا تتكلفين بالهدية نفسها .. خلي شغلج كله بالجو اللي انتوا فيه

سويله ليلة مساج إذا ماعمرج سويتيله ..؟؟

و عادي تسلفي من أهلج ومتى ماقدرتي رديهم ..

زوجج يستاهل حرام هو مايقصر معاج

لا تقصرين معاه ..

 

[كويتية بروما]

الله يخليكم لبعض

 

[ليتني مـآ كبرت]

شوفي شلون الجو هادي بالفندق :

 

[صادقة بكلمتي]

حبيبتي لا تكسرين فيه لا باجر يقول هذي مسخسره فيني او نحيسه وبخيله انا حبيبتي ريلي يعطيني مصرفي لني ما اشتغل واخش منه ويدري اني اخ وايبله بيوم ميلاده منهم بس يستانس لو بداخله يدري انه من فلوسه حبيبتي باجر ايونكم يهال ويصير المصرف مهم بعد لهم عيشي الحين ايامج الحلوة ولا تقصرين فيه واللي يطالعج بعين وحده طالعيه بثنتين ولو تتسلفين من امج ولااختج ويبيله قلم ماركة وعلبه عطر يديه وعشا برا وغتره ماركة وروحي حق خياط ذرب خله يدرزلج عليها من الداخل حروف اسمه بشكل حلو صغير انا مرة سويت جذي واستانس كل ما لبسها الحين يدور احرف اسمه ويقول لربعه او بدوامه شوفوا صنعت خصيصا حقي لووووووووووووووووووووووووووووووووووووووووووووووووووول والله يسخركم حق بعض ويسعدكم امين

 

[يآسمينه]

رنيم الروح

ان شاءالله بحاول اسوي شي حلو ومرتب

ثااانكس حبوبه :eh_s(7):


-------------


kensindton

مو 50 دينار حبوبه 500 دينار

وسالفه الشريطه احسها مو حلوه بيوم ميلاده المفروض اهديله شي :bbbiu:

عموماً اشكرج على ردج ومساعدتج حبيبتي :eh_s(7):


------------


الحلوه

شجامل شرقع لو قصرت

اشكر مرورج و ردج

-----------


البارونه

حبيبتي والله مشكوره عالرد التشجيعي :-*

حمستيني :ggdw:

و أكيد يستاهل حبيب قلبي اهوه ما يقصر

بس فكرتي اني ما اجاريه بنفس المستوى :eh_s(10): عشان لا يصير شي ثقيل ع الخاطر بدال لا تكون مناسبه حلوه

يعني انا من نفسي ومتى ما حبيت بهديله ماحب التزم بيوم معين اتضايق ماحب الالتزامات والواجبات

ثااانكس آقين فديتج :eh_s(7):

--------------


أم كوثر

جان زين ينسى عشان انسى معاه :krkrkr:

و أنا إذا بخاطري شي باخذه منه ما بتنطر يوم ميلادي خخخخخ

ثاانكي عالرد الزريف= الظريف :eh_s(7):


----------


لمى الهاجري

بحاول اركز عالأجواء أكثر

أول ميلاد له أهديته هديه غاليه بس ما استانس وااايد و عتب علي إني مارتبت لطلعه

يعني تهمه الأجواء أكثر

ثانكس عالرد لمى :eh_s(7):

---------


سمسمه كويتيه

والله شكله مالي إلا جذي

اشيل مبلغ شهري حق يوم بالسنه :eh_s(4):

جني ماخذتلي قرض :eh_s(11):

مشكوره قلبوو :eh_s(7):

---------


popa

هههههههههه ضحكني ردج

و بصراحه ودي اخلي شي بجيبتي بس ارجع استحي على حالي

يعني هو ما يقصر لا بهدايا ولا الاجواء

بحاول اسويله شي ما يفشل

ثانكيووو حبوبه :eh_s(7):

----------


أم عزيز

والله أفرح أولها وبعدين أتضايق

مابي نتكلف بالهدايا !

و فكرة إني أحجز بفندق ما سويتها قبل وقاعده أفكر فيها

تسلمين حبيبتي :eh_s(7):


------------


Beyoncee

و يخليج حبيبتي و يحفظج لكل عين ترجيج

ما قصرتي مشكوره :*

 

[شادن33]

اولا ماشاء الله تبارك الرحمن والله يهنيكم
ثانيا ياختي ماظنتي ريلج يبي هديه غاليه ليش ان اهو يابلج الغالي
لا عمري يبي دلع. اهتمام زياده
يعني كل ماياب هديه غاليه يتوقع منج تعامل افضل واكثر هاي قصده
والغالي للغالي

 

[رقـة الاحسـآس]

قولي الحمدلله ع النعمه و الله يديمها عليج
مب اذا هداج هديه غاليه معناتها انتي بعد لازم تسوين نفسه !

المعنى بانج تذكرينه بهديه حلوه و ترتبين لهاليوم
وهو الا يوم فالسنه ليش ما حسبتي حسابه تاخذين مبلغ من كل شهر و تخلينه لهاليوم؟

جوفي هو شو فخاطره و هاتيه له هديه
ورتبي المكان او روحو لمطعم تكونين متفقه معاهم يرتبون لج المكان
وانتي بعد اكشخي و خذيلج لبس يديد و رتبي غرفه النوم و قميص نوم يديد عشان يوم ترجعون

والله يسعدكم

 

[wajan]

ما شاء الله عليه اتمنى زوجي لو مثله والله ما افوت شي ابدا انا احب الهدايا والمفاجات الحلوة ودايم اشتري لزوجي وهو يالله بالسنه مرة حمدي ربك واشكريه ولا تستكثري الفلوس تروح وترد اهم شي السعادة الحقيقية وربنا يسعد الكل

 

[انثى عاشقة]

ماشا الله تبارك الرحمن
زوجك نادر بهالزمن احمدي ربك
ومثل ما قالو البنات كل مرة خشي مبلغ عشان تهدينه مثل ما يهديك ..
والله يوفق ما بينكم ويسعدكم ..​

 

[Tantoshah]

أنا قعدت أيمع فلوس 3 شهور ليمن صار عيدميلادة شهر 10 وبعدين شريتلة ساعة من أقنر ب 290 دينار طلبتها من الكتالوج ليمن انزلت بعد شهرين لفيتها شي حلو وعطوني معاها ميدالية هدية وشي ثاني نسيتة والله ودفتر وقلم اجندة نفس الماركة استانس عليها وسوي شعرك بالبيت ويفي اذا عندج وميك اب خفيف واشتري قميص نوم حلو ما يتعدى عشرين 30 وعطورات ولوشن من فكتوريا سيكريت وجيبي كيكة عليها صورتة وحطي شموع بالبيت وجو مارح يتعدى كل هذا 500 دينار وايد زين شنو بتشترين كلها ليلة وحدة وبالسنة مرة تعبي عليها عادي يستاهل اذا جذي طبعة

 

[.]

ماشاءلله الله يهنيج ..

يبيله شي فنتق مو شرط غالي (شي له شغل باهتمامته مثل كرة قدم يبي كيه عفريقه مفضل +لبس فريقه مفضل ساعات يكون في طقم مثل كوب و كوشيه و فوطة على انديه مره حصلتهم برد تاغ نزلت عنهم هني ببلوقي عجبت الشباب )
http://trendygirl87.blogspot.com/2009/11/blog-post_13.html

ركزي عديكور مدام تعجبه الاجواء يعني ترسي غرفه تفافيخ لونهم يون لونه مفضل او الوان فريقه مفضل اذا كان من عشاق كره ..

او يبيله عطر (الحين تنزيلات بدبنهامز)مع جم تيشرت او بلوفر وجينز ..

او عطر وخامة دشداشه ومسباح ع اسمه و عجبتني فكرة شماغ مطرز باسمه ..

هم في جلسة مساج وفي فنادق تسوي عرض ليله مع سبا لج وله منه تكافئين نفسج بعد خخخ..