كارهه خطيبي وصلت حدي مو قادره اتحمل

[amami al-kuwai]

صلي ااستخاره اذا فيها خيره هالزيجه بتحبينه واذا مافيها خيرلج بتفل بسهوله

 

[m&m~]

انا بعد نفس الحاله تقريبا كنت ابكي دايما اهو يحبني ويبيني بس انا ما حبيته ملج علي وصار يرسلي مسجات وانا اتضايق منه بعد فتره انقطع صار مايرسلي فقدته صرت اتمنى يرجع مثل الاول اصبري عليه شوي عطيه فرصه واستخيري والله يكتب الي فيه خير

 

[....وبس]

الله يفررررج لج حبيبتي

كثري من قراءة سورة البقره وما تدرين يمكن خيرتج بالانفصال

سبحان الله محد يدري

والله يوفقج مع الصالح ويرزق كل بنات المسلمين بالمرفوع ذكره بالسماء والارض

(؛

 

[عاشقة الوطن]

السلام عليكم
نصيحه من اخت حق اختها انا مادري شنو تفاصيل عدم الارتياح وعدم الاتفاق بينكم بس انا اشوف انج اتصارحينه افضل وبطريقه لبقه واذا حسيتي ماكو فايده استخيري لان معروف اول لسنين ماكو تفاهم وفترة الواحد والوحده يعرفون ويتعودون على اطباع بعض اما اذا كلش مو قادره نهائيا تتاقلمين معاه بعد لا حول ولا قوة الا بالله حاولي تقنعين اهلج والله يعوضج خير

وبالنسبه حق الاخت( بنت المملكه) اذا مو غلطانه بالنك انا احب اقولج توج العمر جدامج ان شاء الله ربي يرزقج بالزوج الصالح اللي يسعدج ويهنيج وان شاء الله نصيبج بييج سواء الحين ولا بعد 10 سنين والله اعرف حريم بنص الاربيعينات تزوجو بس المساله نصيب والله يوفق الجميع

 

[رنيم الروح]

حبيبتي استخيري ولا تستعجلين قال تعالى(وعسى تكرهوا شيئاًوهو خيراًلكم)

 

[ميمي الكويتيه]

بنات شفيكم تقولون لها تحملي و صلحي ، ترا اهيا مالجه ماتزوجت و اذا اهيا من الحين تحس مو مرتاحتله ماكو فايده حتى لو حاولت تتعرف عليه اكثر ماراح يفيد ، اهم خطوة بالزواج المودة و القبول و هذا يكون احساس داخلي ينزل علينا من الله سبحان اللله و يسهل كل شي بعده التعارف و القرب و هالسوالف ...

لاتعيشين مع انسان مو مرتاحتله ولاتقولين يمكن يتغير الوضع هذا زواج ماتنفع فيه كلمه يمكن و اذا الله كتب و يبتي عيال شنو ذنبهم يعيشون في بيئه مضطربة مافيها مودة و رحمة لهم .

استخيري و قعدي مع اهلج كل شي نغصب نفسنا فيه الا الزواج والله يوفقج حبيبتي و يكتبلج الخير

 

[Angel-Lady]

عرفي صلاة الاستخارة عدل و صلي بالاول

لان صلاة الاستخارة مو عن احلام او مرتاحه و لا لا

اهي يتكون مثل الله سبحانه ايسر لج الموضوع و يسهله او ان يبعدج عن الموضوع و ما يتم

فاقري عن صلاة الاستخاره و فهميها و صلي بالاول

اذا ليلحين خطبه فماكو خوف بس جنه من كلامج ان مالج عليج فانا مو متاكده

الله يوفقج بالقرار الي يتاخذينه

 

[مريومه النزغه]

احس انج نفس حالتي قبل جذي لمن لاعت جبدي منه ونفسيتي ماتقبلته انا اقول استخيري وصلي ربج وادعيه لان يمكن تتحسفين يعدين

 

[أعشقني]

جزاكم الله خير بنات

طيب مريومه شصار معاه ؟

 

[أعشقني]

بنات امس طلعت وياه بس لايعه جبدي طول الوقت يابنات يوم ررجعت البيت قعدت ابجي من كل قلبي حتى ريحة عطره لازقه فيني رحت تسبحت مابي شي يذكرني فيه
تحسون هالشي طبيعي يمكن اتعود عليه بعدين ولاشنو

انا حيل تعبانه وربييييييييييي

 

[ميس المشاعر]

عشوووقه
حصني نفسج اذااا ريحته ما تبين تشمينهااا ليه هالدرجة شكلج حايشتج عين
اقري المعوذاات وآية الكرسي وأواخر سورة البقرة قبل لاتنامين كل يوم ومسحي على جسمج
والله يوفقج

 

[أعشقني]

انا شكيت انها عين وببدأ اقرأ ان شاءاالله على نفسي وبروح عند احد يقرا علي

مشكوووووره

 

[ماني من الناس]

مع انج ماجاوبتي عسؤالي من قبل انه هل شفتيه شوفه شرعيه وتكلم معاج وتفاهمتوا ووافقتي؟؟


الريال مسكين مو ذنبه يجمع فلوس شقاه وتعبه ويصرفهم عالعرس والتجهيزات


واخر شي تقولين مارتحت له مو المفروض قبل لا توافقين تاكدين من نفسج لان محد يجبر احد


حطي نفسج مكانه شنو ذنبه اهو

تخيلي تزوجتي واحد وافق عليج بعدين قال والله مارتحت لج بطلقج ماراح يحز بخاطرج طول العمر


انتي وافقتي تحملي مسووليه الموافقه وماشوف الريال فيه عيب كبير ومافيه خد كامل

مايعجب شكله خل يغير من لبسه ويكشخ ويعدل شعره

ماعجبتج شخصيته بيتعدل مع الوقت وكلميه وانتي هم اكيد مو عاجبته بكل شي


ابدي بالهداوه وشوفي شسالفه

 

[أعشقني]

ياقلبي انتي اقولج ماني قادره اتحمله انا بعد مالي ذنب
وبخصوص الشوفه كلها دقايق ماتبين شخصيته فيها ابدا
انا استخرت بس و وافقت عليه بس مادري ليش صار فيني جذي
مشكوره على الرد

 

[semaasem]

شوفي هو اهم شي القبول وانا حاسة فيج بس بقولج شغلة مادري عن البنات بس انا شخصيا يتني هالافكار قبل الزواج ايام الخطبة ولدرجة اني مرات بس اشوف عيوبه واقول انا من صجي باخذه وافكار تودي واتييب ومادري شلون كلنا تيينا هالمخاوف والشعور هذا جنه ويع وجنه مادري شلون بس كنت اصلي واستخير ومفوضة امري لله والحمدالله تزوجنا وعيلنا ومشت الامور يعني اللي اقصده اذا ماكنتي متأكدة من شعورج ورفضج موعشان اهلج بس قالوا زين وتفشلينا توافقين وانتي موبالعته لا مايصير ترفضينه من البداية ولا ترجعين لهم مطلقة ويمكن معاج عيال لا سمح الله انا اقول استخيري وعادي كلنا مرينا بالشعور هذا ادعي ربج وعلى فكرة ترى انتي اللي بتتزوجينه مو اهلج

 

[nano]

حبيبتي اقري على نفسك قبل جد اتكلم لان عيوب رجلك اللي تشوفينها جدا طبيعيه بالنسبه لعيوب اكبر من كذا هو عالراحه بس ماتدرين الخيره وينها فيه عالعموم لايضيق صدرك ابد انتي اقريب البقره يوميا على نفسك وارقي نفسك حبيبتي جد ماتدرين يمكن انها عين العين حق لو باتفه الامور وغير كذا صدق اني مو متزوجه وماعندي خبره بس دايم امي تقولي طبيعة الرجال ومخه لو كان فاهم غير مره عن المره المره دوم حساسه وتحس وتعرف شلون تداري رجلها الرجال لاعودتيه بيصير لك زي ماتبين هذا كلام امي لي

 

[أعشقني]

semaasem

انا محتاره وايد
لان وايد بنات قالو لي ماحبيته قبل الزواج اقول اوكي ماحبيته بس على الاقل ابي اتقبله او اقدر اجامله لاني مو بالعته كلش وقاعده اجبر نفسي وتعبت من هالحاله
وبنفس الوقت اخاف حوبته ماتتعداني لو تركته لانه صج ماله ذنب
انا بعد مالي ذنب

 

[أعشقني]

nano

انا دايم اسمع سورة البقره الحمدلله
اذا صرت قاعده ع النت اشغلها
مشكوره حبيبتي الله يرزقج الزوج الصالح
دعواتج

 

[فديت سالم]

فكري بكره تكفين فكري عدل
الام والابوو بعيد الشر مايدومون الله يحفظهم لج والاخوان اخوان حريمهم والخوات بيروحون بنصيبهم ماتدرين عن بكره فكري تكفين والله قلبي عليج
والمرا مو كل يوم لها ريل ،، وعيالج ان شاءالله اهما اللي بيدومون لج وبيشيلونج

 

[over love]

ارقي نفسج عدل رقيه شامله يوميا نصيحه أو روحي للشيخ أحمد السقاف بالنزهه اقرى عنه بالنت يمدحونه سبحان الله ماتدرين يمكن فيج شي موشرط عين !

لاتقررين قبل الرقيه ارجوج بس هم لاتتزوجين لين تتأكدين أن مافيج شي وان انتي صج مومتقبلته

الله يوفقج للخير والصالح وينور بصيرتج ويكتب لج الخير يارب