كارهه خطيبي وصلت حدي مو قادره اتحمل

[رواضي قطر]

حبيتي صلي استخااااره وخلااااص لا تعبين نفسك انفصلي ااذا مو طايقته
انتي نفس سالفتي بالضبط وانا مااستحملت انفصلت والكل كان ضدي

 

[فراولة شريرة]

خذيها من النهاية ... ماتبينه خلاص
ما عليج من احد .. بتعيشين معاه حياتج كلها
وحلاته القبول من الطرفين
صلي استخارة بعد احسن
وبالتوفيق

 

[رقـة الاحسـآس]

ياختي تراني كبيره ماباقي شي ودخل 30

الحمد الله موناقصني شي جميله وبشهدات الكل بس النصيب ومايسوي والحمد الله على كل حال

ورح الكثير وماباقي غير القليل راحت اجمل مرحله من عمري وبديت اخاف من العنوسه

النعم بين ايدينها وهي ترفسها برجولها

ما في شي اسمه عنوسه حبيبتي
العانس اللي تحط ايدها ع خدها و تجتل عمرها

عيشي حياتج
تعلمي تثقفي خلي لج دور فالحياه مهما كان بسيط
و اذا ربي كاتب تتزوجين بتتزوجين و اذا لا تراها خيره لج

 

[رقـة الاحسـآس]

صاحبه الموضوع

ماعرف شقولج ماريد اشجعج عالانفصال
بس دامج مب قادره تتقبلينه شو بتسوين بعد
بس تفاهمي معاه و كل شي بهدوء و لا تغلطين فيه
و اذا بتردين شي بيكون المهر و طبعا كامل فقط لا غير ما يخصج فالحفله و غيره

 

[{ ليت ظني كآن صآيب }]

حبيبتي تعوذي من الشيطان

أنا زوجي شخصيته غييييييير غير عني

اهتماماته اكله تصرفاته أفكاره كل شي غييير مافي توآفق بينا كلش

بس الحمد لله عايشين و مرتاحين !

مؤ مقياس صدقيني يمكن مع الوقت ترتاحين وياه

فكري عدل لان القرار اللي انتي تبينه مؤ سهل صدقيني

 

[دمي خفيف]

اذا مو مرتاحلته نصيحه فلي الخطبه دامكم ع البر .. ترا لاعيب ولا حرام والا ليش سموها فترة خطوبه وتعارف عشان تتعرفون وتكتشفون بعض.. انا مو عارفه ليش اهلج ليلحين متمسكين انتي اللي بتتزوجين مو اهما!!!

واذا ع المهر اتوقع تردين نصه .. مو مهم هذا المهم حياتج انتي وراحتج والله يعوضج بالنصيب الصالح يارب

 

[>>مرووم<<]

حبيبتي انا بعطيج نصيحة عن واقعي انا
خلي كلام البنات كله على صوب والي يقولونلج يمكن يتعدل يمكن يتغير
يمكن تحبينه باجر
وهم الي تقولج قوليله يغير تصرفاته ويتعدل

حبيبتي ، الي انتي مريتي فيه ، طبق الاصل عن الي انا مريت فيه
والله العظيم شفتي لمه قلتي حتى عطره لمه يلزق فيني تلوع جبدي
والله ثم والله ، انا من ادش السياره واحس اني شميت ريحته ، تصك فيني الدنيا
اكرهه اكرهه مابلعه كلش
ومو بدون سبب عشان نقول عين !! ومابيج تقولين عين! لانج كرهتيه لاسباب اهوه له دخل فيها!
طليقي، كان ثور ... مو مصدق ان شايف بنت ، كان لزقه ينرفز ويلمني بالمطعم جدام الناس
ومايقعد جدامي كله يمي ويقط حمله علي ليدرجة ان والله ماقدر اتنفس وعضلات ظهري تشد علي من كثر ماحاول ارفع نفسي
الوضع مو على رومانسية لاااا ، كان على دفاشه ويسببلي احراج!! يعني مره حاول يلمني وسحب شعري من ورا ونزل الاكستنشن !!
كرررررررررهتته كرررررررره مو طبيعي وتنرفزت حيل !!!!
تخيلوا بالسيارة ،، لمه تشب الاشاره خضرا احنا اخر من يمشي ليش ؟؟؟ يطالع فيني !! يخز كل ملامحي !!!
مايبقى هرن مايطق ورانا !!!
والناس يمشون يمنا ويسبونه !! وانا ويهي بالارض من الفشيله !!

مو مره ولا مرتين !!! لااااااااااا ... بكل مره نطلع لازم احنا اخر من يمشي !!!

تصرفات ياهل ولزقه وماقمت ابلعه وصار كل طلعه لنا عباره عن كابوس وجحيم لييييييييي .... الي حتى ريحة عطره كرهتها وكل ماشمها، اطلع عطري وارش بدالها :\

نصحوني الناس مثل مانصحوج اختي ..
اول شي قالولي صاريحه ، صارحته وقلتله ترى تصرفاتك هاذي اذيه بالنسبة لي ... وفعلا تعدل وماقام يسويها وارتحت!!
وعلى اساس هالراحه ، انا كملت وقلت خلاص مراح اكنسل فكرة الزواج ، وكملت!!
واهني كانننننننننننت المصيييييييييييييبه
سالينيييييي ليش !!!!!!!!!

لان ياعمري ياحبيبتي لمه تتزوجينه ،،، غصبن عليج بتصير بينكم علاقه جنسية!!
والللللللللللله ثم واللللللللللللللللله ماقدر اوصفلج احساسي لمه قرب صوبي يبي يبوس !!
جنه احد حاطلي دود بصحن ويقولي اكليه غصبن عنج !!!!
اضطريت اني اجامل ، وانا العبره خانقتني ،، وبعد ماخلصنا رحت الحمام ابجييييييي
الدنيا صارت سوده بعيني
لمه حطيت راسي على المخده حسيت اني دخلت نفسي في مصيبه مراح اطلع منها
حسيت اني حكمت على نفسي بالمؤبد !!!
حاشني احباط وويهي انترس حبوب !!! وبكل مره ينادي حق الفراش ، اتمنى اني اموت وعساني ماعشت!!
قمت امثل ان الدورة تيني عشر ايام .. وبعدها مثلت ان معاي التهاب والدكتور مانعني من العلاقة الجنسية وتميت شهر على جذي ..
لكن الاخ ظل يسوي اشياء سطحيه .. حاولت اغصب روحي مرة .. مرتين
اخر شي انفجرت بويهه ابجي !!!!!!!!! وسالني اشفيج جان اقول بالحرف الواحد " انا اكرهك ، مابيك، طلقني " !!!
حاول يعرف السبب وسالني ليش ماليش
ركضت وانا منهاره اعصابي وركبت سيارتي ورديت البيت !! وطلبت الطلاق مع ان الكل حاول يقنعني
الكل ماكان راضي
الكل يقولي اشذنبه وطبعا اكيد الملامه صارت علي انا !!!!!!!

ولمه استلمت ورقه الطلاق اذكر،،، كانت اسعد لحظة بحياتي
اسعد خبر سمعته ... نفسيتي تغيرت ، انا صرت وحده ثانية، فجاه حبيت الحياة ...
كان هم على قلبي وانزاح للابد ، احط راسي على المخده ومو شايله لا حزن لا ياس لا احباط ...

والحين الحمدلله انا تزوجت وحياتي الزوجية على احسن مايرام


فاللي ابي اقوله لج /
لا تستمرين ،، لا تحاولين تجذبين على روحج وتقولين ببلعه ، اذا مابلعتيه الحين مراح تبلعينه
وحطي ببالج زين ان الامر بينكم راح يدش بالعميق ، مراح يكون خطيبج وانتهى الموضوع لااااااااا بيكون زوجج
فاهمه يعني شنو زوججج!! يعني هالبني ادم الي تكرهينه بيكون معاج يمج !!! تصبحين وتمسين على ويهه !!!!
واذا بغى يمارس ، مالج اي مفر منه نهائيا !!!!!!!!
مراح تتحملين !! وراح تنهار اعصابج!!! والله يا اختي اني ماكنت انام الا بعد بجي!! لازم ابجي وانام !!!
صدقيني ماتبين تجربين هاللوعه وماتبين تعيشين بهالكابوس ... لا تستمرين وفركشي الموضوع


اما البنات الي يقولون شذنبه ... ياقلبي انتو ، مو ذنبه ولا ذنبها
ذنب عادتنا وتقاليدنا الي ماتسمح للمخطوبين انهم يعرفون شخصية بعض عدل قبل الزواج!!
واخر شي تتفاجئين انج متدبسه بالانسان الغلط !!!!
وياكثر الي يدرون ان زواجهم غلطه وبالعين الموس ...

:eh_s(16): الحمد الله الله عوضك


انا معاها :eh_s(15):
استخيري وتوكلي على الله

 

[عطرالكلام]

خيتو اذا ماتبين خطيبج عطني ايه انا ابي بالحلال

عيب والله عيب
اشهالكلام
بدل ما تنصحينها بالخير تبين تخربين بيتها
اعوذ بالله من شرج
:rgewrg:

 

[د. فاطمة]

الله يكتب لج كل خير

 

[أعشقني]

والله بنات اشكركم وايييد ومن كل قلبي على ردودكم وكل وحده فيكم رت على راسي هي ورايها

انا كتبت الموضوع وفضفضه وابي بعد اخذ برايكم

انا مابي اتخذ قرار اندم عليه بعدين ولا ابي اقعد واظلم نفسي واظلمه

عشان جذي من باجر ان شاءاالله بروح عند شيخ يقرأ علي

وبعدها بتخذ قراري

*E.B.D.A.3* انا معاج بكل كلمه قلتيها ومشكوووووره وايد حسيت ان انتي تتكلمين عني

 

[أعشقني]

Asoom.w
نور الكوثر
فراولة شريرة
رواضي قطر
رقـة الاحسـآس
{ ليت ظني كآن صآيب }
دمي خفيف
>>مرووم<<
عطرالكلام
د. فاطمة

الله يوفقكم حبيباتي ويكتب لكم خير الدنيا والاخره
شكرااااااااااااااااااا

 

[um asomy]

الله يختار لك الي فيه الخير,,وتذكر قوله تعالى( {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

 

[@ DLOO3TAH@]

الله يعينج

 

[Patcholli]

امساك بمعروف او تسريح باحسان ..

 

[Mjnont '3lay]

الله يقدم لج اللي فيه الخير

 

[Om_Ksha]

الله يعينج ياارب و عارفه شعورج والله انتي استخيري و اقري سوره البقره و يس ولا تتسرعين
انتي تقولين خطيبي بس اهو ملج عليج ولا بعد ؟ يعني زوجج الحين ؟؟
والمهر ينرد كله اذا مادش عليج .. و نصه اذا دش عليج
الله يكتببلج اللي فيه الخيير